Mizorama zaipawl hriat hlawh berte zinga mi TBZ Choir chuan Thawhlehni zan khan music video thar an tichhuak a, an hla hi famta Mafaa Hauhnar lehlin a ni.
TBZ Choir hla thar hi 'Duhawm, dam diaiin' tih a ni a, Mizo writer ropui Mafa-a'n a boral hma lawka a lehlin kha a ni. A music video hi Thawhlehni zan khan tlangzarh niin, YouTube lamah en theih a ni.
Music video tlangzarhtu Upa C.Ngurthantluanga chuan, "Mafaa hian he hla hi a letling a ni satliah lo, a let ṭhain a ngaihnawm em em a ni," a ti a, a sap hla ai pawhin ngaihnawm a ti zawk tih a sawi. He hla hi gospel group lar Collingsworth Family hla, 'Ever gentle, ever sweet' tih aṭanga lehlin niin, Pathian hmangaihna nem leh duhawm chanchin sawina a ni.
Duhawm, Damdiaiin tih hla hi Pu Mafaa Hauhnar (L) lehlin niin TBZ choir (2018-2020) ten an Music Video Hmasa ber a ni a, Ni 26th February, 2019 Zan khan Upa Zothanmawia'n a duh apiang ngaihthlak theih turin a tlangzarh a, Pathian hnenah hlanna a nei nghal a ni - TBZ Choir
He hla hi Pu Mafaa Hauhnar damlaia recording tih niin Music Video siam a nih mek lai, kan la zawh hma siin min kalsan a, Amah pawn a ngaihthlak chak tawh thu sawi mah se, angaihthla hman ta lo a ni.
Ngaithlatuten Malsawmna inchan theuh theihnan duhsakna kan hlan a che u.
Post a Comment