RAM CHHAN KAWNGZAWH - Mizo Zirlai Pawl - TIMES OF MIZORAM

Breaking

Home Top Ad

Post Top Ad

RAM CHHAN KAWNGZAWH - Mizo Zirlai Pawl

Mizo Zirlai Pawl (MZP) General Hqrs. chuan Vawiin khan Aizawl-ah Ram chhan Kawngzawh neiin MZP President, L. Ramdinliana Renthlei chuan sawrkar hrawn tawh ten zirlaite hmalakna an bawhzui ngam lo thin leh zirlaite thlavang an hauh ngam lo thin chuan zirlaite rilru a ti na hle tih a sawi.

Vanapa Hall kawta intawhkhawmnaah MZP President L.Ramdinliana chuan tunhnaia Vairengte daia Assam Forest hoin In an rawn sak an luahluh nghal thu sawiin, Rulling MLA emaw, Oppossion MLA emaw te Vairengte thlavang hauh tur leh Mizo mipui chhan tura ke an la pen ngam lo chu mak an tih thu leh ram hruaitu MLA ten ramri an vei loh zia a langchiang hle nia an ngaih thu a sawi a. 

Vairengte dai-a Sipai Cinema Hall hlui hmuna Assam Forest Department te chhuah tir tura an phut chungchangah Home Minister atangin chhanna an hmuh thu leh Assam lam nen sawiho mek a nih thu an dawn thu pawh a sawi a. Mizoram Chief Minister hmasa ber, Pu Ch. Chhunga(L) leilet zawl-a Zofate Chawlhbuk sa tura an ngenna chu Home Minister anga chhanna an hmuh ah tun dinhmunah chuan State Sawrkar ang chuan a rem rih lo ah an ngai tih a sawi a ni.

MZP President chuan Sawrkar chuan a ram mipuite duh dan hian hma la se chuan Kawngzawh leh thin chu a ngai lo tur a ni, a ti a. Assam state chu an Sawrkar a huaisen a, an Sawrkar auh eih chawp an ngai ve lo a, an Sawrkarin a vei a. Assam Sawrkar ang hian Mizoram Sawrkar hian vei ve se, huaisen ve se zirlaiten kawng an zawh a ngai bik lo ang, a ti bawk.

Vawiin-a Zirlaite kawng zawhah resolution 5 an pass a. Heng zingah hian ‘Mizoram leh Assam ramri Assam state in a chuhpui thin chu chinfel a nih theih nan Mizoram Sawrkar in chak takin hma la rawh se’ tih te, “Mizoram Sawrkar Council of Minister Meeting in Bengal Eastern Fontier Regulation 1873 hmanga 1875 notification a chhuah, Mizoram leh Assam ramri atan a pawm chu a taka a hlawhtlin theih nan Mizoram Sawrkar in chak takin hma la sela, Inner Line Reserve Forest Area Sq.ml 509 Assam Forest Department in a enkawl mek chu Mizoram Forest Department in a enkawl letleh theih nan Mizoram Sawrkar in hma la rawh se,’ tih te.  

‘Mizoram Map hman lai chu Map diklo a ni a, 1875 ramri anga Map dik tak hman a nih theih nan Mizoram Sawrkar in Official in Mizoram a hman turin a rang lamin siam tha rawh se,’ tih te, ‘Mizoram Sawrkar in a ramchhung, a bikin Inner Line Reserved Forest Area 509 Sq. Miles chhunga dan lo anga in bengbel te leh Assam Forest Department lakah hian Schedule Cast and Schedule Tribe Prevention of Attrocities Act hnuaiah dan angin hma la rawh se’ tih leh ‘Mizoram chin chan belh zel loh nan leh pi leh pu te luahchin ram Mizoram chin humhalh a, neih let leh ngei theih nan Mizo zirlai ten hma an la chhunzawm zel dawn a ni,’ tih te a tel a ni. ~AIR

Post Bottom Ad