Tunhnaia MPSC buatsaih RUSA hnuaia Assistant Professor - a in ziak tling, Tv. Lalliantluanga Ralte S/o Rozama (L), Serhmun chanchin tlangpui
A pian leh murna:
Mizo tlangval tlawmngai hmingthang leh huaisen Taitesena khua Serhmun aá¹angin khawvel eng a rawn hmu ve a. Khawsak thu hlaah mi vantlang pawh pawl pha lo, zirna Sikul á¹ha phei chu a rim a ra pawh an hre phak lo. Thingtlang naupang tih takah sephung leh perhpawng laihte, Sairawkherh, Thangchep leh tawlailir khalh te chu an nitin in awm tleina a ni a. Zirna lamah English medium tih te chu a hming hre mahse an tan chuan vana rah ang chauh a ni a. Tichuan, Mizo Sikul pangngaiah Pawlkhat aá¹anga pawl sarih thleng chu an khua Serhmunah a zo ve mai a.
High Sikul bul a á¹anna erawh Pawl 8 bik hi West Phailengah a zo va. Pawl 9-12 erawh Gov KMHSS-ah a zo thung. A mah hi ruangam lamah pa hleitling tak tia sawi tur ni lo mah sela, a taksa a rilruin a á¹han san kan tih ang chi a ni reuh va. Ṭhian kawm thiam, leadership nei á¹ha leh mi rilru zau, Taitesena khua aá¹anga rawn mur chhuak tih takah, tlawmngaihna kawngah pawh mi viak á¹ha leh zam á¹ha a nihna te avangin College a kal aá¹angin SU lamah pawh thawm nei lian pawl ni chho ve zelin, dinhmun pawimawh tak tak a lo chelh kual nasa tawh hle a. Chungte chu i han thlir thuak thuak teh ang.
Zirlai hruatu hna:
- College- SU General Secretary leh Debating Secretary
- University- SU Treasurer leh Finance Secretary
- Research Scholar Association- General Secretary te. Tunah President hna a chelhi mek bawk.
Kum 2016-2017 khan University Rorel khawl sangber dawttu Academic Council member niin, MSU - Executive Committee member Gen.Headquarters term hnihna hmag mek bawk a ni.
Khawtlang lamah:
Khawtlang leh Kohhran lamah a theih ang tawka in hmang á¹hin mi, zuk leh hmuam pawh ti ngai lo, tlangval in vawng fel leh nun uluk, Pathian á¹ih mi a ni a. Serhmun Welfare Aizawl dintu te zinga mi leh President hna chelh mek tu a ni bawk.
Achievement leh Experienced:
Guest Lecturer , Mizoram University -ah Education deptt-ah thla thum a thawk a, mahse a tum ram ber a la thlen loh avang leh a zirna lama insawrbing a duh avangin a ban san leh ren rawn a.
Tunah hian College a kal tirh aá¹anga a chhuahna Govt. T. Romana College -ah experience atan tiin a remchan dan ang angin teacher angin a thawk ve á¹hin.
Hetiang hi zirna lama a lo dai tawh ram te chu an ni bawk. 2012-2014 batch -ah, M.A. (Education) Goldmealist. Kum 2013 khan Mizoram University - ah Student Of the year atan thlan a lo ni tawh bawk a ni.
Kahpah deuha hna a lo chelh á¹henkhatte:
TATA trust Mumbai - Mizoram (CLix) hnuaiah Research investigator - 3 months.
Rajiv Gandhi National Fellowship ( JRF) AWARD - 2015-2016 BATCH (Hei hi research scholar te fellowship UGC hnuai ani) SRF ni mek. ( JRF-25000 plus 10% HRA per month, SRF - 28000 per month + 10% HRA) Research a tihnaah hian a mahin a in chawm a ni.
A Mizia:
Lehkha zirna kawnga thil man zung zung, a hriat erawh hre rei thei lem lo, chumi a nih avanga, hrat laka zir peih, ziak tam leh chhiar tam, ka tum nge ruh sa ruh ti tlat chi, khawthlang pa tih takah pa fiamthu duh tak, a hmel en mai aia belhchiana nelawm, tak run rei thei lo, Music ngaina leh tui chilh mi a ni a, a u Famkima Ralte pawh zoram khawvel hriata zaithiam a ni nghe nghe a ni. Tin, ram veina rilru pu mi a ni bawk.
A CHANCHIN HLIMAWM LAM:
Ṭum khat chu Govt.KMHSS chub Higher games atan an inbuatsaih a, an zirtirtu ten intlansiaka tel tur chu mahni inpe mai turin thuchhuah an siam a. A ni lah pek chu hming pe hmasa saah a á¹ang a, an zirtirtu te pawh an lawm kher mai. Mahse, Pheikhawk bun mai tur a lo keng hauh lo mai chu niin, an principal JH Biakmawia pheikhawk chu a hawh saka, a hmelah khawngaih thla a la deuh nge ni, an Principal chuan pheikhawk chu a pe hlen ta mai a nih chu😆
Sports á¹an a ni a, mahni hming pe ngam ngat kha a ni bawk a, an zirtirtu te mit fukna a ni lo thei lo. An han intlansiak ta ngei a, sikul aiawh meuh a tlan ve ta chu, beiseina sang tak nena an thlir rawn ngei mai chuan mi zawng zawng hnung a dawl ta a nih chu; pa tlawmngai tih takah..🤣
Aizawl a college lian ve tak (Govt T Romana College)ah a kal a, zirlai hruaituah an lo thlang ve a, SU Gen. Secretary leh debating ah a á¹ang a, Hockey ah captain hna a thawk ve a, a team te champion puina beiseina sang tak nena thlir a nih laiin a tlakpui hmasa ber bawk. Sports lam kher kher hi chu a chem kalna lam a ni lo ve chiang khawp.
Beidawng duh lo ta nafam chu, zirna lamah a insawrbing chho ta a, an batch ah hian pahnihna (2nd Rank Education Honours) ah a inhlangkai chho mai a. Tin, BA morning ah kal chungin B.sc Geology hi day ah PUC ah a zir a, thla 5 vel zenzawn a kal kawp hnuin, Arts lamah a kal ta a. A rualin BA leh B.Sc ah hian scholarship a hmu kawp nghe nghe a ni. B.sc lam zawk hi Scho board ah han kalin a han in withdraw nghe nghe. Ama sawi dan takah "dil kawp theih loh tih thu an sawi si lova, ka hmu ve vea...lak kawp theih loh an ti leh sia ho ve khawp mai," a ti nghe nghe.
University lam:
Zirlai hruaituah an thlang chhunzawm leh mai a.
M.phil.
Vanneihthlak tak maiin M.A a zawhin M.Phil zir turin a tling ve hlauh mai a, a latu pa professor hnenah admission fee tur Rs 6000 pûk a'n dil nghal pek a. An professor lah chuan a puk tir ve mai bawk a! Installment in a la rul zui! "Rs.1000 chu min ngaidam a ti."
Tv Lalliantluanga hi kum 2014 khan Mizoram University aá¹angin M.A. Education-ah Gold medalist niin, NET JRF niin, M.Phil a zo tawh bawk a. Tunah hian Phd a zo fel ve leh á¹ep tawh bawk a ni. Zirna kawng bumboh tak a zawh chhung hian a chhungte hnen aá¹angin a hranpaa sum leh pai beisei tur a neih loh avangin Aizawl khawpuiah ban khur lai leh inhlawhna awm ang angah inhlawhin a zirna senso tur pawh a mahin a intum chawp a, hrehawm leh harsatna tam tak ten kal kahlen bik lo va, chung harsatna te chu a mah chawikangtu hmanruaah chantirin tun dinhmun hi a lo chuangkai ve ta a ni.
~Ziaktu: ZR Lalthlanmawia