Vawiin ka lenna lamah ka thiannu pakhatin, Lalpa-Hriat (min hre hnaivai tute min koh dan ania), i farnu saruaka chat thla lai thla lak saka, diriam taka tawng hnehsawh khum a, social media a thehdarhtu hi eng nge i ngaih dan, thianpa i va ngawi thei ve, min lo ti phiar phiar mai a. A thusawi awmzia ka hriat loh thu ka hrilh chuan, a handset a dah chu min entir a. Ka en thuak a, va tih chi loh ve aw, ti ngawtin ka chhang a. In a ka haw hnuah ka en leh a, ngaihdan mumal tak ka nei ta a.



Kha nula kha biakin a inkhawm tur emaw a nu leh pate tirh chhuah avanga chhuak vak, kha lai ram hnuai titih a khatia rui lutuk a lo chahthla chu ani lo ang tih chu a rin theih mai a. Engpawh nise Mizo mipa an ni emaw Hnam dang mipa an ni emaw kan nula te'n mipa ho nen invah chhuahin engti zawng pawha mualpho pui in pawi tilo te anih ngawt loh chuan mahni incontrol hun, duh tawk hun , LINE DRAW hun in hre ngei ngei tur ani. Engpawh chu nise, ni chu ni a lo ni zo tawh a, kha nula kha duhaiin a rui ve deuh ah ngai ila, a che ho ve lulai lutuk deuh ah ngai ta phawt ila ( kha video ah kha chuan han fak chiamna tur chu a awmlo)

He post ah hi chuan MIPA LAM CHAN, he video la tu, thehdarhtu hi han thruat hlek ka duh ve tlat .

Engvang pawhin kha nula kha lo chat thlain, saruak ti tih pawhin khatiang ang hmun, finrial leh kawng mumal lo ah lo let hmeichhia ( Mizo ni kher lo pawh) dinhmun chhe tak i hmuh a, i motor headlight full a on meuhva i va belchiang a nih chuan, ngati nge hmusit lova i FARNU chu i lainat phawt loh. A hmasain tuam hlawm i tum loh reng reng. A mar te i en dik sak loh. Chutah a nanga lah chu ZU RUI fet, tawng pawh tawng tha thei mang lovin i va chhun kual a, a serh bawlhhlawh ( mipa baw tla nuaih) , tho/ rannung-in a lo bawm te chu i han focus kual vel a. Diriam taka tawng khum chungin a hnute hmur te i la hmeh sak ang tak nawk nawk a. A hre riai ruai a, inchet harh ve te pawh a tum ve kha. I va han nun rawng tak em. I mawl satliah mai nilovin i sual kuh em em bawk. I farnu chungah khatiang dinhmun kha thleng ve se, kei hian i diriam leh hmuhsit ang khan lo thai kual nawmnah vel ila, i va lawm dawn lo chiang tak.






Khatia a video a thla lak sak kher kha eng nge a tul na, chutah pawh theh darh leh lek phei chu eng nge a tulna. I mawl kuh mai pawh nilovin i SUAL KUH khat hle ani tih a hriat. Nangmah kha khati taka sawisa tu, a ruih tawh hnua bei hreptu i nih hi kei chuan ka ring ta tlat thung mai.

Emgpawh nise, tun a chinah i Mizo pui hmeichhiate ( hnam dang hmeichhiate pawh telh ang) khatiang dinhmun a ding i hmuh leh chuan ngaihtuahna fim hmang la, zahawm thei ang ber , duat thei ang berin i lo sawngbawl tawh thin dawn nia. Social media a video emaw picture engpawh i dah tawh chuan khawvel pumin an hmu thei tih te hi hre hlawm ang u. Mizo Kristian thawh hlawk tak chu in ni dun lo hrim hrim mai. Mipa zawk i nihna leh Video la tu, thehdarhtu i nih avangin i mawhphurhna a sang em em lehzual.

Tu nge i nih a, tu nge he hmeichhia hi anih a, engvanga khatiang dinhmun a ding nge a nih, nang pawh engvanga kha hmunah khatih hun lai a lo lang ve hlawl nge i nih tih hi keini MIZORAM JUSTICE LEAGUE ( MJL) ho chuan kan chhui mek ania. Ngaihtuahna fim hmangin nung tawh rawh khai.

Ni chu a ni zo tawh a, hmeichhia atan leh NANG, video a la a therhdarhtu tan pawh THIL TIH CHI LOH TAK ANI. Ching tawh reng reng suh u. SEDP in dawng ve lo chiang viau ang.

@Hriata Chhangte

Post a Comment

  1. Ka en ve thei lo reng2 nge...i delete tOh zOk leee???

    ReplyDelete
  2. Link ka hmu miah lo kei chu

    ReplyDelete
  3. Hmeichhia kha sawi tel kher lo la i thusawi khi ka thlawp thlap. Hmeichhia te hi fimkhur turin kan in chah sek reng ringawt mai. Sap ho khu example an ni, kalkawng an kal lai an pawt thut a an pawngsual a, tichuan uber a him antia, mahse uber driver in a pawngsual an awm leh si, police chu min vengtu antia, police in a pawngsual a a thah zui an awm leh, India ah phei chuan naute leh tar thlenga pawngsual tawk an tam. Hmeichhia hi fimkhur tura chah reng ringawt loh a, mipa ho hi fuih mawlh2 an ngai tawh zawk.

    ReplyDelete
  4. A thu, sawitum a ṭhat viau rualin hmeichhia zawk awm dân, a chahthlak laia a awm dân tûr awmang leh mipa sulhnu a awm dan te lama mitthla thei tura sawichhuah kher kher khi chu an ṭûl lo khawp mai.

    ReplyDelete
  5. A hmeichhia á¹­an hmel viau siin a chahthlak laia thil awm dan a hmulo tan pawha mitthla theih tura sawi kual vak hi a á¹­ul lo khawpin ka hria. Lo á¹­anpui pawh nila i insawi thei khawpin a rinawm.

    ReplyDelete
  6. Link chungchang zawt kan la awm hram hi chu a va beidawnthlak tak em. Ziaktupa ngei pawh hian a lo link a lo dah tak tak anih chuan he nula video laksaktu leh thehdarhtu nen hian an dinhmun a inang deuh reng mai ka ti.

    ReplyDelete

Powered by Blogger.