Rampum huap Lockdown Phase 4.0 kal chho mekah, Covid-19 case chuan kiam lam aiin nasa takin a pun belh zel a. Northeastern states zingah Assam, Tripura, Manipur, Meghalaya leh Nagaland te chuan case an ngah tawh hle. Vanneihthlak takin Mizoram chuan vawiin thleng hian Covid-19 case pakhat bak a la neih lo a ni.
Assamcares

Vawiin May ni 28 chhun dar 2 thleng khan Assam chuan Covid-19 case 798 a nei tawh a. Khar khat chhung chu nitin case 50 dawnin a pun belh ziah anga chhut a ni. Assam rama Covid-19 kai tam zawk hi ram pawn atanga lo lut (imported) niin, tualchhunga inkaichhawn erawh a la tam lo. 

India ram hmun hrang hrangah Northeast mi leh sa hi tam tak an awm a. Engemaw zat chu lo haw tawhin, mi tam tak an la tangkhang mek a. Rampawn atanga lo haw te hian vanduaithlak takin kawng lakah hri an kai niin a lang.

Covid-19 damlo enkawl hautak zia kan Health Minister Dr. R. Lalthangliana pawhin a sawi tawh a. Case 10 aia tam chu Mizoram hian enkawlna tha a pe thei dawn meuh lo. Chuvangin, mitin kan fimkhur a ngai a. Sawrkar thupek tha taka kan zawm zel hi a pawihmaw hle a ni.

Post a comment

Powered by Blogger.