Showing posts with label Hriattirna/Press Release. Show all posts
Tweet Share Share Share Share Share

June 02, 2020

Covid-19 chungchanga Mizoram Police thuchhuah


No.1606/2020-2021

Thu Diklo Thehdarh Chungchanga Aizawl the 2nd June, 2020 : IGP (Hqrs) leh Chief Public Relation Officer, Mizoram Police Media Cell ni bawk chuan COVID-19 chungchangah a hnuai ami ang hian thuchhuah a siam.

Dt. 31.5.2020 (Pathianni) khan social media platform whatsapp-ah mi pakhatin mi tichiai thei thu, “Thawhtanni atangin Rangvamual chu total lockdown tum a ni. Nimin lama phai atanga lo haw zinga pakhat quarantine duhloh vanga Phunchhawng-a motor atanga zuangthla chu a chin hriat ala nihloh avangin thawhtanni atangin Phunchhawng leh a chhehvel vengte uluk zawka venhimna kalpui anih theihnan lockdown tum a ni” tih thu, whatsapp group pakhat “NEWS TODAY”-ah a post a, a post thlalak(Screenshot) pawh whatsapp group hrang hrangah darhin mipui tam tak a tichiai a ni.

He thu hi chhui nghal a ni a. He thu post tantu Aizawl Venglaia cheng kum 40 mi leh he thu sawi ri (audio) post-tu Phunchawng, Aizawla cheng kum 40 mi te chu thu zawhfiah niin, midang titi an hriat atanga he thu hi whatsapp group-a post an nih thu an sawi a. A post-tu pakhat zawk hian Rangvamual-a a lennaa a hriat a nih thu leh a dang pakhat zawk hian a thiante thu sawi a hriat avanga a thusawi ri (audio) thehdarh a nih thu a sawi. Quarantine tur tlan chhuak an awm thu an hriat loh thu an sawi ve ve bawk.

State pawn atanga Mizorama lo hawte hi Govt. Quarantine Facility-ah emaw, Community Quarantine Facility-ah emaw, thuneitute phalna neih hnuah Home Quarantine emawa awm tir an ni a. An lo thlen hian uluk taka enzui leh vil an ni. Hetianga thu dik lo leh mi rilru tichiai thei post avang hian mi pahnih, kum 40 mi ve ve lakah thubuai ziah luh a ni a. Chief Judicial Magistrate, Aizawl hnenah cognizance lak a nih hnuah Vaivakawn Police Station case no. 164/2020 Dt. 01.06.2020 U/s 505(1)(b) IPC R/W 54 DM Act 2005 register niin thu dik lo post-tu hi man a, judicial custody-a thawn tura hma lak mek a ni.

A dik lo zawnga mipui rilru hruai thei leh mipui tichiai a, thu dik tluantling lo leh thu belhchian dawl lo thehdarh hian nghawng tha lo tak a neih theih avangin mipuite i fimkhur ang u. ~DIPR Mizoram
Read more »
Tweet Share Share Share Share Share

June 01, 2020
No.J.32019/4/2019-DC(K) 
IN THE COURT OF DISTRICT MAGISTRATE 
KOLASIB DISTRICT : KOLASIB, 
( JUDICIAL BRANCH ) 

Dated Kolasib, the 1st June, 2020 

Maharashtra atangin kan Mizo unaute’n Bairabi Railway Station, Bairabi lo thlengin District hrang hrangah thawn darh an ni dawn a. Khualzinte mahni District theuh tluang taka an thlen theih nan leh natna inkaichhawn theih laka mipuite kan him tlan zawk theihnan thupek chhuah tulin ka hria a.

Chuvangin, Kei, Dr.H.LALTHLANGLIANA, MCS, DISTRICT MAGISTRATE, KOLASIB DISTRICT hian The Mizoram Epidemic Diseases (COVID - 19) Regulation, 2020 Clause 11 (1) in thuneihna min pek angin, hetiang hian thupek ka chhuah e.

Kolasib DC thuchhuah

1. Dt.02.06.2020, tlai dar 04:00 atanga Dt.03.06.2020, chhun dar 12:00 emaw Maharashtra khualzin phur Bus tawp ber a chhuah fel hnu darkar khat (1) hnu thleng Bairabi leh Zero Point (Saihapui peng) inkarah mihring leh lirthei eng chi mah kal phal a nilo.

2. Khualzin lo thleng te Private motor a inlam leh inhmuah phal a nilo.

He thupek zawm lo te chu “Disaster Management Act, 2005, section 51 atanga section 60, The Mizoram (Containment & Prevention of COVID -19) Ordinance, 2020 hmangin hrem theih an ni ang.

He thupek hian COVID - 19 dona atana Sawrkar in Duty tura a ruatte leh phalna pek bik te a huam lovang .

He thupek hi vawiin 01.06.2020 hian Court Seal chhu in hming ka ziah hnan e. Download PDF
Read more »
Tweet Share Share Share Share Share

April 30, 2020
Ni 25.4.2020 (Inrinni) zana Dinthar veng Local Level Task Force duty-te chet dan Social media-a video clip darh chungchangah Dinthar Local Level Task Force on Covid-19 chuan thil awmzia sawi fiah tulin a hria a, hetiang hi thil thlen dan chu a ni :-

1. Tunlaia Dinthar venga mi vuak hrat ber, pawisak nei miah lo, inti YMA leh lutuk, mi huat rawn hlawh tih thu ziaka thlalak, WhatsApp Dinthar News Group’ atanga rawn darh chhuak hi ni 23.4.2020 (Ningani) dar 11:30 am-a post a ni a. A post-tu hi Dinthar veng mi, Lalhmunsiama s/o Ngurchhingi, Vanapa Section (House No. D/V-78)-a cheng a ni. Amah hi ruihhlo zuar leh ti thin, YMA pawhin vawi eng emaw zat a zilh tawh hnu pawha sim duh lo; chhiatni fund leh membership fee a lo pek tawh pawh pek let tawh a ni bawk. Ni 23.4.2020 (Ningani) tlai lamah Tawngtai Bethel Camping Centre, Sakawrtuichhun-ah dah luh nghal a ni nghe nghe. Thlalaka lang kha Dinthar Veng tlangval tlawmngai leh chhuanawm, khawtlang leh kohhrana inhmang tak a ni a. Branch YMA Executive member leh Section YMA OB (Asst. Leader) ni lai a ni. Hetianga mimal inhuatna avanga intihmualphona thlalak a lo darh ta mai hi Dinthar Veng khawtlang chuan pawi kan ti a, a thlalak pho chhuaktu leh tidarhtute hi kan dem tak zet a. Kan hruaitu leh khawtlang min timualphotu hi dan anga hrem a nih ngei theih nan hma kan la zel dawn bawk.

2. Dinthar Local Level Task Force on Covid-19 leh Dinthar Branch YMA Vigilance Sub-Commitee-te chet dan, thu dik tluantling loa video clip theh darh a ni hi pawi kan ti a. Tun lai boruakah Dinthar Local Level Task Force on Covid-19-te an hah hle a, veng chhung mi harsate tanpui leh Covid-19 a darh zel lohna tura sawrkar thupek bawhzuiin theih tawpin, tlaivar thak thakin hma an la thin a. Chutih laiin zan rei lama sawrkar thupek (curfew/lockdown) bawhchhiaa thu awih loa ruihhlo lam buaipui leh veng chhunga hnawksak an awm ve reng bawk a. Chungte avang chuan duty pawh ngawrh leh zualin kalpui mek a ni.

Ni 25.4.2020 (Inrinni) zan lai dar 12:00 am hnu lam khan tleirawl rual thenkhat, thu awih lo mi pariat (8)-te chu an ruihhlo tih-lai (ganja) nen man an ni a. Man an nih hnu hian thu zawh fiaha hawtir mai tum an ni, chutia thu zawh fiah lai chuan an zinga pakhat chuan duty-te tham lo taka tiletin, cho let (challenge) zawngin a khawsa a. Hemi avang hian duty-te pawhin amah bik hi zilhin, a kut an vuak bakah han ben deuh a ni nghe nghe a. Mi dang zawng erawh an kutphahah vawi khat diat diat vuaka beng suktir an ni. Hemi hnu hian veng dang mite hi an khawtlang hruaitute hrilhin an ruihhlo mansak te nen an khawtlang hruaitute kutah hlan an ni.

He thil thleng video lo darh hi heng tleirawl man zinga pakhat, taksa hrisel lo (gout na neia insawi), hrem ve loh-a a sira lo awmtirin a mobile phone-a thla lo lain, a lo darh ta a ni. Hetianga veng chhung tihmualpho tumna leh thu dik tluantling lo hmanga video clip leh thu lo darh hi pawi kan tiin a titu hi kan dem tak zet a ni. Tun hnuah hetianga thu dik tluantling lo hmanga veng tihmualphona ang chi hi khawiah mah thleng tawh lo se kan ti a. Covid-19 hri leng laka Dinthar Veng kan himna tur leh sawrkar thupek keng kawha chhun zan zawma hah taka thawktute hi kan thlawp tlat a, tun atang chuan dan leh thupek ken kawh kawngah a hma aiin chak leh zuala hma lak zel kan tum a ni.

Copy to :-
1. The Editor, All Daily Newspaper (chanchinbu) zahawm taka news item-a min lo puan zarsak turin.
2. The Editor, DDK/LPS/ZONET - news item-a min lo puan zarsak turin.
3. Pu Lalruatkima, Bialtu MLA - a lo hriat atan.
4. Pu R. Thanglura, Bialtu Councillor (AMC) - a lo hriat atan.
5. Chairman, State Level Task Force on Covid-19 - a lo hriat atan.
6. Aizawl DC - a lo hriat atan leh tul anga min bawhzuisak turin.
7. Aizawl SP - a lo hriat atan leh tul anga min bawhzuisak turin.
8. LLTF Zone 5 bialtu Magistrate - a lo hriat atan leh tul anga min bawhzuisak turin.
9. O/C, Vaivakawn PS - a lo hriat atan leh tul anga min bawhzuisak turin.
10. Chairman, Tuikual North Local Level Task Force on Covid-19 - a lo hriat atan.
11. File.

Sd/-
R. LALAWMPUIA
Chairman
Dinthar Local Level Task Force on Covid-19
Aizawl, Mizoram.

_Sd/-_
C. VANLALHRUAIA
Secretary
Dinthar Local Level Task Force on Covid-19
Aizawl, Mizoram.
Read more »
Tweet Share Share Share Share Share

March 15, 2020
To,

The Hon'ble Prime Minister of India
New Delhi

Subj : Request to speed up verification process of unauthorized villages

Dear Sir,

With due respect and humble submission, doing something to clear the air over the false allegation towards Mizo people being invited by the memorandum of the Chakma community based outfits is what we feel a crying need for maintaining peace in the state.

Firstly, myself Vanlalhriatpuia, the petitioner is a permanent local dweller of Tlabung (Demagiri) town in Lunglei District of south Mizoram, which itself is located on the Indo-Bangla border. Contrary to the distracted belief and highly manipulated speculation, there is no such communal feud between Mizo and Chakma in our belt and the threat of mutual hatred looms over two communities (claimed by some netizens) is purely a sneaking suspicion.

Dear Sir, many occupied places are unrecorded yet unrecognized if the validated documents are anything to go by. Meanwhile, the number of such unauthorized villages has seen exponential increase in the last decade, which is alarming. According to the enacted law, this is forbidden and culpable.


In view of the recent state of affairs, the Young Mizo Association, Tlabung Branch took the plunge to put a commensurate effort to tackle this illegal habitation. They started off the campaign on a positive note after the parent Chakma Village Council members remained very supportive. This had resulted in a few unauthorized villages abandoned. We came across such fruitful outcomes just because of the conjoint effort put by the State Government with the support of both Mizo and Chakma inhabitants.

Considering this is all about illegal settlement, not all the Chakma-occupied villages are targeted. Since, the onus is on indigenous people to gain any relevant information about the people who took up residence in a suspicious manner, such measures were adopted to confront the off-putting issue, not to show discriminative behaviour towards any particular community.

It is under everyone's nose that, the recently conducted verification of unauthorized village within Lunglei district and NRC are like night and day. While NRC is targeting everyone, the same cannot be said for the just-carried-out verification as it embraced only illegal settlers. Questioningly, is going against the verification measures of unauthorized villages a conspiracy to malign the Mizo community and the State Government if any untoward happens, which is occurable due to the possible external factors (any sort of border conflict between the two countries) since they are living in places just adjacent to the border point.

Therefore Sir, given the fact that no communal hostility has been erupted towards each other, on behalf of my fellow Mizo people who are perturbed by the growing number of unauthorized villages, i am meekly requesting you to further speed up the verification process of the unauthorized village for which the State Government has taken initiative in order to ensure we, the indigenous people are safeguarded from the cross-border threats and contingencies.

Sincerely Yours

(VANLALHRIATPUIA)
Working Journalist
Tlabung
Read more »
Tweet Share Share Share Share Share

March 09, 2020
MIZO NATIONAL YOUTH FRONT
HEADQUARTERS, AIZAWL

THUCHHUAH

March ni 5 & 6, 2020 chhunga neih zawh tak, Chapchar Kut puala Vanapa Hall, Aizawl-a Art Exhibition neih zawh takah lemziak pakhat, kan President zahawmna tibawrhbang thei tur lemziak pho chhuah a ni chu MNF Thalai chuan pawi kan ti a, kan rilru a na hle a, hetiang thil hi thleng nawn tawh lo se kan duh hle a ni.

He exhibition-ah hian kan party President, Chief Minister zahawm tak Pu Zoramthanga lem, mite ngaih dan hruai kawi theih tura ziaka pho lan a ni hi a pawi kan ti a, mi dangte deusawhna leh cheksawlhna lam hawia thil tih nia kan ngaih avangin pawm harsa kan ti hle. MNF Thalai chuan tun hma atang tawha kan lo tar lan fo tawh angin, eng political party leader pawh ni se, tuna mite bak hi Mizoten kan nei chuang lo va, chuvangin mimal taka inbeih te hi tha kan ti lo va, an zahawmna humhimsak kan duh a ni tih hi kan dinna a la ni reng a ni.



Lem ziaktu te, thu ziaktute, mi tin mai hian hian kan ngaihtuahna leh suangtuahna pho chhuak turin zalenna thui tak nei mah ila, kan zalenna neih hi mi dangte rilru natna tur leh, mi thinurna tichhuak lo tur zawnga kan hman thiam a pawimawh hle a, heng kan zalenna hi fimkhur taka hmang thin turin MNF Thalai chuan mi tinte kan ngen a ni.

Sd/-
(K.C. LALTHANSANGA)
General Secretary
Publicity Department
Memo No. 02/MNYF/PR/2020-2022
Dated Aizawl the 7th March, 2020.


Read more »
Tweet Share Share Share Share Share

February 22, 2020
No. ZPM Thalai HQ - 2020/PR/5
OFFICE OF THE 
ZORAM PEOPLE'S MOVEMENT PARTY 
THALAI GENERAL HEADQUARTERS
Dated: Aizawl, the 20th February, 2020

PRESS RELEASE
ZPM Thalaiin E-in-C Office sak mek an tlawh: Thusawi leh thil tih inpersan, MNF sorkar kan hmu leh ta!

Nimin ni 19, February, 2020 khan ZPM Thalai Gen. Hqrs. hruaitute chuan New Capital Complex-a Engineer-in-Chief, PHED Office tur sak mek chu a hmunah an enfiah a. E-in-C Office sak chungchangah hian Congress Ministry lai atang tawhin thil fel lo lian tak a awm tawh a, New Secretariat Complex Welfare Committee-te nen pawh buaina a lo awm tawh a ni. He E-in-C, PHED Office sak hi MNF-in Congress sorkar laiin nasa takin an lo do tawh a; MNF thalai ten a hmunah kalin hnathawkte pawh hna chhunzawm lo turin an lo hrilh tawh a, Pu Vanlalzawma, helai bialtu MLA a nih laia E-in-C Office building sak a nih dana thil fello awm leh sak chhunzawm a duh lohna thuziak te, tin, Pu Lalruatkima, MLA-in, khatih hunlaia eptu party hruaitute nena helai hmun an tlawh tuma a thusawi pawh hmuh theihin a la awm bawk a ni. 

Chu mai pawh ni lovin, tun MNF Ministry siam a nih tirhin he buaina hi Chief Minister Pu Zoramthanga ngeiin hna hmasaah neiin, January ni 10, 2019 khan a hmunah kalin, helai hmun hi Congress sorkar laiin building awm reng si a, ram ruak anga show a nih thu sawiin, an hnathawhte titawp nghal turin a lo hriattir tawh a, MNF press release-ah chhuah a ni nghe nghe (Memo. No. MNF/media/2019/02/04 Dated 10.01.2019).


Heti taka MNF hruaituten E-in-C Office tur building sak mek hmuna tlawha, he hmalakna an duh loh thu vawi tam an lo auchhuahpui tawh chu, MNF Ministry-ah ngei, Chief Minister leh Deputy Chief Minister-te remtihpuinaa sak chhunzawmna tur order February ni 7, 2020-a tihchhuah a ni leh ta mai hi ZPM Thalai Gen. Hqrs. chuan mak a ti a. 

ZPM Thalai Gen. Hqrs. chuan inthlan dawna nuai thum sem tura intiamin, sorkarna an siam hnuah hmuia khawn ang hlauha an sawizui leh duh tawh miah lo ang maiin, E-in-C, PHED Office sak meka MNF thuchhuak leh an hmalakna chu thil inpersan tak niin a hria a. MNF Party chu Zoram mipui hmaizahna avang tal pawhin an tih theih loh tur leh, an tih ngam leh si loh tur chu auchhuahpui tawh lo turin ZPM Thalai Gen. Hqrs. chuan a ngen a ni.

(R. LALRINSANGA)
Secretary
Publication Department
ZPM Thalai Gen. Hqrs.
Aizawl
Read more »
Tweet Share Share Share Share Share

December 09, 2019 1
CAB-IN MIZORAM MIN HUAM LO HI A LAWMAWM TAKZET A NI: CHIEF MINISTER

Mizoram ZoramthangaVawiin 8.12.2019 (Thawhtanni) hian Mizo Hnam Runah Chhung Inkhawm neih a ni a, he hunah hian Pu Zoramthanga, Chief Minister chuan thusawiin, Citizenship (Amendment) Bill (CAB) 2019-in Mizoram min huam ta lo chu lawmawm a tih thu a sawi a. “He bill hi nasa takin kan doin kan bei a, Party hrang hrang, NGO hrang hrang leh Kohhrante thleng pawhin kan duh lohna nasa takin kan tiri a, nasa taka kan beihna zarah Mizoram telh a ni ta lo hi a lawmawm takzet a ni,” a ti a. “North East Student Organisation (NESO) huaihawta MZP-in North East State dangte thlavang hauha total bandh an neih tur pawh hi awm kan tihpui khawp mai,” a ti bawk.

Chief Minister chuan, kar khat dawn lai thanga tunhnaia sorkar laipui hotute dawra an zin report a pe a. CM chuan mi pawimawh an hmuh duhte - Prime Minister, Home Minister, Finance Minister leh Niti Aayog hotute an hmuh kim thu a sawi a. “Tun tum kan zin chu Pathianin min hruai nasa hlein ka hria a, kan hmuh duh mi pawimawh tak takte Session lai a ni chungin kan hmu thei a. An hnenah hian Mizoram mamawh hrang hrang kan thlenin kan sawipui a, tin, anni lam pawhin min mamawhna lai a lo awm ve a, chu’ngte pawh chu an lo thlen ve bawk a ni,” a ti a. “Prime Minister leh Home Minister-te hian North East-a remna a awm theihna tura an rawnghuai neih kan nih thu min lo hrilh ve bawk a. India ram hruaitute hian an thlen phak loh leh an tih theih loh ti turin min mamawhna kawng a awm ve nual tih an hria a ni,” a ti.


MNF President chuan, “Lalpa’n he ramah hian arsi a tieng zual zel dawn a, he ram malsawmna ruai chawi hniamtuah min hmang dawn a. Kan elpui ber Congress Party an chhe nasa em em a, Symbol hmanga nih dik tumte lah ni a chhuah hmain a tla ta si a. Zoram inzimar chho mekah hian awmzia an nei thei tak tak lo a ni. India ram leh khawvel huap pawha Lalpa rawngbawla mipuite tana malsawmna ruai chawi hniam turin arsi a eng zual zel dawn a ni,” a ti bawk.

Chief Minister Pu Zoramthanga chuan, “Mizoram hi chaw, buh leh saahte intodelhtir tumin hma kan la mek a, leileta siam theih zawng zawng leitleta siam turin hmachhawp kan nei mek bawk a. Kan bamboo project pawh nasa taka kalpui turin hmalak mek zel a ni. Kan hmalakna hmachhawp tam takah Delhi lam zawkin a ngaihna an hriat tawk loh a awm nual a, Mizo National Front hian Mizoram hma mai ni lovin India ram hma kan hruaina tur subject tam tak a awm chho dawn a ni,” a ti.

He inkhawmah hian Wake-up Mizoram Secretary Pu Rosiamliana'n hunserh a hmang a, Pu Lalnghakliana, General Secretary-in inkhawm a kaihruai a ni.

~LALLENMAWIA JONGTE, Joint Secretary
Media & Publicity Dept., Mizo National Front
Memo No.MNF/Media/02/2019/225 Dt.09.12.2019.
Read more »
Tweet Share Share Share Share Share

October 17, 2019
MIZORAM-A INDANE GAS/LPG LAK LUH LEH SEM CHHUAH CHUNGCHANGA MIPUITE HRIATTUR

Mizoram Sorkar hnuaia Food, Civil Supplies & Consumer Affairs (FCS&CA) Department chuan eirawngbawlna ‘Indane Gas/LPG’ lak luh leh sem chhuah chungchangah mipuite hnena hriattirna pek chhuah thain a hria a. Indane Gas/LPG chungchanga harsatna chi hrang hrang awm theite sukiang turin FCS&CA Department chuan hma a la chho mek zel a ni. Eirawngbawlna Indane Gas hi chhungtin mamawh leh a tel lova kan awm theih loh thil -’essential commodities’ zinga pakhat a nih avangin mamawh khawp kan hmuh loh hian chhungkua zawng zawng a nghawng a, nunphung a tibuai thin a ni. Hemi chungchanga hian kan harsatna tawh chhan hi mipui pawhin kan hriat tlan a ngai a, kan zavaia thawk tlangin, a chinfel dan kawng Department-in a zawnnaah pawh kan tanrual zui zel a ngai a ni.


1.    Indane Gas/LPG supply kan hmuh dan hi Food, Civil Supplies & Consumer Affairs Department chuan nitin fel takin a chhinchhiah a. January, 2018 leh September, 2018 inkar chhunga Mizoram-in Indian Oil Corporation Ltd. (IOCL) atanga Indane Gas/LPG kan dawn zat chu domestic cylinder 9,17,061 a ni a, chawhrualin thla tin cylinder 1,01,896 dawng ziah ang kan ni. Hetih lai hian January, 2019 atanga September, 2019 thlenga domestic cylinder kan dawn zat chu 9,50,208 a ni a, chawhrualin thla tin cylinder 1,05,579 dawng ang kan ni. Hetah hian RGGLV chhiar tel a ni lo. Heta tanga lang chiang ta em em chu, Mualkhang bula lei tawlhin kumin July, August leh September thla chhung supply a tikhaihlak chung pawhin, nikum 2018 (Jan-Sept) ai chuan kumin 2019 (Jan-Sept) chhunga LPG supply kan hmuh hi a tarn zawk daih, tih hi a ni.

2.    Mizoram chhungah hian Indian Oil Corporation Ltd. hian regular category leh RGGLV category hnuaiah LPG distributor 57 leh active customer 292139 a nei mek a. Indian Oil Corporation Ltd. inkaihhruaina anga active customer awm zatin, LPG cylinder an dawn tur atanga chhuta 70% tal, thla tin IOC Ltd. hian khel lova pe tur an nih lain, tun dinhmunah hian 40% pawh an rawn pe chhuak hlei thei lo va. Hei hian chhan tarn tak a nei a. IOC Ltd. lam mawhphurhna a ni deuh ber. Mizoram Sorkar hnuaia Food, Civil Supplies & Consumer Affairs Department chuan hei hi, engemawchen hriain, IOC Ltd. lam hi tan la turin theihpatawpin a nawr reng a. Hemi chungchang hi, tun hnaia Union Home Minister, Pu Amit Shah lo zin pawh kha hrilh hriat niin, hma la tura ngenna leh hriattirna lehkha, Hon’ble Chief Minister zahawmtak in a pe a, chak taka bawhzui nghal zel a ni.

3.    LPG chungchanga harsatna Mizoram-in kan tawhte hriain, a sutkian dan tur ngaihtuahin Food, Civil Supplies & Consumer Affairs Department chuan Meeting vawi tarn tak a ko tawh a. Tun hnai lawkah pawh, Sorkar chawlh pawh sawi hlei thei lovin, a changtu Minister ho meuhvin Gas harsatna kum tin maia awm thin sutkian nan, oil company dang (IOCL chauh nilo) Hindustan Petroleum corp. Ltd (HPCL). Bharat petroleum corp. Ltd (BPCL). pawh hi lo iut ve se tiin an rawn luh theih nan ruahmanna siam am a, Gas Bottling plant mualkhang chauh nilo Bottling plant Man zawk Railway kawng an ah neih turn a hma lak am, hei hi kan ram tan a pawimawh hie. Ni 2.10.2019 (Gandhi Jayanti) pawh khan department officials te, IOC Ltd. aiawh te, Mizoram Indane Distributor Association (MIDA) hruaitute leh Indane Gramin Vitrak (RGGLV) hruaitute nen he harsatna chungchang leh a sutkian dan tur ngaihtuah hian Meeting pawimawh tak neih a ni a. Ngunthluk taka ngaihtuahna sen ho a lo ni tawh a ni. He mi avang pawh hian nitin gas lo thleng pawh a pun phah deuh a, Puja zawhah hmuh tarn deuh beisei a ni.


4.    Tin, tarlan hmaih hauh loh tur chu Mizoram-in Mualkhang Bottling Plant kan neih mek’hi, ni khata 100 MT LPG pe chhuak thin a nih lain, security/safety endiknaah thuneitute, Petroleum & Safety Organization (PESO) duh thu a sam loh avangin, ni khata a pek chhuah theih zat tih tlem sak ni-a hriat a ni a. Heti chung hian Mualkhang Bottling plant Chief Plant Manager leh a naute chuan theihtawp chhuaha hma la zelin, a tarn thei ang ber min pe chhuak reng a ni. Hei hian a pum pui thu-a kan LPG dawn a nghawng mek bawk. Mualkhang Bottling plant hian Mizoram hmun thenkhat a chawm a, he safety issue avang hian Borkhola Bottling plant hian engemaw, chena indainlohna awm chu a chawm pui ve a ni.

5.    Kan hriat tlan theuh angin October thla chawhma hi India ram hmun tarn zawk a Hindu sakhaw kutpui Dusherra leh Durga Puja hman hun lai a ni a. Hei hian LPG Bottling Plant a thawktu tarn zawk pawn hrut lo thei iovin, chawlh runpui an hman lai a ni thin. Hei hian Mizoram-in LPG kan chawk luhna Borkhola Bottling Plant (Silchar, Assam) leh Mualkhang (Mizoram) pawh a nghawng thin. Hei hi kum tina kan hmachhawn a ni e. Tin, he Dusherra leh Durga Puja kutpui hman hun lai hian, State dang mamawhna sang avangin, Mizoram-in LPG cylinder kan hmuh hi a kiam phah thin bawk ni-a hriat a ni.

6.    LPG cylinders hi Bottling Plant atangin, IOCL hnuaia phurtu (transporters) ten an thiarthin a. Transporter-te hi tender process kaltlanga lOCL-in an rawih an ni. Tun dinhmunah hian, LPG cylinder phurh man hi a hniam hie mai a. Hei hian Mizoram a LPG cylinder phurh iuh kawngah harsatna tarn tak min siam mek a. Hemi chingfel tur pawh hian Food, Civil Supplies & Consumer Affairs Department chuan tha thlah Iovin, hma a la mek zel a, FCS&CA Department Official ieh MIZOFED, MD te pawhin 12lh September 2019 khan hemi chungchang leh gas supply that zawk theih nan iOCL Bhavan, Noonmati, Guwahati ah IOCL Chief General Manager leh a hote meeting an zu neih pui tawh a, he meeting a sawiho te hi bawhzui nghal zel a ni.

7.     LPG Distributor-ten LPG cylinder an sem dan pawh hi uluk zawka vil mek a ni a. Kartina an semchhuah dan report pekna tur format siam niin, hei hi Director, FCS&CA hnenah kartina thehiut thin turin hriattir an ni mek a ni.
Read more »
Tweet Share Share Share Share Share

September 25, 2019 2
TUIVAWL NORTH BLOCK : MNF  Press Release

Tuivawl North Block MNF chuan kan bialtu MLA leh School Education Minister Pu Lalchhandama Ralte in Mizoram zirna hmasawnna tura kawng hrang hranga hma min laksakna hi ropui kan tiin kan chhuang takzet a, Tuivawl bial mai nilo Mizoram zirna tluchhe tawh tungding tura a ke penna hi ropui kan ti a. Kan bialtu MLA hmalakna hi a tawp thlengin kan thlawp zel dawn a ni.

1. Congress sorkar inthlahdah avanga Mizoram hmun hrang hranga zirna in, zirtirtu mumal neilo a awmten zirtirtu kan nei chho dawn ta hi Tuivawl bial MNF te chuan lawmawm kan ti a. Kan bialtu MLA leh School Education Minister ni bawk Pu Chhantea hmalakna hian Mizoram zirna ah bungthar min thlen ngei dawn niin kan hria a, lawmawm kan ti takzet a ni



2. MR Teacher lakna ah Mizoram mipui fakhlawh khawp a hnalakna, dik leh felfai taka kalpui ani hi lawmawm kan ti a. MNF leh sorkar hmel timawitu a kan bialtu MLA aţang hi a bial mipuite chuan kan chhuang takzet a ni.

3. Congress rorelna hnuai a kum 10 kan awmlai aiin kan bialtu MLA in thla 9 chhunga bial hmasawnna hna min thawhsak hi atam zawk tih bial mipuiten kan hmu a, kan bialtu MLA hnathawh hi kan chhuang takzet a ni.

4. Tuivawl bial chhungah zirtirtu neihlohna school leh zirtirtu indaihlohna school tam tak kan nei a, heng hmuna thawk tur zirtirtu ţhahnem tak min lakthar sak tur hi ropui kan ti a. Hetiang hi Tuivawl bial chuan kan vawikhat tawnna ani hial a ni.

5. Tuivawl bial hmangaih taka min enkawltu MLA leh Minister midik leh fel, Pathian ţih mi min petu MNF President Pu Zoramthanga leh MNF General Headquarters hruaitute zawng zawng chungah Tuivawl North Block MNF chuan lawmthu kan sawi nawn leh mawlh mawlh a ni.

"Pathian leh kan ram tan"

LALHMACHHUANA PAUTU
Secretary
MNF, Tuivawl N.Block
Read more »
Tweet Share Share Share Share Share

September 25, 2019
HOTEL/RESTAURANT NEITU LEH DAWRTUTE HRIAT TUR LEH ZAWM TUR CONSUMER AFFAIRS DEPARTMENT- IN A TICHHUAK

Sawrkar laipui Department of Consumer Affairs chuan Consumer-te dikna chanvo humhalh a ngai pawimawh hle a. Chumi kawnga Sawrkar Dan ding lai Consumer Protection Act, 1986 hnuaia  Hotel/Restaurant neitu leh dawrtute hriat tur leh an zawm tur hetiang hian a tichhuak.

Consumer Act chuan Hotel leh Restaurant-a ei leh in chi reng reng lam tura leng lut zawng zawng te dikna chanvo an  a humhalh tlat a ni. Service charge chhuanlama Hotel leh Restaurant thenkhat te'n an customer te hnen atanga pawisa an chawi tur baka chuang liam (tip) an laksak thin hi consumer Affairs Department ehuan tha a ti lo hle. Customer thenkhat ehuan hotel & restaurant-a hnathawk "waiter" te hnenah thil hriatsual vangin tax chi khat emaw ti in tips an lo pe mek bawk. Hmun thenkhatah phei chuan khitiang sum chuang liam pek duh loh avanga mikhual hnar an awm hial thin. (Download Official Notice)



Hotel/Restaurant ten uchuak taka service charge-te an lak thin avang hian mipui lamah lungawi lohna lian tak leh complain hial te a rawn hring chhuak ta a. Hetiang a nih avang hian sawrkar chuan Hotel/Restaurant te'n service charge an lo lak thin chu mumal taka thliar hrangin fair (tih dan dik) leh Unnfair Practice (tih dan dik lo) in a thliar hrang a. Hetiangin :

1) Customer te'n ei leh in tur an order atanga an ei leh in man an pek turah hian waiter te service charge hi a tel nghal a ni. Service charge hranpa chawi belh ngai lovin an thil order man hian a huam nghal vek tin a ni.

2)  Customer ten menu card a thil man zat inziak (chhiah "tax" te huap telin) atanga an duhzawngte an order atanga an ei man an pek bak piah lamah customer te rem tihna ni lova pawisa chawi belh tir chu he Act hnuaiah hian 'tih dan dik lo’ (unfair trade practice) a ngaih a ni.

3)  Customer te'n an ei leh in man dik tak hotel emaw restaurant emaw te'n an bituk ang zat an pek hnu piah lama an mimal thil phalna avanga tips/gratuity an pe a nih erawh chuan customer remtihna anga ngaih a ni.



4)  Hotel & Restaurant-a chawl customer te hian chutiang tips/gratuity pek chu an bat a ni lova, ei leh in tur an chah hma daih atanga chutiang pek tir ngei tuma lo inkau sa phei chu a fel lo hle. Service charge kha a man zat ‘fix’ a nih chuan thil diklo tak a ni. Chubakah thil man te chiang taka sawi lova customer te atanga service charge pek luih tir te, ei leh in tur an order hmaa service charge lo bituk te hi dan phal loh (restrictive trade practice under section 2(1 )(nnn) of the Act) a ni.

5)  Bill reng reng customer te'n an pek hian service charge pek zat tur chu customer phal zat a ni tur a ni: bill a lo kalin service charge column chu a ruak (blank) tur a ni a. Customer te'n an duh zat leh phal zat an ziak lut mai tur a ni.

6)  Customer te hian dikna chanvo an nei a, zangna dawmna thleng pawhin an dawng thei. Chutiang tih theihna chu dan leh dun fel taka zam sa vek a ni a, an lungawi lohna te pawh Consumer disputes Redressal Commission/Forum hnai berah an thlen thei a ni. ~ DIPR
Read more »
Tweet Share Share Share Share Share

July 15, 2019

Keifang leh Champhai inkar kawngah motor lian tan harsatna a awm thin avangin Ni 13.7.2019 atanga Ni 31.8.2019 chhungin motor lian, 407 Truck chin leh a aia lian zawng zawng tan One Way-in a hnuaia tarlan ang hian intlan chhawk tur  a ni:

Ni inkawpkimlo (odd days)-ah Aizawl atanga Champhai pan tur lirthei (407 Truck chin leh a aia lian zawng zawng) kal ni atan Zan Dar 12:00 atanga atuk Zan Dar 12:00 thleng kawngpui zuah a ni ang.

Ni inkawpkim (even days)-ah Champhai atanga Aizawl pan tur lirthei (407 Truck chin leh a aia lian zawng zawng) tan, Zar Dar 12:00 atanga atuk Zan Dar 12:00 thleng kawngpui hawn a ni ang.

Motor intlanchhawk laia kawng laka harsatna a awm loh nan, Aizawl lam atanga motor chhuak turte chuan Champhai lam atanga motor lo chhukte nang buailo turin mahni tlan hun dik taka tlan fel hman thei turin in siamrem tum tur a ni. Rokhawlhna avanga hun bituk chhunga Khankawn an paltlang hmanlo a nih chuan, kawngsir remchang laiah, an chhoh leh hun tur nghakin motor dang kalna tibuailo turin an ding tur a ni ang. He thupek hian emergency thila motor tlan, Law and Order, Security duty leh passenger phur bus-te a huam lo ang.

He thuchhuah chungchanga harsatna tawk emaw, report duh nei te chuan heng number-ah hian Police te biak pawh thei a ni- Saitual Police Station- 8257006442, OC Saitual PS- 9856090789, Champhai PS- 8974924728, Khankawn Police Check Gate- 8730817932, Khawzawl OC- 8575564420.

~DIPR
Read more »
Tweet Share Share Share Share Share

July 15, 2019
Fur ruahtui tlak tam laiin lei laih avanga chhiatna a thlen lohna turin thupek siam tula a hriat vangin Aizawl District Magistrate Pu Vanlalngaihsaka chuan U/S. 144 CrPC, 1973 leh Disaster Management Act, U/S 34 (M) in thuneihna a pek angin, mipui vantlang him zawk nan leh harsatna thleng thei ven nan a hnuaia mi ang hian thupek a chhuah.


“Mi tumahin, Aizawl District a kawngpui pawimawh chhehvel reng rengah, District Magistrate emaw, Saitual leh Sakawrdai bial chhungah anmahni awptu Sub-Divisional Magistrate hnen atanga phalna la lo chuan lei an lai tur a ni lo”. Hei hian BRTF leh Mizoram State PWD hnuaia hnathawh erawh a huam lovang.

Aizawl District huamchhunga kawngpui pawimawh hmun tam tak, fur ruahtui tam laia kawng kam/an a lei laih nasat avanga leimin in ahnawh thin a, mipui mamawh chak lakna a khaihlak nasat phah thin vang leh mipui vantlang tana harsatna nasa a thlen thin bakah chhiatna dang a thlen phah thin avangin he khapna thupek hi tihchhuah a ni.

He thupek hi sut leh anih hma chu khapna thupek tihchhuah ni July ni 10, 2019 atang khan hman tan a ni. ~DIPR
Read more »
Tweet Share Share Share Share Share

April 30, 2019

Lai Students' Association General Headquarters ; Lawngtlai


PRESS RELEASE No. 2
Dated : Lawngtlai. The 29th April, 2019

Lai Students' General Headquarters Lawngtlai chuan kumin May ni 8 a LADC Area a VC 95 a inthlan lo awm turah Arakan Army leh Myanmar Sipaite inkahna avang a Lairam a rawn raltlan, ramdang mi Zakhine leh Kawl ten Village Council inthlan a vote thlak an tum ve leh Candidate hial a din an tum ve te, ram leilungfate chanvo hial chan tuma hma an la hi pawi kan ti in kan ngai thuthak hle a ni. Ramdang mi raltlante'n kan ram leh khawtlang rorelna a inrawlh an tum ve leh Candidate hial a din an tum hi Lai Students' Association chuan a tawp thlengin a dodal tlat dawn a, engpawh tih a huam a ni.

Dan kalh a VC a din tum an awm tih hriat a nih avanga chung mite dang tura kan DC hmalakna hi fakawm kan ti a, kan ram leh hnam himna tura a hmalakna avangin a chungah pawh lawmthu kan sawi mawlh mawlh a ni.

An ram a buai vang a rawn raltlante hi LSA Gen HQ Lawngtlai chuan a lainat hle thin a, tanpuina hial a lo hlan tawh thin mah ni se, kan ramchhung rorelna thlenga rawn inrawlh an tum erawh hi chu a ngaizam mai mai dawn lo a ni. Chumai ni lovin hetiang a ram leilung fate ngengchhun a an awm reng dawn chuan kan ramchhung a an awm reng pawh hi a remti lo bawk. Chuvang chuan Myanmar raltlan, Zakhine ten Village Council inthlanna a Vote neih ve an tum leh in candidate hial an tum hi tum chhunzawm lo sela, Sawrkar lam thuneitu te pawhin ram leh hnam damna tur ngaihtuah a Vote emaw Tribal Certificate emaw siamsak lo turin LSA Gen HQ Lawngtlai chuan a ngen tak meuh a ni.

Vote an nei leh an in candidate theih nan a hmalakna lo awm tawh te pawh hnukdawk leh vek turin Sawrkar thuneitute a ngen tak meuh a. Lairam chhung a Political Party te pawh mahni Party lalna tur chauh ngaihtuah lo a, ram leh hnam himna ngaihtuah chung a heng Myanmar raltlante hi Vote an neih theih nan a hmalakpui lo turin LSA Gen HQ chuan a ngen tak meuh a ni. He thil hi kaltlangpui a nih chuan eng thil pawh thleng se LSA Gen HQ chuan mawh a phur lo ang.

Sd/-
Lalpuiliana Thangnget

General Secretary
Lai Students' Association
General Headquarters ; Lawngtlai
Lairam
Read more »
Tweet Share Share Share Share Share

April 26, 2019
Vawiin ni 25th April 2019 (Ningani) chawhnu dar 2:00 khan MZP hruaitute chuan Pu Lalchhandama Ralte, School Education Minister chu a Pisa-ah an kawm a. He hunah hian school fee, a bikin private school-te fee tam lutuk chungchang te, zirtirtu transfer chungchang te, CADC area chhunga Mizo khua ten school chungchanga harsatna an tawh chungchang te leh Zirtirtu nghet lo (Muster roll)-a zirtirtu 946 Sorkar-in lak thar a tum chungchang te sawipui a ni.



MZP hruaitute chuan Zirtirtu nghet lo (Muster roll)-a zirtirtu 946 Sorkar-in lak thar a tum mek chu zirtirtu atana tling ngei B.ed leh Dl.ed training chhuak ngei ni se an duh thu School Education Minister hi an hrilh.Pu Lalchhandama Ralte, School Education Minister chuan, ''Sorkar-in Zirtirtu nghet lo (Muster roll)-a zirtirtu 946 lak a tum hi zirtirtu atana tling ngei B.ed leh DIET (Dl.ed) training chhuak ngei lak a ni dawn a, post ruak awmnaah chuan a khaw mi training chhuak an awm a nih chuan duhsak bik a ni ang a, a khaw mi an awm lo a nih chuan a khua aṭanga hnai deuh duhsak a ni leh dawn a ni. Hetia kan tih chhan chu khawpui lama transfer an dil lo a, a awmna khuaa an awm ngheh theih nan leh zirtirtu ṭha zawk kan neih theih nana ruahman a ni a; tin, zirtirtu transfer & posting rules mumal zawk kan neih theih nan hma lak mek a ni," a ti.


MZP hruaitute chuan school fee, a bikin private school admission fee leh monthly fee to lutuk chu zirlaite tan harsatna tling a nih thu te, Mizoram pumah khai rual dan awm se an duh thu te an sawi a. School Education Minister chuan school fee chungchangah ruahmanna siam tum mek a ni a, siam ṭhat ngai laite siam ṭhat tum a ni a, School Education Department Director kaihhruaina hnuaiah zirtirtu pawl hrang hrang hruaitute leh MZP hruaitute te nen sawi ho turin ruahmanna siam mek a nih thu a sawi a ni. School Education Minsiter Pu Lalchhandama Ralte chuan zirtirtu transfer hi tih loh theih loh thil, damlohna avang te leh harsatna danglam bik avang tein a awm ṭhin a, kan theihtawp chuan transfer an nih loh nan kan ti ve ṭhin a ni a ti bawk.

Chakma Autonomous District Council (CADC) area chhunga Mizo khaw pathum Saizawh West, Damdep leh Parva khuain zirna chungchanga harsatna an neih thu MZP chuan School Education Minister hi an hrilh a, Minister chuan a ṭul anga lo enpui a tum thu leh Parva High School-a zirtirtu awm ṭha duh lo chungchang pawh Education Department lam hriattir nghalin a ṭul anga lo en fel turin a hrilh nghal a, Minister chungah hian MZP chuan lawmthu a sawi tak meuh a ni.

MZP hruaitute leh Pu Lalchhandama Ralte, School Education Minister te hian zirna siam ṭhat a nihna turin inpawh tlang takin an sawi ho a, Mizoram zirna siam ṭhat tuma Pu Lalchhandama Ralte, School Education Minister hma lakna MZP chuan lawmawm a ti hle a, a ṭul ang apianga Mizoram zirna siam ṭhatna turah thawh ho zel ni se an ti bawk. ~MZP PRESS RELEASE


Sd/- 
(H. LALTHIANGHLIMA)
Asst. General Secretary
Read more »
Tweet Share Share Share Share Share

April 18, 2019
PRESS RELEASE

HEADQUARTERS, AIZAWLApril ni 16, 2019 khan UD & PA Minister hlui Pu Zodintluanga, MLA chuan UD & PA sum hmanga Mizoram sorkarin Kolasib-a stadium a sak mek a tlawh chu MNF Ṭhalai chuan thil mak danglam tak niin kan hria a, Mizoram sorkarin theihtawp a chhuah mek lai leh athletic tracks sei zawng dik lo leh kimlo nia sawi pawh hi siamṭhat dan tur a ngaihtuah mek laia contractor thlavang hauhva a pau vel hi mak kan ti a, Bible House bula *Convention Centre* sak tum dan leh contract an inpek dante leh a min chhiat vek dante min ti hre chhuak a, he Kolasib Stadium sakah pawh hian chanpual (share) a nei ngeia mipui rinna hi a dik nge dik lo sawifiah turin MNF Ṭhalai chuan kan phut a, a hmuna kalin a enpui ta sa sa, he athletic track sei zawng dik lo nasa nia sawi pawh hi a contractor ṭhiante nen uluk taka teha a dik loh dan mipui hnena puangzar vek turin Pu Zodintluanga MLA hi kan phut a ni. Hetiang bawk hian Champhai Zotlanga athletic track sei zawng dik lova a hova an siam nia sawi pawh hi han teh ṭhain thudik puang ngei se kan ti bawk.

Hna lian deuh a awm apianga vai company ruai ṭhin UD&PA Minister hlui Pu Zodintluanga hian Kolosib Stadium satute thlavang hauh ringawt lovin an tihdik lohvah hian mawh la ngam se MNF Ṭhalai chuan kan duh a ni.

Heng thil fel lo zawng zawng hi siamṭhat vat a nih theih nan Sports Minister Pu Robert Romawia Royte chuan chak takin hma a la mek a; Sports Minister hlui hian ama ṭan zawng vai contractor te hi pawng tawng ṭan lovin Sports Minister tharin siamthaa tidik tura hma a lakna hi lo ṭawiawm zawk turin kan phut a ni. MNF Ṭhalai chuan he stadiuma tlan kawng (track) sei zawng dik lo nia sawite leh contractor leh sub-contractor inkara thil felhlel awmte endik tura Sports Minister Pu Robert Romawia Royte hmalakna hi ropui kan tiin kan chhuang takzet a,Mizoram Athletic Association ten tlan kawng seizawng diklo siamtha tura hma an lakna hi kan thlawp tlat bawk a ni.

Sd/-
(C. LALHMINGSANGA)
Secretary
Publicity Department
Memo No. 111/MNYF/PR/2017-2019
Dated Aizawl the 18th April, 2019
Read more »
Tweet Share Share Share Share Share

April 18, 2019

PEOPLE'S UNION FOR JUSTICE, MIZORAM


Case Update: 
Dt 17th April 2019

PEOPLE'S UNION FOR JUSTICE, MIZORAM

Tun dinhmun ah he Case hi Chief Judicial Magistrate (CJM) ah a awm mek a, CJM hian Delivery of Documents atan Dt 4th Apr 2019 kha a ruat a, hemi ni hian Accused te, Zodinliana leh R.Lalhruaitluanga te hi an rawn in lan lo. Accused te hi an rawn inlanloh chhan ni a lang chu hemi atan hian Summon pek an nilo hrim hrim a ni.

CJM hian Delivery of Documents atan hian Dt 21st May 2019 a ruat leh a, hemi atan hian CJM/Police te hi Accused te Summon pe ngei tawh tur in PEOPLE'S UNION FOR JUSTICE, MIZORAM chuan a beisei a ni.

Delivery of Documents hi tihfel a nih hnu ah he Case hi Session Court a ngaihtuah tura pek a ni ang.

PEOPLE'S UNION FOR JUSTICE, MIZORAM chuan he Case hi a bawhzui reng a. He Case ah hian RORELNA DIK a thlen theih ngeina tur leh, thil tisual tuten an phu tawk hremna an hmuh ngei theih nan PEOPLE'S UNION FOR JUSTICE, MIZORAM chuan atawp thlengin hma a la zel dawn.

Rorelna Dik a thlen ngei theih nan a People's Union hmalakna hi min support tur in mi zawng zawng kan sawm e.

Sd/-
Hriata Chhangte
Chief Convener
PEOPLE'S UNION FOR JUSTICE, MIZORAM

Sd/-
Joseph Lalnunmawia
Members Secretary
PEOPLE'S UNION FOR JUSTICE, MIZORAM
Read more »
Tweet Share Share Share Share Share

April 15, 2019
GAS CHUNGCHANGA DIRECTORATE OF FOOD, CIVIL SUPPLIES & CONSUMER AFFAIRS HRIATTIRNA

Directorate of Food, Civil Supplies & Consumer Affairs chuan he office order No. I.21011/5/2010/DTE(SPY) Vol-II dt. 18.3.2018 a chhuah tawh chu dt. 1.4.2019 a IOCL revised Retail Selling Price angin, Mizoram chhung khaw hrang hrang a 14.2 kgs. Domestic Subsidised/Non-Subsidised Rate leh DBTL Scheme hnuaia Subsidy dawn tur zat chu a hnuai ami ang hian bithliah a ni. 

LPG Distributor awmna khua : 



IOCL Retail Selling
Sl.No
Location
Price (Subsidised) 14.2 Kg.
19 Kg. Commer-
cial
Subsidy per Cylinder

1
2
3
5
6

1
Vairengte
Rs. 835.50
Rs. 1323.73
Rs. 345.40

2
Lengpui
Rs. 844.50
Rs. 1346.19
Rs. 353.50

3
Aizawl
Rs. 844.50
Rs. 1346.19
Rs. 353.50

4
Seling
Rs. 844.50
Rs. 1346.19
Rs. 353.50

5
Zemabawk
Rs. 844.50
Rs. 1346.19
Rs. 353.50

6
Darlawn
Rs. 844.50
Rs. 1346.19
Rs. 353.50

7
Saitual
Rs. 844.50
Rs. 1346.19
Rs. 353.50

8
Sakawrdai
Rs. 844.50
Rs. 1346.19
Rs. 353.50

9
Khawzawl
Rs. 844.50
Rs. 1346.19
Rs. 353.50

10
Champhai
Rs. 844.50
Rs. 1346.19
Rs. 353.50

11
Ngopa
Rs. 844.50
Rs. 1346.19
Rs. 353.50

12
Khawbung
Rs. 844.50
Rs. 1346.19
Rs. 353.50

13
Kawlkulh
Rs. 844.50
Rs. 1346.19
Rs. 353.50

14
Biate
Rs. 844.50
Rs. 1346.19
Rs. 353.50

15
N. Vanlaiphai
Rs. 844.50
Rs. 1346.19
Rs. 353.50

16
Hnahlan
Rs. 844.50
Rs. 1346.19
Rs. 353.50

17
Kolasib
Rs. 844.50
Rs. 1346.19
Rs. 353.50

18
Kawnpui
Rs. 844.50
Rs. 1346.19
Rs. 353.50

19
Lawngtlai
Rs. 844.50
Rs. 1346.19
Rs. 353.50

20
Chawngte
Rs. 844.50
Rs. 1346.19
Rs. 353.50

21
Sangau
Rs. 844.50
Rs. 1346.19
Rs. 353.50

22
Bungtlang S
Rs. 844.50
Rs. 1346.19
Rs. 353.50

23
Hnahthial
Rs. 844.50
Rs. 1346.19
Rs. 353.50

24
Lunglei
Rs. 844.50
Rs. 1346.19
Rs. 353.50

25
Tlabung
Rs. 844.50
Rs. 1346.19
Rs. 353.50

26
Thingfal
Rs. 844.50
Rs. 1346.19
Rs. 353.50

27
Lungsen
Rs. 844.50
Rs. 1346.19
Rs. 353.50

28
Rawpui
Rs. 844.50
Rs. 1346.19
Rs. 353.50

29
Mamit
Rs. 844.50
Rs. 1346.19
Rs. 353.50

30
W.Phaileng
Rs. 844.50
Rs. 1346.19
Rs. 353.50

31
Kawrthah
Rs. 844.50
Rs. 1346.19
Rs. 353.50

32
Reiek
Rs. 844.50
Rs. 1346.19
Rs. 353.50

33
Saiha
Rs. 844.50
Rs. 1346.19
Rs. 353.50

34
Tuipang
Rs. 844.50
Rs. 1346.19
Rs. 353.50

35
Serchhip
Rs. 844.50
Rs. 1346.19
Rs. 353.50

36
Thenzawl
Rs. 844.50
Rs. 1346.19
Rs. 353.50

37
Chhingchhip
Rs. 844.50
Rs. 1346.19
Rs. 353.50

38
Aibawk
Rs. 844.50
Rs. 1346.19
Rs. 353.50

39
Kawlbem
Rs. 844.00
Rs. 1346.19
Rs. 353.02

40
Bairabi
Rs. 844.50
Rs. 1346.19
Rs. 353.50

41
Sialkuk
Rs. 844.00
Rs. 1346.19
Rs. 353.02
2.  A chunga rate tarlan a 14.2 kg te hi Home Delivery a hralh dawn chuan Rs. 7.53 belh zel tur a ni a, showroom a hralh dawn erawh chuan Rs. 18.00 zel paih thung tur a ni. (Showroom rate hian RGGLV Distributor te a huam lovang). 

3.       LPG Distributor khaw chawm te (Distributors Demarcated Villages) : He Office Order No. I. 21011/1(A)/2008/DTE(SPY) dt. 25.11.2014 a LPG Distributor tin te chawm tur khua leh an hlat zawng tarlan te, Order No. I.21011/1(C)/2010/DTE(SPY) Vol. II dt. 21.1.2015 a km zat leh pawisa chawi belh ngai zat tarlante hmangin a chunga rate tarlan nen a chhutchhuak in LPG Distributor ten an huamchhung theuh khua ah Gas an sem thin tur a ni.
Read more »
Subscribe to: Posts (Atom)

Contact Form

Name

Email *

Message *

TOM © 2026. All Rights Reserved.
Published by Songate G
Powered by Blogger.