Showing posts with label Lunglei District. Show all posts
Tweet Share Share Share Share Share

August 11, 2018
DIET LUNGLEI B.ED COURSE A HAWNGVawiin khan Mizoram Youth Commission Chairman Pu Joseph Lalhimpuia chuan DIET Multipurpose Hall-ah Mizoram chhimlama Bachelor of Education (B.Ed) zirna awmchhun ni turin DIET Lunglei B.Ed Course 2018 a hawng. He hunah hian Mizoram University (MZU) Vice Chancellor Prof. K.R.S Sambasiva Rao chu khualzahawm a ni.

Pu Joseph Lalhimpuia chuan DIET Lungleiin  B.Ed Course zir theihna tur atana Provisional Affiliation a hmu chu a lawmpui thu sawiin Mizoram history-a mellung thar pawimawh tak leh hlawhtlinna ropui tak a ni, a ti a. Kan rama zirna kan siam that dawn chuan DIET-ah bul kan tan a tul a ni tiin B.Ed Course zirlaite chu thahnemngai taka thawk tur leh ram leh hnam hmasawnna kawnga an mawhphurna a san zia hre nawn turin a chah. Pu Joseph Lalhimpuia chuan zirlaite mamawh hmasawnna ruhrel changtlung tak buatsaih na turin NABARD atangin cheng Vaibelchhe 24 hmuh tawh niin NLCPR sum cheng vaibelchhe 10.4 hmanga Mizoram School Education Department hnuaia hmun khata project lian ber Teachers Training Complex, Lunglei Electric Venga buatsaih a nih tur thu a sawi a. Mizoram University Southern Campus Lungleia nei thei turin sawrkarin theihtawpa hma a lak thu leh amah ngeiin hemi chungchanga UGC Chairman leh MHRD Secretary a hmuh thu te a sawi bawk. 




Mizoram Youth Commission  hmalakna sawiin MYC Chairman chuan thalaite hmasawn nan  theihtawp chhuah a hma lak mek a ni a, tun hnaia sipai lak tur atan pawh Mizo thalaite a tam thei ang ber lak an nih theihna turin MYC kaltlangin inzirlawkna Pre-Recruitment Training District tinah buatsaih a ni dawn a ni, a ti.  SSC Coaching, NEET leh IIT-JEE exam coaching, IAS Coaching leh IELTS Training-te hlawhtling taka kalpui mek a nih bakah thalaite zirna lama chawk phur turin hmalakna hrang hrang Youth Summit and Road Show, Young Achievers Award te buatsaih a nih thu a sawi a. Tun thla ni 21 atangin Aizawl leh Lungleiah IAS coaching tan tura hmalak a nih tur thu sawiin Mizo thalai a tam thei ang ber IAS nih tir tuma tan an lak thu Pu Joseph Lalhimpuia hian a sawi bawk. 

He huna khualzahawm Mizoram University (MZU) Vice Chancellor Prof. K.R.S Sambasiva Rao chuan DIET Lunglei hlawhtlinna chu a lawmpui thu sawiin Mizorama khaw pawimawh berte zinga mi tlawhna hun remchang a nei thei chu lawmawm a ti a. MZU Vice Chancellor hna a chelh hnua a hmalakna hrang hrang te tarlangin Massive Open Online Courses (MOOCs) hnuaiah Skill Development hmalakna thar Employment Linked Skilling Programme (ELSP) kalpui mek a nih bakah MZU-a tan theih turin course thar 15  UGC ah dilna a thehluh tawh thu a sawi a. Mizoramin zirna kawnga hma a sawn zel theihna turin theihtawp chhuah zel a tum thu a sawi. Mizoram University Southern Campus Lungleia hawn theih ngeina tura hmalakna a kal zel thu sawiin VC chuan hemi chungchang hi Mizoram Chief Minister zahawm tak Pu Lal Thanhawla leh MYC Chairman Pu Joseph Lalhimpuia ten vawi tam tak an sawipui thu leh sawrkar laipui  Ministry of Human Resource Development (MHRD) leh UGC-te an dawr reng thu a sawi. Mizo thalaite chu thiamna leh theihna tam tak an nei a, hun lo la awm zel tura hmasawnna an neih theihna atan Mizoram chhuahsan a eizawnna kawng dap turin a chah bawk.




Hawnna inkhawm hi DIET Lunglei Principal Pu H Lalzirliana’n a kaihruai a. HATIM Principal Dr Rema Chhakchhuak in hunserh a hmang a. DIET Lunglei Principal hmasa ber Pu ZD Rongura’n thusawina hun  hmangin Pu Lalthansanga Chinzah, Sr Lecturer, DIET Lunglei chuan lawmthu sawiin hun a khar a ni.

DIET Lungleia B.Ed Course hawn theihna tur hian kum 2015 atang khan ngawrh taka hmalak tan niin 21st December, 2016 khan Eastern Regional Committee (ERC), National Council for teacher Education atangin endiktute an rawn kal a. 28th May, 2018 khan B.Ed Course tan phalna Provisional Affiliation an hmu thei ta a ni. DIET Lunglei hi kum 1974 ah Undergraduate Teachers Training Institute (UGTTI) a bul tan niin tun dinhmunah zirlai 224 an awm mek a, B.Ed zirlaite hi mi 50 an ni. -DIPR
Read more »
Tweet Share Share Share Share Share

July 30, 2018
CHANCHINTHARChanchinthar ToMZ: Mizoram sawrkar chuan mipui tan harsatna a thlen loh nan Aizawl, Lunglei, Serchhip, Champhai leh Mamitahte IPC Section 144 puangin zanin atangin heng districtahte hian Magistrate leh Policete duty tura tirhchhuah nghal an ni ang.

Home Minister leh Acting Chief Minister ni bawk Pu R. Lalzirliana hovin a chenna inah Lump Sum Higher Secondary School 9-te thil nawr chungchang leh law and order lama a thil nghawng te ngaihtuahin School Education Department, Home Department leh Finance Department hotute an thukhawm a. Finance Minister Pu Lalsawta leha School Education Minister Pu H. Rohluna te an tel.





Thutkhawmah hian thil awm dan ngun taka ngaihtuah a nih hnu in heng private school pakua ten Ad-hoc Grant in Aid a hlankai an phut chu tun sawrkar sum dinhmun en in tihsak theih a niloh thu a sawi a. Sawrkar atanga puihna Lump Sum Grant dawng mekte tan an sum dawn zat hi tipung turin a hma atang tawh khan hma lo lak tawh niin, sawrkarah file a kal mek thu sawi a ni bawk.

Home Minister chuan nu leh pa ten kan fate tan a a tha thei ang ber kan duh ang chiah hian sawrkar pawhin mipui tan a tha thei ang ber a tlin chinah chuan tih a duh thin a ti a. Chutihrual chuan sum neihin a tlin tawk ang zela rualkhai taka hmalak a ngaih thin avangin private school ten Ad Hoc Grant in Aid a hlankai an dilna chu tihhlawhtlin sak duh hle mahse a theihloh a ni, a ti bawk.





Committee hian thil phut nawr a zirna tibuai zawnga zirna in hial khar a ni chu pawi an tih thu leh, zirna leh zirlaite hma ngai tan chuan hetiang zawnga chet te, mipui chetvelna tibuai zawnga inkalpawhna kawng dan te chu thalo a ti a. 
Hemi avang hian mipui tan harsatna a thlen loh nan Aizawl, Lunglei, Serchhip, Champhai leh Mamit ah te IPC Section 144 puan nghal niin, zanin atangin heng district ah te hian Magistrate leh Police te duty tura tirhchhuah nghal an ni ang.

~DDK
Read more »
Tweet Share Share Share Share Share

June 13, 2018
ruah sur vanga chhiatnaNimin leh vawiin ruahsur leh thli tleh chuan Lunglei District hmun hrang hrangah harsatna thlenin - in chhia, kawngpui min, leimin in kawngpui a hnawhte leh luilian in chenna hmunhma a chim mek te a awm nual a ni.

Lungleiah hian nimin zing khan Kikawn Lungchhengaw bula Chawngfianga Memorial School (CMS) compound chhak kawngpui chu a min a, helaia footpath hi a tihchhiat nasat bakah kawngpui pawh a min hek nasa hle a, a min lai chu silpaulin a khuh niin YMA an hnathlang a. Leimin in kawngpui a tih chhiat avangin helai hmunah hian barricade dah a ni . Zohnuai vengah lei tlahniam leh lei khi avangin chhungkaw pathum an chenna in atangin an in thiar chhuak tawh a. Zobawk S ah leimin avangin chhugkaw pakhat an in thiar chhuak tawh bawk. Electric Veng, SAI Extension bulah nizan dar 9 vel khan leimin in transformer a delh chhia a, electric ban pathum a tlu bawk a, veng engemawzat ah power supply a awm mumal theilo a, P&E Department ten siamthat hna an thawk mek a ni.

World Bank Road kawnga Ramlaitui khaw chhungah leimin nasa tak thlengin tun dinhmunah motor te tlan tlang thei turin PWD-ten an thianfai tawh a. Haulawng leh Tlawng inkar ah pawh leimin avangin kawng a min phui vek a, thenfai hna thawh mek a ni. Tarabonia-ah in 19 evacuate tawh niin Marpara South ah pawh chhungkaw engemawzat an in thiar chhuak tawh a, VCP atangin report kimchang ngaihchan mek a ni. Bunghmun ah kilometer khat a thui lei khi a awm avangin chhungkaw 12 an in thiar chhuak tawh a. Leimin avangin Zawlpui khua ah chhungkaw 30 leh Phairuang khua ah chhungkaw 3 an in thiar chhuak tawh bawk.

lunglei chanchintharTlabung Tuipui pawhin len lam a pan zel a, tun dinhmunah Tlabungah chhungkaw 83, Serhuan ah chhungkaw 105, Tipperaghat ah chhungkaw 100, Bindasora ah chhungkaw 20 leh Diblibagh ah chhungkaw 30 an in thiar chhuak tawh a, hmun him lam pan pui an ni. Tlabung SDO (C) Pi V. Lalmuanpuii kaihhruaina hnuaiah Disaster Management Committee ten chhanchhuah hna an thawk mek a, hemi ah hiah All Head of office, Institutions, VC leh YMA-te telin Medical Team, water supply  team, Documentation team leh team dangah te insemdarhin mipuite tanpui hna hi ngawrh takin an thawk mek a ni. Lunglei DC atangin silpaulin leh mamawh dang te thawn vat niin State Disaster Response Force (SDRF) te vawiin tlai khan Tlabung panin an chhuawk bawk a ni.

Indian Meteorological Department in Warning a pek danin ruah hi naktuk lamah pawh la tla chhunzawm tur a nih hmel a. Hei vang hian Lunglei DC Dr Ankita Chakravarty chuan mipuite chu chhuak vak rihlo tur leh an in leh a chhehvel uluk taka lo vil turin a chah a. A tul hun apiangah Disaster Operation Centre No. 0372-2323635, 9436157750 (SDC i/c DMR) leh 9862653478 (DO, DMR) ah te engtik lai pawhin an phone theih a ni. District Disaster Management Authority chu a tulna a pianga che chhuak tura an inralrin reng thu a puang a ni. Thli leh ruah avanga Lunglei hmun hrang hranga leimin, mimal leh vantlang thil tihchhiat te hi Lunglei Bawrhsap chuan a hnuaia officer te tir chhuakin a enfiah tir tawh a ni.

-DIPR
Read more »
Tweet Share Share Share Share Share

June 10, 2018
BENGALI ASSOCIATION LUNGLEI TEN LUNGLAWN A LEIMIN TUARTE TANPUINA Dated.8/6/2018 Friday khan Bengali Association Lunglei te chuan Lunglawn a leimin avanga chhiat tawk Pu Vanlalpeka te ralna hun hmangin pawisa fai ₹6000 an hlan.

He hunah hian Bengali Association Lunglei President Sahid Uddin chuan thusawiin hnam dang nimah ila Lungleia cheng kan ni a, eng chhiatna pawh kan chunga thleng thei vek a ni a. Pu Peka te tawrhna hi kan thinlung takin ka tuarpui a ni a ti a. Tanpuina tam tak pek tur kan neilo na in kan tawrhpui tak zet a, kan member te atangin an remchan ang an thawhkhawm tlingkhawm ₹6000 hi kan hlan a ni ati.

Input Lunglei Chanchinthar


Read more »
Tweet Share Share Share Share Share

June 02, 2018
LUNGLEI DC ANKITA CHAKRAVARTI VISITS TLABUNG AREASZan khat riaka Tlabung tlawha zin Lunglei district bawrhsap Pi Ankita Chakravarty, IAS  chu zirtawpni (June 1, 2018) chhun khan Tlabunga tourist lodge-ah Tlabung Progressive Society bul tumin ropui taka lo hmuah a ni a; amah hmuaktu Tlabung mipuiten, Pi Ankita Chakravarty hi a thutna tura siam thutthleng cheimawi, Mizo puancheia khuh chungah thuttirin an lo zâwn a ni. 

Hemi hnu-a tourist lodge-a amah hmuaktute nen an inkawmkhawmnaah, Lunglei district bawrhsap hnenah hian khawtlang hruaitu leh mipuiten an mamawh chi hrang hrang an lo thlen a; kawlphetha mumal loh vanga harsatna an tawh thin chungchang te, hriselna lama thawktu indaih loh vanga harsatna an tawh te, an tui tlan chungchanga harsatna an tawh te bakah, khawtlang mamawh chi hrang hrang an lo thlen a ni.



Nimin (Zirtawpni) vek khan Lunglei DC-hoin, Tlabung SDO (C) chamber-ah ramri hung hna thawhin a kaihhnawih rèl ngai chi hrang hrang huamzau taka sawiho a ni a; ramri hung a nih avanga a bulhnaia miten buh leh thlai chinna hmun an chân chungchang te, border fenching enkawl zui zel dan tur te bakah, tun thlenga ramri hung pawna la awmte harsatna chinfel dan tur te, Corporate Social Responsibility chungchangte ngaihtuah a ni. 

Ramri hung a nih vanga mipuiten harsatna an tawh te chu sutkian a nih theihna tura hma la tur leh, June thla ral hma ngeia thil tul leh bawhzui ngai te zo fel vek turin, Pi Ankita Chakravarty chuan a kaihhnawih department leh public sector hotute a ngen a, an mawhphurhna hlen tura an hna an thawhna kawngah mipuite leh khawtlang hruaitute nen inlaichinna tha zawk siam tum tur te, inpekna thuk zawk nen ram tana an hnathawh chhunzawm zel turin a chah a ni.


IAS ANKITA CHAKRAVARTI Nimina Lunglei Bawrhsap-hoa thutkhawmnaah hian, India leh Bangladesh inrina hung páwna la awm, zangnadawmna hmu tawhte chu hung chhung lama an insawn dan tur sawiho a ni a; zangnadawmna hmuh tawh hnu-a hung pawna la awm lui zelte chu a tul dan azirin tihluihnaa nawr chhuah (forceful eviction) mai an ngaih tur thu pawh sawilan a ni.

Lunglei DC Pi Ankita Chakravarty hian tukin khan Tlabung chhehvela India leh Bangladesh inrina hungna hmun tlawhin, mipuite dinhmun a hmunah a enfiah a, vawiin khan Tlabung chhuahsanin Lunglei lam a pan lehnghal a ni.  -DIPR
Read more »
Tweet Share Share Share Share Share

May 31, 2018
MIZORAM ENTREPRENEURSHIP CONCLAVE: Mizoramah hmasawnna chak zawka a kal theihna tura Sawrkar flagship programme New Economic Development Policy (NEDP) hnuaia hmalakna peng pakhat Entrepreneurship Development Scheme (EDS) kaltlangin ni hnih chhung awh tur (1ST-2ND June 2018) Mizoram pum huap leh a hmasa ber atan ‘Mizoram Entrepreneurship Conclave 2018’ chu Convention Center, Lungleiah nghah a ni dawn. He Conclave hi High Powered Committee (HPC), Lunglei leh Mizoram State Entrepreneurship Development Monitoring Committee (MEDMOC) tangkawp ten an buatsaih ang.

Hemi chungchang sawiho tur hian vawiin khan Chief Planning Officer, HPC leh Member Secretary, MEDMOC ni bawk Dr Lalrinchhana hovin a Office Chamber-ah Press Meet neih a ni. Meeting-ah hian Lunglei DIPRO Pi C. Lalremruati leh Lunglei District MJA member-te an President Pu H. Lalthansanga hovin an tel a ni.

FIRST MIZORAM ENTREPRENEURSHIP CONCLAVEMizoram Entrepreneurship Conclave 2018 chu sumdawnna bul tan tum te, sumdawnna lian zawka kalpui duh te, sumdawnna chungchanga zawhna nei te, sumdawnna bul tan duh si, bul tanna nei lo te leh business idea tha tak a taka chan tir duh te tan ruahman a ni a.  Mahni kut kea din tum te kawng kawhhmuh tur leh an mamawh hrang hrang te zirchianga entrepreneuship chungchang inhrilhhriat chu he Conclave-in a tum ber a ni. Dr Lalrinchhana chuan Entrepreneurship Development Scheme (EDS) kaltlanga sumdawnna bultan tum te tana an hmalaknate chhimlam thalaiten anlo hriat ve a, mahni kutke a ding thei tura hmalaa intihsiakna 'Micro Start-up Competition' ah te a tam zawk anlo tel ve theihna turin he Conclave-hi Lungleiah nghah a nih thu a sawi.

Mizoram Entrepreneurship Conclave 2018 hawnna inkhawm hi Convention Center Auditorium-ah 1st June, 2018 zing dar 11:00 AM a neih tura ruahman niin Pu Lalsawta, Minister of Finance, Planning etc chu khuallian a ni anga, Pu Joseph Lalhimpuia, Chairman, Mizoram Youth Commission chu khualzahawm a ni ang. Dr C. Vanlalramsanga, Secretary, Planning  and Programme Implementation Department-in hawnna inkhawm hi a kaihruai ang. Chawhnu lamah Technical Session buatsaih niin Lunglei khawpui chhunga Bank hrang hrang manager-te leh Entrepreneuship lama mithiam rual Master Trainer-te an rawn tel dawn a, entrepreneurship lama hriat duh apiang an zawh theih bawk ang. Pu Joseph L. Ralte, Expert Member, MEDMOC-in “My Entrepreneurship Journey & Experiences with Financial Access in Mizoram” tih thupui hmangin ziritirna a pe bawk ang.

Conclave-ah hian Stall thahnem tak buatsaih a ni dawn a, 'Micro Start-up Competition' titha thlanchhuah ten Exhibition hmangin an thil siam an phochhuak ang. 'Micro Start-up Competition' kalhmang leh he competition-a tel tura an inpuahchah dan te leh entrepreneurship lama hriat duhte heng Entrepreneurs-te hi an zawh theih reng dawn bawk a ni. Exhibition hi 1st-2nd June 2018 zing dar 11:00 atanga  tlai dar 5:00 thleng mipuite tan hawn a ni dawn a, MEDMOC chuan Mizoram Entrepreneurship  Conclave hmasa ber ah hian mipuite a tam thei ang ber tel turin an sawm a ni.-DIPR
Read more »
Tweet Share Share Share Share Share

May 07, 2018
Vawiin khan Lunglei DC Dr Ankita Chakravarty, IAS chuan a office chamber-ah Tawipui 'S' Joint Action Committee (JAC) hruaitute a kawm. He meeting-ah hian Lunglei Additional SP, SDPO, SDC leh School Education Department hruaitute an tel.

Tawipui 'S' High School Headmaster transfer tak sawn let leh an ngenna leh an thil phut dangte Sawrkar hnena an thlen chu tih hlawhtlin theih ala nih loh avangin Tawipui S JAC te hian  Date 8th-9th May 2018 hun chhungin Total Bandh huaihawt an tum.

Dr Ankita Chakravarty chuan Tawipui 'S' khawtlang mamawh leh harsatna te sawrkarin a hriat sak a, amah ngeiin School Education Department hotute leh Sawrkar hotu dangte hemi chungchanga hmalaknate a sawipui tawh thu a tarlang a. Tawipui 'S' High School-a Headmaster dah turin sawrkarin theihtawpin hma a la mek a ni, a ti.Total Bandh huaihawt anih chuan Lunglei District mai bakah Lawngtlai District leh Siaha District mipuiten harsatna tam tak an tawk dawn a ni tiin Lunglei DC chuan Tawipui 'S' JAC te chu Total Bandh huaihawt an tum chu thulh turin a ngen a ni.

Tawipui 'S' JAC-te hian an hmalak zel dan tur sawiho turin zaninah committee an neih tur thu Lunglei DC an hrilh. Total Bandh hi kalpui anih chuan naktuk 8th May, 2018 zing dar 5 atanga chhiarin darkar 48 hun chhung a awh ang.-DIPR
Read more »
Tweet Share Share Share Share Share

April 30, 2018
Mizoram chhim lam District pathum Lunglei, Lawngtlai leh Siaha tlawha zin mek Mizoram Chief Secretary Pu Arvind Ray, IAS chuan nimin khan Lunglei alo thleng. Lunglei Additional DC Pu Benjamin Lalzama, DRDA Project Director Pu K. Lalrohlua, 2nd Bn MAP Commandant Pu C. Lalruaia leh sawrkar official dangten lo dawngsawngin Circuit House-ah inkawmhona hun an hmang.

MIZORAM CHIEF SECRETARY-IN LUNGLEI A TLAWH


 Pu Arvind Ray chuan amah lo hmuaktu Lunglei District official-te chungah lawmthu sawiin Lunglei District-a sawrkar hna kalpui a nih dan leh hmasawnna ruhrel Project te a hmuna tlawh tura lokal a nih thu a sawi a. Dan leh thupek kenkawh kawnga harsatna lian tham awm lovin boruak ralmuang tak hnuaia sawrkar hmalakna te kalpui a ni chu lawmawm a tih thu a tarlang bawk. District hmasawn zelna atan zirna leh hriselna a pawimawh hmasak thu sawiin Chief Secretary chuan Lunglei District mipui hriselna dinhmun te, damdawi ina khawl awmte, faina kawnga hmalakna te, zirna lam dinhmun te, kawlphetha leh tui supply dinhmun tlangpui te official kalkhawmte a sawipui. District official-te hian an hmalakna tlangpui te sawifiahin an hnathawh kawnga harsatna an tawh te Chief Secretary hnenah hian an lo thlen a ni.

 Chief Secretary chuan nimin vek khan Lunglei District chhunga hmasawnna hna kal mek pahnih – Lena Stadium, Serkawn leh State Sports Academy, Zobawk te a hmunah tlawhin a enfiah a. Heng hmunah hian a changtu officer ten Chief Secretary chu lo dawngsawngin hna kal mek dinhmun leh hmachhawpte an sawiho. Sawrkarin hmasawnna ruhrel asiamte chu duat tak leh neitu rilru pu chunga mipuiten an enkawl a tul thu a sawilang bawk. Nizan khan Lunglei Circuit House-ah riakin, tukin zing khan Aizawl lam panin a haw leh a ni.-DIPR
Read more »
Tweet Share Share Share Share Share

March 31, 2018
Vawiin chawhma khan Government Higher Secondary School, Lungleiah District Bawrhsap Pi Lalzarmawii, IAS chuan Mizoram Youth Commission (MYC) buatsaih zirlaite tana Medical College entrance tura inpuahchahna class Online Coaching Class for NEET a hawng.

Hawnna programme Prof J. Zorema, Principal Government J Buana College kaihhruaiah hian Pi Lalzarmawii chuan thu sawiin Online Coaching Class hawn ani chu Mizoram chhimlam mipuite, a bik takin thalaite tan malsawmna ropui tak a ni tiin he Centre din tura thahnemngai taka hma la tu MYC Chairman Pu Joseph Lalhimpuia chungah lawmthu a sawi a. India rama coaching class tha berte zing ami ALS hnuaiah Mizo thalaiten an zir ve thei tur chu hmasawnna rahbi pawimawh tak a ni tiin zirlaite chu taima tak leh tum tak takna rilru nen inpuahchah turin a fuih a ni.


He hunah hian Pu Lalsawmzuala, Under Secretary, MYC in Technical Report a pe a. He Coaching Centre hi Very-small-aperture terminal (VSAT) Satellite hmangin Alternative Learning Systems (ALS) Delhi Online class neih thin a ni ang. Vawiin March 28, 2018 atang hian thla khat awh tur Online Crash Course for NEET chu neih tan nghal a ni ang. June thla atangin kum hnih chhung awh tur IIT-JEE leh NEET Coaching Class tan a ni dawn bawk. Class hi Government Higher Secondary School Chanmari Lunglei-ah neih thin a ni ang. Admission la duh tan Labour, Employment & Skill Development Office, Bazar Veng Lunglei-ah (7641026891) leh Coaching Centre GHSS ah Pu Chawngchhuana Chawngthu zawhfiah theih a ni.-DIPR
Read more »
Tweet Share Share Share Share Share

March 27, 2018
Lunglei Bawrhsap Pi Lalzarmawii, IASVawiin chawhnu khan Lunglei Bawrhsap Pi Lalzarmawii, IAS hovin a Office Chamber-ah Pukpui to Tlawng kawng chhe siamthat Rigid Pavement hna kal mek chungchang sawihona meeting neih a ni a. He meeting ah hian EE PWD Lunglei Road Division Er Lalchhuana leh a thawhpuite, Lunglei SP Pu Lalthafamkima Jongte leh a thawhpuite, Lunglei Additional DC Pu Benjamin Lalzama leh sawrkar hotu dangte bakah Lunglei Sub Headquarters YMA hruaitute, Lunglei Thalai Pawl hruaitute leh Zoram Drivers Union (ZDU) hruaitute an tel.


Pi Lalzarmawii chuan World Bank Road chu Lunglei District mai bakah Saiha District leh Lawngtlai District mipuite mamawh chawkluhna kawngpui a nih avangin a pawimawh takzet a, “Kawng tha tak a rang thei ang bera kan neih theihnan inpawh tlang taka inrawn tawnin ruahmanna I siam ho ang u” tiin kalkhawmte thawhho puiah a sawm a. PWD hotute chu kawngpui tha tak, changtlung leh rintlak siam tura tan la turin a chah a ni.

PUKPUI TO TLAWNG INKAR KAWNG CHUNGCHANG MEETING NEIH A NI

 Meeting-ah hian tha taka inkawmhona hun hman a ni a. EE PWD Lunglei Road Division Er Lalchhuana chuan Lunglei Thalai Pawl, YMA leh ZDU te zawhna chhangin Rigid Pavement siam hna kal mek chungchanga an hmalak dan leh hmachhawpte chipchiar taka sawifiahna hun a hmang a. PWD hotute hian an hnathawh kawnga an harsatna tawh te sawilangin helai hmuna vut a tam thu te, air compressor hmanga theihtawp an chhuah thu te an tarlang.

Lunglei Thalai Pawl, YMA leh ZDU hruaitute chuan hemi kawng siam chungchanga an ngaihdan leh thil hriat duh hrang hrang te sawilangin PWD hotute chu kawng siam hi uluk zawka vil turin an ngen a. Hmalak chhunzawm zel dan tur te pawh sawiho niin hun lo kal zel turah inpawh tlang taka thurawn inpek fo an intiam a ni.

PUKPUI TO TLAWNG INKAR KAWNG CHUNGCHANG MEETING NEIH A NI Aizawl - Thenzawl -Lunglei Roadhi World Bank sum atangasiamniin kum 2011 khan hawn a ni. A kawng thui zawng hi 164.000 km a ni a,State Highway a ni. A zau zawng hi 7.45 m a ni a, a blacktop zau zawng hi 5.50 m a ni. Tlawng Lei hi 143.750 kmp ah a awm a, Pukpui hi 155.000 kmp ah a awm. Pukpui leh Tlawng inkar kawng chhe lai zual bik hmun 9 a Rigid Pavement Work hi ruahman niin hna hi a kal mek a. SLT Infracon leh Tantia Construction te heng hna te hi an thawk mek a ni.-DIPR
Read more »
Tweet Share Share Share Share Share

March 22, 2018

GOVERNMENT J BUANA COLLEGE, LUNGLEI-AH AWARENESS CAMPAIGN ON MENTAL HEALTH OF WOMEN NEIH A NI

Vawiin dar 1:30PM khan Government J Buana College Lungleiah RUSA leh Government J Buana College bultumin  Awareness Campaign on Mental Health Of Women tih hun hman a ni.

GOVERNMENT J BUANA COLLEGE, LUNGLEIHe hun hi Dr.B.Lalrinchhani, Associate Professor in a kaihruai a, Pu Thlengliana, Associate Professor, Vice Principal in thu tawi sawina a nei a ni. He campaign ah hian Dr.SP.Lalrinnunga leh Nl. Laldanmawii, MSW, te chu Resource person an ni a, an ni hian tunlai a thalaite zing a rilru lam natna vei an tam thu te sawiin, hetiang laka inven dan te leh thalaite nundan tha tam tak an sawi a. Tin, hmeichhiaten harsatna an tawh dan tam tak te an hriatpui a, hmeichhia te chhungkua leh khawtlang a an mawhphurhna leh an awm dan tur leh chanvo te an sawi bawk a ni. He hunah hian kum lama upa ten harsatna an tawh dan te an sawi bawk a ni. Thalai ten kum lama upa te an en dantur leh enkawl dan tur thil tha tak tak an sawi bawk a ni.

Vawiin vek hian Government J Buana College-a Equal Opportunity Cell hian Essay Writting Competition-Mizo category leh english category a pakhatna atanga pathumna te hnen ah pawisa fai leh certificate hlan na hun hman a ni. He hun ah hian zirlai 300 vel an tel a ni.-DIPR
Read more »
Tweet Share Share Share Share Share

March 20, 2018
29th Road Safety Week, 2018 pualin lirthei khalhtute fimkhur a tul zia leh Dan zawm tura infuih tharna atan Lunglei Auto Rickshaw, Taxi leh Maxi cab khaltu tha thlanchhuah an ni a. Heng Driver tha thlan te hi vawiin chawhnu khan Lunglei DC Pi Lalzarmawii, IAS chuan a office chamber-ah chawimawina thuziak leh lawmman cheng sangkhat (Rs.1000/-) theuh a hlan.

Driver tha thlanchhuah te chu:

ROAD SAFETY WEEK DRIVER THA LAWMMAN HLAN1)   Best Auto Rickshaw Driver – S. Vanlalkima S/O S. Liansanga, Theiriat

2)   Best Taxi Driver – R. Lalthangmawia S/O R. Liankhuma, Bualte

3)   Best Maxi Cab Driver – C. Lalruatsanga S/O C. Chamliana, Electric Veng.

Pi Lalzarmawii chuan driver tha thlanchhuah te chu a lawmpui thu sawiin “In chungah beiseina sang tak kan nei zel dawn a, midangte tana entawntlak ni zel turin nasa lehzualin tan in lak chhunzawm a pawimawh” tiin fuihna thu a chah a ni.-DIPR
Read more »
Tweet Share Share Share Share Share

March 01, 2018
Vawiin khan Govt. J Buana College, Lunglei ah Career Counseling and Placement Cell, Govt. J Buana College buatsaihin Career Counseling Fest neih a ni. Prof. Dr.J Zorema, Principal chuan khuallian niin a hmanpui.

LUNGLEI GOVT J.BUANA COLLEGECareer Counseling Fest hawnna inkhawm  Dr. Vanlalngaii, Asst. Professor, Govt. J Buana College kaihhruaiah khuallian Prof. Dr.J Zorema chuan thusawiin Career Counseling and Placement Cell in hetiang hun a buatsaih avangin lawmawm a ti a. Mithiam ten zirlai te tan a kalkawng an kawhhmuh tur che u hi hlawkpui tak a hmang a, kawng hrang hrang a hna zawnna lamah harsatna in tawh loh nan he ruahmanna hi siam a ni a, in tan liau liau a nih avangin hlawkpui thiam theuh tura an ngaihtuahna hmang turin zirlaite a chah a. Sawrkar Laipui scheme pawimawh tak RUSA avanga hamthatna dawn te hmang tangkaiin Computer Centre CCC Level zir theih na din a ni a, BA zawh rual a hna thawk thei tura zirlaite puahchah turin nasa takin tan kan la a ni, a ti. Tawng zirna English leh Hindi siam a ni a, Adventure, Sports, Cultural hmanrua tha tak nei tawhin Gymnasium siam a ni bawk a ti. Zirna piah lamah thiam thil pahnih khat emaw tal zirlai te siam sak tum anih thu a sawi bawk.

Vawiin a Creer Counseling Fest ah hian Janet Zonunmawii Hauhnar, Lecturer DIET, Lunglei in Teaching tih thupui hmangin zirtirna a pe a, Lalnghakliana Fanai, Advocate in Law and Judicial, Judy Lalparmawii, Asst. Professor, Govt. J Buana College in Higher Studies, Maj. Johny Malsawmzuala, Dist. Sainik Welfare & Resettlement Officer, Lunglei  in Military/ Defence leh Mariam L. Sailo, Director Institute of Hotel Management, Lunglei in Hotel Management tih thupui hmangin zirtirna an pe a ni.
Read more »
Tweet Share Share Share Share Share

January 30, 2018

CHAPCHAR KUT 2018 CELABRATION COMMITTEE THUTKHAWMNA NEIH A NI


Vawiin chawhnu dar 1:00 PM khan Pi Lalzarmawii, IAS Deputy Commissioner Lunglei kaihhruaina in a office chamber ah Chapchar Kut 2018 Celebration Committee thutkhawmna neih a ni.

LUNGLEI CHAPCHAR KUT 2018 CELABRATION Pi Lalzarmawii chuan member kalkhawm te chungah lawmthu sawi in, Mizoram Sawrkar atangin Rs 200000 (Nuai hnih) Lunglei District tan pek kan nih thu leh, a tlem deuh avangin Rs 100000 (Nuai khat) dil belh a nih thu a sawi. Mi tam takin Chapchar Kut hi kan ngai pawimawh zo lo fo thin a, Sawrkar chawlh satliah ah ngai lova kan zavai ta a nih zia hria a ngai pawimawh theuh turin member te a ngen a ni.

Meeting hian Chapchar Kut 2018 lawmna tur atan hian Chapchar Kut Organising Committee siam tha a ti a :

Chairman          :  Benjamin Lalzama, Addl, DC

Co-Chairman      : R.Lalnunthara, President, Sub Hqrs YMA

Secretary           : K.Lalfakzuala, Secretary, Sub Hqrs YMA, Lunglei

Asst Secretary    : R.Lalnghakliana,Asst Secretary, Sub Hqrs YMA, Lunglei 


Finance Managers : Lalrinawma, Museum Assistant, Art & Culture, Lunglei,                                           Ngurthansanga Sailo, Asst Finace Secretary, Sub Hqrs YMA, Lunglei

LUNGLEI CHAPCHAR KUT 2018 CELABRATION : Heng bak ah hian members atan Head of Department hrang hrang  te leh  NGO hrang hrang president te ruat an ni. Chapchar Kut 2018 hi Tuamluaia Mual ah March 2nd leh 3rd chhung hian hman tura tih a ni. Kut Pa atan Pu Joseph Lalhimpuia, MLA leh Kut Nu atan Pi Lalzarmawii, IAS Deputy Commissioner, Lunglei hman  Chapchar Kut Organising committee meeting hmasaber atan Dt 7th February dar 11:00 AM hian Sub Hqrs YMA Conference Hall ah neih tura ruahman a ni. DIPR
Read more »
Tweet Share Share Share Share Share

January 29, 2018
Lunglei DC LalzarmawiiVawiin chawhma dar 10:00 AM khan Administrative Training Institute Aizawl buatsaih in DC’s Conference Hall Lunglei ah Induction Training Programme For Cutting Edge Gov’t Functionaries chu Lunglei Bawrhsap Pi, Lalzarmawii, IAS chuan a hawng.

lunglei chanchinthar dc lalzarmawii
Hawnna inkhawm hi Pi Golda Del Zohmangaihi, Associate Proffessor leh Course Co-Ordinator ni bawk in kaihruai in, Pi Lalzarmawii chuan ATI in Lunglei hmun ah ngei a vawi khat na atan Induction Training a buatsaih avangin lawmthu a sawi a. Sawrkar hnathawk te hi mipui rawngbawltute kan ni a, he Training hi Sawrkar leh mipuite tan a tangkai a a beisei thu a sawi. Sawrkar hnathawk a te ber atanga lian ber thleng te hian training hi kan mamawh a, nitin kan hnathawhna ah kan phur phah thin a ni. Service Rules hi mahni chauhva chhiar ai chuan mithiamte in a min zirtir hian kan thiam phah bik a ni. Training hi Sawrkar hna kan thawh chhung chuan a hlut zia kan hre chho tulh tulh dawn a ni a ti bawk. He Training hian Department hrang hrang te nen a inpawhna leh inhmelhriatna tha lehzual a siam a beisei thu a sawi ani.

Induction Training hi Department hrang hrang 24 atangin mi 37 ten ni 12 chhung an nei dawn a ni.-DIPR
Read more »
Tweet Share Share Share Share Share

January 24, 2018
PIANG LEH THI CHHINCHHIAH CHUNGCHANG LUNGLEI-AH ZIR HO


LUNGLEI TUALCHHUNG CHANCHINLunglei Tualchhung Chanchin: Vawiin chawhma khan Convention Center, Lunglei-ah Economics and Statistics Department buatsaihin Lunglei District huamchhunga piang leh thi chhinchhiahtu Registrar-te intuaitharna “Annual Training on Registration of Births and Deaths” neih a ni a. Lunglei Deputy Commissioner Pi Lalzarmawii, IAS chuan khuallian niin a hmanpui.

He training hi kum tin buatsaih thin niin nimin khan DRO office –ah RBD ten piang leh thi an chhinchhiahna register leh receipt te endikna hna kalpui a nih bakah kumthar atana an hmanraw mamawh te sem chhuah an ni. Vawiin training-ah hian RBD ten an thil hriat tur pawimawh hrang hrang zirho leh sawihona hun an hmang a ni.


Vawiin programme Lunglei DRO Pu C. Vanlalmuana kaihhruaiah hian Pi Lalzarmawii chuan Annual training changtlung taka buatsaihtute leh RBD thahnem tak kalkhawmte chungah lawmthu a sawi a. Piang leh thi chhinchhiah pawimawh zia sawiin ramchhung State tin ten sawrkar laipuia thla tin an Register thehluh thin chu UNO-ah theh luh leh niin khawvel ram tina sawrkarin mahni ram chhung hriselna kawng ruahmanna siam nan an hmang tangkai em em a ni, a ti. Mizoram State chhunga piang nilo te piang anga register an awmloh nan RBD ten an hna fimkhur leh rinawm taka an kalpui a tul a ni tiin  Lungei DC chuan RBD kalkhawmte chu an hna a pawimawh zia hre thar leh turin a fuih a. Piang leh thi te uluk taka chhinchhiah vek tur a nih avangin chhungkaw tin ten mawhphurhna pawimawh tak an nei theuh a ni, a ti bawk.

PIANG LEH THI CHHINCHHIAH CHUNGCHANG LUNGLEI-AH ZIR HO

He hunah hian Pu R. Malsawmdawngzuala, 1st class Judicial Magistrate leh Pi C. Lalthanmawii, RO, Directorate of Economics & Statistics ten thu sawiin RBD te hriattur pawimawh hrang hrang an sawi lang. Chawhnu lamah Technical Session neih niin Pu C.Lalhmangiaha, SIS in kalkhawmte zirtirna a pe.

Piang leh thi chhinchhiah hi Mizoramah kum 1985 atanga kalpui tan niin tun dinhmunah Lunglei District-ah piang leh thi chhinchhiahtu (RBD) 166 an awm a. Pian leh thih atanga ni 21 chhunga in report te tan Registration leh Certificate man engmah chawi ngai a awmlo. He ni 21 ral hnua in report te tan Late fee leh Certificate pekchhuah man chawi a ngai a. Chhungkaw zingah Baptisma chang tur emaw nau hlan tur an awmin an Birth Certificate mil thlapa an pianni leh thla te, nu leh pa hming te ziah tur a ni. Pianni atanga chhuta kum khat hnu lama Birth Certificatr dil duhte chuan Magistrate phalna hmang chauhin Registration an dil thei a ni.-DIPR
Read more »
Tweet Share Share Share Share Share

January 24, 2018
MEANING OF LUNGLEILUNGLEI DISTRICT MIZORAM: The name “Lunglei” literally means ‘Bridge of Rock’. It derives its name from a bridge like rock formation found in a riverine on the eastern side of the present town. It is the largest district area wise and the second most populous district in Mizoram.

LUNGLEI DISTRICT MIZORAM HISTORICAL BACKGROUND:

In 1890, the Lushai Hills was formally annexed by the British and a separate District was established with its Headquarters at Aijal.
On 1st April, 1891 Southern Portion of Lushai Hill was constituted as a separate District under the Lt. Governor of Bengal. By proclamation of the Government of India, the South Lushai Hills was placed under the Administration of Assam on 1.4.1898. With the amalgamation of the South and the North into one District, the South Lushai Hills District was rendered as Sub-Division and the entire Lushai Hills District Administration was in the hands of Superintendent with its Headquarters at Aizawl and Sub-Divisional Officer at Lunglei (then Lungleh).
The elevation of Mizo District to the Union Territory status in January 1972, again brought about a significant change in the Administrative set up of Mizoram. Three Districts were created namely, Aizawl, Lunglei and Chhimtuipui Districts. In 1998 five more Districts were created viz.- Champhai, Kolasib, Mamit, Serchhip and Lawngtlai.

Lunglei District occupies more or less the central part of Mizoram, extending more to the southern side. It is bounded on the north- west by Mamit District, on the north- east by Serchhip District, on the south by Lawngtlai District, on the southeast by Saiha District. It shares international borders with Myanmar on the east and Bangladesh on the west.


  • Area : 4536sq. Kms
  • Location
  • Latitude : 22.03 N – 23.18 N
  • Longitude : 92.15 E – 93.10 E
  • International Borders : Bangladesh (on the west)
  • Myanmar (on the east)
  • Average elevation : 722 mts (2369 ft)
  • Highest elevation : Zopuitlang (1850 mts)
  • Lowest elevation : Karnaphuli River (20 mts)
  • Dense Forest area : 524.63 sq. kms
  • Climate : Humid tropical climate
  • Average Rainfall : 2566 mm per annum
  • No. of Sub-Divisions : 3
  • No. of RD Blocks : 4
  • No. of Notified Towns : 3
  • No. of Villages : 161
  • No. of Villages electrified : 118
  • No. of Village Councils : 145
  • No. of households : 27995
  • No. of Assembly Constituencies : 7
  • Population ( as per 2011 Census)
  • Male : 82,891
  • Female : 78,537
  • Total : 1,61,428



LUNGLEI DISTRICT MIZORAM BANKING FACILITIES :
Primary Banking Institutions like State Bank of India, Mizoram Rural Bank (Sponsored by SBI) have a good network of Bank Branches throughout the District. In addition to this Banks like Apex Bank, Axis Bank, Syndicate Bank, HDFC Bank, Canara Bank, IDBI Bank, Etc are also operating within Lunglei Town.

While State Bank of India have 3 branches at Hnahthial, Tlabung and Chanmari area Lunglei, Mizoram Rural banks are covering 8 prominent locations in the outlying areas. It is proposed to open accounts in the name of all tha NLUP beneficiaries as per NLUP Manual in the Bankable cover area. In fact both the SBI and Mizoram Rural banks have volunteered to function as bankers for NLUP project. These banks may also organized Mobile banking where necessary.

LUNGLEI DISTRICT MIZORAM HOSPITALS
There are four Hospitals within Lunglei town:
1) Civil Hospital, Lunglei (District Hospital)
2) Christian Hospital, Serkawn, runs by BCM Hqrs. Serkawn.
3) Hope Hospital (Private).
4) Faith Hospital (Private).

There are two hospitals at Sub-Division Level. These are: 
1) Sub-Divisional Hospital at Tlabung (40 beds). 
2) Community Health Centre at Hnahthial(30 beds).

Besides this, there are 9 Primary Health Centres/Subsidiary Health Centres at:

1) Chhipphir village
2) Buarpui Village
3) Bunghmun village
4) Tawipui village
5) Cherhlun village
6) Lungsen village
7) Haulawng village
8) Pangzawl village
9) South Vanlaiphai village

Read more »
Tweet Share Share Share Share Share

January 23, 2018

LUNGLEI DISTRICT DEVELOPMENT CO-ORDINATION AND MONITORING COMMITTEE (DISHA) THUKHAWM



LUNGLEI CHANCHINTHAR: LUNGLEI CHANCHINTHAR: Vawiin chawhnu khan Lunglei DC Conference Hall-ah Lunglei District Development Coordination and Monitoring Committee (DISHA) chu an Chairman Pu C.L. Ruala, MP Lok Sabha kaihhruaina hnuaiah an thukhawm. He Committee-ah hian Pi Lalzarmawii, IAS, Deputy Commissioner, Lunglei, Pu K. Lalrohlua Project Director DRDA leh Sawrkar official te bakah VC, YMA leh  MHIP aiawh  an tel a ni.

DISHA Chairman Pu CL Ruala chuan kalkhawmte kumthar chibai bukin thinlung thar leh inpekna thar nen mahni hna theuh thahnemngai taka thawk chhunzawm turin a chah a. Kalkhawmte chu thingtlang mirethei leh chanhaite chhawmdawl hna thawk an ni tih hre thar leh tura chahin Lok Sabha MP chuan mahni hnathawhna kawng ah sulhnu tha tak hnutchhiah thei tura theihtawp chhuah turin a fuih a. Lunglei District tih hmasawnna kawnga mawhphurhna pawimawh tak an chan avangin Department hrang hrang hotute chu inhriatthiam tawnna boruak tha hnuaia tan la tlang zel turin a fuih bawk. Tlawmngaipawl hrang hrang hruaitute  leh khawtlang hruaitute chu an vei zawng apiang inthlahrung hauh lova sawi lang thin turin a sawm bawk.


LUNGLEI CHANCHINTHAR: Meeting ah hian kumin sawrkar kum kal mekah MGNREGS  hnuai ah ni 47 inhlawhna siam niin September 2017 thleng a Lunglei District chhunga job card nei mi 35517 an awm tih tarlan a ni a. DISHA Chairman Pu CL Ruala chuan MGNREGS inhlawhna tam zawk Mizorama pek chhuah a nih theih nan Sawrkar Laipui hotute a hmuh thu leh MGNREGS sum chungchanga harsatna awm te an hnena a thlen thu a tarlang a ni. Individual House Hold Latrine hnuai a ekin sak tur 950 ah 690 sak zawh tawh a ni. Kawngpui dung ah km 82.23 thing phun a ni. Anganwadi Center 20 sak turah 11 peih fel a ni tawh bawk. Lunglei District chhungah PMAY-G hnuai ah in 865 sa tura ruahmanna siam mek niin PMKSY (WD) hnuaiah Project pahnih kalpui mek a ni

PMGSY hnuaia kawng siam hna kal mekah Thingfal to Mamte Road leh Tawipui N to S Mualcheng Road hna te zawhfel tawh niin tun dinhmunah Tlabung to Diblibagh Road, Mauzam to Puankhai Road leh S. Vanlaiphai to Muallianpui Road-te thawh chhunzawm mek an ni. P&E Department hnuaia Deen Dayal Upadhyay Gram Jyoti Yojana (DDUJY) hnuaiah khaw pali ah eng pek tur kalpui mek niin Integrated Power Development Scheme (IPDS) pawh chak taka kalpui mek a ni.


LUNGLEI CHANCHINTHAR: Kum 2016-2017 chhung in Lunglei District ah Nausen piang hlim thi 42 an awm a, Infant Mortality Rate chu 18/1000 a ni a, kumin April atanga December chhung in nau piang hlim thi 27 an awm a, IMR hi 15/1000 a ni. Hemi chhung hian nu nau chunga thihna pakhat a thleng a ni. Malaria vei mi 1330 zingah mi 1188 te chu Malaria Pf niin Denque vei mi sawmpathum hmuhchhuah an ni. Kumin chhungin Medical Mobile Unit 27 neih tawh a ni. Kumin April atanga December chhung in mi 2645 Blood Test te zingah mi 48 HIV positive hmuhchhuah an ni.

SSA Mission Mid Day Meal hnuaiah School 552 awmin zirlai 28,783 ten Mid Day Meal an dawng. Swachh Bharat Mission (Gramin) hnuai ah IHHL Lunglei block ah 1376,  Hnahthial block ah 598, Bunghmun Block-ah 1044 leh Lungsen Block-ah 2878 sak a ni. ICDS hnuai ah tar pension 5,265 te hnen ah pek an ni a, naupang kum 6 hnuai lam te tan nutrition pek an ni bawk. Social Welfare Department hnuaia Vocational Training in Tribal Area hnuaiah mipa 17 leh hmeichhia 64 ten training an nei tawh bawk.

Hengte bakah hian District chhunga hmasawnna hnathawh dang engemaw zat en ho a ni bawk.-DIPR
Read more »
Tweet Share Share Share Share Share

January 15, 2018
LUNGLEI DISTRICT ELECTORAL ROLL 2018 Vawiin chawhma dar 11:00 khan DC Conference Hall-ah Lunglei Additional DC Pu Benjamin Lalzama chuan Assembly Constituency pasarih awmna Lunglei District Final Electoral Roll 2018 a tlangzarh. Vawiin tlangzarhna programme-ah hian election lam kaihhnawih sawrkar official-te bakah Political Party hruaitute leh MJA hruaitute an tel. 



Pu Benjamin Lalzama chuan Lunglei District Final Electoral Roll a hun taka peih fel a ni chu lawmawm a tih thu sawiin Election Branch-a thawktute leh ERO, AERO, BLO te thahnemngaihna leh thawhrimna chu fakawm a tih thu a sawi. Lunglei District-in Electoral Roll  dik leh felfai tak a neih theih nan Special Summary Revision hun chhungin nasa takin hmalak a nih thu sawiin August thla chhungin ‘Special Drive of E-Roll’ neih a nih bakah District huamchhunga ERO, AERO leh BLO-te tan vawi engemawzat training buatsaih a ni a, November thla chhung khan Special Drive buatsaih a ni bawk. 

LUNGLEI DISTRICT ELECTORAL ROLL 2018 TLANGZARH A NI

Final Electoral Roll in a tarlan dan in Lunglei District-ah voter 1,03,577 (mipa – 51635, hmeichhia - 51942) an awm a, Assembly Constituency hrang hrang dinhmun chu hetiang hi a ni:
S No
A/C No & Name
Male
Female
TOTAL

1
29 – South Tuipui (ST)

7271
7374
14645
2
30 – Lunglei North (ST)
7889
8204
16093

3
31 - Lunglei East (ST)
7066
7487
14553

4
32 - Lunglei West (ST)
6802
7352
14154

5
33 - Lunglei South (ST)
8412
8525
16937

6
34 -  Thorang (ST)
6572
6239
12811

7
35 – West Tuipui (ST)
7623
6761
14384

TOTAL VOTERS
51,635
51,942
1,03,577

1.       Draft Roll hnuhnung berah Mipa – 50,792 leh hmechhia - 57,032 awmin 1,01,824 voters an awm.

2.       Special Summary Revision atanga pun belhna ( Mipa  - 843 leh hmeichhia – 910 )= 1753 voters.

3.       Final Electoral Roll-a District pumpuia vote nei zat (Mipa – 51635 leh hmeichhia - 51942) = 1,03,577 Voters.

4.       Punna % = 1.72%

5.       Mipa aiin hmeichhia hi 307 in an tam zawk a ni.

6.       Lunglei District A/C zinga voter tamna ber chu Lunglei South A/C niin voters 16,937 an awm a, voter tlem na ber chu Thorang A/C niin voters 12,811 an awm a ni.

7.       Za zela punna sang ber A/C = 29 – South Tuipui (ST) = 2.36%

8.       Za zela punna tlem ber A/C = 34 – Thorang (ST) = (-)0.17%

9.       Service Voter hnuaiah Form 704 dawn niin 324 chu pawm an ni. 

Special Summary Revision of Photo Elec­toral Rolls, 2018 ah hian Qualifying date-ah 01.01.2018 hman a ni. Election Commission of India-in ruahmanna a siam angin, Final Electoral Rolls hi Recognized National Party leh State Political Party te hnenah a thlawnin hard copy pakhat leh soft copy pakhat pek an ni.

Source: DIPR Mizoram
Read more »
Subscribe to: Posts (Atom)

Contact Form

Name

Email *

Message *

TOM © 2026. All Rights Reserved.
Published by Songate G
Powered by Blogger.