Showing posts with label Mizoram Politics. Show all posts
Tweet Share Share Share Share Share

July 29, 2019
Mizo Peoples' PartyZoram Peoples Movement Party(ZPM)-ah Mizoram Peoples Conference Party mi te an Vice President Pu Lalthansanga MLA hlui hoin an lut a, Pu Lalthansanga chuan Rangkachak anga tuiek thei lo Brig. Thenphunga Sailo policy tuipuitu party-ah a zawng zawnga thawk turin MPC atanga bangin an ZPM pumhlum ta tih vawiina ZPM Party inkhawmah a sawi a. 

Brig. T Sailo policy atchilhtute an la nih reng thu sawiin, Pu Thena’n ‘Ngaizel khamah zuangthla rawh u’ ti se dam chuan vanneih a ni mai tih rilru pu chungin an zuang thla duh hial ang, a ti.

ZPM zawm ve bawk MPC Sr. Vice President Pu C. Laltanpuia chuan ZPM chungchangah pumkhata awm leh party dang chetchhiatna sawia phur ringawt lova kalphung thar kawng zawha a taka chet chhuah a tul thu a sawi a. Pawisa leh therhlo dang hmang te, dawt leh finfiah hleihtheih loh hmangtea sorkarna siam tum lo turin ZPM mipuite a sawm a. 

Mizoramin ramri buai a neih chu vei ringawt a tawk lo va, chingfel tura a taka thawh a ngai a, sorkarna chelhtute mawhphurhna a sang hle a ni, a ti a, “Kristianna leh Politics hi inhnerem taka kalpui theih a ni a, Politcs-ah Krista chanchintha a zalen chuan rorelna tha leh dik a thleng ngei dawn a ni” a ti bawk.

MPC Party Sr. General Secretary Pu Phairothanga pawhin MPC chhuahsana ZPM-a an awm tak chungchang sawiin Mizoram hmun hrang hranga MPC te pawh reiloteah ZPM ah an rawn inchhunglut vek ang, a ti.

ZPM hnuaiah hian party leh pawl hrang hrang pasarih an inchhungkhawm a, nikuma General Assembly chu chuhin MLA 7 an nei a, chung MLA zingah chuan a hmaa MPC ni thin 3 an awm a ni. ZPM chu Party anga kal a registration a tihfel hnuah erawh an thawhpui thin MPC chu inhnukdawkin a kal hrang a ni.

Hetihlai hian, ZPM Legislature Party a MLA pasarih te thutna turah buaina a awm thei em tih zawhna chhangin MLA Pu Vanlalhlana chuan ZPM hnuaia independent-a inthlan chuha tling an ni a, anni chu Independent MLA an ni mai a, Assembly ah pawh ZPM Legislature Party thutnaah an thut mai tur thu a sawi a ni.
Pu Vanlalhlana chuan MPC-ah nihna nei thei an ni tawh lo tia MPC President-in a hrilh hnuah an nihna chelh te an bansan nia sawiin MPC an chhuahsan thu erawh a sawi chiang thei lo a ti a, ZPM Legislature Party-ah an thu a nih erawh chuan ZPM mi anga ngaih theih an ni thei tih a sawi a, hemi chungchanga thil chianglo hi hrilhfiah mai theih a la ni lo a ni, a ti.

Mipui thlan tlin MLA leh MP-te’n thlan tlin an nihna party bansana party dang an zawm chuan Anti Defection Law hmanga ban theih an ni tih a ni a, hemi chungchang hi zawhna tamtak a awm a, MPC leh ZPM Party inkarah pawh hei hi zawhna zawh tam ber a ni.

ZPM MLA zingah hian MPC ni thin MLA 3 - Pu Vanlalhlana, Pu C. Lalsawivunga leh Pu VL Zaithanzama te an ni a, tun dinhmunah ZPM Party zawm zingah hian an la tel ve chiah lo a ni. ~AIR
Read more »
Tweet Share Share Share Share Share

July 24, 2019
www.timesofmizoram.comMizoram Peoples Conference Party MPC chuan ZPM party thar in inthlanpui a la hmachhawn lova chuvangin ZPM party in MLA pakhat mah a la nei lo an ti.

Vawiin khan thuchhuah siamin MPC Party chuan Pu Lalduhawma Independent MLA-in Independent MLA pasarih te dinhmun a sawi thin dan chui thubelhchian dawn lo leh MLA-te tan pawh a him lo tak a ni an ti a. ZPM Legislature Party Assembly House Speaker remtihna a siam leh ZPM Political Party Election Commission of India (ECI) hnuaia awm hi dinhmun hran daih a ni an ti a, Pu Lalduhawma’n Independent MLA pasarih te ZPM MLA anga a sawi hi thubelhchian dawl lo a ni an ti.

MPC Founder President Brig. T. Sailo Policy duan sa Six Basic Needs chu ZPM Policy laimu a ni reng dawn a ti ngawt chu a tawngvai nge ZPM party thar chu Policy nei lova Registration dawng ve ngawt ah a puh zawk, an ti bawk a, MPC Party Policy Six Basic Needs, ZPM party Policy atana Pu Lalduhawma’n a puang ve ngawt chu MPC party chuan an Party zah lohna leh palzut na lian takah a ngai a ni an ti. 

PRESS RELEASE Memo No.PC-7/2019-2020/PR-4
OFFICE OF THE MIZORAM PEOPLES’CONFERENCE PARTY
GENERAL HEADQUARTERS: AIZAWL: MIZORAM
Dated Aizawl, the 24th July, 2019 
June 22, 2019-a ZPM-in Election Commission of India (ECI)-a Registration an neih lawmna a thusawi tu Pu Lalduhawma Independent MLA-in MPC Founder President Brig. T. Sailo Policy duan sa Six Basic Needs chu ZPM Policy laimu a ni reng dawn a ti ve leh ngawt hi a tawng vai nge! ZPM party thar chu Policy nei lova Registration dawng ve ngawt ah a puh zawk, tih hi MPC Party zawhna a ni.  
MPC Party Policy Six Basic Needs, ZPM party Policy atana Pu Lalduhawma’n a puang ve ngawt hi MPC party chuan an Party zah lohna leh palzut na lian takah a ngai a, ama duansa Hmunphiah, sawhthing leh DAH Policy kha a sit ta em ni? 
Pu Lalduhawma Independent MLA hian MPC Party mi leh sa te bum nan MPC Founder zahawm tak Brig. T.Sailoa hming leh a Policy Six Basic Needs hi Pu Lalduhawma hian hmang tawh lo se MPC party chuan kan duh takzet a ni.  
Pu Lalduhawma’n Independent MLA pasarih te dinhmun a sawi thin dan pawh hi thubelhchian dawn lo leh MLA-te tan pawh a him lo tak a ni a. ZPM Legislature Party Assembly House Speaker remtihna a siam leh ZPM Political Party Election Commission of India (ECI) hnuaia awm hi dinhmun hran daih a nih laia, Pu Lalduhawma’n Independent MLA pasarih te ZPM MLA anga a sawi hi thubelhchian dawl lo a ni a, ZPM party thar hian Election pawh a la hmachhawn lo a, chuvangin ZPM party hian MLA pakhat mah a la nei lo a ni.
Sd/- (LALTHLAMUNA) 
General Secretary i/c Publicity                                                 
MPC Gen.Headquarters 
Read more »
Tweet Share Share Share Share Share

July 24, 2019
Mizoram Congress (Mizoram Pradesh Congress Committee) party hruaitu tharte:

1. President : Lal Thanhawla
2. Vice President : H. Liansailova
3. Treasurer : Zodintluanga Ralte

Heng hruaitute hi Mizoram politics a mi challang tak vek an ni a. Faktu leh seltu pawh an nei ve nual ngei ang.

Pu Hawla hi a upa ve ta hle a, a chawlh tawh ring an awm á¹­hup laiin, chawl loin a hotu lu ber dinhmun a la luah dawn. Congres party-ah ngei pawh hian Pu Hawla hi chawl tawh se ti an kat ve nuk niin a hriat a, mahse a chawlh a la rem si lo a ni mai thei.

An sorkar lai khan, Pu Hawla te hian lal chhungkua ang deuhin an chhung kualhote an induhsak deuh a puh a ni thin a. Lal chhungkaw zing ami Pu Lal Thanzara hi President turin Pu Hawla hian a ruahman deuh nia puhna a tam a. Chutih laiin Minister lar tak ni á¹­hin Pu Zodintluanga pawh hian President nih ngei a tum ve nia ngai pawh an awm a, lam á¹­ang pawh a nei nual awm e.

Pu Lal Thanzara hi a u duhsakna chang chung siin Minister chak tak a sawi a hlawh pha ngai meuh lo a, Pu Zodintluanga erawh a Minister lai khan a langsar hle. Minister tha an ni em tih chu mipuiin kan hria ang a. Pu Lal Thanzara hi President a duhtu an tam lo anga, a ni ta lo mai nge ni anga, Pu Hawla khan President turin a lo hual lawk lem lo zawk ni. Rinthu bak kan hre lo.

Vice President hi, Vice a awm reng awm tak chi, pa á¹­ha leh dik a ngaih ni mahse, mi hrohrang na lem lo chi a ni a. Pu Hawla a chawlh hunah a President zui ta a nih pawhin, a President reng a rinawm vak loh. Chuvangin, nakina Mizoram Congress Party President tur hi tunge niang tih chu kan la inrin siak zel a niang chu.

Central lamah Rahul Gandhi an, President nih ka duh tawh lo a ti lawm lawm chungin, party hruaituten an thlem ngat ngat a, banna a thehluh hnuah pawh, President turin an nghak reng a, a á¹­ang tlat mai si. Mizoram ah ve thung chuan, tute mahin langsar taka ui beh thu an ti lang lo chungin, kum 90 tling á¹­ep tawh Pu Lal Thanhawla bawk a President leh ta vung mai, a á¹­ha lo chu a ni lo, mahse a upa deuh tawh a ni, kan ram Kawngpui diak tak tak pawh Foreigner ten a á¹­ha an ti nia a ngaih tlat kha.

Pu Hawla hi MLA ah te a in candidate tawh awm si lo a, CM candidate atan tutak vawrh zel ang maw? Mihring kum atanga chhutin Pu Hawla hi President a ni rei dawn lo tih pawh a chiang, a thlaktu an tih chian hma chu, kan la inrinsiak anga, Party chhungah pawh inpawhna leh inrinsiakna neuh neuh a awm ve reng mai thei. 
~ Jos Elsi
Read more »
Tweet Share Share Share Share Share

July 22, 2019
Picture of ZoramthangaMizoram Ramri Buaina: MNF President, Chief Minister Pu Zoramthanga’n ramri buai chu chinfel tum dan fel fai tak an nei a, tuna puanzar mai chi a ni lo, a ti.

Vawiina an party MNF Hqrs Office, Mizo Hnam Run-a an party Dan bu chhut thar a tlangzarhnaah thu sawiin Pu Zoramthanga chuan, Assam leh Meghalaya in ramri buai an nei a, Assam leh Arunachal-in an nei a, Assam leh Nagaland-in an nei bawk a, hmun thenkhatah chuan inkahnate pawh a awm a. Assam Chief Minister Tarun Gogoi-a nen ramri buaina hi an lo sawi dun tawh, a ti a. 


Ramri buaiah hian Boundary Commission-in a rorelna leh a report chu tu State pawhin an zawm tur a ni a; mahse state pakhatin a pawm kha a leh lam state-in an pawm thei lo zel bawk a ti a. Anni chuan ramri buai chin fel dan tur fel fai tak an nei a, tuna puanzar mai chi a ni lova, ramri buai ching fel tur hian hmanhmawh phut phut chi pawh a ni lova, tihdan tur lo sawi lawk vak avang hian thil fel lo a awm phah thei zawk a ni, a ti. 

Mizoram châk lak luhna ber Silchar lamin an hrêk thin chu hmun dang dang atanga kaltlang theihnate siam fel hmasak phawt a ngai a, a hunah chuan an la ti mai dawn a ni, a ti a, Chief Minister chuan an sorkar hmalakna leh kal zel dan chungchang an sawi tlem nia mi thenkhatin an sawi chungchang chu a dikna chen a awm a. Mahse, anni chuan sawi vak aiin a takin SEDP, Bamboo leh hmalakna dang pawh an kalpui dawn a ni, a ti. 

Congress party chungchang pawh sawiin MNF President chuan, kum 1998-ah sorkarna lain 2008 leh 2013-ah te an tla a; 2013-ah khan lo sorkar ta se Congress sorkar chhiatzia hriat hman a ni lovang, a ti a. 2013-ah Congress chu sorkar nawn lehin zu an zuar a, chhiatna tinrengin a bawm ta a, a sawia sawimawi theih rual lohin an lo chhe ta a, tunah chuan Congress-in India ramah President pawh an nei lo, a ti. ~AIR
Read more »
Tweet Share Share Share Share Share

July 22, 2019
Zoram Peoples Movement (ZPM) hruaitu Pu Lalduhoma’n MPC nena thawkho turin an inhawn reng thu a sawi.
ZPM Lalduhoma

Vawiina ZPM Office-a thu a sawiah Pu Lalduhoma chuan MPC mi leh sate chu an la thlahlel em em a. Tunah an zingah Party angin tel thei lo mah se an thian thaah an ngai zui zel dawn a, a rem chinah thawkho zel turin ZPM chu an la inhawng reng a ni, a ti.

ZPM chuan Brig. T. Sailoa’n a vei em em Power-a intodelh leh Basic Needs tipuitling turin hma a la zel dawn a, Pu Thena hming chu a daih an phal dawn lo nia sawiin Pu Lalduhoma chuan policy a lo duante kha an Policy laimu a ni reng dawn a ni, a ti a. Sorkar Kalphung Thar, Mipui Sorkar siam turin Pawl hrang 7-ten ZPM an din a. A tirah chuan a bul tan nan mahni pawl thiat lova thawhhona huang a ni a. Hun a lo kal deuh va, mahni Pawl hal rala Party pakhata infin tul tihna leh duhna a lo lian ta tual tual a, rawtna pawh vawi engemaw zat a lo lut ta a. Chuvangin, kum 2017 tawp lamah daih tawh khan Party pakhata infin rem an tih leh tih loh chu pawl tin inzawtin MPC in rem an tih loh avangin an puitlin ta lo a ni, a ti a.


Independent ang ringawta inthlan hmachhawn chu fel lova an hriat avangin kawng dang dap zui zelin amah ngeiin ‘MPC te hian an Party hming hi ZPM-in thlak se, an Symbol leh Recognition hi chhawm mai ni se tih a rawt thu sawiin Pu Lalduhoma chuan, Election Commission of India-ah pawh a rem leh rem loh an zawt fiah vek a; mahse MPC te hian an recognition leh symbol hman pawh chu an remti thei ta lo va. ZNP ten an theih thu an thlen pawh chu an pawmpui thei ta chuang lo va ni, a ti.

ZPM-a tel te chu Party khata infin rem an tih leh tih loh kumin May thla ral hmaa thehlut vek tura hriattir thar leh vek an nih thu leh pawl dang zawngin rem an tih thu an thehluh vek laiin MPC erawh chuan thu mum an nei thei lo tih sawiin, June thlaa MPC te an hriattir nawn leh chu an chhanna an nghah laiin MPC chuan Press Conference kovin ZPM-a tel an tum loh thu an puan hnan ta a ni a ti. 
ZPM Senior Vice Chairman Pu F. Rodingliana chuan nimin khan MPC President inah lengin, ZPM-a tel ve ngei tura an ngen nawn lehna lehkha pein hmaichhanah a sawipui leh a. ZPM-a tel an tum loh thu chu chiang taka hrilh a ni leh ta a ni, a ti bawk.

ZPM MLA te Party danga pakai mai tur anga thuthang awm chu thu dik lo, sorkar tura ngaituten an huphurh vanga an phuahchawp a nih thu sawiin Pu Lalduhoma chuan, ZPM MLA te party danga an pakai chuan Anti-Defection Act hmangin ban theih an ni dawn a, eng party mah zawm thei an ni lova. ZPM MLA te tan ZPM chauh chu himna awmchhun a ni, a ti. ~AIR
Read more »
Tweet Share Share Share Share Share
July 17, 2019
ZPMZoram Peoples Movement ZPM chu Mizorama Regional Political Party pakhat atan a in ziak lut a, ZPM Chairman Pu Lalliansawta chuan Party anga an in register thu hi vawiin khan thuthar thehdarhtute Aizawl Press Club ah a hrilh a,  ZPM chu Political Party pakhat angin, Sorkar Kalphung thar din turin, Party kalphung pawh danglam tak neiin a inbuatsaih thei dawn ta a ni a ti a. Tun atanga hun rei lo teah Headquarter-ah mawhphurtu insiam thar a ni ang a ti bawk.

Pu Lalliansawta chuan Mizorama Political Party zingah piang tlai ber an ni chungin, Mizoram Legislative Assembly-ah Member pasarih an nei a, Opposition party zinga lian ber an ni chu lawmawm a tih thu a sawi a ni.

State Assembly inthlan zawh takah khan, ZPM chu Movement ang chauha kalin inthlan an hmachhawn a, MLA bial riat laiah mipuiten an thlang tih sawiin Mizoram mipuiten, sorkar tha neih duhin rual an awt takzet tih a hril chiang hle a ni a ti.

Kum 2023 Assembly inthlan hmachhawn turin inbuatsaihna hun kum li leh a chanve a la awm a, Mizoram mipuiten an beisei Sorkar tha an neih theihna tura an hmanrua nih an tum dawn tih sawiin Kohhran te, Tlawmngai Pawlte, Sorkar hnathawkte leh Press mite mit tlung taka inbuatsaih an duh tih an sawi a ni.~AIR
Read more »
Tweet Share Share Share Share Share

June 21, 2019
Mara Autonomous District Council (MADC) a rorellai Congress legislature party (CLP) chu an legislature party thiatin BJP legislature party nen an inchhunfin.

BJP Govt
He thu hi nimin khan MADC chief executive member (CEM) leh CLP hruaitu Pu N. Zakhai chuan ziakin MADC chairman hnenah a hriattir a. MADC a CLP-te chu Nilaini khan Siaha khawpui-ah thukhawmin he thutlukna hi an siam a, hemi tlai atang hian BJP legislature party nen an inchhunfin (merger) ta tih a hrilh. Hetiang a nih avang hian CLP hi thiah a ni a, a awm tawh lo tih chu chairman hi an hrilh nghal bawk. An thupuan-ah chuan CLP thiat a BJP legislature party zawmtu mi 15-te’n an hming an ziah hnan a, Siaha khawpui a awm velo Congress MDC mi pangate pawhin telephone hmangin CLP thutlukna hi an thlawp thu an sawi vek niin tarlan a ni bawk.

CEM Pu N. Zakhai chuan vawiin khan kan Corr C.Z. Hluna zawhna chhangin BJP legislature an zawmna chhan chu an Policy lian ber India Constitution Schedule parukna siamthat leh state sorkar kaltlang lova sorkar laipui atanga sum dawn chu central a BJP sorkar chak tak lo piangin tihhlawhhlin sak a tiam vang a ni tiin kum 20 chuang an lo buaipui tawh chu BJP sorkar ah hian an hmuh ngei an beisei awm tak avangin BJP chu an zawm ta tih a sawi a ni.

Tuna MADC sorkar (executive committee) hi kum 2017 May ni 8 a din kha a ni a. Hemi kum May ni 4-a member 25 awmna MADC inthlanah hian Congress 17 an tling a, MNF 5 tlingin MNF thawhpui Maraland Democratic Front (MDF) 2 an tling a, independent pakhat a tling bawk. Congress hian sorkarna siamin member pathum chu ruat seat-ah an dah a ni. 

MDF MDC tling pahnihte hian BJP zawmin BJP legislature party an din a ni. Hetihlai hian MADC a member 5 nei MNF Legislature party hruaitu Pu H.C. Lalmalsawma Zasai chuan vawiin khan MADC chairman hnenah lehkha thehlutin MADC (Constitution, Conduct and Business etc) Rules 2002 in a phut angin mahni party chhuahsantute hi MDC an nihna hlip (disqualify) tura ngenin sorkar thar siam tura hmala turin a ngen a ni. ~ AIR
Read more »
Tweet Share Share Share Share Share

April 03, 2019 5

HRIATA CHHANGTE : AN OFFICER , A GENTLEMAN
By Lalfinga , Serchhip


UCO Bank Loan30/3/2019 Vanglaini page 4 a UCO Bank Posession Notice kha kalo hmu ve a, mahse midang sawi zui dan anglo tak in ti zawng hian ka ngaihtuah na a kal daih thung.

Pu Hriata Chhangte in tun tum a MP in candidate ,a Election Affidavit kan en sak chuan Liabilities hnuai ah Para - B ,Sl no 9 ah hian HBA UCO bank atanga a lak thu a chuang a, tuna UCO bank a ba hi ama insawi dan chuan Rs 10,00,000 approximately tih alo ziak lang reng a,zep leh thup neilo,diklo tak a ziah bo a tum lemlo a ang.

Pu Hriata Chhangte hian kum 2006 bawr Guwahati a awm laiin UCO bank, Aizawl atang hian Rs Nuai 7 HBA hi a lo la ve ngei a. A hnu lawkah Bangalore, Bhubaneswar lam a transfer kual anih avangin a Loan lak chu a rul tha lo chhunzawm ta ngei a. Bank lam nen pawh an innawr chhoh hle nghe nghe ani awm e. Tunhnai khan Pu Hriata Chhangte hian he a loan lak hi chutia han rulh fel mai chu a sum dinhmun a harsat ve reng tho avangin Bank hnen ah chuan a dahkham ram ( mortgaged property) chu neih sak mai chu a remtih tak avangin UCO bank hian 25/03/2019 hian he ram LSC no. 606002/01/NSCHP- 5 of 2007 legal possession hi an lak sa ta niin a lang. ( Vawiin VANGLAINI ni 30 March , page 4 a lan danin)

Pu Hriata Chhangte hian a duhdan taka a loan lak chu a rulh leh theih tak siloh avanga han tawngpawng sawi buai chhoh tum miah lova UCO ho a dahkham ram a pe awlsam ta then hian a GENTLEMAN zia a ti lang a, dan hremi ni mai lova, dan zah mi, dan ang taka kal tum tlat mi anih zia a ti lang hle a. Dik tak chuan kei ni ang, mi tam ber Officer hna mawm tak thawk dang ang ni ve se chuan Nuaih 7 lek loan amount hi dik chiah lova rulh emaw sawifel duh chu nise, a controll na hnuai a Mine Owners hausa tak tak hmangin , an sum han pawh sak ve lawk zawngte pawhin a rulh ve theih ngei chu a rinawm. Dik lo taka sum hai luh emaw chelek duh lo mi anih zia a ti lang ngam thin te, a retheih leh dik duh bawk si avanga mite diriam, deusawh nih a ngam leh zel thin te hi ani, ama inkoh dan takin, he kan Mizo Kristian Tribal hian BRAVE HEART mihring anih zia a rawn ti lang chiang ani.

Thil pakhat chiang ta zawk erawh chu he UCO bank in an tih tur dik tak tia, ram dahkham an laksak ( legal possession ) an neih tak thu hla hmang hian tutu te emaw chuan amah Pu Hriata Chhangte chu INDEPENDENT MP candidate a nih ve avang leh, tun politics boruak a Mizoram mipuiin Delhi tlanga MP anga kan aiawh tu tura thlan kan tum tak avanga Party inngai lian hote mi leh sa in an han bei ta hi a timing erawh mi pangngai tan chuan hriat thiam theih tak ani thung. (Kan CM hlun ber Pu Hawla meuh pawhin bat tam chu changkanna a tih thin tak kha maw le.🙂Sawrkarin ba hnem bawk, mimalin ba nasa em em hlawm bawk hnam zinga Pu Hriata Chhangte in a loan tlem tham te a lo puk a rulh that leh theih tak si loh avanga a dahkham ram ( mortgaged property ) bank a pe fel mai hi ngaihtuah chian chuan Mizoram leh hnam tan a MP tura kan thlan ngei ngei na tur a ni zawk lawm ni? Loan kan lak dawn reng reng in Kan loan lak tur atan a kan dahkham ram chu kan loan lak sum hlutna aia sang ani thin.)

Engpawh nise.Pu Hriata Chhangte ang , mahni nihna lan chhuah pui ngam hmiah hmiah zel hi ani lawm mi, kan ram leh hnan hruaitu tura kan thlan ngei ngei tur chu?

Read more »
Tweet Share Share Share Share Share

March 22, 2019
C LALROSANGA : Vawiin hian MNF MP Candidate Pu C Lalrosanga chuan Mamit District khaw hrang hrang - Chuhvel, Saikhawthlir, Zamuang, Zawlnuam, Bungá¹­huam, Kanhmun, Rengdil, Kawrthah, Tuidam, Darlak leh Mamit-te a tlawh a. Heng hmunah hian thusawiin, Pu C Lalrosanga chuan, "Pathian leh mipui zarah thlantlin ka nih chuan Citizenship Amendment Bill 2016 do zawng hian Parliament-ah vote ka thlak dawn a ni," a ti.

C Lalrosanga MNF

MNF MP Candidate chuan MP a nih angin ram hmasawnna kawngah a tangkai thei ang bera thawh a tum thu a sawi a. "Ka hnathawhna avangin hmarchhak leh India ram hmun hrang hrang ka lo tlawh ve tawh ṭhin a, rualawh a na fo ṭhin. Kawng ṭha zawk kan neih zel theih nan te, inbiakpawhna lama hma kan sawn theihna tur te, kawlphetha ṭha zawk kan neih theihna turtein sorkar nasa takin MP ka nih chuan ka puih theih ka ring," a ti a. "Ṭhalaite'n an talent hrang hrang Sports, music leh thil dangtea ei an zawn theihna tur kawng ka theih chinah dapsak ka tum bawk a ni," a ti.

Pu Rosanga chuan, "Vote chiah ka zawng lo, hnam hmangaiha penchhuahpui tur ka zawng a ni," a ti a. "Central Scheme tam tak awmte haichhuah kawngah Mizoram sorkar pawh nasa takin ka puih theih ka ring a. He laia ruling sorkar nena inngheng riala hma la ho thei, ruling MP Mizoramin kan neih hi a pawimawh hle a ni," a ti bawk.

MNF MP Candidate Pu C Lalrosanga hian Dt 22.3.2019 atang hian Sesawng, Khawruhlian, Ratu, Sakawrdai, Darlawn, Suangpuilawn, Phullen, Saitual, Keifang leh Seling khuate a tlawh leh dawn a ni.

Source: LALLENMAWIA JONGTE
Joint Secretary, Media & Publicity Dept., Mizo National Front

Read more »
Tweet Share Share Share Share Share

March 17, 2019

MNF SORKAR FAKSELNA - PART 1


Matana Pachuau
15.3.2019

ZoramthangaCongress sorkar kha sawi ngai lovin paihthlak ngei ngei ngai a ni tih kan hre vek a, an pu berin Mizoram a tihchhiat nasatzia te leh eirukna kawng a hawn zauzia te kha a chhungril hria phei chuan an hmuchiang a. A pawn atang pawhin hmuh hmaih theih loh khawpa lian leh chiang a ni. Democracy ah mipui duhdanin a zawna thlantlin ni mah se, mipui duhdan bawka paihthlak an ni. Mipui duhdanin MNF pawh hneh takin an tling a, Congress sorkar boruak hne ngawih ngawih tan chuan thawklakna pakhat chu a ni hrim hrim a. Tin, MNF sorkar ah hian Sports Minister, Power & Electricity Minister leh Speaker tih loh chu MNF tarmit atanga thlirin thlawp chakawm leh phu tak tak an ni hlawm awm e. Chief Minister chungchang chu lo dah tha lawk ila.

In ni ve nge ka hre lova, Mizorama mi engemawzatin Congress nilo MNF nilo sawrkar thar an beisei ang khan keipawh ka lo beisei ve a. Amaherawhchu, mipui duhdana MNF an sorkar takah chuan MNF hi mipui mandate neia sorkarna siam an ni a, chuvang chuan Mizoram mipui hian kan sorkar a nih angin za-a za kan thlawp lo a nih pawhin a thuphungin kan thlawp turah ka lo ngai a. A pawngapuia sawichhiat ang chi kha awmze nei lovah ka lo ngai.

Han sawi zel ila, MNF ah hian an minister te zingah mi fel tak tak an awm a. Han inpuang lawk ila, mimala hmelhriat vang te pawh a ni ang, anmahni tan zawng hian engemaw chen chu bias rukna hi ka lo nei ve deuh a. Anmahni tan nilo, Mizoram tana tih tih that an neih chuan sawi pawh a nuamin fak pawh an chakawmloh lemloh thin hle.

Congress sorkar kha a tirin hetianga ka rilru put ang chiah hian ka lo thlir a. Chhungte leh mimala hriat thatte an awm avang bawk khan rilru-ah anmahni tan zawnga lo bias ruk kha a awl khawp. Amaherawhchu, an sorkar kha an pu ber angin chapo-na leh incompetence in a sawpchhia a ni ber mai awm e. Mipui rawngbawl hna zahawm tak kha an ti zahawmlova, mipuiin kan ning a, kan paihthla a ni.

MNF an lo sorkar hi, sawi ang khan, Mizoram tana sorkar chak tak ni se tih hi mipuiin kan rilru puthmang turah ka lo ngai a. Policy thu-a an ngaihdan kan tawmpuilo a nih pawhin democracy ah chuan kan ngaihdan min tawmpui party kan vote tlin theih avangin inthlan hunah tan kan lak a ngai reng a ni.

MNF sorkar hi beiseina sang tak nen mi tam takin kan lo thlir a, mipui duhdan ngaipawimawha sorkar policy thenkhat fello an ti dik te hi a lawmawm em em a ni. Amaherawhchu, eng sorkar pawh hian a tidik reng thei lova, an tih dikloh te hi (tih luih emaw tih palh pawh nise) mipuiin kan scrutinize ngei ngei tur a ni a. Sawichhia nilovin, chirhtheh nilovin a diklo a ni tih an hriata an tih dikna turin kan sawisel thin tur a ni. Chu'ng sawiselna lai tur point thenkhat chu vawiin hian I lo ngaihtuah tlang dawn ang u hmiang:

1. MNF mi leh sa pawh nilo Speaker-a ruat a ni te, MLA vawi khatnaa tling Sports Minister nih tir te, Congress MLA/Minister a nih laia hnathiam pawh nilo, MNF sawichhe nasa thin em em si Cabinet Minister a ruat te hi politics thila inremna angreng deuh vanga tih a nih hmel a. Amaherawhchu, MNF MLA tha tak tak dang an awm laia hetianga nihna pawimawh tak tak pek an ni hi a zialo ka lo ti a. Amaherawhchu, sawi tawh ang bawk khan democracy ah chuan mipui thlan an lal a, party in Chief Minister atana a thlanin tha a tih angin portfolio a pe a, chu chu dan a nih avangin mimala kan duhloh pawh nise kan zah tlan hi mi puitling tih tur niin a lang.

Engpawhnise, MNF sorkarah hian MNF mi leh sa nghet MLA an awm avangin he'ng kan sawi MLA 3 te hi Chief Minister hian a laihawlah emaw chuan reshuffle se party tan pawh a that a rinawm. An lo titau a nih pawhin sorkar a nghing dawn lova, a chak phah zawk hial ang.

2. CAB chungchangah hian MNF President, Chief Minister ni bawkin an sorkar hma pawhin an dodal thu a lo sawi tawh thin a. Hei hi a tha. Tin, Prime Minister leh Home Minister hnena chiang taka hmaichhana a sawi te kha a fakawm a. Amaherawhchu, vai ho tan khuan Mizoram hi a te hle tih kan hriat a pawimawh a. Min ngaihhniamzia hi a hrechiangtute chuan an hmu a, kan inhrosakna hi awmze nei tak tak a ni lemlo fo a ni. CAB dodalna ah chuan Meghalaya CM in thu leh a taka ke a pen dan kha sorkar hotu entawn tur standard niin a lang.

CAB hi hriat theuh angin BJP chuan an chak leh chuan Parliament ah put luh leh tur a nih thu an sawi a, hetiang a lo nih takah chuan Mizoram Lok Sabha leh Rajya Sabha MP te hian BJP Hindu agenda Bill hi kan abstain ang, kan do ang tih mai nilovin chiang takin a "NO" zawngin kan vote ang tia dinna an siam a ngai a. Chumi ti theilova vawiin thlenga Mizo hnam party siin a sawi kual a sawi kual hi Mizo mipui min zahloh bakah, politics-a advantage lak thiamloh thlak hle. ZPM leh Congress candidate intawm chuan mipui tam zawk duhdan a ni tih hriain chiang takin, moral clarity nen CAB chungchangah a dinna a sawi nghal a. Lo tling ta se, CAB hi Parliament ah vote tur ni leh se a vote lovang tih hi miin an ring ngam a ni. Chutiang ang bawkin independent candidate Pu Hriata Chhangte pawhin CAB ah chuan chiang takin a vote dan tur a sawi a. Mahse, MNF leh an MP candidate ber te hian a sawia sawi nilo, a tiha tih a tul huna an tih dan tur hi vawiin thlengin an sawichiang thei lova. Hei hi politic zawnga thlir phei chuan a atthlak takzet. Engatinge mipui duhdan chu an tawm theih loh? Mipui vote beisei phei chuan mak tak a ni. Nge Modi-a te tih lungawiloh an hlau?

Mizoram hian MP hi LS and leh RS ah pakhat chauh ve ve kan neih avangin sorkar lai party mi te ngei hi MP ah nise thil tha a ni a, a sorkar lai party pawh hian an phuin ka lo hria. Mahse, tun tum LS inthlanah hian kan tana issue lian ber chu CAB chungchang a ni a. Sorkar lai party hian mipui duhdana Parliament-a an vote theih loh chuan MNF party MP candidate hi vote tlak loh ah ka lo ngai, a mimala duhlohna vang nilovin.

3. Lok Ayukta leh Mizoram Information Commission hotu ber atana an ruat te hi anmahni hnathawhna zawnah chuan mi tlukloh an nih a rinawm a. Hna pawh an thiam hlein a rinawm. Amaherawhchu, tuna ruat an nihna hi an "line" a ni lova, a line-a kal deuh ruat tur awmlo tawp te a nih loh chuan hetianga sorkarin thutlukna a siam hi a thalo vek tihna nilovin a tha ber lo hle. A bikin Lok Ayukta ah hian hotu pa ber hna hi legal/judicial experience tha tak nei tan lo chuan thuk taka hria a, chak taka thawh theih chi a ni lova. Kan sorkarin legal background leh experience nei nilo executive administrative experience nei a ruat zawk a ruat hi, a ruata chungchang ngawr ngawr sawina nilovin sorkar thutlukna tha ber chu a ni lo a ni. Judge hna hi thuk taka dan hria leh chumi lama engemaw chen lo thawk tawh tan lo chuan tha taka thawh har tak a ni ang.

4. MLA bye election ah hian MNF hian an ngaihtuah kimloh chu Sec 5A Representation of The People Act, 1951 in an candidate hi automatic-in a disqualify nghal a. A chhan chu Aizawl East-1 seat tih loh chu Scheduled Tribe te tan chauhva reserved a nih vang a ni. Dan khirh leh chingchivet tak avangin Pu Vatea hi ST reserved seat ah thlantlin theih a ni lova, MNF hian an party adviser hi MLA atan an duh tak tak a nih chuan dan hmangin ST reserved seat-a a in candidate theihna turin hma an laksak thei a. A kawng a thui an tih chuan Pu Zoramthanga hian East 1 atang hian bangin West ah hian in candidate zawk se, a bial chhuahsan hi Pu Valtea tan a kian thei a ni.

Hei lo pawh hi kan la sawi zel dawn nia.
Read more »
Tweet Share Share Share Share Share

March 16, 2019
Thla thar April ni 11-a Lok Sabha inthlan neih tur atan candidate tur a chiang tawh a, ruling party MNF Candidate Pu C Lalrosanga chuan MP atan thlan tlin anih chuan Mizoram vote khat chu thil tithei tak leh tangkai taka hman a tum tih a sawi.

Mizoram Lok Sabha MP Candidates 2019


Hriata Chhangte, C Lalrosanga, Tetea Hmar

Vawiina kan correspondent in a kawmnaah he thu hi sawiin Pu C Lalrosanga chuan India ram zau zawk ah Mizo te sakhua leh nihna nek chep emaw sawrzim emaw a nih lohna tur leh nasa taka hmasawnna hmuh anih theihna tur in hmalak a tum em em a ti a.

India ram khawpui ber Delhi lamah te Mizoram tan tihtheih thil tam tak a awm tih a hriat thu sawiin ramchhung hmun hrang hrang ahte sorkar hnathawkin a awm tawh a, chutah chuan state dangte an hmasawn zia te, Mizoram erawh kawng hrang hrang ah a hnufual zia te, kum 10 kalta chhunga Mizoramin hma a sawn tam loh zia te a hmuh thu sawiin, hmasawnna tura MNF sorkar hmalakna theitawpa tawiawmin parliament ani emaw pawnlam ani emaw, central sorkar ministry leh dept leh hmun hrang hrang ahte theih ang tawka Mizoram mipui mamawh leh an beisei te bawhzui a tum tih a sawi a ni.

Central sorkar hnuaia subject hrang hrang ramri chinfel ngai chinfel te, ramri humhalh ang chite, leilung hausakna lakchhuah leh humhalh kawngah te nasa zawka hmalak a tul a tih thu sawiin, Mizo hnam ziarang leh sakhua te nasa taka humhalh tul a tih thu a sawi bawk a, hemi ti thei tur hian hnam zalenna leh chanvo te humhalh a ngai a, a dal zawnga hmalakna a awm chuan chiang takin dodal a tum tih a sawi a, parliament-a Mizoramin vote khat chauh a neih chu tangkai taka hman a, Mizoram tana thalo leh pawi thei thil reng reng chu, a do zawnga vote thlaka phar mai zel a tum tih a sawi.

Congress party leh ZPM ten an thlawp, Independent Candidate Pu Lalnghinglova Hmar chuan Mizoram ah chuan a inghahna chu party a innghat ve lemlo mipuite a ni a ti a, chumite chuan an puih chuan a tling thei ngei ang a ti a, Mizo thalai India parliament ah an auh a hun tawh a ti.

Pu Lalnghinglova chuan MP a thlan tlin anih chuan Mizoram tan tun aia nasa zawkin rawng a bawl thei dawn tih a sawi a, sports lamah football chu an bultan na ani a, engmah neilo a bul an tan theih chuan, MP fund nen tangkawp in MP dang a hmelhriat tur te leh corporation lian zawka hmelhriat tur te nen tangkawp chuan Mizoram tan tun aia nasa zawkin rawng a bawl thei tawh ang a ti a, a theihna sang ber, a pension hnu ah nilo, a taksa pawh a that laiin thawh a inhuam tih a sawi a ni. ~ AIR Aizawl
Read more »
Tweet Share Share Share Share Share

February 23, 2019
LAL HRIATRENGA CHHANGTE
FOR MEMBER OF PARLIAMENT (17TH LOK SABHA) : 2019-2024 : MIZORAM PARLIAMENTARY CONSTITUENCY (ST)

1. LAL HRIATRENGA CHHANGTE PIAN LEH MURNA :

LALHRIATRENGA CHHANGTE BIODATA
Lalhriatrenga Chhangte hi ni 15 March 1965 khan Serchhip damdawiin ah Pu C.Kaphnuna (Late) leh Pi K. Lalnuntluangi ( Late) te fa upa ber ni turin a rawn piang a, pianpui unau dang 3, Dr. Lalawmpuia Chhangte MBBS (Diebetologist ), Civil Hospital , Aizawl , Lalhungchhunga Chhangte (1969-1989) leh Lalhruaizela Chhangte, Serchhip a nei a. Pu C.Kaphnuna hian a nupui hmasa Pi. C.Laltawni nen fa 2, Professor Dr.C.Sangluaii, Principal , Govt. Serchhip College leh Sr.Advocate C. Lalramzauva, Adviser to CM, Mizoram te a nei bawk. Tin, Hriata Chhangte hian ni 7 February 1991 khan Lalhlimpuii Fente ( d/o Lalsangliana & Varhmingliani ), Kulikawn, Aizawl nen inneiin fa 2, Raymond Malsawmchhunga Chhangte tuna BA, LL.B Final Year, Calcutta University leh Sandy Laldinpuii Chhangte MA ( Linguistics) Final Year , EFLU, Hyderbad te an nei.

2. ZIRNA : Primary leh Middle School hi Midland School, Serchhip atangin a zir a. Naupang harh vang leh tawng duh tak a ni \hin. A sikul kal peih lo lutuk hi a pa’n kar 2 chhung sikul a vaw thleng thak thak tawh bawk a ni. High School chu Govt. High School, Serchhip ah kal chhovin, Matric (HSLC) phei chu MBSE hnuaiah Mizoram pum a 8-na lai niin , kum 1981 a Top Ten(10) zingah amah chiah hi subject pakhat ah mah Letter hmu lo awm chhun a ni ta hial. Class X anih lai hian an English I text book, An Anthology of English Prose and Poetry tih chu a bu pum a by-heart chhuak vekin, a sawi chhuakin a ziak chhuak thei vek nghe nghe a ni. Kum 1983 khan P.U ( Science), tuna Plus 2 Science kan tih tak hi St.Edmund’s College , Shillong a\angin First Division ah passed lehin B.Tech ( Mining Engineering) erawh chu Indian School of Mines, Dhanbad ( tuna IIT-ISM Dhanbad ni ta ) atangin Second Division ( OGPA 2.56) ah April 1989 ah a passed. Pathian zarah vanneihthlak takin MIZO zinga MINING ENGINEER HMASA BER erawh a ni ta thung ani.

Hriata Chhangte hi zirna lam tui mi tak anih avanga B.Tech a zir zawh a Mizoram sawrkara hna a thawh chhungin LL.B a zir leh hman a. Chu chu ONGC a thawh leh tawh hnu 1994 January thla khan Aizawl Law College ( tuna Mizoram Law College an tih tak) atang hian LL.B Final Year tak chu passed lehin hemi tum hian NEHU pumpui ah 2-na a ni nghe nghe. LL.M ( Group-III / Commercial Law) pawh ONGC a thawh laiin Gujarat University hnuai a Sir L.A.Shah Law College, Ahmedabad atangin kum 1995 khan a zir leh a, hemi erawh hi chu zo ta lovin ONGC chu a bansan tak si avangin IBM, Guwahati ah Gauhati University hnuai ah LL.M bawk chu kum 1999 ah a zir tha leh a, chu pawh chu zir zo leh lovin a pamtul leh ta tho a ni. IBM, Guwahati a awmlai bawk hian kum 2005 ah Sikkim Manipal University hnuai a Guwahati Centre ah MBA a zir leh a, chu pawh chu 3rd Semester thleng zirin a zir zo lo leh bawk. Lehkha zir leh thil hriat belh hrim hrim lam nuam ti mi a ni bawk a, IBM Kolkata a awm laiin kum 2003 khan BCS ( Bachelor of Christian Studies) chu correspondence in ATC, Aizawl atangin a zir ve leh a, hei pawh hi a zo lo leh.

3. LAL HRIATRENGA CHHANGTE HNATHAWH :

Post 1: Pu Hriata Chhangte hian B. Tech ( Mining Engineering) final year a zirlaiin Campus Interview ah hna tha tak tak 3 lai, i) Coal India Limited, Tipong, Assam, ii) National Mineral Development Corporation, Hyderabad leh iii) Steel Authority of India Limited, Jamshedpur ah te hna hmu tawh mahse a nu’n Vairam lama hnathawh chhoh nghal mai chu a ngaih a ngam tlat loh avangin June ni 20, 1989 ah Mizoram sawrkar hnuai a Geology & Mining Wing, Directorate of Industries, Aizawl ah Assistant Mining Engineer, State Government Group A Gazetted Officer hna kum 3 chhung thawkin ni 30 June, 1992 ah a bansan leh. 

Mizoram sawrkar hnuai a hna a thawh chhung hian tuna The Mizoram Minor Minerals Concession Rules 2000 ni ta hi a hmalakna rah a tih theih awm e. Mizoram sawrkar hna tha tak a thawh chu nuam ti hle mahse Mining Engineer anga tangkaina a la neih theih tak tak hrih loh avangin nakin lama Mizoram leh hnam tan a la tangkai chhoh zawk theih nan tiin Mizo Mining Engineer hmasa ber chuan Mizoram leh hnam a hmangaih avangin ram pawna hna thawh san leh hrih chu a thlang ta zawk a ni.

Post 2: Ni 7, July 1992 ah ONGC ( Oil & Natural Gas Commission, tuna Oil & Natural Gas Corporation Limited ni ta), Dehradun ah Asstt. Executive Engineer ( Production) in a zawm leh phawt a. ONGC ah hian an Hi Tech area ve, Oil Fields Doctor an tih mai ho awmna, Well Stimulation Services ( WSS) ah lut chhovin Ahmedabad ah hun tam zawk hmangin ni 30 September 1997 ah Executive Engineer ( Production) kai hmanin Sibsagar, Assam atangin a bansan leh bawk. ONGC a thawh chhung hian Andhra Pradesh Oil khur kang thelhna ah a chet that avang te leh Canada in Slurry Method of Sand Control ( Ottawa Sands hmang) an hmuh chhuah thar chu hlawhtling taka Meshana Oil Fields, Gujarat a hmang thiam hmasa tu leh tlawm zawk, effective zawk a lo modify tu te zing ami anih avangin Proficiency Award tum 2 a dawng hman.

Post 3. Ni 20 October 1997 khan UPSC kal tlangin Indian Bureau of Mines, Ministry of Mines, Government of India ah Assistant Controller of Mines in Kolkata Regional Office ah a zawm phawt a. Ni 1 April 1998 ah Guwahati Regional Office hawngtu leh Officer Incharge hmasa ber a ni leh a. IBM ah hian kum 21 a thawh chhungin Assistant Controller, Senior Assistant Controller leh Deputy Controller ah te kaisangin Kolkata, Guwahati, Bangalore, Bhubaneswar ah te a thawk kual hman a. Ni 30 November 2018 khan Voluntary in a pension leh ta a ni.

Hriata Chhangte hi North East Region of India ( 8 Sister States) atanga IBM a Officer awm chhun a ni tluan thak. Kum 2011-12 chhova CBI ( Central Bureau of Investigation) in India rama an ILLEGAL MINING SCANDAL case an lak hmasak ber, Reddy Brothers ( Reddy-a te unau 4, Karnataka a Cabinet Minister rual vek ni ho) in Karnataka State a Iron Ores an suasam chiam case ah CBI Team a Technical Member awm chhun a ni nghe nghe.


Post 4. IBM atanga a pension tuk atang hian Balasore Alloys Limited ( A Group of Arcelor Mittal, MNC, Belgium based) in an Manipur / Chin Hills ( Myanmar) Chromite Project te enkawl turin an ruai lehnghal chat a. Tunah hian he Company a Regular Employee nih chu rem hrih lova a hriat avangin ( 2019 MP in candidate a tum ve hnuhnawh tak avangin ) an Tehcno- Legal Consultant angin a awm hrih ta thung ani.

4. HRIATA CHHANGTE : MIZO KRISTIAN TRIBAL CHU

i) THU ZIAK LAM : Lehkhabu 3 a ziak ve tawh. Chungte chu Understanding Mathematics for Class IX & X (Mizo) - 1987, QUAKE - The Killer Number One (Mizo) - 1991 leh OIL FIELD MISSIONARY (Mizo) - 2004. Heng bakah hian News Paper/ Magazine hrang hrang leh Social Media ah Free Lancer in nasa taka ram leh hnam vei thu lam ziak thin ani.

ii) INFIAMNA : A naupan lai atangin Boxing, TT, Badminton leh Long Distance running tui mi ani. College chinah Lawn Tennis te khel chho ve lehin, TT, Badminton leh Football ah phei chuan an University aiawhin, University Blue Certificate dawng phain a khel ve thin.

iii) SOCIAL SERVICES : Hriata Chhangte hi a mizia hrim hrim ah mite tanpui peih mi, mite tana engti kawng emaw tala malsawmna nih tum ngar ngar thin ani. India ram hmun hrang hrang a hna a thawh kualna ah te Mizo Thalaite hmakhua vei tak anih thin avangin Mizoram College leh Sikul tam tak tan Free Excursion te a buatsaih sak thin. Pachhunga University College a Geology Students hote tan phei chuan Sukinda Chromite Mines Field visit, Odisha ah tum 3 ngawt a buatsaih sak tawh. Tin, kum thum chhung ngawt ( 2014,15 & 16) PUC Student of the Year cash award a tum sak bawk. Govt. Aizawl College Commerce zirlaite tan pawh NALCO, Bhubaneswar ah Free Training a buatsaih sak bawk. Heng bakah hian West Phaileng MZP te Cement Factory visit te leh Champhai PES Field visit te pawh a buatsaih sak tawh bawk. Serchhip District thalai hote Free Excursion a buatsaih sak tawh bakah Mizoram District 8 atanga thlan bik Journalist hote Tripura Gas Fields a tlawh pui tawh bawk.Tin,kum 2015 tawp lam khan PROMISE AMAZING MIZO AWARD mi 10 leh Brand Ambassador 1 neiin Memento leh Cash Award ( Rs 12345) hmanga chawimawi an lo ni tawh.
Chu bakah 2017 a Mizoram Fight League ( Mixed Martial Arts) ah telin PROMISE STRIVERS chu Team Champion an ni nghe nghe.

Tunah hian Hriata Chhangte hi Mizoram Peoples’ Union for Justice ( Justice for Zothansanga group tia lar) ah hian Adviser niin he ram leh hnam ah hian mirethei, hnuaihnung leh chanhai zawk te dikna humhalh lamah a inhmang thuk hle bawk.

iv) YOUTH EMPOWERMENT LEH EMPLOYMENT : Hriata Chhangte hian Mizo thalaite chhawr tlak, eizawnna tha nei thei tura buatsaih hi tui em emin February thla 2014 khan PROMISE - Progressive Mizo Society chu a lo din daih tawh a.

He PROMISE kal tlang hian kum 2016-17 chhung khan CTTC, Bhubaneswar leh IIT, Guwahati campus ah Free Training ngaihtuah sakin Mizo Thalaite rual 300 dawn te chuan an lo chhim tawh a. Heng zinga tam ber te chu tunah hian India ram khawpui hrang hrang ah hna thawkin an awm chhunzawm nghe nghe.


v) MIZO KRISTIAN : Hriata Chhangte hi Presbyterian Kohhran ( Mizoram Synod) a piang leh sei lian ni mahse The Salvation Army ( Sipai Pawl) ah a tlangval hun chhung a hmang thung. Kohhran te hi Pathian rawngbawlna leh min hnaih tirtu platform an nih pawm tlat tu anih bakah mi tam tak chuan Kohhran mi lutuk lo, Pathian tih mi tiin an sawi thung thin. Chutiang bawkin ama insawi dan takah Political Party te hi kan ram leh hnam kalphung siam dikna hman rua tura din an nih vek laiin party bil a ruh leh lutuk chu ram leh hnam tan a thanmawh bawk nihna ani ti tlat tu ani thung.

Pu Hriata Chhangte hi khawi hmunah, engtik hunah pawh langsar leh official taka MIZO KRISTIAN nih tum tlat zel mi ani a. Khawvel hnam zingah hian MIZO te hi kan nep bik awzawng lo tih ring tlat tu ani a.

Kum 2016 chho khan Mizoram ah KHAWVEL KROSS SANG BER ( feet 365 zet a sang) phun tumin Mizo Kristian Kraws Society hial lo din tawh ani. Tunah pawh he Kraws Prawzek hi tih hlawhtlin a la tum tlat a ni.

vi) RAM PAWN MIZO HRUAITU HLUN : Hriata Chhangte hian kum 1992-2018 chhung Mizoram pawn a hnathawk a vah vel na ah MIZO KRISTIAN nihna chu chawi nung reng zelin leh Mizoram pawna Mizo Community a inhmang peih em em reng ani. Ama insawi dan takin Mizoram pawn khawi hmun ah pawh MIZO anga thil tihna ah reng reng sawm hranpa ngai lova inla FATU nghal zat zel ani. Dehradun a North Eastern Society of Dehradun dintu Secretary ani a. Kolkata, Bangalore ah Mizo Association khaipa ani zel a. Guwahati Mizo Welfare Association ah phei chuan Treasurer tih loh chu OB post a chelh kim vek hman ani. Odisha Mizo Association 2013 a dintu leh Ex President ani bawk.

Hemi avang tak hian tun tum pawh hian Party belh bik nei lova Direct taka Pathian leh Mizoram mipuite behchhan a INDEPENDENT CANDIDATE nih tum ta tlat zawk ani. Pathian rawng bawl tak tak turin Kohhran ah ruh tlut loh tur, Ram leh hnam rawngbawl tak tak turin Political Party ah ruh kawl loh tur, hmanrua ( platform) ah hman zawk tur ti tlat tu ani.

5. MEMBER OF PARLIAMENT - LOK SABHA NIH DUH CHHAN THENKHAT :

i) Delhi tlangah India ram rorel khawl sang berah leh Central sawrkar hmalakna kawng hrang hrang ah a tul dan a Mizoram leh hnam himna tur, hmasawnna tur leh thangtharte thleng a chhawr tlak ( sustainable development) nei chho ve reng thei tura hma la turin. Mizoram leh kan thalaite mamawh tam thei ang ber chu Central sawrkar department / office tam tak te kal tlang bakah Central sawrkar company ho ( PSU - Public Sector Undertakings) te dawr a, an Business Scheme leh CSR ( Corporate Social Responsibilities) hnuai a hamthatna a tam thei ang bera hai luh.

ii) India ram leh khawvel hmun dang thleng pawha a tul ang anga Mizoram leh Mizo Kristian te, a hnam ang leh mimal ang tak te pawha eng ang harsatna chi hrang hrang te pawh tawk se a tul ang zela inrawlh a Mizoram leh Mizote zahawmna humhalhna kawnga FATU rilru pua chet lak zel.

iii) Mizo te hi India ram a TRIBAL ni reng ringawt lova tun aia sum leh pai thawk chhuak nasa zawk ni thei tura dinhmun sang zawk a ding thei tura mimal leh hnam ang pawha khawvel hriat a invawrh chho thei tura kawng hrang hrang dap chhuah.

iv) Kan Mizo unaute Indian State thenawma awm te leh Myanmar leh Bangladesh a awm te nen a ei leh bar thawh chhuah ho theihna tur kawng dap chhuaka in-unauna hrisel leh nghet zawk neihna tur kawng dap. A bikin Myanmar a Chin leh Kachin State a Leihnuai hausakna tam namen lo te pawh chu Mizoram kal tlanga khawvel zau zawka hralh leh hman tangkai theih tura kawng zawn sak. Hemi kawngah hian Aizawl based a boruak lama inkalpawhna ( Air connection) mumal leh rintlak nei thei tura National leh International Airlines te dawr.

v) Mizoram chhung bik a Leihnuai hausakna kan neih ang tur chi Oil/ Gas zawn ( Detailed Exploratoration) kalpui mek chu chak lehzual a kalpui a, Mineral Royalty ( chhiah) ringawt bakah Mizo thalaite chu a lai chhuak tu leh hmang tangkai ber ber tua tang chho thei ngei tura kawng hrang hrang a hmalak.

vi) Mizoram chhunga mipui tam ber te eizawnna atan a hman tlak tur khawp a HORTICULTURE ( thlai chin leh chumi based industry) leh TOURISM INDUSTRY( Eco, Adventure, Sports leh Medicare based) te chu nasa taka develop thei tura National leh International Company liante dawr.

vii) Mizo thalaite tan Central sawrkar hna tha Staff Selection Commission ( SSC) leh UPSC ( Union Public Service Commission) kal tlanga hmuh tam theih dan tur Training / Motivation / Empowerment facilities tha tawk tak ngaihtuah pui. Sawrkar hna bakah National leh International / Multinational company tha ho ah hna thawk thei tura kan thalaite ngawrh taka buatsaih leh an hna thawh tur (placement) thleng ngaihtuah pui.

viii) A rang thei ang bera Mizoram State boundary ching fel tura hmalak. A bikin ZOPHAI area, Assam nen a kan inrina chu Survey of India in Mizoram hriatpuina leh pawmpuina mumal awm lova kum 1972 hnu lama an lo survey ( rin kual) ve rikngawt chu Ground verification neih pui a, Mizoram sawrkar leh mipuite lungawina ang taka chin fel vat tum.

ix) CHAKMA / BRU ISSUE chu Mizo Kristian ngaihtuahna hisap a chingfel vat tura Central sawrkar nawr. Mizoram chhunga Mizo nilo dan dik tak a awm hnam te chu Mizo Kristian rama cheng an nih hriat fiah tira, an hnam bil duh dan taka Mizoram chhunga awm chhoh an duh anih pawhin Mizoram leh hnam humhimna leh hmasawnna pui thei tur zawnga FATU rilru pu tura nun ho dan kawh hmuh a fuih bawk.

x) MP LAD Fund chu lang tlang taka hman anih theihna turin NGO / Stake Holders te telna tur Assembly Constituency Level Coordination din ani ang a, chumi te mamawh ang tak chuan hman zel tum ani ang. Mizoram MP LAD Fund mai bakah India State dang MP fund ( 25% outside Constituency a hman theih chin) te pawh Mizoram a hman anih theihna tura MP dang te pawh kawm ngeih a, dawr thin tum ani. Tin, thla tin a MP hnathawh leh hmalakna te chu (Last Working Day of the month zel ah) MP personal site, fb account / Twitter / page ah dah chhuah niin 24 hours x 365 days a MP hi contact theih tura siam niin phone emaw media kal tlanga harsatna / rawtna chi hrang hrangte theh luh theih turin Help Desk / NET site siam ani ang.

VOTE LAL HRIATRENGA CHHANGTE FOR YOUR MIZORAM (LOK SABHA) MEMBER OF PARLIAMENT


Issued by
THE MIZO DEMOCRACY WARRIOR, 
Aizawl, Mizoram : 2019
Read more »
Tweet Share Share Share Share Share

February 03, 2019
Mizoram PoliticsParliament inthlan lo awm tur leh Aizawl West –I assembly bial by-election lo awm turah political party-te thawhpui nei lova mal din an tum vek.

Lok Sabha inthlanpui leh Aizawl West-I by-election hi neih rual tura rin a ni a, rorellai MNF, ZPM leh Congress te chuan thawhpui nei lova an mal chuh vek rin a ni a. MNF Vice President Pu R. Tlanghmingthanga chuan a hranpa a thutlukna siam thar a awm lo na chungin an party chuan party dang thawhpui an tum lo niin a sawi a. AMC leh Assembly inthlan hma a thutlukna awm sa ang leh an kal dan ang khan an mal din dawn thu a sawi. Assembly a MLA 8 nei ZPM leh MLA 5 nei Congress pawhin a tirah thawh ho an sawi ri na-in an mal chuh ve ve dawn niin a lang.


ZPM leh Congress hruaitute hi thawhho chungchangah hian an inbe tawh a, mahse, ZPM thuneitu sang chuan thawh ho an remti lo. Hemi chungchangah hian ZPM hruaitu Pu Lalduhoma leh Congress hruaitu Pu Zodintluanga te an inbia niin an sawi a. Congress lam hian Lok Sabha chuhtu tur candidate siam a chu chu ZPM-in thlawp a, ZPM lamin Pu Lalduhoma chhuahsan tak Aizawl West-I chuhin Congress in thlawp se tiin rawtna an siam a. An inrem thei ta lova. ZPM hruaitu Pu K. Sapdanga chuan Congress leh MNF ni lo sorkarna siam duha thil inthlakthleng duhtu leh tlangaupuitu an nih avangin an pawl thlawptute duhdan angin an kal dawn tih a sawi a. Congress legislature party hruaitu Pu Zodintluanga chuan an mal din tur thu a sawi chiang tawh bawk.

Zoramthar party hotupa Rev Zaichhawna Hlawndo chuan Aizawl West –I by-election chuh an tum thu a sawi a, Lok Sabha seat khat inthlanna erawh chu chuh an tum lo niin a sawi. Zoramthar hian Aizawl West – I by-election ah hian an president Rev Zaichhawna Hlawndo hi an dintir tur thu an puang tawh a ni. PRISM party chuan Lok Sabha leh by-election hi chuh turin thutlukna an siam tawh a. BJP chuan tunkar chho hian thutlukna an siam a rin thu state unit president Prof. J V Hluna chuan a sawi. ~AIR Aizawl
Read more »
Tweet Share Share Share Share Share

January 16, 2019
Chakma Autonomous District Council (CADC) sorkara Chief Executive Member (CEM) Shanti Jiban Chakma nimina no-confidence hmanga hnawl a nih hnuah MNF Legislature Party chuan CADC Executive Committee thar an din thei tih an sawi.

Hemi chungchang hi CADC MNF Legislature Party hruaitu Rasik Mohan Chakma chuan District Council and Minority Affairs Department Secretary hnenah lehkhaa hrilhin, CADC-ah ‘majority’ an neih thu sorkar hnena tun thla ni 7-a an lo thlen tawh chu sorkarin a bawhzui loh avangin CEM \anglai chu rintawklohna ‘motion’ hmanga hnawl a ngaih phah ta a ni, a ti a. Rasik Mohan Chakma chuan amah chu CEM-a ruat turin a ngen nghal bawk a ni.

Nikum April thlaa CADC General Election-ah khan MDC seat 20-ah MNF party-in seat 8, Congress-in seat 7 leh BJP-in seat 5 an la a, party mala sorkarna siam thei an awm loh avangin Congress leh BJP \angdunin sorkar an siam a, MNF MDC pakhat a thih avangin MNF hian MDC 7 an nei ta a. Tun hnaiah Congress MDC 4-in MNF an zawm a, MNF chuan sorkar siam thei tawk chiah member 11 an nei ta, tih Rasik Mohan Chakma in District Council and Minority Affairs Department Secretary hnena lehkha a thehluhah chuan a sawi a ni.
Mizoram Chanchinthar
Hetihlai hian Chawngte Sub-Divisional Magistrate chuan CADC-a politics inlumlet avanga Chawngte khawtlang mipuiin buaina leh harsatna an tawh loh nan Chawngte (Kamalanagar) khaw chhungah mi 5 aia tam awm khawm a khap. ~ (PTC Lawngtlai)
Read more »
Tweet Share Share Share Share Share

January 07, 2019
tualchhung chanchinChakma Autonomous District Council (CADC)-a MNF Legislature Party hruaitu, MDC Rasik Mohan Chakma chuan sorkarna an siam thei nia sawiin Mizoram sorkar, District Council & Minority Affairs Secretary hnenah sorkar siamtir tura dilna a thehlut.

Hemi chungchangah hian MNF District Hqrs, Kamalanagar chuan thuchuah siamin, CADC-a Congress MDC 4 - Kali Kumar Tongchangya, Amit Kumar Chakma, Buban Kumar Chakma leh Mohan Chakma te chuan vawiin khan MNF Party an zawm a ni, an ti a. Heti a nih tak avang hian member 19 awmna CADC-ah chuan MNF Party chuan member 11 a nei ta a ni, an ti bawk a.



Hetiang hi thil awmdan a nih tak avangin MDC Rasik Mohan Chakma chuan District Council & Minority Affairs Department Secretary hnenah sorkar siamtir turin dilna a thehlut a, tuna Chief Executive Member nihna chelh mektu Shanti Jiban Chakma chuan banna chang hria se an duh thu MNF District Hqrs, Kamalanagar chuan an thuchhuahah chuan an tarlang a ni.

MDC Rasik Mohan Chakma chuan sorkarna an siam thei niin a sawi

Hetihlai hian state sorkar a inthlak avanga Lai Autonomous District Council (LADC) a Pu T..Zakunga kaihhruai Congress sorkar nghing ve mai tura sawina awm chu thu belhchian dawl lo a nih thu, LADC a Congress Legislature Party, Secretary, Diltlang bialtu MDC, Pu Laltlawmlova Chinzah chuan a sawi.



LADC-a eptu hruaituin LADC-ah MNF sorkar din tumna a awm nia a sawi chungchangah, vawiin khan Lawngtlai-a kan Corr. Lalngheta Ralte chuan Congress Legislature Party Secretary hi kawmin, Pu Laltlawmlova Chinzah chuan, tunhma lamin state sorkar a inthlakin Council-ah pawh MDC thenkhat ten ram leh hnam mualphona tur pawh ngaihtuah chang lovin state-a thuneihna changtu party lamah pakaiin, Council sorkar pawh a nghing thin a, tuna LADC, Pu T.Zakunga Chief Executive Member kaihhruai sorkarah erawh Congress MDC ten pelhe tumna an nei lo tih sawiin, ram leh hnam tan rinawm takin Congress MDC te chu an awm a ni, a ti.

Vawiin vek khan Lai District Congress Committee chuan thuchhuah siamin, MDC pasarih chauh nei, MNF ten LADC-ah engtizawng maha sorkarna an siamtheih loh thu tarlangin, sorkarna siam an tum thu an sawi chu mipui tihchi-ai tumna mai a nih thu an sawi a. MDC te, thlantlin an nihna Party duh dan ni lova sawrkarna siam tura Party dang thawhpui leh Party danga inleh chu LADC Constitution, Conduct of Business Rules 2010 chuan a khap tlat tih an tarlang tel bawk. - PTC Lawngtali
Read more »
Subscribe to: Posts (Atom)

Contact Form

Name

Email *

Message *

TOM © 2026. All Rights Reserved.
Published by Songate G
Powered by Blogger.