Nimin chu amah á¹anpuitu á¹ha Pi Duhawmin, Lalchhuanzela a rawn lệnpui nawlh mai a. Inkawmna hun á¹ha tak kan nei a, a hlimawm khawp mai. Fak tlâk fak a, sawisel ngai chu sawisel, tih thupui kal zệlah a chanchin ka han post a ni e.
Pathianin talent min pe á¹heuh a, a peipun chu kan kutah a dah a. Kan hlawhtlinna apianga ‘Pathian Pathian’ tih vek hi a dik ber lo. Engmah ti lo chuan vawi engzat pawh Pathian hming lamin á¹awngá¹ai fo mah se a hlawhtling ngai lo vang. Tih tur á¹ul apiang hrehawm pawh tûara tumruhna famkim nena taima taka ti á¹hintu Lalchhuanzela te ang hi chu Pathianin a pui a, mal a sawm a, an hlawhtling á¹hin a ni. MAL a awm loh chuan SAWM tur a awm lo tih hi kan hriat fo a á¹ha a ni.
Lalchhuanzela M.Sc. Petroleum Geology
Lalchhuanzela hi Pu Lalengzaua leh Pi Lalzamliani-te fa paruk zinga naupang ber dawttu niin kum 1994 October 14 khan North Chawnpui, Kolasib District-ah a lo piang a. A pianna khua North Chawnpui hi Kolasib District hmar thlanga lama awm niin, in 70 vel awmna khua a ni.
North Chawnpui-ah hian Primary School leh Middle School a zir chhuak a, naupang lehkha thiam thei tia a sawi tur ni lo mah se, class I – VII thleng hi pakhatna a nih loh pawhin top-3 ah te a lang chho ve char char thin. Class VII (khatih lai kha chuan Board Exam a la ni)-ah phei chuan an centre pumpuiah pahnihna a ni ve ngat a ni.
Aizawl an risk! Pawl 8 zir chungin in a luah ve…
Naupang lehkha zir mi tak a nih laiin an chhungkua an harsa ve hle mai si a, an buai ve thin hle. Pawl 7 a pass hnu hian an khuaah High School a awm ve loh avangin zir chhunzawmna tur an buai hle a. An zirtirtute thurawn anga Aizawl lama zir chhunzawm ve ngei a duh bawk si avangin admission tihna tur leh uniform/zirlaibu leina tur pawh engmah nei lovin, Zawngtah zawrh chawp tur kengin a nu nen Aizawl an pan ta tawp mai a. A u pasal nei tawh, Bawngkawna awm bel turin an rawn kawhchhuak ve tawp mai a ni.
Aizawlah pawh sikul á¹ha-a kal thei a nih loh avangin fee chawi ngai lova awm theihna, Govt. Bawngkawn High School-ah a in-admit a. An belh tum ber a û pasal nei tawh lah la indang lo, a mo-na a la awm mai a nih bawk si avangin mahni inkhawr hran ve a ngai si a, Bawngkawn Lunglei Road-ah in Rs. 500/- man luah vein, a nuin kar khat vel a awmpui hnuah a hawsan ta a. Hetih lai hian kum 13 mi lek a ni a, eirawngbawlna gas-te nei zo hek lo, khawnvartui hmang chi stove nena inchhawpin, Aizawl khawpuiah amah chauhin nun bul a á¹an chho ta mai a ni.
Pawl 8 a zir chhung hian term exam apiangah pakhatna a ni zel a. A nungchang a á¹hat bawk avangin an zirtirtute hriat leh duhsak pawh a hlawh hle a. Chhungkaw harsata avang leh a nu dam loh avanga thla 2 vel zirna chhunzawm thei lova a awm hnuah pawh an zirtirtuten hrethiamin, final exam an remtih sak a. Thla 2 vel zirna chawlhsan chung chuan pakhatna a rawn ni ve thei a ni.
Naupang kum 13 mi, in luah man Rs. 500/- chawi chunga mahnia inngaihtuah chawp vek tan chuan harsatna neih fo loh theih a ni lo. In lam atangin tanpuina a lo thleng hlei thei bik si lo a, a û pasal nei tawh, a pasal taxi driver-te chuan pui ve thin mah se, inpuih reng sện a ni bawk lo va, chaw chhum tur neih loh vanga chaw nghei changte pawh a nei fo á¹hin a ni.
Kum 2007-ah pawl 9 a zir chhoh dawn laiin a belh ve ber, a û pasalin accident-in a boral san a. Tih ngaihna a hriat loh avangin an khua-ah a haw leh ta a. Zirna chhunzawm thei tawh lo tura a in ngaih laiin an khua atanga km 14 vela awm Bilkhawthlir-a an chhungten an khawngaih a, admission leh thildang mamawhte tumsakin, Bilkhawthlir High School-ah zirna chu a chhunzawm ve leh thei ta a ni. An khua atang chuan km 14 vel zeta hla a nih avangin nitin darkar 2 vel ramhnuaiah mahni a kalin, pawl 9 chu a zir zo ve leh ta hram a.
Pawl 10 chu Bawngkawn High School lamah a han chhunzawm leh ta a. Mahse, a zir laklawh laiin chhungkaw harsatna avang bawkin an khaw lama haw a ngai leh ta a. A sikul chawlh tur thu leh transfer certificate a mamawh dante a han sawi chuan an Science zirtirtu nu, Miss Vuli chuan a khawngaih a, nn inah a awmpui ta a ni. Heti chung a mamawh dang inphuhrûk nan hun âwl remchang apiangah a inhlawh á¹hin a ni. Chawhmehte zuar lawp lawpin, Matric a zir atanga Master Degree a zawh thlengin a inhlawh tluan ve zak a ni.
Kum 2012-a HSSLC Science a pass khan Doctor nih a tum a, Technical Entrance-ah pawh a ti tha pawl tak ni mah se, zirna man turah a buai miau si avangin a kal thei ta lo a. Student loan-te lak tumin nasa takin a bei a, a hlawhchham á¹hak hnu-ah kum 2012-ah college kalna tur pawh a neih loh avangin an khaw lamah a haw thla leh ta a ni.
An khua-ah chuan vawk vulhin a intuak ta ngat ngat a. Kum khat zet vawk a vulh hnuah kum 2013-ah Pachhunga University College-ah B.Sc (Geology) a zir chhunzawm thei ta a. Hetia college a kal pah hian High School leh Higher Secondary School-ah Warden cum Teacher hna a thawk pah reng bawk a, kum 2016 khan B.Sc chu First Class-ah a pass ta a ni.
College a kal chhung hian lehkha zir paha amah a inchawm theih avang leh a chhungte a puih ve zeuh zeuh theih avangin zirlai mahni intodelh tum pawl, Students’ Self-Support Union (SSU), Gen. Headquarters chuan zirlai ni chunga mahni intodelhte chawimawina, Self-Support Award 2015 an hlân a (he award hi SSU hian kumtin a pe thin). He chawimawina hian certificate leh pawisa fai Rs. 10,000/- a keng tel nghe nghe. Hemi kum vek hian Progressive Mizo Society (PROMISE) pawhin ‘Amazing Mizo Award 2015’ an hlân bawk.
Master degree zir zawm turin senso hautak lo, University tha bawk si ni-a hriat Bhubaneswar a zu pan chawt a. Mizoram University lam result chhuah tlai avangin a admission dilna an lo reject a, a rawn haw ta a ni.
Gujarat lama Master of Petroleum Geology zir tura, MS University of Baroda-a entrance exam a peknaah seat a hmu hlauh a. Zirna senso-ah cheng nuai 3 vel a ngaih si avangin a buai hle a. Admission ti turin an rawn call tlut tlut tawh si! B.Sc a zir laia a sum khawl tlệm tệ leh a ûte, an Miss te, a awmnate puihnate sawmkhawmin Gujarat chu a pan ve ta rawih a. Thianá¹hate inah invawm lûtin, kum khatna chu engtin tin emaw á¹ha takin a zo ve ta a.
A kum leha zirna tur a neih loh avangin student loan lak tumin lehkha pawimawhte kengin a lo haw a. SBI lamah rei ngial a beih hnuah an pek theih tak ngang si loh avangin a mangangin Chief Minister Office a pan ta rawih a. CM hmuh a remchan loh avangin Pi Duhawmi Chawngthu (PS to Principal Secretary to CM)-in kawng a lo zawnpui a; Guarantor-a lo á¹angin, MUCO Bank, Zarkawt atangin Personal Loan a mamawh ang zat chu a zir chhuah ruala rulh leh nghal turin an la thei ta hram a ni.
Sum zawng buaia thla khat leh a chanve a tlai hnu-ah a zirna a chhunzawm thei leh ta a. Master of Petroleum Geology chu kum 2018-ah Zofate zinga hmasa ber niin a zir zo ve thei ta a ni. Master Degree a zir zawh rual hian Dubai Oil Company leh Canada lamahte thawhna tur hmu nghal mah se, eng emaw rokhawlhna avangin a kal thei ta lo a. Mizoram sawrkar lamah thawhna tur a awm a a hriat avangin beiseina sang tak nen a lo haw a. Directorate of Geology and Mineral Resources lamah lut thei mai tura a in ngaih laiin Recruitment Rules (RR) an lo ti danglam hman a. A post ni thei tura a ngaih Exploratory Geologist (Oil leh Gas zawngtu/laichhuaktu) tur post chu Joint Director level-a an lo leh tâkavangin a hlawhtling leh thei ta lo va. Gujarat State Petroleum Corporation Ltd.-a thawk turin a chhuk ta a ni.
Imperial College, London, UK leh Sultan Qaboo’s University, Muscat, Oman-ahte pawh Research/Ph.D ti tura offer hmuin, research tih zawm leh chu a châk hle a, mahse, a loan rulh turin a tihbuai avangin hnathawh a ngai ta rih a. Hun remchang hmasa-a research tih zawm leh theih erawh a la inbeisei hle a ni.
Gujarat-a lehkha zira a awm chhunga harsatna a tawh chângin Pu Lalnunmawia Chuaungo, IAS chuan a pui nasa hle á¹hin a, an chhungkaw chungah hian a lawm hle. Damdawiina thichhâwnga a awm laia amah buaipuitu an hotupa Jehova te, an zirpuite chungah pawh a lawm hle a. Tin, a zirna kawng hrang hranga amah pui tawhtute chu ‘a lệt tamtakin Pathianin malsawm rawh se’ tih chu a á¹awngá¹aina a ni. Hun harsa tak kârah Zirlai pawlah te theih ang anga inhmangin Gujarat MZP-ah Vice President nihna a chelh ve a ni.
MIZO ZINGA ADDITIONAL DEPUTY COMPTROLLER & ACCOUNTANT GENERAL DINHMUN THLENG HMASA BER PU LALRAMTHANGA TOCHHAWNG
