HNAM ROHLUTE RUN KOLASIB - TIMES OF MIZORAM

Home Top Ad

Post Top Ad

HNAM ROHLUTE RUN KOLASIB

Kolasib khawpui chhunga kum lama upa MUP te inkawm hlimna leh a tul anga an hman atana sak 'Hnam Rohlute Run' chu Vawiin khan LAD Minister Pu K.Lalrinliana'n a hawng. 

Kolasib khawpui chhunga MUP te puala sak 'Hnam Rohlute Run' hi Mizoram Finance Commision Grant 2017-2018 sum Nuai 18 hmanga sak niin, a dung Feet 24 leh a vang feet 30 a lian a sak a ni.


LAD Minister Pu K.Lalrinliana chuan kum lama upa te tana rohlu siam a ni chu lawmawm a tih thu leh upa te pual tan bika thil tih hi a ram ang pawhin kan ngah lo hle mai a, hetiang kawngah hian kan thanharh leh zual a ngai a, upa te hi kan zah thiam a pawimawh tak zet a ni a ti a, YMA in aia upa te zahthiamna an kalpui mek pawh hi kan vawn nun zel a pawimawh tak zet a ni a ti bawk.

LAD Minister chuan upa ten inkawm hlimna atan te leh a tih changtlun nan theih tawp chhuah a tum thu a sawi bawk a ni. 
Vawiin a Hnam rohlute Run hi Kolasib Venglai VC te sak niin a tih changtlun nan Minister hian a thla hlawh atangin Rs.50000 (Singnga) pek a tiam bawk a ni.

Hawnna inkhawm hi kolasib venglai VCP Pu HP Lalfamkima'n a kaihruai a, kolasib DLAO PU ST. Lalhmingmawia bakah kum Upa te aiawh atangin thusawi ngaihthlak a ni bawk a ni. ~DIPR

Post Bottom Ad