Showing posts with label Mizoram Politics. Show all posts
Tweet Share Share Share Share Share

July 18, 2023
ZPM CM CANDIDATE PU LALDUHOMA’N RTI HMANGA FINFIAHNA A PALTLANG ZO LO
Lalduhoma ZPM

Congress party hi Mizoram mipuite tana ding a nih angin a tul chuan Mizoram Chief Minister Pu Zoramthanga lakah mipuite thlavang vawi tam tak alo hauh tawh a. Tun tumah hian mipuite hi buma kan awm zel lohna turin Pu Lalduhoma thusawiin  belhchian a dawl loh zia finfiahna nen thlap kan rawn tarlang a ni.

Ni 29.10.2018 khan Zaingen YMA Hall, Khawzawl a thu a sawinaah ZPM Leader Pu Lalduhoma hian vai thirchhe siamna Lengte a ISPAT Industry khu cheng vaibelchhe 100 tam tak sorkarin LOAN a pe a,chutah chuan Congress sorkar hi GUARANTOR-ah atang. Guarantor a tang tih awmzia chu ISPAT Company khuan a LOAN lak a rulh theih loh chuan Congress sorkarin a rulhsak ang tihna a ni, a ti a. He thu hi kum 4 liam taa a sawi pawh nise dawt a nihna a la bo loh avang leh he a thusawina Video hi Youtube hmanga vawrhdarh a la nih lehzel avangin thudik zawk mipui hriata puanchhuah tulin kan hria a ni.

MPCC Legal Cell member, Pu Laldingngheta RTI dilna July 4, 2023 a Commerce & Industries Deptt in a chhanna atanga a lan danin Commerce & Industries Department, Govt of Mizoram in ISPAT Industry hnenah LOAN pek a nei lova, GUARANTOR-ah pawh a tang lo, tih a ni.  ISPAT Industry ten Loan an dilnaah Industry Director chu Guarantor-ah a tang lo tih leh Mizoram sorkar pawh Guarantor-ah atang lo tih hi 21st Feb.2012 khan sorkarin a thuchhuahah a lo tarlang daih tawh a ni. Ni 27 April, 2016 a sorkar thuchhuahah ISPAT Industry hian an bul tan nan NEDFI leh SBI, Guwahati atangin loan cheng vbch 20 an lak thu tarlan a ni a. Pu Lalduhoma’n Mizoram sorkarin cheng vbch 100 tam tak LOAN pe anga a sawi hi dawt chiang tak a ni bawk. Commerce & Industries Department hi Mizoram chhunga thilsiamna hmun (Industry) zawng zawng enkawltu a nih avangin an hriatpui lohin Pu Lalduhoma thil sawi hi thil thleng thei lo a ni a. Kum engemawzat liam tawha sorkar thuchhuah pawhin chiang taka alo tarlan tawh te khi mipuiin an theihnghilh tawh ringin Pu Lalduhoma hian hetiang thubelhchian dawl lo hi a sawi em ni, tih hi kan zawhna a ni bawk.

ZPM Leader leh an Chief Ministerial Candidate Pu Lalduhoma’n hetianga finfiah leh nghal mai theih ang chi-ah pawh chinchang hre lo zawk mipuite hnena thubelhchian dawl lo a sawi hreh lo hi Mizoram tana Pa nih tling a nih lohzia a lan tirnaah kan ngai a. Mizoram CM nih tum ve tan thubelhchian dawl lova mipui bawl vak vak hi thil tihawm leh mawi pawh a ni lova. Tun hnuah fianfiah tlak thubelhchian dawl chauh Mizoram mipuite hnenah sawi tawh turin kan phutin kan beisei a ni.

Issued by 
MPCC MEDIA DEPARTMENT 
ON 17th July, 2023 
@Aizawl Press Club @ 1 PM
Read more »
Tweet Share Share Share Share Share

July 18, 2023
National party kan zawm duh tawh lo : Duhoma

ZPM Sawrkar
Lalduhoma

Aizawl: ZPM Leader Lalduhoma chuan nimina an party chhung inkhawmah tun hnaia Congress party-in BJP nena an sawi zawm chungchang chhangin, national party zawm an duh tawh loh thu leh kumin MLA inthlan lo awm turah thawhpui neih an tum loh thu a sawi.

Tun lai hian ZPM leh BJP sawi zawm tum tlat an awm leh tih sawiin Lalduhoma chuan, MP thlannaah Congress ni lo zawng tangrualin candidate atana Robert Romawia Royte an ruat kha BJP nena an thawhhona hmasa ber a nih thu a sawi. Narendra Modi kha prime minister a nih lawmnaa tel ve tura sawm a nih thu leh NDA zawm ve tur pawha sawm an nih avangin NDA-ah an tel ve ta tih a sawi a. Mahse, BJP sorkar chet dan hrang hrang thlirin Mizo kristiante leh minority tan tel reng chi-ah an ngaih loh avangin kum 2016 khan thuchhuah siamin NDA an zawmna an titawp ta niin a sawi.

Lalduhoma hian MNF-in NDA chu zawmin vawiin thlengin an la tel reng tih a sawi a. MNF nen Citizenship Amendment Act an do tlang emaw an tih laiin MNF MP-in a thlawp zawngin thu a sawi leh ta thung si tih sawiin, “Tunah UCC an rawn ti leh ta a, MNF party hian sawisel reng siin a tan zawngin vote an thlak leh mai ang tih kan hlau hle,” a ti.

ZPM-in national party zawm an duh tawh lo tih sawiin Lalduhoma hian, “Tualto party nih mai hi a tawk a, kan ram tan a hlu ber bawk a ni,” tia sawiin, India ramah hian secular force a lo pian a, MP inthlan leh hunah BJP paih theihna tura theihtawp lo chhuah tawh leh chhuah zel tur an nih thu a sawi.

ZPM leader hian kumin MLA inthlan lo awm turah tumah thawhpui an tum lo nia sawiin, “Lo tum pawh ni ila mi dang sawisak kan ngai lo. Delhi chaknaa innghah kan tum lo va; kan innghahna chu Pathian a ni,” a ti.

Tun hnaia a Guwahati a zin chungchang sawiin, “‘BJP nen an zuk inhmu a, car varah a chuang,’ tih te, ‘Delson-a a kalpui,’ an ti thul. Fate buaipuia kan zinna thu hi Congress party hi ka hrilh zelna chhan tur ka hre lo va, BJP chungchang an hriat duh chuan an thawhpui MNF hi zawt mai se tih hi ka rawn duh a ni,” a ti bawk.

ZPM Working President K Sapdanga nena an inkarah khi awm anga an puhna chungchang pawh sawiin, “Pu Sapa nen kan inkar lah an sawi chawl thei lo va, an sawi nasat poh leh kan inngeih tial tial a, anni sawi then theih kan ni lo,” a ti. - Zozam Times
Read more »
Tweet Share Share Share Share Share

April 23, 2023
PU ZODINTLUANGA'N CONGRESS TREASURER A NIHNA ATANGIN BANNA A THEHLUT


Zodintluanga MLA
Mizoram Pradesh Congress Committee treasurer Pu Zodintluanga Ralte chuan nimin April ni 21 khan treasurer a nihna atanga banna MPCC president Pu Lalsawta hnenah a thehlut a, MPCC president rorel dana a lungawi loh vanga bang a nih thu a sawi.

A lehkha thehluhah hian Pu Zodintluanga chuan, Pu Lalsawta, President a nih hnuah congress party innghahna lungphum sawinghin a ni a, tih chhiat mek a ni tih sawiin, an party rorelna sangin an lo rel ho thin zawng zawngte pawh, President-in mi pahnih khat lek rawnin thutlukna a siam ta fo tih te a tarlang a. District Congress Committee elected office bearer post tih danglam a nih dawnin MPCC executive committee-ah rel thin a nih laiin, nimin maia Aizawl District Congress Committee siamrem a nih pawh khan, eng committee-ah mah rel ho a ni lo tih te, chungte chu congress kalphung a nih loh thute a sawi lang a ni.

Pu Zodintluanga chuan Nomination Committee din a nih dawn khan member inruat chungchangah president-in a rawn lo tih a sawi a, member a duh ang a ruat hnuah telephone hmanga hriattir ve lek chauh a nih thute, tunhnaia member pathum ruat belh an nih khan rawn a ni lova, a hre lo hrim hrim tih te a sawi lang bawk. 

Zodintluanga banna thehluh

Political Affairs Committee chu thiah tuma president-in hma a lak mek thute sawiin, tha zawk nia an hriat vete ngaihpawimawh a ni lova, chumi piah lamah party rorelna sang, committee te ngaih pawimawh an nih tawh loh avangin treasurer nihna zahawm tak a chelh chuan tangkaina leh hlutna engmah a nei ta lo, tiin, chung avang chuan banna a thehlut ta tih a banna lehkhaah chuan a tarlang bawk.

Pu Zodintluanga Ralte hi Thorang Bialtu MLA ni lai mek niin, Congress Legislature party leader ni lai mek a ni a, congress sorkarah khan Cabinet Minister a ni thin. - VNT
Read more »
Tweet Share Share Share Share Share

August 27, 2021
K Sapdanga
ZPM chuan Working President an nei thar ta. Ti zawng hian ka rilru ah a lo thawk daih pek a.

Working President hi eng vanga neih ngai nge? tih hi. President berin a Work-out hleihtheih loh chuan ban nachang hriat a, President thar neih mai awm!! President Role chu enge ni a Working President Role chu engnge ni ta ang? Working President neih ngai khawpa President chelh an awm zawk tihna a ni em? Min ti buai nuai zawk mai.

ZPM hian Post dangdai an ngah tluk hian an ROLE tur lamah hian an chiang lo viau a tih theih. President khan Leader a an ruat chu CM Candidate a ni a, a Role Play tur hi sawi vak ngailo, kan hotu en vek tho a ti liam puat a, President, Working President, Vice President, Leader, Secretary General te chuan an Part  lak tur leh an sawi tur chin, an chet lak dan tur chin tih chian hi pawl anga ding a nih chuan Post siam hma hauha pawimawh hmasa a ni dawn lawm ni?

BJP hi tiang lamah chuan an fakawm viau "One Man one post" an kalpui a, ZPM hian an entawn angreng viau a, an in an lohna erawh an Role Play tur an in chian hleihna hi a ni. ZPM Working President chuan "Min hlangkai ta rup mai a" ti zawngin a sawi a, a sân hmel viau laiin a sawi zuina ah chuan a ne ne leh viau lawi bawk si.

Rajnath Singh a President khan Minister nih a tum avangin President ah pawl inkaihhruai thiam "Organised Man" an tih hial Amit Shah a President zui a, PM nen Combination tha tak an neih avangin an arh telh telh. Amit Shah pawh chuan Minister a duh avangin JP.Nadda a President zui leh mai a. Leadership leh Organisation a an buai lohna hi an elpui Congress in an tluk lohna leh an lehthal hleihtheih lohna a ni.

ZPM hian ka sawi fo tawh ṭhin angin Policy Matters aiin Party Organised ah danglam an tum nasa mah mah in a lang a, kan hmel hriat loh Post hming thar an duang chak a, chung Post te chu an Protocol emaw, an Role Play tur duan lamah an hnufual hle lawisi in a lang. 

ZPM leh an President hian Working President neih a ṭul chhan hi ngahtuah se, thlak ṭul pawh thlak ngam lo, che hlei theilo pawhin chelh tum hram hram rawng a kai chuan a lû berah Change a ngai hle tihna a ni ang. Hotu en ringawt nilo, Leader tih tur a ni lo, Leader hmalakna tur a ni tih chat chat theih tur Role siam fel a nih loh a, Working President chuan a tihtur Point 5 tal pawh sawi tur a hriat loh a, President pawhin Working President chu engtia a chhawr tur nge a chian loh chuan AR KHAWTHIM DAI tak meuh a la ni thei.

Pawl/Party a nih tawh chuan dan neih bakah Designated (Nihna nei) ho chuan a tih tur leh tih loh tur fel taka duan a nih loh chuan 'Hei hi chu ka chan tur mawle' tih ringawt pawhin a inhnial viau theih anga, a hma aiin a nawi nuai theih zawk ang. BJP chuan hetianga intlawhkhalhna ṭha tak an neih avangin tun thlengin Central ah an vawk lal len a nih ber hi.

ZPM hian an hruaitu thar vuah hi an ti fuh lo tih turin hun a la awm lova, Protocol leh Role a awm loh reng erawh chuan an thu saisana tur hmahruai pawh a la ni maithei. ~David Sailo 

Read more »
Tweet Share Share Share Share Share

May 13, 2021
HEALTH MINISTER Dr. THANGTEA A LAINATAWM

~Dr. Lallianchhunga

HEALTH MINISTER Dr. THANGTEA A LAINATAWM

Health Minister, Dr.R.Lalthangliana’n May 12,2021 a thuchhuah a siam ‘Thil thenkhat kan hriat tlan atana pawimawh ka tih zualpui te’ –ah  Mizoramah Covid Care Centre (CCC) 42 kan nei mek a, heta enkawl mekte senso hi nitin nuai 8 vel a nih thu leh thlakhatah nuai 230 vel mamawh a nih thu a sawi a; ZMC bika senso phei chu tun ang renga hrileng hi a nasat chuan nitin nuai 20, thlakhatah nuai 600 vel sen ral a ngaih tur thu a sawi bawk a.

Health Minister in COVID-19 hriveite enkawlna senso a sawi hi a dik ngei ang. Chuvangin, sorkar hnathawkte hnena an nikhat hlawh COVID-19 do nana thawh ve tura an ngen pawh hi tih awm tak a ni.

COVID-19 hrileng vanga tangkhang lo haw Bairabi Rel Station atanga hruai hawtu motor hire-na leh CCC a chaw supply bill tang cheng nuai za chuang fe pek loh a la awm teuh bawk. 

Mahse, hetiang hi hripui leng kara kan sum senso leh kan mamawh dan a nih mek laiin Pu Zoramthanga Deptt enkawl Horticulture Dept chuan cheng nuai za tel senna tur May 7,2021 khan Tender a ko a. Hei bakah hian FMGE & W te’n an nikhat hlawh COVID-19 do nana an thawh tur thu Vanapa Hall a an rel hma ni, May 5,2021 khan Chief Minister chuan SEDP sum atangin nuai 63 senna tur Luangmual Hall bula motor kal theih tura Slab siamna tur alo ‘Approved’ ve chiah bawk a. Luangmual khawtlang an lawmpui awm e;mahse, COVID-19 vanga buaina kan tawh dan ngaihtuahin ‘ a la hun rih lo ve’ an ti ve lo’ng maw!!! A hmanhmawh thlak viau chuan thuhran nise.
PAHOSS ah sum la sem loh cheng nuai 5000 chuang a la awm a. Kum 2021-22 Budget-ah SEDP tan cheng nuai 40,000 dah a ni a, Fin.Dept-ah cheng nuai 58,000 dah a ni bawk a. Heng sum te hi ramin a hun tawng zira a mamawh ber dan tura hman theih vek niin, a siam rem dan pawh Chief Minister leh Finance Minister changtu thu thu a ni. 
Hripui leng do nan kan sum dah that te hman kan ui em em laiin, kan duhsak zawngte Contract leh Tender hmanga vur nan hman kan tum tho niin a lang.

Total Lockdown avangin Mizoram hmun hrang hrangah chhungkaw sang tam tak, chhuanchham a awm, ei tur nei mumal tawh lo tam tak, Task Force in an tuamhlawm mai mai an awm mek! Task Force leh mi inphalte kutah heng mite tanpuina tur hi dah ringawt loin sorkar hi luang chhuak tam thei bawk se.

[ToMZ is dedicated for archive and exposition of Mizo affairs to the rest of the world. Informations obtained are re-posted 'as-is' basis as a digitization initiative so as to make accessible to all through online surfing. Due credit is given to all author/owner except those which cannot be ascertained]
Read more »
Tweet Share Share Share Share Share

May 03, 2021
ZPM - PRESS RELEASE
Zoram Peoples Movement

Aizawl 2nd May, 2021 : Serchhip bial by-election result kan hre ta a. Vote tluang taka chhiar zawh a ni thei leh, vanneihthlak taka ZPM party in hnehna kan chang hi kan lawm em em a. Pathian leh bial chhung mipuite bakah, thawktute zawng zawng chungah ZPM Party chuan lawmthu kan sawi e. 

He inthlan kan hmachhawn dawn leh kan hmachhawn lai zawng zawng a tha leh zung sengtu zawng zawng te, bang lova min tawngtaipuitu zawng zawng te, mite kan ang phak lo mai ang tih hlau a sum leh pai a party leh kan candidate Pu Lalduhoma lo puitu ram chhung leh ram pawn a mi zawng zawng te chungah lawmthu ka sawi tak meuh meuh a. Serchhip bial chhunga vote nei lo, awmhmun atanga nasa taka min puitute chungah kan lawm takzet bawk a ni. He chakna hi ZPM chakna a ni ringawt lova, kan zavaia thawhrah a ni tih kan hriat hian kan lawmna a ti zual takzet bawk a ni.

Pu K Sapdanga, Acting President chuan, “Politics-a intihsiakna mah ni se, dik tak leh thianghlim taka inthlang tluan chhuak turin Pathian hnenah kan dil thin. Kan dilna min chhangtu Pathian hnenah lawmthu kan sawi a, Serchhip bial mipuite hnenah an rilru huaisenna vangin lawmthu kan sawi bawk. Mizoram pawn leh ram chhung atanga thahnemngai taka tawngtaina leh thilpek hlantute zawng zawng chungah lawmthu kan sawi a, Serchhip bial chhunga kan block leh unit hruaitu te, member zawng zawngte thawhrimna avangin lawmthu kan sawi bawk a, keimahni party worker, bial pawn atanga mahni senso intuma rim taka thawktute chungah ZPM kan lawm takzet a ni. Kan hotupa Pu Lalduhoma thawhrimna a fakawm hle a, bial tan leh Mizoram mipuite tan tangkai lehzuala thawk turin duhsakna kan hlan  e,” a ti. 

Pu Lalduhoma, ZPM Party Official Candidate chuan, “He hnehna hi bial mipuite hnehna a ni. Kei hi ZPM MLA mai ka ni dawn lova, bial pumpui aiawh MLA ka ni dawn a. Min vote lo tu te tan pawh an aiawhtu ka ni a, mipui zawng zawng aiawhtu tur ka ni. Hman laiin kan pi puten pasaltha an nei thin a, dai ngul an ni a, mi zawng zawng hma an tawn thin ang khan, mi zawng zawng hmaah he bial aiawh hian ka ding dawn a ni. Bial chhung mipuite nen lungruala ke pen ho turin ka inpeih a. Ka theihna avanga tling ni lovin, khawngaihna avanga tling ka ni tih ka in hria a. Mimal thilah a ni emaw, chhungkuaah a ni emaw, chhiat that thu hlaah harsatna kan neih chuan inthlahrung hauh lovin keima hnênah emaw kan party hruaitute hnênah emaw inpawh takin rawn in lan se kan duh  a. Theihtawp kan chhuah ang a, mitin hma hi kan tawn dawn a ni. Chu chu Serchhip bial mipuite hian an phu ngawih ngawih a ni. 

Campaign hun chhungin mi rilru ka lo ti na palh a nih chuan ngaihdam ka dil a, kei pawhin mimal in beihna te pawh ka tawk nasa ve hle a. Khang zawng zawng te pawh kha ka ngaihdam a ni,” a ti bawk. 

He inthlanah hian ZPM Party Candidate Pu Lalduhoma chuan vote 8269 a hmu a, amah hnaih bertu aiin vote 2950 in a hmu tam zâwk a ni. 

Sd/-
(EDDY ZOSANGLIANA COLNEY)
General Secretary
Publicity Department
No. ZPM-01/22/’20- 21/56        
Dated Aizawl 2nd May, 2021
Read more »
Tweet Share Share Share Share Share

May 02, 2021
ZPM Candidate Pu Lalduhoma chu Serchhip Assembly by-election ah thlantlin nawn leh a ni.
Lalduhawma MLA

Pu Lalduhoma hi vote 8,269 hmu a thlantlin a ni a, amah hnaihber tu rorellai MNF candidate Pu Vanlalzawma chu vote 2,950 in a hneh a, Pu Vanlalzawma hian vote 5,319 a hmu a ni. Indian National Congress candidate Pu PC Laltlansanga chuan vote 2,604 hmuin 3na a ni a. BJP Candidate Lalhriatrenga Chhangte chuan vote 250 hmu in 4-na a ni a. PC Party Candidate Vanlalruatachuan 38 hmu-in Independent candidate Ramhluna Eden chuan vote 43 a hmubawk a, NOTA 32 awmin vote tlazawng zawng hi sing 1, sang 6555 a ni. 

Returning Officer, Pu Kumar Abhishek chuan thlantlin a nihna Certificate hi Pu Lalduhoma hnenah a hlannghal a. Election Commission of India in a ruahman angin vawiin khan Serchhip Assembly bial by-election vote tlate chu zing dar 8 atanga chhiar a ni a. Vote tlate hi tlaidar 3:00pm ah tluang taka chhiar zawh a ni.

Pu Lalduhoma chuan a chakna chhan chu bial mipuite vang a nih thu a sawi a, ZPM MLA mai nilova bial pumpui aiawh MLA a nih tur thu sawiin bial mipuite chu lungrual taka ram siamţhatna kawnga thawhho puiah a sawm a, Pu Lalduhoma chuan Kum 2018 Assembly inthlanah ZPM chu 2-na ni in opposition party lianber an nih thu a sawi a. AMC ah 2- na bawk an nih leh thu sawiin Serchhip by-election an chak chu ZPM party hmasawnzia a tarlang a ti a. ZPM Leader chuanAssembly inthlanpui 2023-a inbei tur chu ZPM leh MNF an ni dawn tih a sawibawk. 

Vawiin a Serchhip by election inthlan result puana hnehna changtu Pu Lalduhoma hi kum 2018 assembly inthlan khan Serchhip Assembly Constituency ah leh Aizawl West 1 Constituency ah te thlantlin a ni a, Serchhip bialah tho hian vote 5,481 hmu in vote 410 in amah hnaihbertu khatih laia chief minister Pu Lal Thanhawla a lo hneh tawh a, tunah hian vote 8,269 hmu in kum 2018 assembly inthlan aia a hmuh tamna hi vote 2,788 a ni.

Pu Lalduhoma hi nikum November ni 27 khan Assembly Speaker Pu Lalrinliana Sailo chuan Anti Defection Law hmangin MLA a nihna aţangin a ban a. April ni 17 khan by-election neih niin ZPM hmingin a in candidate leh a ni.

Vote chhiar hi venhimna uluk tak hnuaia kalpui niin, vote chhiarna hmun leh a chhehvel hi thuah thuma ven a ni a, a chhehvela mipui punkhawm pawh phal loh niin, Covid-19 laka himna dante pawh tha taka zawm chunga chhiar a ni.~AIR


[ToMZ is dedicated for archive and exposition of Mizo affairs to the rest of the world. Informations obtained are re-posted 'as-is' basis as a digitization initiative so as to make accessible to all through online surfing. Due credit is given to all author/owner except those which cannot be ascertained]
Read more »
Tweet Share Share Share Share Share

April 16, 2021
SERCHHIP BIAL BY ELECTION VOTE THLAK HUN DARKAR KHATIN PAWT SEI

Mizoram Election vote thlak

16th April, 2021 (MSR) : Naktuka Serchhip bial MLA by election neih tura vote thlak hun chhung atana ruahmanna awm sa chu darkar khatin pawhsei a ni.

Election Commission of India (ECI) chuan nimin khan thuchhuah siamin, Serchhip bial MLA by election neih tura vote thlak hun chhung zing dar 7 atanga tlai dar 6 thleng tura ruahmanna awm sa chu darkar khata pawtseiin, vote thak hun hi zing dar 7 atanga zan dar 7 thleng a ni dawn ta a. An thuchhuah siam ah chuan vote thlak hun chhung an pawhsei chhan chu Chief Electoral Officer, Mizoramin inthlan hun pawtsei tura ziaka a thlen bawhzuina a nih thu tarlan a ni.

Vote thlak ni hi inrinni a ni a, hemi ni hi kohhran thenkhat Seventh Day Adventist, Church of God, Assembly of God te ni serh a ni a, sabbath serh ten vote an thlak theih nan hian ZPM party pawhin zan dar 7 thleng vote thlak hun hawng a, vote thlak tura ruahmanna awm sa chu darkar khata pawtsei turin Election Commission of India an lo ngen tawh bawk a ni.

Mizoram Election vote thlak

Serchhip bial bye-election neih tur atana inthlanna buaipuitu turte chuan vawiin hian an duty na hmun tur an pan dawn a. uahman lawk ang chuan Serchhip bial assembly bye-election neih tura duty turte hi vawiin chawhma lamah randomisation neiin an kalna tur polling station tifelin,  inthlanna a hman tur lehkha pawimawh leh vote thlakna khawl te chu pekchhuah nghal an ni ang a, hemi hnu hian polling party te hian an duty-na tur an pan zui nghal dawn a, polling party chhuak hmasa ber turte hian chhun dar 12-ah Serchhip DC pisa atangin an chhuak dawn a ni.

Puan tawh thin angin, Serchhip bial MLA by election chu naktukah neih ani dawn a, vote tla te hi May ni 2 ah chhiar a ni dawn a,  he inthlanna kaihhnawih thil hrang hrang chu May ni 4 ah zawh fel hman vek tur a ni. Inthlanna neih turah hian Vote nei mipa 9191 leh Hmeichhhia sing 1,0329, an vaiin mi sing 1 sang 9 leh 520 anni a, mipui te vote thlakna turin polling station 29 buatsaih a ni.
~Vanneihthanga Vanchhawng
Mizoram Election vote thlak

Mizoram Election vote thlak

Mizoram Election vote thlak

Mizoram Election vote thlak


[ToMZ is dedicated for archive and exposition of Mizo affairs to the rest of the world. Informations obtained are re-posted 'as-is' basis as a digitization initiative so as to make accessible to all through online surfing. Due credit is given to all author/owner except those which cannot be ascertained]
Read more »
Tweet Share Share Share Share Share

April 16, 2021
PU ZAWMA LEH PU DUHA 
Campaign rawng a kai lova, kei ve hi zawngin a thlirin ka thlir mai a, lai taka ziah hi ka tum hran lova, ka thlirna (Observation/Analysis) ka tarlang mai thin a ni.
Vanlalzawma

TLING SE -
Pu Vanlalzawma hi tling ta se inthlan hma aṭanga tih tura a lo sawi tawh leh a lo enkual tawh tam takah hian Home Work ngah takin a tlingin a rinawm a, kan Sorkar sum dinhmun duhthusam lutuk lo ah hian Ruling Bial dang ang bawkin an awm zui ve thei tho bawk.

Party ah chuan a dinhmun a sawhnghet sawtin a rinawm. Aizawl ah ngei a lo tla hlim hlawl tawh a, Serchhip ah hian a in ham tang thei a nih chuan MLA nihna ai mahin MNF tana hnawk pha tak, Pu Duha khing thlatu a nihna zawk hian a chawikang fu in a rinawm. Pu Zawma tlin lawmna aiin Pu Duha tlakna hi an lawmna ber a ni dawn a, Party chhungah chuan amah lam ni lovin a khingpui vang hian ngaihsan a hlawh zaw phian thei.

A dinhmun tur CM an zawh khan CM thuruk a ni a, sawichhuah chi a la nih loh thu in a chhang a, chhan dan tur dik tak niin a lang. Inthlan hma in chu chu a Minister ang chu chu Ter lovang tuman an ti zuah zuah ngailo. Pu Zawma chelh zui tur thlenga lo sawi lawk leh hriat tum hi a fuh ber lovang. Party ah a lawk ber pawl, Vice President a ni vûng mai a, a chelh te zawk zawk lovang tih a rin theih a, a chanvo tur pawh hi pu ber chuan a ruangam a neisa khiau turah ngai ila. Minister zawnga an bel dawn a nih chuan buai nak na tur chu a ni ve thei. Cabinet ni lai MOS ah chhuk thlak a ngai thei a, MOS kha eng Board Vice Chairman velah emaw chhuk a ngai leh duah thei bawk. Chak vanga lawm an awm laiin heti zawnga a in her a nih chuan tu bathlar emaw chu a reh phah rawih thei ang.

Minister lo zawngin ti dawn se, Adviser leh engemaw Principal, phuahchawp deuh hlek pawhin lo bel se engemaw a chan a ngaih tho hmel sia phuahchawp tur ngaihtuah ngai deuh a nih hmel. A thuneihna te, a nghawng te, a tlukpui turte a tam mai. PWD Engineer Pension kha Adviser to CM ah an dah hlim hlawl bawk si a, ngaihtuahna sen ngai tak a ni ve ang. 

Zoram tan ti zawnga ngaihtuah chuan bungthar kai hluaina tur a nih loh hmel a, MNF Sorkar ngel nghet tak a awmsa a, a tel belh avangin a nghet sawt dawn chuang lova, Cabinet Status pek belh tur, Sorkar sum senna kan belh chhah ti zawng pawhin a ngaih theih ang. Assembly House ah pawh MLA leh MP a lo nih tawhna enin a ri hluai dawn lo, pa ṭha tak, mi pawisawi hlau tak Zopa tak mai, chhungkaw zahawm tak an ni a, a tlin avang hian Zoram ang zawng chuan Chapter thar kaina tham a nilo maithei a, Serchhip tan erawh ṭangkawh thei tak, Voice lian, huamhauh thiam, Party a a nihna sawisak ni lova hmang thiam a nih chuan a hlawk thlak viau maithei.

Pu Lalduhawma hi tling ta se mipui tin zawn ber chu Assembly House ti ngaihnawm tu a nihna lai hi kan enrawn a ni pakhat. Sorkar khalh ngil tura Opposition lam Solid tak maia an awm ve tlat hi tu Party pawh nise an hmuhnawm thin. Disqualify a nih hlima ZPM MLA pakhatin House a Pu Duha tel lova ṭhut hrehawm a tih zia zep zo lova a sawi khan a ti chiang bawk. Thil a chik peih a, Fact & Figures a hriat bakah Documentation ah a rintlak ve viau a, hei hian ngamloh nih a hlawh tir phah fo a ni. Thusawi thiam (Ṭawngkam thiam ngawt nilo) a ni a, awihawm(Influencing) takin thu a sawi thiam a, chu chu a aw thûm khuk mai chuan a ti awihawm leh zual ṭhin. Hei hi mipui ṭhenkhatin an thlakhlelh a an duhsakna chhan ber pakhat a ni.

A MLA Fund a hman danah hian a felfai ru riauin an sawi a, MLA fâng a ni a, Pu Zawma te MLA miah lo ai pawhin thil a ti thei lo zawk ngei ang. A Fund leh pawisa neih ang ang daihzai takin a lo hmang ve reng a ni tih a hriat theih a, a tlin chuan hei hi a hmachhuan tur a ni leh dawn a, mahni veng ngeia hneh tak zawka a tlinna chhuahsana Serchhip a thlang nalh mai hian 2023 ah hian thiltih theihna nasa zawk nena awp zui zel a tum pawh a ang hle.
A in nghahna ber mipui khawngaih Vote hi keini lo sawi sak theih a nilo, mipui sukthleka in nghat tlat a ni a, Vote ah a chiang turah ngai hmak ang.

Party zawng chuan a awmna Party hian Sorkarna siam tlukin an in ngaiin a rinawm a, Kum 2/3 lo awm tur aiin 2023 inthlan hi an nghakhlel sawt ang. ZPM angin duh thalin a chetla anga, an MLA te pawh huaisenna a pe sawt bawk ang. Zoram mipui beiseina House a a chetla turah a hma aiin a in buatsaih sauhin a rinawm a, ṭawngkam bungthar thlengin beisei ila kan tisual lo maithei.

Serchhip/Thenzawl sukthlek a lang chiang sawt ang a, Bial dang tan pawh inthlan leh thlengin Campaign chintawk min zirtir kan ti thei bawk ang. Party tinin chet dan tawk an zirthiam phah ngeiin a rinawm bawk.

TLA TA SE -
Pu Zawma hi a nihna in la chelh hram hram mahse Aizawl leh Aizawl pawn thlenga HNAWL a nihna hian inthlang ramah chuan a dinhmun a her danglam ngeiin a rinawm. Hruaitu tlaka hmu lo hi pawnlam aiin Party chhungah an pung ngei ang. Pu Duha a khinga, heti khawpa Minister leh MLA rual an tleh chho chunga tla se, tel ve lo se Party in a tih ngawih ngawih a hneh zo lo hian a lakah Party thikthu a chhe zual ngei ang.

2023 ah khawi bial pawh zuan se, tling theilo thanin a thang laklawh tawh dawn a, mithar tan pawh zuamawm takah a in chhuah thei a ni. Hetiang hi Party ah an lawk reng thei lova mipui thlan te bawk hi an zi chhuak thin. Rei vak lovah a reh zui ve ngei ang.
Pu Duha hi tla se, ZPM hi an hnual ruih dawn tih a lang. Court ah ka kal ang a tih pang pang hnu ah Mipui Court ah tiin Confi takin Serchhip Bialah a rawn lang leh nghal a, an huphurh tlang tih chu Campaign boruak ah a hriat theih. Mahse a tla a nih chuan 2023 ah hian ZPM hian CM Candiate dang an mamawh tawh maithei. A kum a tam ve zel a, a vanduaia ṭan zel ringawt hi ṭankhawhna fumfe nei mahse mipui sukthlek ti beidawngtu a ni ṭan tawh thei ang.

ZPM in nghahna ber, an beisei ber a ni tih loh rual a ni lova, TLA ah a ṭang a nih ngai chuan an Party mi leh sa  leh mi ṭhenkhat hi chuan an beidawn phah tawh dawn tih a lang reng. Hei hi MNF tan mai nilo, Congress tan pawh thu lawmawm a tling ang.

TLIPNA  -
Bye-Election ah hian kan ram Election History ah 1983 kuma Pu Liansuama Opposition aṭanga a tling tih loh kha chu Opposition an tlin hriat a la ni lova, Pu Duha tan hian a sak ve ṭalh dawn tih a hriat theih.  Contract leh therhlo, hna lak tura intiam ve thei dinhmun a ni lova, ZPM hi Party angin lianpui an ni hek lo, Neutral Khawngaih Vote ah a in nghat thui viau a, Risk sang tak chu a ni phawt mai. Risk fuh leh fuh lo ah a in nghat a ni ber.

Hetiang History ropui karah, Campaign bawnra tak hnuaiah Pu Zawma hi a tling zo lo a nih thung chuan 1983 hi thai chhiatin a awm anga, meikhup tur tur an khup ang. Party leh Candidate Confidence % a hniam phah ngei dawn a ni.

Serchhip leh Thenzawl mipuite kan thlir a, an Politics thlir dan, an ngheh dan, Serchhip bakah Zoram an rawn thlir tel dan thlengin Vote tla ah kan hmu dawn a, chu chuan tute emaw tan Vanduaina mangkhawng, tute emaw tan HARHTHARNA hial an thlen ang chu. ~15th April 2021P David Sailo
Read more »
Tweet Share Share Share Share Share

April 16, 2021
PART-II: SERCHHIP CONSTITUENCY-A VOTERS' TE HI MIN RAWN HNUAICHHIAH (UNDER ESTIMATE) TAWH TEH SUH U!! 
Thenzawl YMA Run

1. MNF HLAUH BER PU DUHOMA:
Dik lo taka 'amah thlang tligtu mipuite leh, Amah vawrh chhuaktu party te a phatsan" ti a, anti-defection law behchhan deuh roh, anti-defection law in a tum dan (intent) ni miah lova in paihthlak hnuah pawh in la duh tawk mai lo va.

Campaign hun last hour takzetah, insawi fiahna hun pawh awm tawh mang lovah, dik lo takin, "MLA fund dik lo takin a hmang, dan a bawhchhia a ni," tiin in la HÊK zui duh zel hi chu, setana pawhin em em a ti tawh hial mahna!

MLA fund hmang chhhuak tur hian, implementing Agency kal tlang veka tih a ngai a. Chutih rualin, chungho hruaitu zinga mi pamham ṭhenkhatte'n thawk hah ve miah lova 'mahni hlawkna ' tur, mipuite tana hnawthawhna tur liau liau kha lo eisak ve phet an tum ṭhin a.

Hemi pumpelh nan hian, Khaw ṭhenkhat leh veng ṭhenkhatah chuan, chawpchilh taka welfare, Sporting club, society, JAC, committee etc.an din a ngaih phah fo ṭhin a. Heng mite hi mahni khua/veng hmangaihtu, hmasawnna ngaihtuahtute an ni zawk ṭhin a sin.  Heng pawl hrang hrangte hian, firm & societies lamah registration ti kher lo mah sela, "Khua/ Veng tana MLA fund an hman dan chu a dik em? Mipuiten an chhawr ṭangkai em,  A hmanna turah an hmang em? A hman lohna turah an hmang ṭhen em? tih hi a pawimawh zawk leh, Mipuite'n kan hriat duh zawk chu a ni.

Hetiang hi Mizoram constituency hrang hrangah a awm vek a, ruling MLA/Minister leh opposition MLA biala MLA fund kalpui dan pawh a ni vek bawk.

2. A VAWTU IN EK A CHEH:
Tichuan, campaign theih tawh loh hun a thlen hma, last day tak meuhvah chuan, Pu Duhoma chu MLA fund hmang dik lo, MLA fund a hman danah 'dan a bawhchhia,' tiin inhan puh a. Pu Duhoma chhiatna tura in ruahman, RTI act hmang anga in insawi ve ngial hi, Pu Duhoma'n MLA fund a pek chhuah, dik taka hman a nihzia hriat chian leh zual nan Serchhip bial voters te chuan kan hmang ta daih a.

Mizoram MLA 40 te'n an bial tana MLA fund an hman dan hi RTI act hmang chuan zawt chhuak ta vek ula, Pu Duhoma aia hmang ṭha leh, fund diltu Agency te aia hmang ṭha an awm lo. Chuvangin, hemi chungchanga Pu Duhoma hek chhiat in tumna hi, Pu Duhoma kal tlanga Serchhip biala MLA fund hman ṭhat a nihzia tilangtu a lo ni daih zawk a. A vawtu in ek incheh a ni. Kristian inti ve vek si, dawta mi hek in hrat lutuk hi inenfiah ve hrim hrim teh u!

3. RULING NGAT INTIH ṬHIN HI:
Tuna pu Duhoma inpuhna, 'firm & society registration ti lo te hnenah MLA fund a sem chhuak a' tia inpuhna khi, a bul ber chu Party worker, Unit leh block committee a tel ṭhinte in rinawm loh vang a sin!

Khua/veng tin hian, mahni khawtual changkan ve theihna tura hma latu kan nwi ṭheuh va, chungte chu welfare ang te, sporting club ang te, JAC ang te, eng committtee emaw invuahin kan awm ṭheuhva. Chungte chuan, mahni khua/veng hmasawnna tur atan mahni bialtu MLA te hnenah hmasawnna tur sum kan dil vek a. Chutih rualin, party workers ṭhenkhat, politics hi eizawnna emaw ti ṭhin tuten ruahmanna hranpa neiin, anmahni ngeiin "hlep tam tawk" nei chunga an thawh theih tur therhlo chhe te te umin, an bialtu MLA te an zim tawt a, tlawn titih, vau titih chungin MLA fund an dil chhuak a.

Khua/veng chhung mipuite tana ṭha ber tura thawh chu sawi loh, anmahni sahmim (an bank account) tih puar nana hman an tum vek a. Hei hi kum 10 chuang ve ve ruling ni tawh, congress leh MNF party worker te mizia chu a ni e. Kalphung thar (ZPM) kan mamawh takzet a ni.
"Ruling bial ngat" nih thlahlel ber ber tute hi, Constituency mipui zawng zawngte ni lovin, party worker mi tlem tê, contract thawh chak (dan dik thlapa contractor anga in register miah lo) te, retailer nih thlahlel em emte chauh hi an ni zawk.

Mipui nawlpuite chuan, 'ruling bial ngat' nih hi kum 36 chuang kan experienced tawh a, Zoram ram leh hnamin hma a sawn lohzia chu a takin kan tawng hre vek tawh e. Hei hi Serchhip bial mipuite hian kan hai lo a sin!

4. MIN RAWN THLEM RAWH U!
A hun lai a ni bawk a, "contract kan pe ang che, in fate sorkar hnaah kan thun ang, sum chumi khami zat chu kan pe ang che, kan pawlah rawn tel phawt rawh u," tiin min rawn thlem zel rawh u. Mahse in pu ber thu sawi, "NLUP dawng tawhte pawhin rs nuai 3 aia tlem lo in dawng dawn," "Traffic jam free ni turin kawng chhawng kan siam ang, Assam Riffle ram hi kan ta a ni tawh ang....etc" tih te min tiam a. Mahse dawt mai mai a ni tih kan hrethiam tawh a.

Chuvangin, "Kan pawlah rawn tel la, kan lawm lut che ang a, contract kan pe ang che, in fate sorkar hnaah kan thun ang..rs chuti zat chu in dawng ang" rawn ti zel ula. Keini chuan in pu te dawt sawi nasatzia leh, an intiamna anga engmah an tihhlawhtlin ṭhin loh avang hian, in thusawi hi 99% kan awih lo phawt a, ala bang 1% chu kan ringhlel leh phawt dawn a.

Pawisa min pek pawhin, min pekna receipt kan phut ang a. Contract leh kan fate sorkar hnaa thun min tiam a nih pawhin, min tiamsakna lehkha inziak ang a, in hming in sign hnan thlap ang a, min hriatpuitu, thuhretu atana ṭang turin kan ṭhenawm pa kan sawm ang a, in mi tiamsakna lehkhaah chuan hming an sign ve thlap bawk ang. Hetianga intih theih loh chuan, ṭawngkam chauhva in intiamna hi kan ring zo tawh lo che u a ni.

5. PICTURE HI ZIR CHIANG LAWK ANG:
MNF Media cell ten Faceboom post meuh siama Pu Duhoma hekna atana inhman zinga point 3-na,  "Kanan Development Commitee hnenah rs 4,00,000 a pe" ti-a social network a inpuh chhiat, pawl awm lo leh registration nei lo anga in sawi, Kanan Development Committee in MLA fund aṭanga YMA Hall an sak ngei a nih hi.

6. TLIPNA:
MNF Media cell te hian Pu Duhoma MLA fund dawngtu pawl hrang hrang, Serchhip Constituency chhunga 'pawl dik lo, pawl lem mai mai, pawl awm lo' ang maia social network a min sawi duh hi, Bial chhung mipuite kan rilru a na hle mai tih min lo hriatsak teh u. Pu Duhoma'n MLA fund a pek chhuah pawl hrang hrangte khi kan awm (exist) ngei a, mahni veng/khuaa mipuite tana hnathawh nan MLA fund pawh khi kan hmang ngei e.

Tun hnua 'pawl awm lo' anga min sawi leh a nih chuan, in tana awm lo, in tana 'vote nei lo angah' min lo ngai tel nghal dawn nia. Hetiang em em hian Serchhip bial mipuite min hmusit ang tih hi kan ring phak lo a ni. 
~Lka Chawngthu @camp Thenzawl.

[ToMZ is dedicated for archive and exposition of Mizo affairs to the rest of the world. Informations obtained are re-posted 'as-is' basis as a digitization initiative so as to make accessible to all through online surfing. Due credit is given to all author/owner except those which cannot be ascertained]
Read more »
Tweet Share Share Share Share Share

April 16, 2021
SERCHHIP BIAL MIPUITE HI KA KHAWNGAIH
Lalduhawma MLA

- James Ramdinmawia

Kei tehlul hi Serchhip Bial mipuite khawngaih tur khawpin milian leh miropui, mi neinung ka ni lo. Mahse he Bial Political History ka thlìr hian he Bial mipuite hi ka khawngaih tlat nia.

Serchhip Bial mipuiin lungsi taka an thlan tlin Pu Lalduhoma chu kan State Legislative Assembly Member (Ruling Party MLA) eng emaw zatin an hek a, a thlangtu Bial mipuite râwn miah lovin Speaker-in Dan ţanchhanin a bàn ta a nih kha. Speaker-in a bàn dawn hian a Dàn ţanchhante leh Court Ruling lo awm tawhte kha Dàn hmang vêka challenge theih a ni a, Court pangngai angin Ukil-te inhnial bap bap theih ni hek lo, Speaker dawhkan ațangin Bànna Order a chhuak ta rup a nih kha. Kan Assembly Speaker pawhin hreh takin thutlukna a siam niin a lang a, hei hian a entir chu, ama duhthu ni lovin, MNF Party hotu lu lam ațanga Order khauh tak a dawn vànga ti ta mai niin a lang. 

ZPM MLA dangte nîtin chetvelna han en ila, Pu Lalduhoma chet vel ang thova ZPM Party Activity-a tel vek an ni a, anni hi MNF MLA te hian an hek ve si lo a, Pu Lalduhoma hnawk an tih vang hrim hrim piah lamah a thlang tlingtu Serchhip Bial mipuite an zah lo hle tih chiang takin a lang a ni.

Serchhip hi Mizoram-a District Headquarters zingah Mizoram hmun laili bera awm a ni a. Chuti chung chuan he District chhungah hian hmasawnna a zuang lo hle. Pu Lal Thanhawla’n a Bial mî ni lo chungin ţhangkhat lian zet MLA niin a awp a. Chief Minister ni chunga a awp chhung khan Serchhip khawchhung kawngpui a chhe em em a, District Headquarters dangte aia develop viau tura ngaih kha a chuti teh lua lo bawk. A mak ka ti a, a Bial mipuite ka khawngaih ţhin. Tunhnai mai-a By-Election Campaign-a Pu Lal Thanhawla thusawi pakhatah, “A Bial mi ngei MLA neih a ţha a ni,” a tih kha kan lo hre ve a, kum kha leh chen a Bial mi ni lo, amah ngeiin a awp a, hmasawnna a lo awm vak lo tih amah ngeiin a rawn nemnghetah ka ngai.

MNF Sorkar hmasa-ah khan Er. K. Thangzuala (L), Minister of State kha Serchhip Bial MLA a ni ve leh a. Mahse Minister Bial meuh ni si khan District dang aia duhsakna an dawn nasat bik hriat tur a tam lo hle. Tunah hian MNF Party chuan Serchhip Bial By-Election-ah an Party Candidate atan Pu Vanlalzawma, Ex-MP, Ex-MLA an vawrhchhuak a, an tifuh ang em awww? Pu Zawma hi a tling a nih chuan Cabinet Minister an tìam ni àwma sàwi te pawh a awm. Hei hi thudik lo ni ta se, MNF Ministry hi an buai nak mai thei. Pu Zawma hi Mizo pâ tak mai, pa țha, mi rilru tluang, rilru kheuhbeuh nei lo, Central YMA President ni ngat thei kha a ni. Chutih rualin MP a nih lai khan Parliament-ah thusawi turin a dingchhuak khât lutuk a, “MP ngawi reng,” tiin mipui pawh kan phun hman a nih kha. Parliament-ah Party lian aţang lo chuan thusawina hun chan a harsat thu TV Interview-ah a sawi a, mahse tunah hei, MNF MP tho, Pu K. Vanlalvena chuan MP a nih ațanga rei lote chhungin vawi tam tak thu a sawi tawh si a nih hi. Chuvangin Pu Zawma kha a lo turu vak lo a nih dawn hi tiin ngaihdan ka siam.

Serchhip Bial hian Pu Zawma hi lo thlang tling ta se, a dinna hmasa Aizawl West III Bial pawhin an lo hnawl tawh kha a ni a, Rangvamual ni lovin Aizawl West III Bial hian Serchhip Bial mipuite an nuihzat mai ang tih ka hlau hlèl lo e.

BJP lam hian an Candidate Pu Hriata Chhangte hi an dah fuh viau-in ka hria, a Bial mi ngei a nih piah lamah mi chak tak a ni. Chutih rualin BJP Candidate vote tlin hi Mizo zingah chuan a la harsa viau niin a lang. State hruaitu-ah hian Mizo mipui ngaihzàwn rawn, Public Figure zingah pawh Public Darling awm ta se, mipuiin an zui huk lo ang tih a sàwi theih loh. 

PC Party Candidate Pu Vanlalruata hi PRISM President țhin, RTI Act hmanga nasa taka mipui sum (Sorkar sum) luang ral tawh leh luang ral tur chhuia a țul anga Court lama lo kalpui tawh țhintu kha a ni a. Mahse Mizoram-a Political Party lian kan tih zinga a zuih ral ber MPC te nen inzawmkhawma PC Party anga an han kàl tâkah hian an lèn phah vak dawnin a lang lo a. Beisei neih sànpui a har viau.

Congress Party Candidate Pu P.C. Laltlansanga hi mi chak, a bawh lam lam chu bawh nâ tak a ni a, a Bial mi ngei a ni bawk. Chutih rualin General Election-a Seat pè duh mang si lova sa țah chhuak pêk ang leka an Party dinhmun zûai tawh lama By-Election-a Congress Party-in an han vawrhchhuak hi chu ka lo khawngaih deuh.
Independent Candidate erawh hi chu a chanchin ka lo la hre ngăi lo a, a chungchâng hàn sàwi vak tur ka hre lo.

Neutral ka ni a, eng Party mah hi han duhsak a, han àwn bîk ka nei lem lo. Chutih rualin Serchhip Bial mipuite hian duh taka an lo thlan tlìn tawh, a Bial mipui pawh zahderna nei eih lova Ruling Party-in phakar taka an thuneihna hmanga MLA ațanga an lo bànsak tawh hi anmahni Bial mipui dikna chanvo humhìm nân thlang tling leh ngei se tih hi a Bial mipuite ka duhsakna a ni.
Read more »
Tweet Share Share Share Share Share

April 08, 2021

KHAW PAHNIHA ZPM VC-TEN MNF ZAWMIN MNF VC THAR SIAM


Serchhip MLA Bye Election neihna tur bial thenawm chiah Lunglei North bial, Zohnuai leh Phaileng South-a Village Council, ZPM sorkarna ve vete chu MNF-ah inletin, MNF VC thar an piantir ve ve ta a ni. Zohnuaiah hian VC Member 5 awmin ZPM Member 2-te chuan MNF zawmin, MNF Member 1 awm sa nen VC thar an siam a. Phaileng South-ah hian VC Member 3 awmin ZPM leh Congress ticket-a thlantlinte chuan MNF zawmin MNF VC thar an siam bawk. April ni 1, 2021 khan DLAO Office Lungleiah heng mite hian hming an sign fel tawh a ni.Ti hian Lunglei North huam chhunga VC 22 awmah MNF-in Sorkarna 13 a nei ta a, Congress Party-in VC 5 leh ZPM-In VC 4 an nei mek a ni.

Bialtu MLA Dr.Vanlaltanpuia, MYC Chairman pawhin lawmthu sawiin, "Chief Minister chak tak Pu Zoramthanga kaihhruai Party, MNF chu mipuiin an rin tawkzia an tilang mek zel a, ZPM, Congress leh Party dang atangin 'Pathian leh kan ram tan' titu Party MNF-ah an lo lut zel a, a fing hmasa apiangin MNF Party-a luh an intihhmuh a ni. Covid-19 hripuiin khawvel ram zawng zawng a tibuai a, sorkar ropui tak takte pawh an mangangin an hmalakna hrang hrang a tikhaihlak deuh vek a, heti chung hian Pu Zoramthanga kaihhruai sorkar chuan mualpho lovin theihtawpa hma lain hna a thawk reng a. Hripui avanga kan tun dinhmun hi Congress emaw, ZPM sorkar chu ni ta se, Zoram chu kan mualpho hle ang," a ti.

Lunglei North-ah hian hmasawnna lian tham tak tak thawh mek zel a ni a. MZU South Campus dahna turah, class lo tan lawkna tur Mizoram Engineering College hmun tur pawh chei thuai tum a ni a, Science Centre leh Digital Planetarium chu Zohnuaiah sak mek a ni a, School Building engemaw zat sak mek a ni bawk. Tui Pump la nei lo khua zawng zawngte pawh JJM scheme hmanga pek vek tum a ni a. Hnahthial District-ah Chhipphir tlangdung khaw thenkhat dah a nih avangin inkalpawhna tur kawngpui thar pawh laih tum a ni. Aizawl Thenzawl Lunglei (ATL Road) paltlang bial a nih angin kawngpui pawh siamthat mek a ni bawk. Hengte avang hian Bialtu MLA Dr. Vanlaltanpuia chungah pawh mipuiten rinna an nghat nasa hle a ni.

(R.LALHMANGAIHA)
Secretary
Media & Publicity Dept.
Mizo National Front
Memo No.MNF/Media/02/222.
Dt.06.04.2021.
Read more »
Tweet Share Share Share Share Share

August 09, 2020
MIZORAM VC Election 2020
KHAWTLANG HMASAWN NAN RORELLAI VC/LC NEIH KHER A NGAILO
- MPCC


MPCC chuan Village Council leh Local Council inthlan lo awm turah rorelna chelh mektu MNF party in an party candidate te an thlantlin chauhin khua leh veng tan hmasawnna leh hamthatna a awm dawn anga an sawi chu a dik lo a ni, an ti.

Nimin, ni 8.Aug.2020 (Inrinni) khan Aizawl Press club ah thuthar thehdarhtute kawmin, Mizoram Pradesh Congress Committee (MPCC) thupuangtu, Dr. Lallianchhunga chuan VC-ten hmasawnna hna an thawh nan Central 15th Finance Commission chuan kum 2020-2021 chhung atan Village Council te hman tur, Rural Local Body Grant cheng Vbc. 93 Mizoram a pe a, hei hi ruling leh opposition VC-ah rualkhai taka sem tur a ni, a ti. A sem rual dan tur pawh Finance Deppartment-in tehfung a siam angin, VC zawng zawngin mipui an neih tam dan milin an chang vek dawn a, LAD Minister thupeka tihdanglam mai mai theih a ni lo, a ti.

Dr. Lallianchhunga chuan khawtlang hmasawn nan rorellai Village Council/Local Council neih kher a ngai lo va, khua leh veng hmangaihtu leh mi inpe neih a tha zawk, a ti a. Sorkar tha chuan rorellai leh eptu VC leh LC a enhrang tur a ni lo a, MNF party-in ruling Village Council duhsak bik tur anga an insawi a nih chuan sorkar tha a ni lo a, mipui zahna an nei lo a, hnawl an ngai zawk tihna a ni, a ti bawk.
Read more »
Tweet Share Share Share Share Share

August 09, 2020
VILLAGE COUNCIL INTHLAN THUCHAH
By Lalduhoma MLA
Leader, ZPM Legislature Party
VILLAGE COUNCIL INTHLAN THUCHAH

1. Mizoramah hian, tunhma lam zawng kha chuan, Village Council-te leh Local Council-te chanpual tur sum hi Budget-ah a hranpaa  dah a ni ngai lo va. Khua leh veng tinte hian Sorkar chu kan intlawn siak a, VC kan thlan hian ‘Kutdawh tur’ kan thlang a ni ngawt mai a. Chuvangin, Ruling nih loh chuan Sorkar laka tlaktlum a har a, Opposition VC tam takin khawtlang hmangaihna chhuanlama hmangin Ruling-ah an inleh phah fo thin.

Tunah erawh chuan khatiang kalphung kha tha an tih loh avangin, Central Sorkar chuan kalphung thar min rawn siamsak ta a. VC tinten kum tina an sum dawn tur chu Finance Commission-in a hranpa ngatin min rawn ruahmansak ta a ni.

Kumin 2020-2021 chhunga Mizorama VC ten an insem tur atana 15th Finance Commission-in min rawn pek chu Rs 9300 lakh a ni. Heihi installment hniha pek tur a ni.

Finance Commission-in sum min rawn pek hi District 11 ten insem tur a ni a, chu chu VC tinten insem leh tur a ni. District tin leh VC tinte chan tur chu 1st Mizoram Finance Commission-in a ruahman fel leh vek a. Chu chu Finance Commissioner-in, Office Memorendum No G.11024/8/2020-FMC, ni 13th July 2020 hmangin a puang chhuak tawh a ni. Mahni VC te theuh dawn tur zat hre chiang duh tan ZPM Office-ah hmuh theiha dah a ni e.

He kalphung thar hnuaiah hian VC tinte sum dawn zat tur duansa vek a nih tak avangin, Ruling nih emaw, Opposition nih emaw avangin a tlem emaw a tam emaw thei chuang tawh lo. Chuvangin, tunhma lama Ruling Party-te auhla – “Kan khawtlang kan hmangaih chuan Ruling VC ngei neih a ngai a ni,” an tih thin khan awmzia a nei ta lo tih chiang takin i hria ang u.

2. Kan ramah hian VC te hi thiat (dissolve) an ni fo thin a, chungte chu Opposition VC te an ni deuh zel a. Ruling Party-te hian Opposition VC te chu an enthla reng a, thil tihsual an neih hlek chuan an hek a, an dissolve leh mai thin. Hei vang hian Opposition VC te chu an fimkhur a, an eiru ngam lo va, dik takin ro an rel phah thin. Ruling VC te erawh chuan chhantu nei tha an inti a, hlauh tur an nei lo va, hrawn an hrehawm a, a tlangpuiin an corrupt bik thin. Tunah pawh hian Ruling VC engemaw zat, ni za inhlawhna diklo taka kalpui an awm a, Assembly Session meuhva kan auchhuahpui hnuah pawh Sorkarin a hum tlat te sawi tur an tam mai. Opposition VC ten hekna an tawh pawhin, vau nan an hmang a, an sahimna duhin Ruling-ah an inleh phah fo bawk. Ruling VC te hi a tlangpuiin an corrupt thin avangin mipuiten an chanai an chang lo fo va, Ruling Party te hian MLA inthlanah te pawh an VC te avang hian an chhiat phah fo thin.

Hetiang thil hi kan zavaia kan tawn hriat hnu a nih avangin, mipui te hian kan khawtlang tan Ruling VC nge kan thatpui anga, Opposition VC tih hi uluk taka ngaihtuah turin kan ngen che u a ni.
Read more »
Tweet Share Share Share Share Share

June 06, 2020

MNF PARTY CHUAN RAJYA SABHA M.P OFFICIAL CANDIDATE ATAN PU K. VANLALVENA A RUAT

K. VANLALVENA
Nikir thla ni 4, 2020

Vawiin khan kan hma lawk, Nikir thla ni 19 maia Rajya Sabha Member thlanna lo awm tur atan Mizo National Front (MNF) Nomination Committee chu President Pu Zoramthanga hovin an ṭhukhawm a. Official Candidate atan National Core Committee Member, Pu K. Vanlalvena, Bawngkawn chu an ruat a ni. Rajya Sabha Member hi MLA ṭanglai te thlan ṭhin niin, Mizorama rorel lai MNF Party chuan MLA 27 an neih mek vangin MNF Party Official Candidate hi tling tura ngaih a ni.

Pu K. Vanlalvena, Rajya Sabha inthlan lo awm tura MNF Party Official Candidate hian kum 50-na a hmang mek a. MNF Party ah hian nihna pawimawh tak tak a lo chelh tawh a. MNYF ah General Secretary leh President post te lo chelh tawhin, MNF Party ah hun rei tak General Secretary hna a chelh hnuah rorelna sang zawk, National Core Committee Member a ni mek a ni. Ram leh hnam vei mi niin MZP President a lo ni tawh bawk. Kohhran rawngbawlna lamah pawh Kohhran Upa ni thei khawpa Kohhran rawngbawlna thlahthlam lo mi a ni bawk.

Source: 
JV Lalchhuanliana 
Read more »
Tweet Share Share Share Share Share

June 05, 2020

B. LALCHHANZOVAZPM IN PU B. LALCHHANZOVA RAJYA SABHA M.P ATAN CANDIDATE DAWN


ZPM Political Affairs Committee (Extended) vawiin 5th June 2020-a thukhawm chuan, June 19, 2020-a Rajya Sabha MP inthlan lo awm turah hian Candidate siam ni se tiin a rel a, ZPM party official candidate atan Pu B Lalchhanzova, Dawrpui Veng Aizawl a ruat.

Pu B Lalchhanzova hi ZPM Gen. Hqrs -ah General Secretary i/c Frontal etc. a ni a, kum 2018 MLA Election-ah khan Aizawl East-II biala ZPM official candidate a ni.

June ni 19 a Mizoram atanga Rajya Sabha Member thlanna lo awm turah, vawiin khanZoram People's Movement Public Accounts Committee Extended Meeting chuan candidate siam ngei nise an ti am ZPM Official Candidate atan Pu B. Lalchhanzova, Dawrpui an ruat a, a ni hi mi hneh thei tak tura thusawi thiam tak a ni. A ni hi an party General Secretary i/c Frontal etc. a ni a, kum 2018 Mizoram Assembly Inthlanah khan Aizawl East II atangin ZPM ticket in a lo ding tawh a, hemi tum hian vote hmu tam ber dawttu a ni pha. 

 Rajya Sabha Inthlanna atan hming pekluh theih hun chu June ni 9 a ni a, June ni 10 ah candidate te hming endik a ni ang a, a tukah candidate inhnukdawk leh duh te tan hun hawn zui a ni ang a. June ni 22 ah chuan inthlan kaihhnawih hi zawh vek tawh tur a ni.
Read more »
Subscribe to: Posts (Atom)

Contact Form

Name

Email *

Message *

TOM © 2025. All Rights Reserved.
Published by Songate G

Ads Section

Powered by Blogger.