Showing posts with label Hnahthial District. Show all posts
Tweet Share Share Share Share Share

June 12, 2020

HNAHTHIAL-AH MEDICAL LABORATORY TECHNICIAN PAHNIH COVID-19 DO TURIN VOLUNTEER


Aizawl the 12th June, 2020 : Covid 19 hrileng avangin ramin hun harsa leh khirh tawk mekin mitinin mahni theihna ang angin do hna an kalpui mek a, Medical lam training chhuak thenkhatte phei chuan hlawh engmah phut lovin an thiamna te chu a tulna hmun apianga hmanga midangte chhanchhuak turin an inpe a ni. Heng zingah hian Hnahthial District chhung atangin Medical Laboratory Technology zir zo tawh mi pahnih an tel a, chungte chu :-

1.LALDINSANGA PHUTIN : Pu P. Laltlansanga leh Pi V. Lalthanpuii, Venglai, Hnahthial te fapa Pu Laldinsanga Phutin hian HSSLC (Science), D.M.L.T a zawh hnuah District Hospital Hnahthial-ah kum 7 (2011 - 2017) chhung zet Voluntary in Lab.Technician hna a lo thawk tawh a, Nov.2012 atang khan DS Laboratory dinin tun thlengin ala kalpui bawk a ni.

"Kan Sakruang Mizoram Tan"  Mi Huaisen 2 - Ral Hmaa Zamlo
Mi Huaisen


Covid 19 avanga Mizoramin harsatna a tawh chhoh mekah Medical lama thawktute indaihlohna phuhruk turin a tul hun apianga koh leh chhawr theih turin March 2020 khan District Hospital Hnahthial-ah a in report a ni.

2. MC. LALREMPUIA: Pu Lalrindika (L) leh Pi F. Malsawmthangi, Venglai Hnahthial te fapa MC.Lalrempuia hian tun hnai khan RIPANS, Aizawl atangin B.Sc. MLT (Medical Laboratory Technology) chu Distinction ah zovin nimin (11.06.2020) khan Covid 19 do kawngah a thiamna leh theihna te voluntary a thawk turin District Hospital Hnahthial ah a in report a ni

Hnahthial District mi leh sa Pu Laldinsanga Phutin leh Tv. MC. Lalrempuia ten Mizoram mipuite min ti ralkhel em em tu Covid 19 do kawngah phut let nei miah lova an thiamna leh theihna te hlan tura an penchhuak hi Hnahthial District Task Force on Covid 19 chuan a chhuangin lawmawm a ti takzet a ni. 

~DIPR No.1961/2020-2020
Read more »
Tweet Share Share Share Share Share

October 18, 2019
Vawiin chawhma dar 11 khan Hnahthial HBSC Ground No.1-ah District Celebration Committee buatsaihin Hnahthial District thar lawmna programme ropui tak buatsaih a ni a. Health & Family Welfare etc changtu Minister leh South Tuipui Assembly Constituency bialtu MLA ni bawk Dr. R Lalthangliana chu khuallian a ni.

Hnahthial District thar lawmna programme ah hian khuallian bialtu MLA Dr R Lalthangliana chuan thu sawiin District thar awm theihna tura tha leh zung sengtute zawng zawng chungah lawmthu sawiin kum tam tak tha thlah lova an beihna rah an seng a ni, a ti a. Hnahthial District mipuite inkarah inlungrualna leh inpumkhatna tha tak a awm chu lawmawm a tih thu sawiin he District ti puitling tura theihtawp chhuahtu Mizoram Chief Minister Pu Zoramthanga leh Council of Ministers-te leh official-te chungah lawmthu a sawi a. Kum tam tak a liam hnua District thar pathum tih puitlin tak - Hnahthial, Saitual leh Khawzawl mipuite a lawmpuina leh duhsakna hlanin hmathlir fel tak neia mipuite kaihruaitu Mizoram Chief Minister Pu Zoramthanga chungah lawmthu a sawi a ni.


District thar hnuaia hmasawnna awm zel tur te sawilangin Minister chuan Hnahthial Hospital thawm that a nih tur thu leh hmanraw dah belh zel a nih tur thu te, Department office hrang hrang hawn zel anih tur thu te, Hnahthial District tan Convention Centre changtlung tak buatsaih a nih tur thu te, Zirna in tha tak tak la buatsaih tur JNV, KVS leh Eklavya School-te, thlenna in tha Circuit House ruahman a nih tur thu te kalkhawmte a hrilh a. UD&PA Department kaltlangin Hnahthial khawpui chhunga mirethei chhungkuate insak tanpuina (PMAY-HFA) pe vek tura ruahmanna siam mek a nih thu sawiin chhungkaw 593 tan cheng sing ruk theuh a, zavaiin Rs.355,80,000/- insakna tur 1st installment chu an bank account a dah luh nghal tura ruahmanna siam a nih thu a puang bawk. 

Tin, a Department chan Health and Family Welfare Department hnuaiah RIPANS ti changtlung zel tura Rs. 40,000 lakhs sawrkar laipui atanga hmuh tawh a nih thu te leh Cancer Speciality Hospital din tura Rs. 50,000 lakhs hmuh tawh a nih thu kalkhawmte a hrilh bawk. Minister chuan inkalpawhna tha (Physical Connectivity) leh inbiakpawhna tha (Digital Connectivity)lamah te hmasawn tur tam tak kan la nei tih sawrkarin hria in kawng siam thatna turin Budget ah pawisa tam tham tak dah hran niin Mizoram hmun hrang hrang ah chak taka hmalakna a kal mek thu a tarlang a. Ram hmasawn tur chuan Minister leh mipuite an inpawh that a tul a ni tiin Minister chuan bial leh ram hmasawnna tura rawtna an neih te sawi hreh lo tur leh thurawn te pe fo thin turin mipuite a sawm bawk.


He hunah hian I&PR Minister Pu Lalruatkima pawhin thu sawiin Hnahthial District mipuite tana ni lawmawm leh chhinchhiah tlak District thar lawmna programme ropui tak ah a tel ve thei chu vannei a in tih thu sawiin Hnahthial District mipuite duhsakna a hlan a. Kum tam tak liam hnua District a piang ta chu Hnahthial District mipuite thawhrimna, inpekna leh huaisenna rah a ni, a ti a. Mizoram Chief Minister Pu Zoramthanga kaihhruaina avangin a chungah lawmthu a sawi bawk. Hnahthial District - in administrator official viak tha leh mithiam tha tak tak sawrkarin a rawn dah chu an vannei takzet a ni tiin a Department chan Rural Development, I&PR leh Revenue office hmunhma te ruahman tura chak taka hmalak a nih thu a sawi a. Christmas hma ngeiin MGNREGA kaltlangin in hlawhna ni 10 aia tlem lo pek an nih tur thu kalkhawmte a hrilh bawk.

Lunglei HPC Vice Chairman Pu Lawmawma Tochhawng pawhin thu sawiin Hnahthial District hnuaia khuate chu a lawmpui rualin a ui takzet thu a tarlang a. Hnahthial  District mipuite chu thawhrimnaah hlawhtlinna a awm a ni tih a taka hmu tu te an ni tiin an kal zelna turah duhsakna a hlan a. "District neitute hian he District hi eng atana hman nge in tum tih inzawt fo thin rawh u" tiin District mipuite chu hmasawn zel tura tan la tur leh intodelhna ngai pawimawh turin a chah a ni.

Lawmna programme hi session hniha neih niin Pu B. Lalhmingliana, Vice Chairman, Organizing Committee-in 1st session a kaihruai a. Khuallian Dr R Lalthangliana'n District lawmna lungphun a hawn hnuah I&PR Minister Pu Lalruatkima'n District thar lawmna balloon chhuahin Pu Lawmawma Tochhawng, Vice Chairman HPC Lunglei in Souvenir a tlangzarh a. Tin, Mizoram Rural Bank (MRB) ten Hnahthial Hospital hman tura an donate Ambulance chu khuallian in a tlangzarh nghal bawk a ni.

Chairman, Organizing Committee leh Hnahthial DC ni bawk Pu Vanlalmawi’an kalkhawmte lawmna thu sawiin Pu K. Lalsangzuala, Secretary, Organizing Committee hnen atangin Hnahthial District a lo pian dan chanchin tlangpui report ngaihthlak a ni bawk.


Hnahthial District thar lawmna programme ah hian I&PR Minister Pu Lalruatkima, Lunglei HPC Vice Chairman Pu Lawmawma Tochhawng, Dr ZR Thiamsanga, MLA, Prof F. Lalnunmawia, MLA, Pu Ramthanmawia, MLA, Pu Lalrinsanga Ralte, MLA, Pu Zothantluanga, MLA, Pu C. Ramhluna, Ex-MLA & Vice Chairman, Industrial Development Board, Pu C. Lalrammawia, Chairman ZOHANDCO, Pu Lalthanliana, Ex MLA & Chairman, KVIB, Pu TC Pachhunga, Ex-MLA & Vice Chairman, SYS and Tourism Board te bakah Department hrang hrang official-te, party hruaitute, chanchinbu mite  leh Hnahthial District mipuite bakah Mizoram hmun hrang hrang atangin mipui thahnem tak an kalkhawm a ni.

2nd Session-ah hian intih hlimna hun hman niin MUP atangin District Hlado, Block MHIP, Hnanhthial atangin Par Lam, a huhova Cheraw kanna leh Hnahthial khua leh a chhehvel, Lunglei leh Aizawl ziathiamte atangin zai ngaihthlak a ni bawk a. Pu. C. Lalbuatsaiha, Treasurer, Organizing Committee in lawmthu sawiin hun tawp a khar a ni. HBSC Ground No 1-a District thar lawmna programme neih zawhah veng tinah khawtlang ruai buatsaih a ni. ~DIPR
Read more »
Tweet Share Share Share Share Share

August 12, 2019

COUNCIL OF MINISTER THUKHAWM IN DISTRICT THAR 3 HUAM TUR KHUA TE PAWM FEL

Vawiin August 9, 2019 khan CM Cabinet Meeting Hall a Council of Minister thukhawm chuan district thar pathum - Saitual, Hnahthial leh Khawzawl District huam tur khuate a pawm fel. He meeting ah hian Chief Minister Pu Zoramthanga, Deputy Chief Minister Pu Tawnluia leh Minister dangte an tel kim vek a ni.    

Hnahthial District:

(1) Rawpui
(2) Pangzawl
(3) Thiltlang
(4) South Chawngtui
(5) Tarpho
(6) Khawhri
(7) Aithur
(8) Cherhlun
(9) Old Ngharchhip
(10) New Ngharchhip
(11) Thingsai
(12) Bualpui H
(13) South Lungleng
(14) Denlung (Sub-Village)
(15) Leite (with Maudarh Sub-village)
(16) Rotlang East
(17) Tuipui 'D’
(18) Darzo
(19) Muallianpui
(20) Lungpuitlang
(21) S. Vanlaiphai
(22) Hnahthial
(23) Chhipphir
(24) Bualpui V
(25) Lungmawi
(26) Phaileng South

Read more »
Tweet Share Share Share Share Share

July 14, 2019

HNAHTHIAL PENIEL VENG AH BUILDING CHIM HLAUHAWM KHAWTLANGIN THIAH SAK
Tunlai ruahsur nasa avangin Hnahthial leh a chhehvelah pawh chhiatna a thleng nual a, vawiin (Pathianni) pawh khan Pi F.Lalthantluangi Peniel veng Hnahthial In sak lai, RCC building chu a chêt nasat avangin VC leh YMA hmalaknain hnatlang a thiah a ni.


Pi F.Lalthantluangi In hi thlaleh August hian luah tumin inchhung chei hna khawih mek a ni a, Rs.Nuai 20 vel an seng ral tawh a, Inrinni khan a chè tih hriat ani a, a bang thenkhat plaster vek tawh leh inchhung luhna step te a kau a, tukin khan a chet belh tih hmuh ani a, In neitute leh Khawtlang hruaitute chuan Joint meeting an nei a, In neitute duhdanin In chung zawk chu thiah a nih bakah chhanhim theih dan tur zawngin hnatlang thawh a ni.

He In thenawm a RCC building sak lai mek, a chhuat leh a chung slab vek tawh, Pu H.Lallungmuana In rel hnuai leh kawt vel pawh a khik a vangin Hnatlang thawkte hian In rel a Brick leh hmanraw chhêk khawl sa te chu senghawi hna an thawk bawk a ni.

He chhiatna thleng avanga hnatlang hi mi 100 chuang zet niin Pu C.Khamluaia SDO (C) Hnahthial chuan tlawhin Silpoulin pakhat leh hnatlangte Thingpui lumna tur a pe a, Sorkar atanga chhawmdawlna awm thei ang pawh ngaihtuahpui a tum thu a sawi a ni. Pu H.Lalramliana BDO pawhin he chhiatna thleng hi a hmunah enfiahin Hnatlangte thingpui lumna tur Rs.2000 a pe bawk a ni.

Hetih lai hian Model veng, Hnahthial-a Pu R.Rochungnunga te chenna In kawmthlang pawh a min nasat avangin Zirtawpni (12.July.2019) khan an inthiar chhuak a, an In (Assam type) pawh mi tlawmngai ten an thiah sak nghal bawk a ni.

Hnahthial Kanan veng biakin pawh a min belh leh avangin a hlauhawm viau tawh bawk niin thudawnna hian a sawi. #C. Tluanga Tuahzo
Read more »
Tweet Share Share Share Share Share

July 09, 2019

DISTRICT PATHUM SIAM NAN CHENG NUAI 150 THEUH BUDGET-AH DAH


20th March, 2019: District thar pathum siam turin Mizoram sorkarin Budget-ah sum a dah.

Nimin Assembly session-a Finance Department changtu, Chief Minister Pu Zoramthanga’n sorkar kum thar – April ni 1 atanga July ni 31 thlenga sorkar sum hman tur ruahmanna Budget, Vote on Account-a a pharhah Khawzawl, Hnahthial leh Saitual District te siam turin District pakhat tan Cheng Nuai 150 theuh dah a ni.


District thar pathum Hnahthial, Khawzawl leh Saitual te tana DC Office siam/hawn phalna Sorkar chuan a tichhuak



SAWRKARIN DISTRICT THAR PATHUMAH DC OFFICE STAFF SIAM


5th July, 2019 : Mizoram Sawrkar, General Administration Department chuan District thar pathum - Saitual, Khawzawl leh Hnahthial-ah te Deputy Commissioner Office-a thawk tur post 48 theuh a inangin a siam thar a, hei bakah hian SDO (Civil), Saitual Civil Sub-Division chu SDO (Sadar), Saitual District (Senior grade of MCS in level 11 of the pay matrix) post-ah siam rem nghal a ni bawk. He hriattirna hi July ni 4 khan tihchhuah a ni.

GAD Notification-a a lan danin Saitual DC Office staff tur 48 zingah hian thawktu awmsa 33 rin zui tur a ni dawn a, post thar 15 siam a ni. Saitual District code tur chu 09 a ni ang a, Khawzawl - 10, Hnahthial - 11 a ni ang.

Saitual DC Office-a post awm turte chu - Deputy Commissioner - 1, Addl. Deputy Commissioner - 1, Election Officer - 1, Sub-Deputy Commissioner - 2, Superintendent - 1, Assistant - 3, Steno-II - 1, UDC - 5, LDC - 7, Driver - 5, Despatch rider - 1, Group ‘D’ - 20.

Read more »
Subscribe to: Posts (Atom)

Contact Form

Name

Email *

Message *

TOM © 2025. All Rights Reserved.
Published by Songate G

Ads Section

Powered by Blogger.