Showing posts with label Champhai District. Show all posts
Tweet Share Share Share Share Share

March 01, 2022
CHAMPHAI DC IN A HNA THAR ZAWM TURIN CHAMPHAI A CHHUAHSAN

Champhai DC Pi Maria C.T Zuali A Chhuak Ta

Champhai, 1st March, 2022: Champhai District Bawrhsap Pi Maria C.T Zuali chuan vawiin chawhma dar 11:30 khan Sawrkarin a hna thar tura ruat Addl. Secretary, FCS&CA leh Planning & Programme Implementation Department-te  zawm turin Champhai a chhuahsan. Pi Maria C.T Zuali hi Sawrkar Official leh pawl hrang hrang aiawhten an thlah a ni.

Pi Maria C.T Zuali hian Champhai District Bawrhsap hna hi June ni 8, 2020 khan chelh tanin he hna hi nimin February ni 28, 2022 thleng khan a chelh a. Mizoram Sawrkara Food, Civil Supplies & Consumer Affairs (FCS&CA) Department leh Planning & Programme Implementation Department-ah Additional Secretary hna a chelh dawn a ni.

Amah thlak tur hian Pu James Lalrinchhana, Director, School Education Department chu  ruat a ni a, DC thar rawn thlen hma chu Addl. DC Pu Henry C. Lalrawnkima'n DC mawhphurhna a chelh rih dawn a ni.


Read more »
Tweet Share Share Share Share Share

June 19, 2020

COVID -19 vanga damlo enkawl huam Champhaiah Volunteer kan nei leh ta


 Covid-19 hripui len chhunga District Hospital Champhai a thawk turin heng a hnuaia mite hi an rawn in Volunteer a, hun khirh tak kan tawh mek lai a phutlet nei hauh lo va midangte tanpui tura rawn inpete chungah District Hospital a thawktute an lawm tak zet a ni. Chung mite chu:-  

1. R. Malsawmtluangi, B. Sc (Nursing) D/o Saihmingliana New Champhai Experience: 1.5 years as ICU Staff Nurse at Nemcare, Guwahati.  

2. Vanlalhriata Ralte, Laboratory Technician S/o R. Lalrinsanga Vengsang, Champhai  

3. H.T. Zoremzuala, B. Sc, RIT (X Ray Technician) S/o H. Khawlmawia Zotlang, Champhai  
CHAMPHAI CHANCHINTHAR

An ni bakah hian Nurse 3 ten Covid-19 hri vei enkawl turin, a ṭul ṭul thawk turin an lo inpe tawh bawk a ni. Source: Lal Hlupuia

[ToMZ is dedicated for archive and exposition of Mizo affairs to the rest of the world. Informations obtained are re-posted 'as-is' basis as a digitization initiative so as to make accessible to all through online surfing. Due credit is given to all author/owner except those which cannot be ascertained]
Read more »
Tweet Share Share Share Share Share

March 12, 2020
The Governor of Mizoram Pu PS Shreedharan Pillai accompanied by Lady Governor Pi Reetha Sreedharan visited Champhai today. On their arrival at Champhai Helipad at 9:15 AM, a guard of honour was presented to him by 2nd Battalion, Indian Reserve Police in presence of Pu SL Naveen, IAS, Deputy Commissioner Champhai and Pu Rex Zarzoliana, SP Champhai.
Speaking at the welcoming and interaction program organised in his honour at Champhai Circuit House Conference Hall, the Governor expressed his gratitude to have visited Champhai District and thanked for the warmest reception. He urged all the Government Servants and Public representatives to work tirelessly for the welfare of the people, provide basic amenities to them as it is fundamental rights of the people. Mizoram being a peaceful and pleasant State is inhabited by all peace loving and pure hearted people, he added. Also the Governor while speaking about touring and learning different places and people of the State, he expressed his wish and plan to visit every districts of the State in due course of time. 


The Governor stressed the needs to attain full-fledged freedom by eradicating poverty, and providing basic minimum requirements to all citizens, 26 % of the Indian are still deprived of basic minimum requirement, he mentioned. Talking at length about Central Government Policy of developing North Eastern States, the Governor in his speech mentioned that NE states despite contributing a scanty 3.5 % of the total population of the whole Country could get around 10% of the Central Budget. He applauded the mutual co-operation among the Government, NGO’s and Churches for keeping a smooth pace in running the administration and policies. He also encouraged the people to take up new challenges and try to be self-sufficient.

The interaction of Governor with Head of Offices was presided over by Pu SL Naveen, IAS Deputy Commissioner Champhai. He also highlighted and explained various Departmental achievements under his jurisdiction. Pu Rex Zarzoliana, SP Champhai apprised Police Status and recent achievements. The Governor later interacted with Church leaders and NGO's representatives separately. Thereafter, the Governor visited Mazuia Memorial Home, TNT Champhai, addressed the gathering. On his maiden visit to TNT Champhai also known as Mazuia Memorial Home, the Governor cited that Service to mankind is Service to God, gifted alms and bid them good luck for their future endeovours.

The Governor then departed Champhai at the afternoon. Today’s programme was also attended by Head of Offices, Churches leaders, NGO’s representatives and Media fraternities, among others. -DIPR
Read more »
Tweet Share Share Share Share Share

January 30, 2020
DR ZR THIAMSANGA'N NGUR MODEL VILLAGE NI TURA PUANNA LEH LAWMNA HUN A HMANPUI

Champhai North Assembly Constituency huamchhunga Model Village atana thlan Ngur khaw puan leh lawmna hun chu vawiin khan Ngur Community Hall-ah neih a ni. He hun hi Dr. ZR Thiamsanga, bialtu MLA leh Vice Chairman, Health & Family Welfare Board chuan khuallian niin a hmanpui a. Pi Ethel Rothangpuii, Project Director, DRDA Champhai chu khualzahawm niin, Pu Mark Lalthanliana, Addl DC Champhai chu uaptu a ni.

Model Village MizoramDr. ZR Thiamsanga chuan Ngur khaw mipuite inlungrualna leh thawhhona fakin Model Village ni awm tak ni a a hriat thu leh khawtlang inlungrualna leh phurna chuan amah ngei pawh chona nasa tak a pek thu a sawi a. Ropui taka a lawmna hun buatsaih ani chu hmuh nuam a tih thu leh an phurna chuan malsawmna a hrinchhuah ngei a beisei thu a sawi a. Ngur khaw thar din tum anih thu sawiin, hemi kawngah hian mipuite kovah mawhphurhna tam tak a tla a, hmasawnna ruhrel siam tum ani dawn a, kan tih thin thalote kha kan bansan angai bawk a, khaw dangte entawn rawn nih kan tum tawh zawk dawn ani tiin, sawrkar lam atanga tihtur awmte pawh a tul ang zela bawhzui ani ang, a ti bawk.

Ngur khaw mipuite chu Mizoram mai bakah India rama khaw entawntlak ber nih tum tur leh ziak leh chhiar thiam, hriselna kawnga entawntlak, fai leh mawi, mimal leh khawtlang nun mawi siam tum turin a chah a. Ngur khawtana hmalakna hmasa turin Sub-Center tih changtlun a, BSc Nursing vil tir tum ani tiin, February thla atangin MLA fund hmangin Health Worker pawh dah tum a ni, a ti a. Forest department kaltlangin cheng nuai 10 hmanga khaw cheimawi leh ram ngaw humhalh hna kalpui tum a nih thu pawh sawiin, Ngur khaw bula Far hmunte humhalha kangmei chhuak tur veng tha turin a chah a. Solar energy hmanga tui pump chhuahna, tui dahthatna leh pekchhuahna tur pawh ngaihtuah anih dawn thu a sawi a. Zirna tihhmasawnna hmasa atan Ngur Middle School Building sak that tum anih thu leh khaw chhung chei hna pawh plan mumal tak hmanga siam tum anih thu a sawi bawk.

Khuallian chuan Sawrkar hmalakna tarlangin, khawpui chhung leh khaw inkar kawng chhiate siam that zel niin, Zirtirtu indaihlohna phuhru turin Zirtirtu thar lak a ni a, MZU Southern Campus Lunglei ah hawn tum a ni, a ti a. Hriselna lama hmalakna pawh sawiin, Mizorama Sub Center-te tihchangtlung tum anih thu leh thawktu indaihlohnate pawh a tul anga bawhzui zel ani, a ti a. Mizoram State Health Care Scheme hmangin chhung tinin kum tin damloh inenkawlna senso nuai 2 thleng an bill theih thu leh hemi hnuaiah hian mitinte inziaklut vek turin a sawm nghal a. Sawrkarin Champhai District mipuite hriselna ngaipawimawhin Champhai District Hospital-ah Dialysis khawl leh High Dependency Unit (HDU) khawl a bunfel a tangkai taka hman anih thu leh Champhaia Nursing School a taka kalpui anih theihna tura hmalak zel ani, a ti bawk. Ngur khaw mipuite chu theihtawp chhuaha Model Village an nihna hre reng tura chahin an kalzelna turah duhsakna a hlan a ni.

Thusawitu dang Pi Ethel Rothangpuii chuan Ngur khua Model Village a thlan ani chu khaw tana ni chhinchhiah tlak tak anih thu sawiin, khawtlang tanrualna angaih dawn avangin lungrual taka khaw hmasawn leh entawntlak nih tum turin a chah a. Model Village tobul leh hemi hnuaia hnathawh ngai hrang hrangte tarlangin, model Village ah a hranpain tanpuina leh hamthatna bik engmah a awm dawn lova, hmasawnna ruhrel leh hnathawh felfai taka kalpui anih theih turin hmalak ani dawn ani, a ti a. Model Village chu thingtlang khuate intodelha lungrual taka an awm theihna tura October Ni 11, 2014 a sawrkar laipui siam anih thu leh Village Development Plan mumal tak siama bawhzui tur anih thu a sawi a. Model Village tana tihtur awm hrang hrangte tarlangin Ngur khaw mipuite chu thil tha leh hmasawnna awm theihna tura thahnem ngai taka thawk turin a chah a ni.

He hun hi Pu LH Sawngpauva, Chairman, Model Village Organising Committee chuan a kaihruai a. Pu H.Tawnga, Vice Chairman, Model Village Organising Committee chuan kalkhawmte lawmna thu a sawi a. Pu RL Thangmawia, Secretary-in report a pe a. Khuallian in Model Village puanna a nei a. Pu Ngurliantluanga Sailo, Vice President, Ngur VC in lawmthu sawiin hun a khar a ni.

Dr. ZR Thiamsanga hi Dr. Lalhmuchhuaka, Medical Superintendent, Civil Hospital Aizawl; Dr. Vanlalsawma, Joint Director, Health Services; Pu Lalduhthlana, DFO; Dr. R.Lalawmpuia, CMO; Dr. Lallawmkima, DIPRO; Pu Lalengliana Chhangte, DSP Hqtrs; Dr Zoramdinthara, Member, H&FW Board ten an tawiawm a ni.

Champhai North bialtu MLA hian tukin khan Champhai Vengthlang Rahsi Venga Health Clinic a hawng a, District Hospital Champhai a tlawh bawk a ni.
Read more »
Tweet Share Share Share Share Share

August 30, 2019
Mizoram Director General of Police Shri  SBK Singh visited Champhai yesterday. The DGP inaugurated newly constructed Children's Corner at Champhai Police Station, encouraged  the Police personnels  at Police Conference Hall and thereafter held a joint meeting with NGO's at Circuit House here at Champhai. And also DGP  visited Indo-Myanmar Border trade at Zokhawthar the previous day.

While inaugurating the Children's Corner,  the DGP pointed that the provision of  Children's Corner at Police Station implied  every rights has been taken cared and better facilities are set up in the Police Station. Expressing the enormous scopes of tourism and its allied activities in and around Champhai, DGP desired the assignment of  Tourist Police to coordinate  and  guide the tourists which would be  convenient in terms of safety measures is concerned. 

The Indo-Myanmar relationship at Border area at Zokhawthar under peaceful environment has shown a smooth bilateral relationship and this  has to be  maintained, he added. Stating that the Indo-Myanmar border point at Zokhawthar holds the key to the two countries relationship, he  mentioned that the upgradation of Goods carrying Truck  terminal, training of security personnels  and modernisation of facilities at sensitive border area are  the needs of the hour.

Shri SBK Singh also urged the NGO and Society to cooperate well with the Police Department in defending the illegal activities and  ensured the Police personnels  posted here at the border area will keep vigil and leave  no stone unturned to curb cross border illegal activities. ~DIPR
Read more »
Tweet Share Share Share Share Share

June 12, 2019

CHAMPHAIA JOB/SKILL FAIR -CUM-CAREER GUIDANCE NEIH TUR CHUNGCHANG LESDE DEPARTMENT HOTUTEN CHANCHINBUMITE AN HRILHFIAH


Champhai NewsNaktip  June Ni 13, 2019 a Govt Champhai College-a Labour, Employment, Skill Development & Entrepreneurship (LESDE) department  buatsaiha Job/Skill Fair-cum-Career Guidance neih tur chungchanga Chanchinbumite hrilhhriatna vawiin chawhnu khan neih a ni.

He hun I&PR Conference Hall-a neihah hian Dr J.T Vanlalngheta, Joint Director, LESDE department chuan thalai hna zawng mek leh zirlaite hmakhua ngaiin Champhaiah  Job/Skill Fair-cum-Career Guidance neih tum anih thu leh hemi hmalakna mipuite hnena puanzar kawngah media-te tawiawmna a ngen a. Mipuiten sawrkar department hmalakna leh kalhmangte chiang zawka an hmelhriata,  hamthatna an hmuh theihte an dawn  zel a pawimawh a ni, a ti a. Job Fair leh Career Guidance hmangin Champhai khua leh a chhehvel a cheng ten hna an zawn  theihna tur bakah  zirlai ten an kalzelna tur an ruahman thiam theihna tura hmalak tum anih thu a sawi.

LESDE Department Deputy Director Pu Lalmuanawma’n programme ruahman dan tlangpui a sawifiah a.  Zawhna leh chhanna hunte neih niin inkawmhona hun tha tak hman a ni.

June Ni 13, 2019 (Nilaithawhtan)  zing dar 10:15 hian Govt Champhai College Auditorium-a hawnna hun buatsaih anih zawh veleh zing dar 10:30 atanga tlai dar 3:30 thlengin Job/Skill Fair-cum-Career Guidance hi neih tum a ni a. Govt Champhai College Auditorium-ah Zirlaite pualin Career Guidance neih tum a ni a, First Session hi zing dar 10:30 atanga chhun dar 12 thleng Class 10 zirlaite puala neih tur a ni a, chawhnu dar 1 atanga  2:30 thleng class 12 te puala neih tum a ni. Hetih rual hian College Classroom hrang hrangahte Training Provider Firm hrang hrang 16 ten thalai hna zawngte pui turin Job/Skill Fair an kalpui dawn bawk  a ni. Job/Skill-cum-Career Guidance hi Lunglei leh Siaha-ahte neih zawh tawh a ni.

Job/Skill  Fair kaltlang hian thalai hna neilo, zawng mek leh zirna bansan tawhte tan  an thawh theih zawng tur hna zawn theihna hun remchang hawn ani dawn a. LESDE hriatpui Firm hrang hrangten he hun hi an rawn hmanpui dawn a, firm kaltlang hian hna thawh theih leh tulte hriatchian theih a ni ang. Tin, heng bakah hian Zirlaite kalzelna tura kawhhmuhna ‘Career Guidance’ chungchanga inzirtirna Eastern Solutions & Consultancy Services (ES&CS) firm chuan a rawn nei dawn bawk a  ni.

Tun dinhmunah LESDE Department Mizoram kaltlanga Pradhan Mantri Kaushal Vikas Yojana (PMKVY) hnuaia Skill India Portal-a Training Provider-te’n Short Term Skill Training tura diltu an ziahlut tawh zawng zawng hi mi 5282 an ni a, heng zinga 3332 te hi training zo tawh niin, mi 2333 ten exam hmachhawn tawhin an zinga mi 2071 ten certificate an dawng a,  mi  765 ten hna an hmu tawh bawk a ni.
Read more »
Tweet Share Share Share Share Share

May 02, 2019
Mizoram Governor Professor Jagdish Mukhi chuan lehlangin Champhai leh Myanmar ramri a tlawh a,  sorkar laipui flagship programme  Swachh Bharat Mission, Rural Electrification Programme leh Pradhan Mantri Ujjwala Yojna (PMUY) hamthatna dawngtu chhungkuate a tlawh kual bakah Indo-Myanmar Border Trade Point a ramri a enfiah a, ramri venghimtu Assam Rifles te hmalak dan tlangpui a hmunah a en a ni.  Vawiin chawhnu khan Champhai Circuit House-ah Champhai a sorkar Department hrang hrang hotute hma-ah thu a sawi bawk. 



Governor Professor Jagdish Mukhi hi vawiin chawhma lam khan Champhai Helipad-ah sorkar hotuten lo dawngsawngin,  ram pahnih insumdawn tawnna hmuna ramri lei a tlawh bakah ramri venhim hna thawktu 10 Assam Rifles Major Sunil Patel chuan Zokhawthar a AR Sipai hmunah an hmalak dan tlangpui hrilhhriatna hun a hmang a. Governor Professor Jagdish Mukhi chuan sipaite thahnem ngaihna avangin ramri a mipuite thlamuang takin an awm theih phah a ni, a ti a. Tunlai khawvel media chak takah hian engkim chawpchilh a hriat nghal zel theih a nih avang hian Sipaiten dan ang taka chet la thin turin a fuih. Governor Professor Jagdish Mukhi chuan sorkar laipui Flagship programme te thingtlang kilkhawr berah pawh tih hlawntlin a ni chu lawmawm a tih thu sawiin,  a mit ngei a RGGVY,  Swachh Bharat Mission leh PMUY  hamthatna dawngtu chhungkua a hmuh chu lawmawm a ti hle.


Vawiin chawhnu khan Champhai Circuit House ah Sorkar Department hotute hma a thu sawiin,  Governor Professor Jagdish Mukhi chuan inbiak pawhna leh inkalpawhna piah lamah ramri dep hmuna chengte kawng hrang hrang ah an la hnufual hle tih sawiin  nasa taka tan lak a tul a ni, a ti. Indo-Myanmar Border Trade Point chungchang tarlangin Governor chuan zalen taka insumdawn tawn leh intlawh pawh tawn theih a nih rualin,  dan in a phal loh (illegal goods) hmanga sumdawnna kalpui a thiang lova;  engkim dan ang taka kalpui a tul thu leh India danpuiin khua leh tui nihna neih kawp a phallo angin helai hmunah pawh hian Dual Citizenship neih theih a nih loh thu a sawi. 


Prime Minister Narendra Modi  kaihhruai sorkar chu Hmarchhak mite tan malsawmna a nih thu sawiin,  hmasawnna kawng tinrengin mipuite a tuam mek a.      Hmar chhak state-ah Rail kawng thar 15 tlan tir a nih thu te. Guwahati Airport chu India ram Airport lun ber 7-na ni mekin,  ram dang tlawh tur thlawhna thlawhchhuah tir mek a nih thu leh International Airport pawimawh tak ni tur chei bawl mek a nih thu Governor Professor Jagdish Mukhi chuan a sawi a.  Kum 2022 hian sorkar laipui chuan Loneitute buhbal thar chhuah chu a let a tihpun a nih ngei theih nan Agriculture & allied Sector-ah nasa taka tan lak a nih tur thu a sawi bawk.  

Circuit House a programme buatsaih hi Champhai DC Dr. Arveen Aggarwal chuan kaihruaiin Champhai SP Lalthiamsanga Sailo chuan lawmthu sawina hun a hmang bawk.~ DIPR
Read more »
Tweet Share Share Share Share Share

April 26, 2019
Champhai District News: Vawiin khan Mizoram Science, Technology & Innovative Council (MISTIC) hnuaia Mizoram State Climate Change Cell leh DC Office Champhaite tangkawp buatsaihin Govt Champhai College Multipurpose Hall-ah Sik leh Sa inthlak danglam zel zirhona ‘Climate Change Awareness Programme’  neih a ni.

Champhai Bawrhsap Dr Naveen Aggarwal, IAS chuan he hun hmang tura kalkhawmte thinlung taka a lo lawm thu sawiin, Sik leh Sa lo danglam ta zel chu khawvel kalphung mai piah lamah a tam zawk chu mihringten kan siamchawp a ni, a ti a. Sik leh Sa inthlak avangin thlai chin dan leh hunte a lo danglama, rannung  atanga natna kaitheihte a lo hluar zel avangin fimkhur angaih thu a sawi a. Ram tih kan nasat avang leh tul lo taka boruak tibawlhhlawh zawnga kan chet avangin   sik leh Sa a lo inthlak danglama, a ven leh dawnsawn  kawngah inpuahchah that angai a ni, a ti a. Tun lai kan buaipui em em Sik leh Sa inlumlet dan zirtrirna pe tura lokal department hotute leh mithiamte chungah lawmthu a sawi a, Champhai mipui he hun chhimtute chu hun tha leh hlawkpuiawm tak nei turin duhsakna a hlan a ni.



He hunah hian Dr R.K Lallianthanga, Chief Scientific Officer & Member Secretary, MISTIC, Directorate of Science and Technology chuan thusawiin,  Sawrkar laipuiin Sik Leh Sa inthlak danglam chak tak  a ngaipawimawh em em a, a enkawltu tur department hmingah pawh Ministry of Environment, Forest & Climate Change ti a vuah anih thu a sawi a. Himalaya region a State hrang hrangah nasa taka tanlak anih thu sawiin, Mizoramah pawh Sik leh Sa danglam chak tak venna kawngah zirtirna kalpui thin a ni a, mitinten mahni phak tawka mawhphurhna  kan hlen theuh angai a ni, a ti a. Loneitute tan buh leh bal leh thlai tharchhuah kawngah line department-te nena tangkawpa nakin hun ngaihtuah chunga hmachhawp siam thiam angaih thu a sawi.

Chief Scientific Officer chuan Champhai District chu Mizo zinga mi challang tak tak lo chhuahna leh theihna sang tak nei anih avangin Sik leh Sa inthlak venna kawnga mipuite zirtirna leh hmalakna kawngah a thawhhlawk hle theih dawn thu sawiin, Sik leh Sik leh Sa inthlak danglam zel chu khawvel huap nimahse mahni theihna zawn theuha tanlak chu mintinte mawhphurhna a ni, a ti a. Mizoramah ngei pawh khaw lum a zual zel  thu tarlangin, District hrang hrangahte khaw awm dan chipchiar zawka record-na  tur hmanraw tha zawk bun tura hmalak tum anih thu a sawi a. He hun rawn hmang tura kalkhawmte chu thahnemngai taka zirtirnate ngaithlaa, hriatchian duhte zawtfiah tur leh zirtirna a taka hmang tangkai tum turin a chah nghal a ni.



He hunah hian Sik leh Sa inthlak danglam chungchangah zirtirna hrang hrangte ngaihthlak a ni a. Pu Lalthanpuia, Scientist B, Mizoram State Climate Change Cell-in ‘ Khawvel Huapa Climate Change Chungchang’ tih thupui hmangin zirtirna  a pe a. Dr James Lalnunzira Hrahsel, Project Scientist, Mizoram State Climate Change Cell hnen atangin ‘Mizoram Chhunga Climate Chenge Chungchang’ tih   zirtirna ngaihthlak a ni bawk. Zirtirna neih zawh hnu hian zawhna leh chhanna hun hawn niin, mithiamten zawhna te an chhang a ni. He programme hi Pi Esther Leihang, SDC Champhai chuan lawmthu sawina neiin  a khar a ni.

Vawiin Climate Change Awareness Programme hun hmannaah hian Sawrkar hnathawk, NGO aiawh, VC leh Zirlaite an tel a ni. ~ DIPR
Read more »
Tweet Share Share Share Share Share

April 18, 2019

VANGCHHIAAH WORLD HERITAGE DAY PUALIN HUN HMAN A NI

vangchhe khua

Archaeological Survey of India (ASI) Aizawl Circle huaihawtin vawiin  khan Vangchhe Community Hall-ah World Heritage Day lawmna hun hman a ni. He hun hi Champhai District Bawrhsap Dr Naveen Aggarwal IAS chuan  khuallian niin a hmanpui a ni.

Khuallian Champhai Bawrhsap Dr Naveen Aggrawal chuan  Vangchhe khawtlang chu zirna ngaipawimawha khualchhawn thiam thei tura tawng zir thiam turin a fuih a. Vangchhe khaw bula pipu sulhnu hluite chu humhalh tha tur leh tihmelhem lo turin kal khawmte a chah a. World Heritage Site te chu dan hnuaia humhalh vek anih avangin tihbawrhbang leh tihmelhem lo tura fimkhur turin a ngen bawk a ni.

He huna thusawitu dang ASI Aizawl Circle hotu lu ber Dr Sugeet Nayan  chuan World Heritage Day hmang hian  khawvela mihring sulhnu hlui humhalh te, Khuanu thil siam leh hnam nunphung humhalh ngaite humhalh leh venhim chungchang mipui hnena zirtir tum a nih thu a sawi a. Vangchhe hmuna pipu sulhnu haichhuah kawng leh World Heritage Day huaihawtna tura  khawtlang nena thawhhona tha tak an nei thei chu lawmawm a tih thu a sawi bawk.

Vawiina hun hmannaah hian Vangchhe khaw  VCP Pu Kaptluanga leh Asst Archaeologist Nl. K. Lalrinchhani ten thu an sawi bawk a ni.

World Heritage Day denchhen hian zirlai naupangte tan hmanlai lungphun lem

inziahsiak (painting competition- Any Monument of India or Menhirs of Vangchhia) buatsaih a ni a. Pawl 1-3 zirlaite chu Junior Class, Pawl 4-8 Middle Class leh Pawl 9-12 Senior Class-ah te thenin painting competition buatsaih a ni. Malzai lam leh mahni tih theih zawng entir (talent show) hmanga inelna buatsaih a niin khawtlang mipuiin an hlut hle a ni. ~ DIPR
Read more »
Tweet Share Share Share Share Share

March 22, 2019

KHAWPUI FAI BER NIH LAWMNA CHAMPHAI BAWRHSAP HOVA NEIH A NI

Swachh Survekshan 2019 hnuaia khawpui fai inelna peng pakhat  India hmarchhak State a mihring 25000 atanga 50000 chin chenna khawpui fai inelna hunga lawmman pakhatna la tu  Champhai chuan vawiin khan lawmna hun an hmang a. He hun hi Dr Naveen Aggarwal, DC Champhai chuan khuallian niin a telpui a ni.  
KHAWPUI FAI BER CHAMPHAI DISTRICT

Fai ber lawmna hunn I & PR Conference Hall-a neih hi Champhai DUDO Pu K. Lalhmuakliana'n  a kaihruai a. Khuallian  Champhai  DC Dr. Naveen Aggarwal chuan India ramin faina beihpui a thlakna kalpui mekah India rama District 700 chuang zinga Open Defecation Free (ODF) 82-na ni thei a Champhai District a awm chu thil chhuanawm tak anih thu leh India hmarchhak State khawpui zinga Champhai khawpui-in lawmman pakhatna a dawng thei chu thil inhmeh tak anih bakah thil lawmawm leh chhhuanawm tak anih thu a sawi.

Champhai District UD & PA Social Development Specialist Pu C.Lalengkima chuan Champhai khawpuiin  lawmman chhuanawm tak a dawn theihna chu a chhunga cheng mipuite taihmakna leh  faina beihpui kalmeka mitinten tan an lakna rah anih thu leh Sorkar Department hranghrangte,  Veng hrang hrang khawtlang hruaitu VC leh YMA thehrimna vang anih thu a sawi a.  Faina kawnga hmasawn anih zel theih nan theih tawp chhuah turin mitinte a sawm nghal bawk.  

Khawpui fai lawmman pakhatna hian No mawi leh thuziak a kengtel a.India ram khawpui fai inelna Swachh Survekshan 2019 Award hi  March ni 6, 2019 khan Vigyan Bhavan New Delhi-ah sem niin Mizoram atangin Champhai, Lunglei leh Vairengte ten category hrang hrang ah lawmman an la a ni. Champhai khawpui hian North East a khawpui  fai ber Award(Cleanest city in North East Zone) an dawng. Lunglei khawpui pawhin North East a Best City in innovation and Best Pratices an la a, Vairengte khawpui pawh in Best City Solid Waste Management in North East Zone an la ve bawk a ni. Mizoram a khawpui tam zawk hi khawpui tenau category- ah dah an ni.  

India ram khawpui fai inelna Swachh Survekshan  hi khawvel a fai lam inelna  lian ber  niin khawpui 4237 lai an tel in, mihring vaibelchhe 40 chuang telna inelna a ni a, Mizoram3 bikah hian khawpui 23 te he inelna ah tel a ni. Swachh Survekshan inelna hi nikum December-ah paper work-te tih fel niin kumin January thla khan endik a ni a, tehna hrang hrang ah heng khawpui 3 te hian he chawimawina hi a dawng a ni.  He Award hian Momento leh Citation a keng tel a ni. Kum hma lamah hian Aizawl leh Biate khawpui ten lawmman an dawng tawh bawk a ni. ~ DIPR
Read more »
Tweet Share Share Share Share Share

February 21, 2019
Champhai
CHAMPHAI DISHA: Vawiin khan Champhai District chhunga Central sawrkar sum hmanga hmasawnna hnathawh programme 28-te enzuitu Committee; District Development Co-ordination & Monitoring Committee DISHA chu an Chairman Pu CL Ruala, Lok Sabha MP hovin an thukhawm. Meeting-ah hian Co-Chairman Pu Ronald Sapa Tlau, Rajya Sabha M.P, MLA Pu Ramthanmawia leh Champhai DC Dr Naveen Aggarwal, te pawh an tel a ni.

Pu CL Ruala chuan Lok Sabha term a lo tawp dawn tawh avangin a tan chuan DISHA Chairman anga hun a hman hnuhnung ber anih tawh dawn thu sawiin, tunhma kum 10 kalta chhunga District Official-te tawiawmna leh thlawpnaah lawmthu a sawi a. Chairman thar an lo awm hunah pawh lungrual taka ram leh hnam tana thawk tlang zel turin a chah a. Sawrkar hnathawkte chu Sawrkar inthlak chang awm mahse an danglam ve loh avangin an kutah District mai bakah Mizoram hmasawnna a innghah tlat thu leh rinawmna, taihmakna leh huaisenna thinlungpu chunga hnathawk thin turin a fuih bawk a ni.

Co-Chairman Pu Ronald Sapa Tlau pawhin thusawiin, Chairman kalchhuak mai tur hnuaiah District hrang hranga sawrkar laipui kaltlanga hnathawhte chak taka enzui thin anih thu a sawi a. Ram leh hnam tana theihtawp lo chhuah thin tawhtu Pu CL Ruala chu a kalzelna turah duhsakna a hlan nghal a ni. 

Meeting tarlan dan chuan Rural Development hmalakna MGNREGA hnuaiah kum 2018-2019 chhungin Job Card holders 28865 hnenah ni 82 inhlawhna siam sak a ni a, hemi hun chhung hian cheng nuai 6139.41 hmangin hna 719 kalpui a ni. April 2017 atanga kalpui tan Pradhan Mantri Awaas Yojana-Gramin, PMAY-G hnuaiah beneficiary mi 146 te hnenah insak tanpuina pek niin, In 127 sak zawh tawh a ni a. District chhungah Integrated Watershed Management Project (IWMP) pasarih kalpui mek a ni a. 

MGNREGA hnuaiah hian Champhai leh a chhehvelah DRDA Champhai, Institute of Bioresource Technology, Himachal Pradesh leh Horticulture Dept-te nena thawkhoin Apple Plantation Programme kum 2015 tang khan neih a ni a, Apple rah hmasa te chu Palampur-ah enchhin tura thawn tawh niin, a that thu tarlan ani bawk.

Heng bakah hian CSS hnuaia hnathawh hrang hrangte sawiho a zirchianna neih a ni a. ~ AIR Aizawl
Read more »
Tweet Share Share Share Share Share

February 19, 2019

CHAMPHAIAH CHAPCHAR KUT INPUAHCHAHNA SAWIHO

Kumin March Ni 1-a Champhai Kahrawt Field-a Chapchar Kut hman turah inpuahchahna a kalzel a. Vawiin khan inpuahchahna hrang hrang leh bawhzui leh zel dan tur relin Chapchar Kut Celebration Committee chu Pu Liansangzuala Chhakchuak, Addl DC hovin a Pisa-ah an thukhawm.

Mizo FestivalHe hunah hian Chapchar kut ni a hun hman dan tur hrang hrangte leh senso turte chipchiar taka sawiho niin, Chapchar Kut hlimawm tak leh Mizote hnam ziarang pholangtu anih zel theihna tura hman nise tih a ni a. Chapchar Kut hi March Ni 1, Chawhma Dar 10:30 atangin Champhai Kahrawt Fiel-ah lawm tan a ni dawn a, Kut Pa tur hian Pu TJ Lalnuntluanga, Law & Judicial, Parliamentary Affairs, Transport leh Forest Department changtu Minister chu sawm a ni.

Chapchar Kut ni hian  Mal zai, Zaipawl, Zohnahthlak hrang hrangte lam leh Lemchan hmuhnawm tak takte ena ngaihthlak tur a awm dawn a. Zohnahthlak unau Myanmar ram chhunga Rihkhawdar Cultural Troupe te pawhin Khawinghal Aih Lam an entir dawn bawk a ni. 

Chapkar Kut Celebration Committee chuan Chapchar Kut thlen dawn karah Sawrkar hnathawk leh Private hnathawkte chu mizo thuam a inthuam leh vek turin a ngen a, Mizo hnam thuama inthuamte   endikna neih ani dawna, lawmman siam a ni ang.  

Champhai District Chapchar Kut Celebration Committee chuan Chapchar Kut hlawhtling taka lawm anih theihna turin Champhai mipuite a tam thei ang ber Kut chhim turin a sawm a ni. ~DIPR
Read more »
Tweet Share Share Share Share Share

February 15, 2019
GOVT. CHAMPHAIAH COLLEGE AH MINISTER PU TJ LALNUNTLUANGA CHAWIMWINA HUN HMAN

Vawiin khan MZP Hqrs Champhai leh Govt Champhai College Alumni Association te buatsaihin Govt. Champhai College Multipurpose Hall-ah Minister Of State for Law & Judicial, Forest, Transport leh Parliamentary Affairs  Pu TJ Lalnuntluanga  chawimawina an nei.

TJ LALNUNTLUANGA CHAWIMAWI

Minister Of State Pu TJ Lalnuntluanga chuan thusawiin mi bik a nih loh zia leh hlawhtling tura tanlak a ngaih thu sawiin zirlai kalkhawmte chu mi bik leh thiam thei bik an ni lo a nih pawhin hrat lak turin a fuih a. Hlawhtling tura kan mamawh ber chu dikna leh rinawmna, taimakna leh Pathian tihna a nih thu sawiin kan hnam leh kan ram zimte hi a ral lohna tur leh a dinchhuah theihna turin thalaite'n Pathian tih chungah ram kan vei a, ram leh hnam hmangaihna rilru kan put thar a ngai a ni a ti a. Minister chuan hnam leh  ram zia hi kan changkan san tur a ni lo va, changkang taka hlawhtlin loh ai chuan mawlmanga taka harsatna hmachhawn ngam a tha zawk a ni a ti bawk.

Pu TJ Lalnuntluanga chuan ram zimte a dinchhuah theihna turin eirukna leh hlemhletna kan do a, dikna leh rinmawmna kan nunpui a ngai a ni a ti a. Eirukna leh dik lo taka thilti te kan do a, an chungchang kan sawi theihna turin zirlai kan nih lai atangin kan rilru kan siam a ngai a, chutiang rilru zirlaite'n kan put chuan kan ram dinhmun hian hma a sawn dawrh ang a ti bawk. Minister chuan kan hma hunah engnge lo thleng dawn tih mi tumahin kan hriat lawk loh avangin engpawh ti dawn i la a hmasa bera Pathian dah thin turin zirlai te chu a chah a, ropuina leh chawimawina hi mihringte ta tur ni lovin Pathian ta rut zawk a ni tih hrereng turin a chah bawk.

Minister Of State Pu TJ Lalnuntluanga chawimawina inkhawm Govt Champhai College Multipurpose Hall-a neih hi Lalthanfela, General Secretary MZP Hqrs Champhai chuan a kaihruai a. Lalramhluna, President MZP Hqrs Champhai, Pi Lalchhanhimi Khiangte, Principal Govt Champhai College te hnen atangin thusawi ngaihthlak a ni bawk.

He hunah hian MZP Hqrs Champhai hruaitu lo ni tawh zawng zawngte hnenah MZP Hqrs CHamphai chuan chawimawina thuziak an hlan theuh bawk. ~ DIPR
Read more »
Tweet Share Share Share Share Share

December 15, 2018

CHAMPHAI DISTRICT IN MINISTER (MOS) ATAN   

PU TJ LALNUNTLUANGA (Manuna) kan nei ve ta.


Champhai South mipuite hian kan mamawh leh dilna kan thlenin minlo ngaithlak sak ṭhin la,i ri hriatna ten kan auhna che alo hre ṭhalo ṭhin anih pawn vawi 10 chuang kan lamah i beng rawn chhi ṭhin ang che.Term eng emaw zah chhung kan tan Minister ni thei turin Pathian in awm pui che in veng zel che sela, finna tamtak nena i khaw mipuite tana rawngbawl thei turin eirukna leh hlemhlet sualah min tluk san lovang che.

Minister of State MizoramCabinet minister turte
1. Pu Tawnluia Dy.CM
2. Dr. R. Lalthangliana
3. Pu Lalchamliana
4. Pu R. Lalzirliana
5. Pu C. Lalrinsanga

MOS

1. Pu K. Lalrinliana
2. Pu Lalchhandama Ralte
3. Pu Lalruatkima
4. Dr. K. Beichhua
5. Pu TJ Lalnuntluanga
6. Pu Robert Romawia Royte

Speaker :
Pu Lalrinliana Sailo
Dy. Speaker 
Er. Lalrinawma

Source: LC Chhunthang Henryapa
Read more »
Tweet Share Share Share Share Share

September 10, 2018

CHAMPHAIAH FILLING STATION THAR HAWN A NI
RC Champhai Filling Station

Bharat Petroleum Co-Operation Ltd. Siam Filling Station thar RC Champhai Filling Station chu vawiin khan Pu Abraham Beirazi Khithie, SDO Sadar, Champhai  chuan khuallian niin a hawng. 

Thusawiin khuallian chuan Champhaiin Petrol leh Diesel Filling Station thar a nei chu hmasawnna ropui tak a ni, a ti a. Hmasawnna tluantling leh tha thlen tur chuan hmasawnna ruhrel siam hmasak angaih thu a sawi a. RC Champhai Filling station thar hawn tak chu hmasawnna ropui tak a nih thu leh duhtawk mai lova hmasawn tum zel turin a chah a. Lirthei neitu leh mipui mamawhtu zawng zawngte tana malsawmna nih tum tur a fuihin an kal zelna turah duhsakna a hlan a ni. 


Filling Station thar hawnna hun hi Pu T. Laikunga President, Zote VC chuan kaihruaiin, Rev. Laltanpuia Colney, Zote Bialtu Pastor chuan Pathian hnenah a hlann a. Pi Lalrofawni, Dealer chuan Filling Station puitlin theihna tura hmalaknate a tarlang a. August ni 20, 2018 atang khan Petrol leh Diesel-te hi a mamawhte hnenah hralh chhuah a nih tawh thu a sawi a. Pu T. Rochungnunga chuan lawmthu sawiin hun a khar a ni. -DIPR
Read more »
Tweet Share Share Share Share Share

July 30, 2018
CHANCHINTHARChanchinthar ToMZ: Mizoram sawrkar chuan mipui tan harsatna a thlen loh nan Aizawl, Lunglei, Serchhip, Champhai leh Mamitahte IPC Section 144 puangin zanin atangin heng districtahte hian Magistrate leh Policete duty tura tirhchhuah nghal an ni ang.

Home Minister leh Acting Chief Minister ni bawk Pu R. Lalzirliana hovin a chenna inah Lump Sum Higher Secondary School 9-te thil nawr chungchang leh law and order lama a thil nghawng te ngaihtuahin School Education Department, Home Department leh Finance Department hotute an thukhawm a. Finance Minister Pu Lalsawta leha School Education Minister Pu H. Rohluna te an tel.





Thutkhawmah hian thil awm dan ngun taka ngaihtuah a nih hnu in heng private school pakua ten Ad-hoc Grant in Aid a hlankai an phut chu tun sawrkar sum dinhmun en in tihsak theih a niloh thu a sawi a. Sawrkar atanga puihna Lump Sum Grant dawng mekte tan an sum dawn zat hi tipung turin a hma atang tawh khan hma lo lak tawh niin, sawrkarah file a kal mek thu sawi a ni bawk.

Home Minister chuan nu leh pa ten kan fate tan a a tha thei ang ber kan duh ang chiah hian sawrkar pawhin mipui tan a tha thei ang ber a tlin chinah chuan tih a duh thin a ti a. Chutihrual chuan sum neihin a tlin tawk ang zela rualkhai taka hmalak a ngaih thin avangin private school ten Ad Hoc Grant in Aid a hlankai an dilna chu tihhlawhtlin sak duh hle mahse a theihloh a ni, a ti bawk.





Committee hian thil phut nawr a zirna tibuai zawnga zirna in hial khar a ni chu pawi an tih thu leh, zirna leh zirlaite hma ngai tan chuan hetiang zawnga chet te, mipui chetvelna tibuai zawnga inkalpawhna kawng dan te chu thalo a ti a. 
Hemi avang hian mipui tan harsatna a thlen loh nan Aizawl, Lunglei, Serchhip, Champhai leh Mamit ah te IPC Section 144 puan nghal niin, zanin atangin heng district ah te hian Magistrate leh Police te duty tura tirhchhuah nghal an ni ang.

~DDK
Read more »
Tweet Share Share Share Share Share

July 28, 2018
Vawiin chawhnu khan Champhai District Bawrhsap thar Dr. Naveen Aggarwal leh MJA Champhai District member-te chuan DC Conference Hall, Keifangtlangah inkawmhona leh inhmelhriatna hun an hmang a. MJA Member-te hi President Pu C.Lalhnunpui’an a hova,  Champhai District hmasawnna tura hmalakna hrang hrangte DC hi an sawipui a ni.

CHAMPHAI DC THAR DR. NAVEEN AGGARWAL


Dr. Naveen Aggarwal chuan MJA member-te chu sawrkar thiltih leh hmalaknate mipuite hriata pholangtu an nih inhriaa dik tak leh rinawm taka thawk thin turin a fuih a. Sawrkar hmalaknaah mipuite atanga ngaihdan awmte pawh hrilhhre  thin turin a chah a. Champhai Bawrhsap chuan MJA member ten District tana hmalakna tur a hnena an thlente chu lo enzui a tum thu a sawi a. Dan leh thupek kenkawh kawngahte, inbiakpawhna lama harsatna leh dan loa sumdawnna, ruihhlo leh dan loa thil tawlhruk thinte chu ngaihmawhawm a tiin hmalak a tul thu a sawi a. A bik takin Ruihhlo dona kawngah lungrual taka beihpui thlak a ngaih thu leh mitin huapzo zirtirna zau thei ang ber media hmanga neih a tul thu pawh a sawi a. Ruihhlo laka beihpui thlakna leh inzirtirna chu Biak In, Khawtlang leh Zirna Inah te uar zawka kalpui nise a duhawm tur thu a sawi a. Inbiakpawhna leh Internet lama harsatna awm thin sutkiang anih theihna tur Common Service Centre siam anih theihnana  bawhzui a tum thu a sawi a.  MJA member-te chu sawrkar hmalakna  leh scheme hrang hrangte zau zawka puanzar aniha mipui ten an hriat  zel theih nan   thawhpuiah a sawm a ni.




Champhai District MJA President Pu C.Lalhnunpuia leh hruaitu dangte pawhin thusawiin an thil ngaih pawimawh leh mamawhte DC hnenah an thlen a. Champhai DC lakah District mipuiten beiseina sang tak an neih thu leh a awm chhunga District tana thil hriatreng tlak hnutchhiah tum turin an ngen a. Champhai District hmasawnna turin theihtawp chhuaha ke pen chhunzawm zel an tum thu an sawi bawk a ni.

Champhai DC hi Pu Abraham Beirazi Khithie SDO (Sadar) leh Dr. Lallawmkima, DIPRO Champhai ten an tawiawm a ni. MJA Champhai District hi December 31,1988 a din niin tun dinhmunah member 15 an awm mek a ni.  ~DIPR
Read more »
Tweet Share Share Share Share Share

May 08, 2018
Vawiin khan Sports and Youth Services (SYS) Department bultumin Govt Champhai College Multipurpose Hall-ah Champhai District chhunga Infiammi hmingtha kum 2016 atanga 2018 inkara chetha, chawimawiphute hnenah Sports Incentive Cash Award sem chhuah a ni.  He hunah hian Pu TT Zothansanga, Champhai North bialtu MLA chu khuallian a ni.

CHAMPHAIAH SPORTS INCENTIVE CASH AWARD SEM CHHUAH A NI
Pu TT Zothansanga chuan mahni inthununna leh taksa hriselna ngaihpawimawh chu infiamna khawvela hlawhtlinna thuruk anih thu a sawi a. Champhai district chhungah ruihhlo avanga thalai tam tak an buai kar a, thalai sawmli lai infiamna lama hmingtha chawimawi tlak an awm chu chhuanawm a tih thu a sawi a. Sports Incentive Cash Award chu sawrkar lam atanga hriatpuina anih thu leh hlawhtlinna tak tak zawk chu infiammite thinlunga hlawhtlinna anih thu a sawi a. Champhai District chu thiamna leh theihna nei anih avangin zawnchhuah kawngah tan lak angai a ni, a ti a. Sports Minister viak tha tak hmalakna zarah Mizoramah hmasawnna hrang hrang a thlen thu leh Champhaiah ngei pawn hmuh theih a awm thu a sawi a. Infiamna chu eizawnna tlak anih thu sawiin, mite hriat hlawhna chu tlakchhiatpui lova, hmalam pan tura fuih phurtu ni thei se a duh thu a sawi a. Tunlai chhanah  khawvel hmuh theiha ram leh hnam tarchhuaka pholang theitu chu Infiamna muala inelna hi a ni, a ti a. Champhai District chhunga Sports association hrang hrang leh hruaitute hmalakna chu fakawm a tih thu a sawi a. District leh Mizoram tihmingthatu Infiammi kalkhawmte chu an kalzelna turah duhsakna a hlan nghal a ni.


Pu Vanlalngaihsaka, Champhai DC pawhin thusawiin District chhunga Infiammi   40 laiin Sawrkar hriatpuina leh lawmpuina Sports  Incentive Cash Award an dawng thei chu a lawmpui thu a sawi a. Champhai District chhungah National level mai piah lamah Internationeal level thlenga lawmman la pha an awm chu chhuanawm a ti a. Infiamna chawinung kawnga Sports Minister, Department leh District lama thawktute hmalakna chu fakawm  a tih thu a sawi bawk a ni.

CHAMPHAIAH SPORTS INCENTIVE CASH AWARD SEM CHHUAH A NI

Vawiin a Sports  Incentive  Cash Award semchhuah hi Infiamna discipline hrang hrang 6 atangin infiammi 40 te hnenah pekchhuak a ni a. Avaiin cheng cheng nuai sawm sing sarih leh sangnga semchhuah a ni. Kum 2016 atanga 2018 inkar khan Champhai District chhunga infiammiten National leh Internatioanal level-a an fehchhuahnaah Mizoram State tan  medal 55 lai an hlawhchhuak a ni.


Vawiin programme hi Pu C. Rochungnunga, Superintendent, SYS Department-in a kaihruai a. Pu C.Lallianpuia, Chairman, Champhai District Sports Committee pawhin thusawina hun a nei a. Pu Lalbulliana, Champhai District Sports & Youth Officer (DSYO) in lawmthu sawina neiin  hun a khar a ni.

Tun dinhmunah Champhai District Sports Committee hnuaiah hian Sports Association 27 an in ziaklut mek a. Vawiina Sports Incentive Cash Award dawngtute hi sports discipline hrang hrang 6; Football-16, Karate-10, Boxing-5, Hockey-5, Kickboxing-2 leh Weightlifting-2 atangtein an ni.-DIPR
Read more »
Tweet Share Share Share Share Share

March 17, 2018
ZOLENTU MAGAZINEChamphai Academy of Letters (CAL) te buatsaih Magazine thla thum dana chhuak tur ‘Zolentu’ tih chu vawiin chawhnu khan Er. Lalrammawia, SE, PHED Champhai chuan I&PR Auditorium, CHANEM Building, Champhaiah a tlangzarh.

Er Lalrammawia chuan thil tha ti tura Zolentu Magazine Editorial Board-te huaisen taka an rawn penchhuak ngam chu lawmawm a tih thu a sawi a. An kalzelna turah harsatna awm chang a awm dawn thu leh chungte chu zam hauh lova paltlang thei tura inpuahchah thin turin a chah a. Awmze neia ziak leh chhiar uar thar leh a tul thu sawiin, kan thil chhiar te chu ngaihtuah zuia vawng tlat angai a ni , a ti a. Mahni duh dan ang anga zel din mai lovin a ziaktu rilru leh tum tak zawk hriat tum thin turin a chah a. Miropui leh hlawhtlingten an irawm chhuak ngei hmanga finna leh thiamna thil ziaka an dahte chu chhiar tam thin a tul thu leh finna leh inrintawkna min petu anih thu a sawi a. Ziaka thil tha dah chu thil tangkai tak nakin zel pawha min kaihruai theitu a ni, a ti a. Social media kan hman nasat tak lutuk avanga lehkhabu chhiar kan thlauhthla ta chu pawi a tih thu a sawi a. 


Zirna leh thiamna kawnga Champhai thalaite an thanharh a hun tak zet thu a sawi a. Nakin lawka ram inrelbawlna fawng vuantu ni thei turin tum bulbal tak neia rilru siam angaih thu a sawi a. Ruihhlo leh mipat hmeichhiatna hman sual laka fihlim thei tura zirtirna uar leh zuala kalpui chu thil pawimawh tak anih thu a sawi a. Champhai Academy of Letters (CAL)  chu an thil tih chawinung zel a, tan la sauh sauh turin a fuih a. Zolentu magazine chu zirlaite kawng kawhhmuhtu leh Champhai tana tangkai tak ni ngei thei tura duhsakna hlanin a duh apiangte tana lei theih turin a tlangzarh a ni. 

Magazine tlangzarhna programme hi Pu C.Lalmuansanga, President, CAL chuan a kaihruai a. Rev Lalnunmawia Pachuauin hunserh a hmanga. CAL chungchang report Pu Lalsiammawia Sailo, Asst Secretary, CAL-in a pe a. Pu B.Vanlalchenpuia, Editor, Zolentu Magazine hnen atangin Magazine chungchang report ngaihthlak a ni bawk. Pu RL Chhuanawma, Associate Professor, Govt. Champhai College-in magazine thlirlawkna a nei a. Pu C.Ramengmawia, Vice President, CAL-in lawmthu sawina neiin hun a khar a ni.

Champhai Academy of Letters (CAL) hi April ni 11, 2017 khan din thar leh a ni a. Thu leh hlaa Champhaiin hma a sawn theihna atan theihtawpin hma an la a ni.-DIPR
Read more »
Tweet Share Share Share Share Share

March 02, 2018
Vawiin Tahrik Ni 2, Vau thla khan Champhai Kahrawt Field-ah Sub-Hqrs. YMA Champhai kaihhruainain Chapchar Kut ropui taka lawm a ni a,  Champhai DC charge la mektu Pi Lalsangpuii Hmar, Addl DC chu Kut Thlengtu niin,  Pu H.Lianruma, YMA hruaitu hlun chu Kut Pa a ni.



chapchar kut champhaiChapchar Kut thlengtu, Pi Lalsangpuii Hmar chuan Kut hmang tura kalkhawmte  lawmna thu sawiin chibai a buk a. Chapchar Kut chu pipute hun ata tawh awmni khama hman thin, ram pum huapzo Kut a ni, a ti a. Hmasawnna leh changkanna pawhin a chim bo zawh loh, vawiin thlenga chhawm nuna awm Chapchar Kut Mizoten kan nei chu a nihlawhthlak thu a sawi a. Sawrkar pawhin ngaipawimawhin Zirna In leh Pisa chawlh puangin, District tinah a lawmna senso tur sum pawh a pe thin a ni, a ti a. Hnam ropui apiangin hnam culture-te an humhalh thin thu sawiin, hnam tlem zawk Mizote phei chuan kan culture vawnhim hi kan tihmakmawh a ni, a ti a. Hnam ziarang chu pawnlam leh chhunglamah thliar hran niin pawnlam chuan hnam thuam, lam leh rimawite a huam a; chhung lam chuan zonun ze mawi tak; Aia upa zah, Tlawmngaihna, Rinawmna, Thianghlimna, Taimakna, Huaisenna leh a dangte a fawm tel vek thu a sawi a. 

 Tlawmngaihna chu tawngka maiin a phuhchhuak zo lova, hnam dangte laka kan uanpui, kan society min hrutrualtu leh mizo nih tinuamtu ber pakhat a ni, a ti a. Kalkhawmte chu an thinlung theuhah hnam ze mawi chawinung tharin inhlanna thar nei turin a chah a. Kut lawm dan thianghlim tak buaina leh innghirnghona awm lo, inunauna leh tanrualna Kut siam tum theuh tura sawmin hnam damna leh dinchhuahna lam chawinun tlat a tul thu a sawi a. Chapchar Kut thupui thlan ‘Sem sem dan dam’ tih chu rilru a vawnga, a taka nunpui angaih thu leh thian chhan thih ngam tura inhlan thar leh a pawimawh thu  a sawi a. Chapchar Kut hmang tura kalkhawmte chu Kut nuam leh hlawkthlak tak hmang theuh turin duhsakna a hlan a ni.



Kut Pa Pu H.Lianruma chuan Kut hun lawmawm tak buatsaih anih theihna tura Chapchar Kut Celebration Committee-te leh Kut thlengtu DC-te chu fakawm a tih thu a sawi a. Kut thupui thlan ‘Sem Sem dam dam’ lo chhuah dan leh pipu ten an lo nunpui thin dan te sawiin, kalkhawmte chu mahni tanghma chauh hai lova, Mizo taka midangte tana malsawmna nih tum thin turin a chah a. Mizo thuam mawi tak, kan hnam ziarang pholangtu chu naupang atanga puitling chenin tun aia uar leh zuala  inbel a tul thu leh naupangte rilruah Kut hrisel awmzia tuh angaih thu a sawi a. Pipute chuan Kut lo thleng tur chu uar leh nasa takin an er lawk thin thu a sawi a. Kut sa, buh leh balah intodelh an tum tlat thin a, rethei leh chhumchhiate tan ui hauh loin sem sem dam dam an lo ti thin a ni, a ti a. Hmasang atanga Chapchar Kut-in  a ken tel ‘Sem sem dam dam’ tih chu thangthar ten cheinung zel se a duh thu  leh neinung zawk ten neilo zawkte phal takin pui thin se, Kut chuan rah duhawm tak a chhuah a beisei tlat thu a sawi a.  Mizo nun ze mawi leh entawntlak tak mai kan pipute lo nunpui thin kha thangtharte hian chhawmnung zel se a ti a. Kut chhimtute chu buaina leh innghirnghona te dah bo a, hlim leh lawm takin zai leh lam chung zela Kut nuam tak hmang turin duhsakna a hlan a ni.



Vawiin Chapchar Kut-ah hian Sub-Hqrts. YMA Champhai thuthmun huamchhunga Branch YMA hrang hrang atangte, Zomi Cultural Society (ZCS), MHIP leh MUP  lam atang ten  malzai, zaipawl, rimawi tum leh hnam lam benglut tak takte ngaihtlaka thlirho a ni a.  Mizo hnamlam pholan zingah Arsi lam, Dar lam, Buhtuh lam,  Par lam, Chheih lam, Chawnglaizawn, Sarlamkai,  Cheraw (Buhza-aih Cheraw, Kantluang Cheraw, Zonunpar Cheraw leh Zialung Cheraw) te entir  anih bakah Chai a Kut hun kharna hman a ni.

Kut lawm tura lokal Naupang kum 6 hnuailam Mizo hnam incheia inchei nalh mipa leh hmeichhe naupang thlan chhuahte hnenah Kutpa in lawmman a sem a. Chapchar Kut Miss 2018 hnenah lawmman hlanna neih a ni bawk.-DIPR
Read more »
Subscribe to: Posts (Atom)

Contact Form

Name

Email *

Message *

TOM © 2025. All Rights Reserved.
Published by Songate G

Ads Section

Powered by Blogger.