Showing posts with label Saitual District. Show all posts
Tweet Share Share Share Share Share

October 05, 2019
Deputy Commissioner Office, Saitual a thawk turin a hnuaia hnaruak te hi Muster Roll Basis a lak a ni dawn a. dilna Form hi deputy Commissioner Office, Saitual - ah ni 18/10/2019 thleng Office kai ni, zing dar 10:00 atanga tlai dar 3:00 thleng Rs 150/- (ST,SC & OBC) leh Rs 200 (general Category Candidate) in lak chhuah leh theh luh theih a ni ang. 

ADVERTISEMENT NO. 1 OF 2019-2020
Dated Saitual, the 27th September, 2019

Download Application FORM (CLICK HERE)



Diltu chu kum 18 leh kum 35 inkar a ni tur a ni a, SC/ST tan kum 5 ngaihhnathiam theih a ni ang.

Hna hming: LDC (Muster Roll) Skill-II  
Level: 4
Hnaruak zat: 4
Thiamna ngaite: 1. HSSLC leh a chunglam. 2. NIELIT hnuaia Course on Computer Concept( CCC) certificate nei emaw, MSCTE pawmpuina hnuaia Diploma in Computer Application (DCA) Certificate nei a ni tur a ni.

Hna hming: Driver (Muster Roll) Skill-II
Level: 2
Hnaruak zat: 1
Thiamna ngaite: 1. Class VIII leh a chunglam. 2. Heng driving Lisense hi a nei tur a ni. a) Light Motor vehicle non Transport (LMV-NT) emaw Transport Medium/Heavy Motor Vehicle (Regid Chassis)-goods (TRANS)or Transport Vehicle Redid-Medium Motor Vehicle(Regid Chasis) Public service Vehicle-Bus (PSVBUS). b) Diltu chuan skills Test Motor Vehicle Inspector endikna hnuaiah a paltlang ngei tur a ni. 3. Mizo tawng middle school standard chin a pass ngei tur a ni.

Hna hming: Despatch Rider (Muster Roll) Skill-II
Level: 2
Hnaruak zat: 1
Thiamna ngaite: 1. Class VIII leh a chunglam. 2. Two wheeler driving Lisense leh light motor vehicle (LMV) driving license Professional a nei tur a ni. 3. Mizo tawng middle school standard chin a pass ngei tur a ni.



Hna hming: Group D (Muster Roll) (Un-Skill)
Level: 1
Hnaruak zat: 6
Thiamna ngaite: 1. Class VIII leh a chunglam. 2. Mizo tawng Middle School standard chin pass ngei tur a ni.

Dilnaah hian Certificate neih ang angte, Self attested/Self-certified, Passport size photo 2 copies, Employment Registration lanna copy leh India khua leh tui a ni tih lanna thil tel tur a ni a. Phone number ziah lan bawk tur a ni e. Written test/Skill test hun tur hi la inhriattir leh a ni ang.

Sd/- C. LALPEKSANGA
Deputy Commissioner, Saitual District, Saitual
Read more »
Tweet Share Share Share Share Share

August 12, 2019

COUNCIL OF MINISTER THUKHAWM IN DISTRICT THAR 3 HUAM TUR KHUA TE PAWM FEL

Vawiin August 9, 2019 khan CM Cabinet Meeting Hall a Council of Minister thukhawm chuan district thar pathum - Saitual, Hnahthial leh Khawzawl District huam tur khuate a pawm fel. He meeting ah hian Chief Minister Pu Zoramthanga, Deputy Chief Minister Pu Tawnluia leh Minister dangte an tel kim vek a ni.

Saitual District:      

(1) Saitual Town (Keifang, Rulchawm, Ruallung)
(2) Maite
(3) Mualpheng
(4) Lenchim
(5) Tawizo
(6) Sihfa
(7) Dilkhan
(8) Tualbung
(9) N.Lungpher
(10) Buhban
(11) Thanglailung
(12) Phullen
(13) Luangpawn
(14) Phuaibuang
(15) Khawlian
(16) NE Tlangnuam
(17) Daido
(18) Zawngin
(19) Suangpuilawn
(20) Lamherh
(21) Vanbawng
(22) N. Khawlek
(23) Ngopa
(24) Chiahpui
(25) Khawkawn
(26) NE Khawdungsei
(27) Lamzawl
(28) Pawlrang
(29) Hliappui
(30) Changzawl
(31) Saichal
(32) Mimbung
(33) Hrianghmun
(34) Teikhang
(35) Kawlbem
(36) Lailak
(37) Khanpui
Read more »
Tweet Share Share Share Share Share

August 07, 2019

SAITUAL DC LEH SP HMASA BER LAWMNA BUATSAIH

Vawiin khan Saitual District in Saitual Deputy Commissioner Pu C Lalpeksanga leh Superintendent of Police Pu PC Lalduhthlanga lawmna hun an hmang a, P&E Minister Pu R Lalzirliana, bialtu MLA ni bawk chuan DC Office thar a hawng nghal a ni. DC leh SP thar lawmna program hman zawh hian Saitual District Implementing Demand Committee (SDIDC) thiah a ni a, hruaitu hluite thlahna hun hman a ni bawk.

Minister Pu R Lalzirliana, bialtu MLA ni bawk chuan,'Saitual District DC Office hi Saitual khua leh a chhehvel khua zawng zawngte tan duhsak bik awm lo leh thlauhthlak bik awm lova hmasawnna inkhairual a awm theih nana din a ni,' a ti a,' District thangduang ni tur chuan inlungrual tak leh inthliarna awm hauh lova hma kan lak ho a tul dawn hle a ni,' a ti bawk. Pu R Lalzirliana chuan District dangte aia ropui tum ngawt lova district dangte aia nep loh tum hmasak hi hmasawnna hlawk zawk thlentu anih thu a sawia Sawrkar hnathawkte kawm nel a khawtlang tan a hlawk thei ang ber a chhawr thiam turin a chah bawk. 

Pu C Lalpeksanga, DC Saitual chuan District thar enkawl chu Deputy Commissioner kut chauh ni lovin, district mipuiten chanvo pawimawh tak an neih theuh thu a sawi a,' District zingah chuan boundary nei tha ber pawl, district boundary ralmuang tak kan neih dawn avangin kan vannei hle a ni,' a ti a, District thar hmasawnna atana hmalakna kawng hrang hrangah sawrkar chu tha taka thawpui thin turin a ngen bawk. 

Pu PC Lalduhthlanga, SP pawhin thu sawiin Saitual chu district tharte zingah ralmuang ber leh dan leh thupek zawm tha ber district a nih theihnan a bul atanga tha thlah lova tan la tlang nghal turin leh thawh hona tha neihpui turin Saitual district mipuite a sawm nghal bawk.

Vawiin Saitual DC Office hawnna leh DC leh SP thar lawmna hi Pu R Vanlalsawma, SDO (Sardar), Saitualin a kaihruaia,  Pu Vanlalzawma, Ex MP leh Pu K Vanlalauva, Ex Minister, Pu Valbuanga, Secretary Irrigation & Water Resources, Dr Lalzirmawia Chhangte, Secretary Power & Electricity Department, Pu C Lianlunga, Engineer in Chief, P&E, Pu R Hmingthanzuala, Director Art & Culture leh department hrang hrang hotu engemaw zat an tel a ni.

Saitual district DC leh SP tharte hi Keifang Dawrkawn ah khawtlang hruaituten lawmpuina parthi hlanin an lo hmuak a, Keifang leh Saitual khaw naupangten Keifang Dawrkawn atangin Saitual DC office thar thleng kawng dung tluana intlarin lawmpuina lehkha inziak hrang hrangte kengin an lo hmuak bawk a ni. Saitual DC Office thar hawn zawh hian Saihmar tlangah bialtu MLA, DC, SP thar te leh mi pawimawh zualten thing an phun a, Saitual Auditorium ah hun hi hman chhunzawm leh niin chawhnu hun hi Pu Rohmingliana, Chairman, Saitual District Implementing Demand Committee in a kaihruai thung a ni.

Saitual District dilna hi 1974 khan a hmasa ber atan dilna thehluh alo ni tawh a, kawng hrang hranga hmalak chhunzawm niin 1993 khan chak zawk a hmalak anih theih nan Citizen Committee din a ni a. September ni 12, 2008 khan district pathum puan zingah Saitual hi a tel ve ta a ni. ~DIPR
Read more »
Tweet Share Share Share Share Share

July 09, 2019

DISTRICT PATHUM SIAM NAN CHENG NUAI 150 THEUH BUDGET-AH DAH


20th March, 2019: District thar pathum siam turin Mizoram sorkarin Budget-ah sum a dah.

Nimin Assembly session-a Finance Department changtu, Chief Minister Pu Zoramthanga’n sorkar kum thar – April ni 1 atanga July ni 31 thlenga sorkar sum hman tur ruahmanna Budget, Vote on Account-a a pharhah Khawzawl, Hnahthial leh Saitual District te siam turin District pakhat tan Cheng Nuai 150 theuh dah a ni.


District thar pathum Hnahthial, Khawzawl leh Saitual te tana DC Office siam/hawn phalna Sorkar chuan a tichhuak



SAWRKARIN DISTRICT THAR PATHUMAH DC OFFICE STAFF SIAM


5th July, 2019 : Mizoram Sawrkar, General Administration Department chuan District thar pathum - Saitual, Khawzawl leh Hnahthial-ah te Deputy Commissioner Office-a thawk tur post 48 theuh a inangin a siam thar a, hei bakah hian SDO (Civil), Saitual Civil Sub-Division chu SDO (Sadar), Saitual District (Senior grade of MCS in level 11 of the pay matrix) post-ah siam rem nghal a ni bawk. He hriattirna hi July ni 4 khan tihchhuah a ni.

GAD Notification-a a lan danin Saitual DC Office staff tur 48 zingah hian thawktu awmsa 33 rin zui tur a ni dawn a, post thar 15 siam a ni. Saitual District code tur chu 09 a ni ang a, Khawzawl - 10, Hnahthial - 11 a ni ang.

Saitual DC Office-a post awm turte chu - Deputy Commissioner - 1, Addl. Deputy Commissioner - 1, Election Officer - 1, Sub-Deputy Commissioner - 2, Superintendent - 1, Assistant - 3, Steno-II - 1, UDC - 5, LDC - 7, Driver - 5, Despatch rider - 1, Group ‘D’ - 20.

Read more »
Subscribe to: Posts (Atom)

Contact Form

Name

Email *

Message *

TOM © 2025. All Rights Reserved.
Published by Songate G

Ads Section

Powered by Blogger.