Showing posts with label Aizawl District. Show all posts
Tweet Share Share Share Share Share

November 08, 2024
Sailam khua hi Aibawk RD Block, Aizawl District-a awm niin chhungkaw 179 an awm mek a, Mizo lal hmingthang Bengkhuaia khua thin a nih bakah a khuaa mite hian sava humhalha bird sanctuary an siam avangin hriat leh ngaihhlut a hlawh hle. 
Sailam Khua

PUC-in Sailam khua adopt

Pachhunga University College (PUC) chuan thingtlang khawchuam (adopt) an neih thin atan Sailam an thlang a, November 7, 2024 (Ningani) khan a hawnna hun an hmang a, Dr Vanlalthlana, Higher & Technical Education minister-in khuallian niin a hmanpui. PUC chuan 2024-2026 chhungin Sailam khua hi khalhin college department hrang hrang ten an zir chiang ang a, kawng hrang hrangin an pui dawn bawk a ni.

PUC hian 2012 atangin khawchuam (adopted village) hi a lo kalpui tawh a, hemi atan hian zirtirtu ten pawisa thawhkhawmin chumi hmang chuan kawng hrang hranga zirchianna an kalpui bakah a khawmite kawng hrang hrangin an tanpui thin a, lehkhathiam thei deuh tana PUC-a zir zawm dan an ruahman bakah zirlai leh upa lam tan Aizawla zirna kaihhnawih hmun pawimawh tlawhte leh thildangte an an ruahmansak thin bawk.

Sailam Village

Sailam khua hi Aibawk RD Block, Aizawl District-a awm niin chhungkaw 179 an awm mek a, Mizo lal hmingthang Bengkhuaia khua thin a nih bakah a khuaa mite hian sava humhalha bird sanctuary an siam avangin hriat leh ngaihhlut a hlawh hle. PUC adopted village pangana a ni a, a hmain Phulpui, Lungleng I, Dulte leh Khawrihnim te PUC hian a lo adopt tawh a ni.

Sailam Village

Sailam Village




Read more »
Tweet Share Share Share Share Share

May 24, 2020
hnuaia project thlirho
Vawiin hian Externally Aided Project(EAP) hnuaia Mizoram Tourism Department leh Sports & Youth Services Department te tana Deoartment of Economics Affairs, Govt of India leh Asian Development Bank (ADB) in ruahmanna a siam dante thlirhovin CS Confrerence Roomah Finance Deptt, Planning Deptt, Tourism Department leh Sports & Youth Services Deptt hotuten meeting pawimawh an nei.

He meeting hi Sports Minister Pu Robert Romawia Royte in kaihruaiin Covid19 avanga Mizoram Budget hnuaia sum hmuh tur zat a chian takloh avangin Mizoram Budget pawnlam atanga hmasawnna sum tam zawk hmuh a tul zual thu leh EAP chu Mizoram tana sum hnar pawimawh anih thu a sawi a. Tourism leh Sports hmasawnna atana Mizoram Sorkar rawtnate a thuphunga pawm a ni chu Tourism Deptt leh Sports Department te tan thil thar anih thu a sawi. Minister chuan a thuphunga sum pawmpuina hi awm tawh mahse DPR pawmtlak hmang chauhva sanction tur a ni a,uluk taka ram rotling ngei siam tura DPR tha siam a tul thu a sawi.

He meetinga tel ve Pu TC Pachhunga Vice Chairman,Youth Affairs, Sports & Tourism Board pawhin thusawiin EAP projects atanga hmasawnna ruhrel siam turte chu a tha ngei tur a ni a ti a, Chief Secretary Pu Lalnunmawia Chuaungo chuan Tourism hmasawnna atana ruahmanna siam tur chu liantham leh a thazawnga nghawng nei tham nise a ti. He meetingah hian ADB tenena karleha Video Conferencing hmanga Project kalpui dan tur thlirlawkna an nei bawk.

He meetingah hian Pu Vanlalchhuanga IA&AS, Finance Commissioner,Pi Irene Lalruatkimi IRS, Tourism Commissioner & Secretary,Pu H. Lalengmawia IAS, Secretary Sports & Youth Services te leh Official dangte an tel a ni. ~AIR Aizawl
Read more »
Tweet Share Share Share Share Share

August 13, 2019
Sorkar laipui ruahmanna hnuaia naupangte dikna leh chanvo humhalhtur tura din Integrated Child Protection Scheme (ICPS) chu Social Welfare Department hnuaiah January, 2012 atang khan hnathawh tan tir an ni tawh a. ICPS hnuaiah hian State Child Protection Society (SCPS), District Child Protection Society (DCPS), Juvenile Justice Board (JJB) leh Child Welfare Committee (CWC) te an awm a. Naupang dikna leh chanvo humhalh chungchanga biakrawn theih te chu a hnuaia mite hi an ni :



Mizoram State Child Protection Society :



Sl. No/Name/Designation/Phone No.

1. Amy Lalrinpuii
Child Protection MizoramProgramme Manager
8974945971

2. Lalruatkimi
Programme Officer
9862300171

3. Lalrempuii
Programme Officer
9436151839

4. C. Lalrinsangi
Account Officer
9436196359


5. Moses Sanglianmawia
Accountant
9612287579

6. Lallawmzuala
Asst-cum-Computer Operator
9774244780

State Project Support Unit :

Sl.No/Name/Desgination/Phone No.

1. Lalremruata
Accountant Officer
9615952769

2. Lalrohlui
Accountant
9862118502

3. Raymond Zoliansanga
Asst. cum-Computer Operator
9862360576

4. Roger Lalrindika
Asst. cum-Computer Operator
9615332988

Address of SCPS, SWD
State Child Protection Society
Social Welfare Department
Thangliani Building
Chaltlang Dawrkawn

Mizoram : Aizawl
Ph : 0389-2306234

List and contact numbers of DCPS staff, Aizawl District :



Sl.No/Name of Post/Name/Contact No.

1. District Child Protection Officer
C. Zodinpuii
9436146167

2. Protection Officer (Institutional Care)
Lalrempuii Fanai
9612036447

3. Protection Officer (Non-Institutional care)
C. Lalremruati
9862751704

4. Legal-cum-Probation Officer
Laltlansangi Fanai
9436199027

5. Counsellor
Lalmalsawmi
9862927650

6. Social Worker
Esther Lalchamliani
9612887538
K. Lalrinsiami
9862304491

7. Accountant
K.H. Thanchhunga
8575461471

8. Data Analyst
T.C. Vanlalhruaia
8014160867

9. Asst-cum-data Entry Operator
Lalhrilzauvi
9862361232

10. Outreach Worker
F. Vanlalhruaia Ralte
9436190480
Daniel Hmingthanmawia
-
11. Asst.-cum-Data Entry Operator (CWC)
Lalremliani
9863224073

Address of DCPS, Aizawl District

Office of the District Child Protection Officer
District Child Protection Society
Social Welfare Department

Aizawl District
Chaltlang :  Aizawl Mizoram

Pin : 796001
Ph : 0389-2341976


List of Child Welfare Committee Members (CWC) Aizawl District



Sl.No/Designation/Name/Address/Contact No.

1. Chairperson
Lalremruata, MJS (Rtd)
Chaltlang ‘S’ Aizawl
8014529109

2. Member
C. Zodinpuii, Professional Social Worker
Durtlang Presbyterian Complex, Aizawl
9436146167

3. Member
Vanramchhuangi, Social Activist
Chaltlang, Aizawl
9612163881

4. Member
Lalnunsiama
Chhinga veng, Aizawl
9436151356

5. Member
Lalrampuia, Social Activist
Chawnpui, Aizawl
9862355849

List of Juvenile Justice Board (JJB) Members (2010 – 2012) Aizawl District


1. Principal Magistrate
Ms. Julie Lalrinzami, Judicial Magistrate First Class
Durtlang, Aizawl
8974006683

2. Member
Mrs. Liansangluri, Social Worker
Mission Veng, Aizawl
9436142313

3. Member
Mr. Robert Khawlhring, Psychiatrist
Bazar Bungkawn
9612588468
Read more »
Tweet Share Share Share Share Share

July 13, 2019
Tunlai fur ruahtui tla mek hian chhiatna rapthlak leh nasa thlen lo mah se district thenkhatah tuilian leh inkalpawhna kawngpui ping te, mimal chenna in chim te a awm nual.

Aizawl Dist.-ah chuan tun thla ni 2-a Durtlanga BSUP Bldg. chima mi pahnih an thihna bak chu mihring nunna chân an la awm lova, amaherawhchu tunkar Ningani-a Tlawng luia tla Pu C. Lalfakzuala, Aizawl Govt. Complex ruang chu chanchin buatsaih lai tleng hian hmuh a la ni lova. Khawpui chhung leh chhehvel khawimaw laiah kawng hnawh pinga leimin te awm bawk mah se buaina lian a thlen hmain thenfai leh nghal an ni.

Tukin Dar 9 vel khan Bawngkawn Shalom Veng, Suzuki Showroom chhakah lei a min a, a chhak a RCC Building hi chim mai thei dinhmunah a ding. A hlauhawm hle. In chim anga thudarh kha Bawngkawn veng mite zawhchian an ni a, in hi a la chim lova, chim thut thei erawh a nih thu kan dawng.

    

Lunglei dist.-ah pawh tun thlengin ruahsur a la chatlak lova, Lunglei khawpui chhungah leimin tenau a awm nual ., College vengah in 6 chu luah ngam a nih loh avangin an inthiar chhuak a. Khawthlang lamah Lungsen khaw bul, Sihphir leh Tlabung inkarah leimin lian tham hmun 65-ah a awm a, eng motor mah a tlan tlang thei lo. Lungsen atanga Tlabung Kawlphetha pekna hruipui thingtluin a delh chat nasain ban tlu a tam hle bawk a. Theihtawp chhuahin siam pawh nise hmunpui lam atangin an rawn pui a nih loh chuan chawlhkar khat vel chu kawlphetha an hmuh theih a rinawm loha ni.

Tlabungah hian In 150 chu hmun him lamah an inthiar chhuak tawh a, Tipereghat leh Chakma khua engemawzat an insuan chhuak tawh bawk a. Hnahthial-ah pawh leimin vanga chenna in luah ngam loh a awm nual a, Tuipui D pawh a lian sawt viau.

SUMO LEH TRUCK INSU

Vawin  13.7.19 chawhnu dar 4:00pm vel khan Tachhip khaw hnuai ah Thiak sumo leh Vai Truck an in su a, hliam tuar mi pathum te chu Falkawn hospital ah phurh phei an ni.


Lunglei North bialtu MLA, Dr. Vanlaltanpuia MYC Chairman chuan a bial chhunga leimin vanga chhiatna thleng khaw hrang hrang tlawhin Silpouline a tul angin a sem zel a ni.

Lunglei District Disaster Management Authority chu a tulna apianga che chhuak turin an inralring reng a. Official-te insemdarhin thli leh ruah avanga Lunglei hmun hrang hranga leimin, mimal leh vantlang thil tihchhiat te a hmunah kalin an enfiah a. Chhanchhuah leh chhawmdawl hna kalpui mek a ni. 

Hemi bakah hian 2nd Battalion MAP hnuaiah SDRF trained personnel 100 awmin sipai engemawzat an che chhuak mek a ni.



Lunglei District Emergency Operation Centre pawh hawn leh tawh a ni a, a tul hun apiangah phone no. - 0372-2325949, 9774294825 leh 9862653478 -ah te engtik lai pawhin an biak theih a ni.

Mamit Dist.-ah chuan Mamit atanga Dapchhuah khaw thlen dawnah National Highway 44A kawngpuia leitan chu a min avangin lirthei kal theih lohin a ping a, leitan helna kawng pawh ruahsur nasat avangin a diakin a nal hle a, lirthei kal tur te pawh lei laihna khawl hmanga hnuh chhuah thin an ni.

PWD Highway Div. I hotute chuan National Highway 44A-ah hian leimin dang awm ve bawk mah se lirthei kal theih tura an then fai nghal vek thu leh hmun hran hranah khawl an inchhawp thu an sawi a ni.

Serchhipah pawh leimin vanga chenna In atanga inthiar chhuak an pung chho zel a, nizan hmasa leh nimin khan Serchhip Saron Venga chhungkaw 7-an inthiar chhuak a, a hmaa lo inthiar chuak tawh chhungkaw 4 an awm bawk.

  
  
Ruahsur nasa vang hian Serchhip Tuikhuah Venga leimin leh leitawlh thin pawh che lehin, hei hian National Highway 54-na a hnawh ping thin a, kawng ping hi JCB-in a khat tawkin thianfai thin mah se a chhak lam atanga lei tawlhin a rawn hnawh leh zel thin avangin khual zin phur leh lirthei veivak engemawzat tangkhangin a theih dan danin Serchhip Chhim Veng lamah heltir an ni bawk a, kum hmasa lam atanga Serchhip Tuikhuah Veng-a lei tlahniam pawh che leh in, lei tlakhniamna intanna laiah hian lei khi thar a awm leh tawh bawk a ni.



Serchhip Bialtu MLA Pu Lalduhoma chuan Serchhip hmun thenkhata chhiatna thleng te hi vawiin khan a tlawh.

Pu Lalduhoma hian Serchhip Dinthar Veng, Saron Veng leh Vengchhung hmun thenkhat tlawhin, chhiat tawk chhungkuate invawmluhna hmun a tlawh nghal bawk. Pu Lalduhoma hian Dinthar veng YMA leh Saron veng YMA hruaitute hmalak dan tur a sawipui a, Bialtu MLA a nihna anga a tih theih chin chinah hma a lak dawn thu leh khawtlang hruaitute nen pawh a tul dan ang zelin inbetawna inrawn tawn zel phawt ngaia a hriat thu a sawi a ni.

Pu Lalduhoma hian Dinthar leh Saron Venga lei min avanga in leh lo chhiate leh mahni chenna in luah zui ngam loh avanga hmun him zawka inthiar chhuakte chu an invawm luhna hmuh theuhah tlawh chhuakin a tawrhpui thu sawina hun leh tanpuina pawisa fai hlanna hun a neih nghal bawk a ni. Bialtu MLA hian hnatlang thingpui lumna tur te leh chhiat tawkte tanpui nan YMA Branch pahnih leh chhiat tawk chhungkaw 16 hnenah Cheng 3,7000 a hlan a ni.

 ~Lawrkhawm:AIR/FB


Read more »
Tweet Share Share Share Share Share

June 08, 2019

CM VISITS THENZAWL GOLF COURSE


Sorkar laipui sum, Cheng Vaibelchhe 99 leh Nuai 90 senga siam Thenzawl Golf Course chu nimin khan Chief Minister Pu Zoramthanga’n tlawhin hnathawh dan a enfiah.

Chief Minister chuan heti ang thil tha tak leh changkang tak siam a ni chu lawmawm a tih thu sawiin, a tul dan ang zela kalpui zui a ni ang, a ti. Golf Course hi Mizoram sorkar kuta hlan turin inbiakna a kal mek a. Golf Course hi peih fel vek ni tawh mah se hemiin a ken tel ‘NH-54 site’ leh ‘Reiek site’ te erawh la zawh fel loh a ni a, kalpui zel dan tur chu Mizoram sorkar kuta awm a ni tawh a ni.

Chief Minister hian nimin vek khan nakuma K|P inkhawmpui lian neihna tur Serchhip P&E Veng-a Leisekawt Mual a tlawh bawk a. Organising Committee te rawtna angin, mualko chhuah lam, BDO chenna tlâng chu râwt hniam a remchan theih leh theih loh a en a, he tlâng bâwk hi sum awm ang angin rawt hniama, tum khata thawh zawh vek theih a nih loh pawhin a tahtawla râwt hniam hna thawh zui zel ni se, a ti a. New Serchhipa Helipad chuan-hnuaia mikhual thlenna tur Circuit House dah a rem leh rem loh a en bawk a. A hmun chu zim deuhin lang mah se a siam rem dan awma a hriat thu sawiin, building awmdan tur ruangam a duhdan amah zuitu engineer-te a hrilh nghal a. Englai pawha hman ni lem lo, Helipad hmun chu lirthei hunna atan a rin nghal theih dawna a hriat thu leh a panna kawng pawh rawtna awm angin tihzauh tel a tul thu a sawi.

Chief Minister hi PWD Bangla-a a chawlhnaah Serchhip Sub Hqrs YMA hruaitute’n an President hovin an kawm a. Zote leh Kanghmun South ten Serchhip Dist.-a awm an duhna, Sub Hqrs YMA Conference-in hmalakpui tura a tih chungchang leh tun hnaia Serchhip Dist hospital-a thawk Doctor sawn chhuah tura tih te an aiawh awm hma chu sawn chhuak lo tura dilna ziakin an thlen a. Pu Zoramthanga chuan heng thil te hi an lo enzui tur thu a sawi a ni. 


WORLD ENVIRONMENT DAY


Nimin khan Mizoram-ah World Environment Day hman a ni a; Sorkar Office bakah LC leh VC kaihhruaina hnuaiah khawtlang leh zirna in zawng zawng te’n khawtlang thian faiin ‘No Plastic Day’ an hmang.

Aizawl-ah chuan Chief Secretary Pu Lalnunmawia Chuaungo hovin Secretariat-a officer leh staff-te’n World Environment Day pualin thu an tiam rual a. Assembly Secretariat-a thawkte pawhin Commissioner & Secretary, Pu SR Zokhuma hovin Assembly House kawtah thutiam an chham rual ve bawk a, office building tifaiin plastic atanga siam bawlhhlawh chhar faiin hun an hmang zui a ni.

Aizawl khawchhung-ah chuan AMC-in August ni 7 atanga Solid Waste Management Rules, 2016 tihlawhtling tura hmalak a tumna atana lo inhmakhualawk nan veng hrang hrang-ah Local Council huaihawtin khawtlang leh zirlaite’n ‘No Plastic Day’ an hmang a, khawpui bawlhhlawh sawngbawlna chungchanga sorkar hmalaknaa mipui mawhphurhnate leh tih tur hrang hrangte inhrilhfiah a nih hnuah bawlhhlawh leh plastic atanga siam-te chhar khawmin an thianfai a ni.

District hrang hrang-ah pawh World Envirnment Day pual hian ‘No Plastic Day’ hi hman a ni a. Sorkar pisa leh zirna in zawng zawng ten anmahni hmunhmaa plastic bawlhhlawh te chhar khawmin kawngpui dung te an thianfai a. Plastic bawlhhlawh chhar khawm runpuiah hian plastic lam chi thil te chu tihtlema hman nawn te leh a tul anga siam nawn tura dahkhawm inzirtirna neih nghal a ni.
Serchhip-ah chuan DC Office tualah DC Pi Sangchhin Chinzah hovin ‘No Plastic Day’ hi hman a ni a. Lawngtlai-ah chuan Sub-Deputy Commissioner Pu Lalsanglura hovin hun hman a ni a; he huna telte hian ramngaw, leilung leh boruak tichereuva tibawlhhlawh lo tur leh a tihthianghlimna kawnga thawk zawk turin thu an tiam thar leh a. Plastic lam chi hmang tlem tur leh, loh theih lohva hman a nih pawha fimkhur leh uluk taka hmang tur te, bawlhhlawh paih dan leh faina chungchanga mi dangte zirtirtu nih tum turte’n an intiam a ni.


ECONOMIC CENSUS TRAINING – MAMIT & LAWNGTLAI


Ram chhunga chhungkaw tin eizawnna dinhmun chhinchhiahna chhiarpui, Economic Census vawi 7-na tura hna thawh dan tur inzirtirna nimin khan Mamit leh Lawngtlaiah inzirtir a ni.

Mamit-ah chuan District Level Coordination Committee Chairman, DC Dr. Lalrozama hoin inzirtirna hi Mamit District Research Officer Conference hall-ah neih a ni a. DC chuan Mamit District chu District hnufual a nihna atanga chhuak turin Census leh Data rintlak neih a pawimawh hle a; Census leh Data nei lo chuan hmasawnna a awm thei lo, a ti a. Data dik lo ai chuan Data awm lo pawh a tangkai zawk avangin a dik thei ang bera tih tum turin Training-naa tel Supervisor leh Enumerator-te chu a chah a ni.

Nimin Training-ah hian 7th Economic Census atana hriat tur pawimawhte mithiam thlan bik ten an zirtir a ni.
Lawngtlaiah pawh District Research Officer (DRO) Conference Hall-ah, District chhunga Economic Census kalpui dan tur inzirtirna leh sawihona hun hman a ni a.
District Coordination Committee Chairman, Lawngtlai DC aiawhin Sub-Deputy Commissioner Pi Christina Lalmuanzuali’n training hi hawngin, chhiarpui hna thawk tur supervisor leh enumerator kal khawmte fuihna thu a sawi a. Chhiarpui chu sawrkar hma lakna hrang hrang beh chhan atan hun rei tak chhung hman zui a nih ṭhin avangin, uluk leh fimkhur taka kalpuia, a dik thei ang bera chhinchhiah a pawimawh, a ti.

Common Service Centre (CSC) e-Governance District Manager Pu Paul LT Zela’n 7th Economic Census chungchanga hriat tur pawimawh hrang hrang a zirtir a. District Manager Pu K. Lalfamkima’n mobile app hmanga chhiarpui thil chhinchhiah dah luh dan a zirtir a; zawhna leh chhanna hun hman a ni bawk.

India Economic Census hi kum 1977 atanga neih tan niin, kum 1980, 1990, 1998, 2005 leh 2013 te khan neih a lo ni tawh a. Tun hi a tum 7-na tur a ni.

Tun tum economic census hi CSC e-Governance kal tlanga neih tur niin, data hi mobile app hmanga chhut luh vek tur a ni a. A hmuna kal chilh ngeia chhiarpui hi kalpui a nih theih nan in awmna hmun chhinchhiahna hman a ni dawn bawk. Lawngtlai District-a census buaipui tur hian supervisor 9 leh enumerator 50 an awm dawn a ni.


PU LALDINGLIANA SAILO IIS PASSED AWAY


Chanchin thar puanchhuah kawnga Mizote zinga sulsutu pawimawh leh thawh hlawk berte zinga mi Pu Laldingliana Sailo, IIS, kum 76 chu nimin zing khan Aizawl-a Grace Nursing Home-ah thisen cancer vangin a thi a, nimin vek khan ama chenna in Mission Vengthlangah vui a ni.

Kum 1943 July ni 15-a piang Pu Laldingliana Sailo hian a pianna, Thenzawl bul Lungrang khuaah zirna bul tanin, kum 1968-a Shillong St. Anthony’s College-a BA a zawh hnuah kum 3 chhung Nagaland-ah zirtirtu hna a thawk a. Hemi hnu hian Ministry of Information and Broadcasting hnuaiah Field Publicity Officer (FPO)-in a lut a, 1982 khan Central Information Service (CIS) chu Interview paltlangin a tling leh a. News Correspondent hna AIR Kohima, Nagaland-ah 1982 khan a zawm a. Hemi hnu hian New Delhi-ah thla 7 vel bawr All India Institute of Mass Communication, New Delhi-ah a training a, training a zawh hnuah All India Radio, Aizawl-ah kum 1983 khan News Correspondent hna a thawk tan a ni.

1984 kum tawp lam thla hnih chhung General News Room, New Delhi-ah a thawh leh hnuah AIR Aizawl-ah News Editor hna a chhunzawm leh a, 1997 February thla khan Doordarshan Kendra, Durtlang-ah sawn a ni a, 2006-a a pension thlengin hetah hian News Editor hna a thawk a, AIR Aizawl News Room a enkawl tel bawk a. DDK Aizawl leh AIR Aizawl te a enkawl chung hian Field Publicity Director-ah kaisangin, sorkar atanga pension-a a chhuahna ber pawh he hna hi a ni.

Kum 2006 February ni 28-a a pension hnuah 2006 kum tawp lamah Zonet Cable TV Pvt Ltd News enkawl tanin, Chief News Editor a ni a, a thih thlengin he hna hi a thawk a ni.

Pu Laldingliana Sailo hi pa invawng fel, hriselna vawng uluk tak mi a nih avangin a damlo khât hle a. Sorkar hna a thawh lai leh a hnua Zonet News a enkawl hnuah pawh chawl ngai mang lo a ni a. Kumin kumtir lamah hritlang leh pum lam tha loin a tibuai ve zeuh zeuh a; March thla chhoah a insawisel ngun ve tak deuh avangin Synod Hospital Durtlang-ah inentirin a thisen endik a nih hnuah Doctor te thurawn angin April ni 2-ah CMC Vellore panpui a ni a, hetah hian Thisen Cancer a nei tih hriat chhuah a ni a. Vellore atang hian Aizawla inenkawl turin Thawhtanni khan Aizawl Mission Vengthlanga an chenna in thlenpui a ni. Zan khat a riah hnuah Thawhlehni khan Grace Nursing Home-ah dah luh a ni a, thisen te pek a ni a. Nimin zingkarah pawh khan amah kantute a la kawm peih a; thawklehkhatah buai thutin, zing dar 7:25 khan chatuan ram a pan ta a ni.

Pu Laldingliana Sailo hian a nupui Pi Lalhrangzuali, a fate 5 leh a tute 3 a kalsan a. An chenna ina vui a nih hnuah Aizawl Mission Vengthlang thlanmualah phum a ni.


PM MODI TO VISIT MALDIVES, SRI LANKA


Prime Minister Narendra Modi-a’n Maldives leh Sri Lanka a tlawh tur chuan India-in ram thenawm ramte ngaihpawimawh hmasak tih a kalpui pawimawhzia a tilang niin a sawi a, India tuipui dep ramte a phuarkhawm that zet tur thu a sawi.

Prime Minister Narendra Modi-a chu vawiin hian ni 2 chhung thanga thenawm ramte tlawh turin a zin dawn a. Tun hi Prime Minister atan thlan nawn a nih hnua ram danga a zin lehna hmasa ber tur a ni.

Prime Minister chuan zina a sawm avangin Republic of Maldives President Mohamed Solih chuangah lawmthu a sawi a. Hmakawsang chanchin leh hnamziain a suihzawm ram a nih avangin India chuan Maldives chu a ngaihhlut thu a sawi bawk a ni.

Narendra Modi-a chuan Sri Lanka chungchang pawh sawiin, India chu he tliarkar mipuite tana nghet taka a din thu a sawi a. Mi firfiakte dolet kawngah India chuan Sri Lanka a thlawp tlat thu a sawi bawk a ni.

Ni 2 chhung a zinna turah hian Prime Minister chuan Maldives khawpui Male a tlawh hmasa dawn a. Hmasawnna project engngemaw zat President Ibrahim Mohamed Solih nen an hawng dun dawn a ni.



INDIA, JAPAN RELATIONS GROWING IN SEVERAL AREAS


India-a Japan ram palai hna thawktu Kenji Hiramatsu chuan kawng hrang hranga India leh Japan inlaichinna chu a thang mek a ni a ti.

Nimina New Delhi-a FICCI hun buatsaihah Hiramatsu chuan kum 5 kal leh tur hi ram pahnihte tan inkungkaihna tha nei tura hun pawimawh lai tak a nih thu a sawi a. Japan chuan India-a sumdawnna huang zauhna tur remchang a dap reng thu a sawi a. Japan chuan hmasawnna ruhrela India hmasawnna chu a thlawp tlat thu a sawi bawk.

Kenji Hiramatsu chuan Indian market-a thuk zawka intah luhna tur Japan-in a dap mek thu a sawi a. Ram 2-te chuan inlaichinna bung thar kai tura tan an lak a hun thu a sawi bawk. New Delhi chuan Tokyo tana sum peipunna leh sumdawnna lama hmun zau zawk a siamsak a beisei thu a sawi a. Ram venhimna leh van boruak lama an thawhdunna an tihpun theih ve ve thu a sawi bawk.

Source: AIR Aizawl
Read more »
Tweet Share Share Share Share Share

June 06, 2019
Thalai Zoram Peoples' Movement (ZPM) MLA ṭhenkhat leh ZPM ṭhalaite chuan June 4, Thawhlehni khan State Referral Hospital leh Mizoram Institute of Medical Education & Research (MIMER), sorkarin Zoram Medical College tia a thlak chu a hmunah an tlawh a; damdawi-in leh medical college hmun hrang hrangte an enfiah.

ZPM MLA pahnih - Dr Vanlalthlana leh Lalchhuan­thanga te leh ZPM ṭhalaite hian social media-a sawisel hlawh tak, State Referral Hospital ICU room chhunga ceiling chim mek te, Paediatric room leh Orthopaedic room chung leh bang chhiat dante an enfiah a a ni.

ZPM thuchhuah chuan, ICU room celing tla mek chu damlo leh thawktute tana hlauhawm khawp a nih mek thu tarlangin, "Hei vang hian ICU chu hman chhunzawm theih a ni lo a, khum 20 zingah 19 chu rauhsan mek a ni a, loh theih lohna vangin ventilator-a enkawl mek pakhat chiah ICU-ah awmtir a ni," a ti.

ZPM ṭhalai thuchhuah tarlan danin, Paediatric room leh Ortho ward chung leh ICU chungah tui a luh nasat vangin damlote'n harsatna an tâwk nasa a, Paediatric ward leh Ortho ward chhunga thosi lên zarna tura siamah ceiling tla laka him nan silpouline zâr a ni.

Power supply line a ṭhat tâwk tawh loh avangin khawl man to tak tak an neihahte-ah kawlphetha an pek lut ṭha ngam rih lo a, chu chuan inzai ngaite a nghawng zel a ni. ZPM ṭhalaite chuan, State Referral Hospital/MIMER hian khawl man to leh changkang tak tak an kawl avangin, power sub-station hranpa an neih a ṭula an hriat thu an tarlang.

Dr Vanlalthlana leh Lal­chhuanthanga te chuan director Dr L Fimate chu a pisaah an kâwm a, harsatna an neihte an zâwt a ni.

Dr L Fimate chuan, Mizo­ram state chhung aṭang chauh chuan faculty duh ang neih theih reng loh hun a awm ngei dawn tih sawiin, Aizawl aṭanga a hlat deuh bakah, infrastucture leh marketing, recreation leh indoor stadium kan la neih loh avangin, state páwn aṭanga faculty ṭhenkhat chu an thawh chhunzawm duh loh phah thu a sawi a; hun lo kal zelah faculty neih zat tur tlin loh vangin harsatna a awm phah theih thu leh, tuna medical college hi a puitlin loh chuan medical college neih a harsat tawh tur thute a sawi bawk.

Dr Vanlalthlana chuan, Mizoramin medical college a neihchhun chu infrastructure lamah tihchangtlun a ṭul a tih thu sawiin, "Hnathawk leh zirlaite tan facility ṭha leh kan pek thuai a ṭul tak zet a, Mizoram sorkarin rang taka hmalakna a neih thuai ka beisei tak zet a ni," a ti. 

Lalchhuanthanga chuan, MIMER hming thlak chu ṭul loa a hriat thu leh hun lo kal zel turah Mizoramin medical college neihchhun chuan harsatna a tâwk ang a, a hlam­zuih mai a hlauh thu a sawi.

MIMER/ZMC-ah hian doctor specialist 69 awmin, damlo khum 259 a awm mek a; MIMER/ZMC-ah faculty 72,  resident 44, doctor 11, NHM doctor pathum, technical & incillary 43, record staff panga, nursing staff 262 awmin, teaching staff 72 leh non-teaching staff 486 an ni. A bul ṭanna, kum 2018-19 academic session-ah zirlai mipa 40 leh hmeichhia 59, an vaiin 99 an awm bawk.

~Vanglaini

Read more »
Tweet Share Share Share Share Share

May 16, 2019

LIRNGHING THLEN THULHA CHETLAK DAN SAITUALAH ENCHHIN

Vawin khan Aizawl District Disaster Management Authority (ADDMA) hmalaknain Saitual Sub-Division-ah Lirnghing lo thlen thulha chet lak dan tur (Earthquake Mock Excercise) mipui leh chhanchhuahna kalpuitu hrang hrangte nen enchhin a ni.

He Mock Exercise-ah hian lirnging avanga chhiatna thleng thei bechhanin Keifang Bazar, Govt Saitual High School leh Govt Saitual Higher Secondary School-ah te hun hman a ni. He Mock Exercise-ah hian Sikul Naupangte, Saitual Sub-Divisional Office a thawkte, Police, Saitual District hospital a thawkte, Aizawl District Disaster Management Authority hnuaia Quick Response Team (QRT) te, Saitual leh a chhehvela YMA member zinga Aapda Mitra Scheme hnuaia training nei tawhte   leh  khawchhung NGO hrang hrang aiawhte an tel a ni.

Nimin lam khan he Mock Exercise atana inbuatsaihna (Table Top Mock Exercise) chu Saitual Auditorium-ah Sorkar hnathawkte leh NGO hrang hrang aiawh kal khawmte nen hun hman a lo ni tawh bawk a ni. ~DIPR
Read more »
Tweet Share Share Share Share Share

April 18, 2019

MHIP GHQ atangin inhnukdawkMHIP GENERAL HQ IN FIR THEHLUT


18.04.2019: Mizo Hmeichhe Insuihkhawm Pawl (MHIP) chuan nimina an pawl Gen. Hqrs. Office Bearers an thlan theih loh chungchanga mawhphurtu chhui chhuaka a tul anga hma laksak turin Aizawl Police Station-ah FIR an thehut.

Thu dawn danin, nizan khan MHIP Gen. Hqrs. hruaitute chu an Office-ah thukhawmin thil awmdan an thlirho a. Inthlan chuh tuma hming pek luhte chu khawih chingpen ngei nia an hriat avangin Aizawl Police Station-ah FIR thehluh nise an ti a, nizan la la khan FIR hi an thehlut nghal a ni.



Hetihlai hian Aizawl Dawrpui leh Zarkawt Branch MHIP te chuan MHIP Gen. Hqrs. an zawmna vawiin khan an chhu chat.

Hemi thu hi vawiin khan thuchhuah siama sawiin, Dawrpui leh Zarkawt Branch MHIP chuan hun rei taka tan Mizo Hmeichhe Insuihkhawm Pawl tihbawrhbana a ni fo chu pawi an ti a, an ngaithiam theih lo, an ti a. Heng thil zahthlak tak te hi tun hnuah thleng tawh lo se an tih thu sawiin, vawiin atangin MHIP Gen. Hqrs. an zawmna an titawp tih an thuchhuahah chuan an tarlang a. An thuchhuahah hian veng pahnih MHIP Branch President leh Secretary ten hming an ziak a ni.

Source: Jon Suante
Read more »
Tweet Share Share Share Share Share

April 17, 2019

MHIP INTHLANG TUR AN BUAI, COURT-A ZUALKO AN AWM, INTHLANNA KALPUI RIH LO TURIN COURT IN HRIATTIR

MHIP Mizoram
MHIP Gen. Hqrs hruaitu thlanna vawiina neih turah tih chu 'thil fel tawk lo a awm' tia Court-a zualko an awm vangin District Court chuan inthlanna kalpui rihlo turin a hriattir.

MHIP te hian nimin atang khan General Assembly vawi 22-na Vanapa Hall-ah an hmang tan a, ruahman lawk ang chuan vawiin hian chhunzawma hruaitu thar thlanna hun hman tur a ni. Amaherawh chu MHIP hruaitu thlanna tur chungchangah hian member thenkhat ten 'thil fel tawklo awm' tiin Aizawl District Court-ah zuakoin lehkha an thehlut a, Aizawl District Court, Senior Civil Judge-III PU R Malsawmdawngzuala chuan inthlanna hi kaltlangpui rihlo turin nimin khan MHIP hruaitute hi a hriattir a ni.


MHIP Inthlanna turah thil fel tawklo a awm tia zualkotute hian secret ballot te tihchinghpen a awm niin an sawi niin hriat a ni.

MHIP Gen. Hqrs. inthlanna buaipui tura sawm, Mizo Students Union (MSU) pawh MHIP lam hian inthlanna neihpui leh lo mai turin an hriattir a, an aiah MUP te an thlang a, an programme pawh an siam tha a ni.

MHIP Inthlanna neih turah hian inpuhmawh tawnna thu leng vel a tam hle a, MHIP Gen. Hqrs. hruaituten MSU hruaitute chu fair tawklo leh inthlanna neih a nih hmaa, inthlanna tur an buaipuinaah thil fel tawklo tiah an puh niin thudawnna chuan a sawi. MSU lam thung chuan 'MHIP hruaitu nilaite hian thil fel tawk lo an ti' niin an sawi ve thung. MHIP in inthlanna buaipui tura an sawm MUP-te hnenah pawh lehkha thawnin MHIP Gen. Hqrs. hruaitu thlanna atana an hmalakna chinah an fair tawk hle tih an sawi niin thudawnna chuan a sawi.

 
Read more »
Tweet Share Share Share Share Share

February 20, 2019
Mizo Cultural Organisation (MCO)
Representational Image
Mizo Cultural Organisation (MCO) buatsaihin vawiin nileng khan Aizawl Zarkawt Recreation Centre ah Cultural Day hman a ni a, Art & Culture Minister Pu R.Lalzirlianan he hun hi a hmanpui a ni.

Minister chuan Cultural Day hmang tura kalkhawmte hmaah thu sawiin Mizo hnam ziarang hrang hrang pi leh pu ten an lo hnutchhiah te ngaihhlut leh ngaihsan thar leh a ngai a ti a, Pathianin Mizo te a dahna Mizo hnam hi engtikahmah a thlak theih dawnlo a, Mizo nihna kengtu anih miau avangin ngaihhlut chu tihmakmawh ani a ti a, Tlawmngaihna chu taimakna leh tumruhna nen kal kawp tir a ngai a ni a ti bawk.

Mizo Cultural Organisation hi kum 1993 February ni 13 ah Aizawl khawpui chhunga Cultural Club pasarih kalkhawmin an din a, Art & Culture Department chu Nodal Department ah neiin tun dinhmunah hian Aizawl khawpui chhungah branch 68 an nei a, Sub-Headquarters pali - Kolasib, Champhai, Serchhip leh Mamit an nei a, hei bakah hian Group Headquarters pahnih Khawhai ah leh Chhawrtuiah an nei bawk. Sub-Headquarters leh Group Heqdquarters zawm remchang lo thingtlang khaw engemawzatin direct in General Headquarters an zawm bawk a ni.

Mizo Cultural Organisation hian a tum ber chu Mizo hnam ziarang humhalh te, Mizo hnam zai leh lam te humhalh a tihhmasawn te, thangthar lo awm zel te hnena zirtir chhawn te hnam inpumkhatna vawn nun te a ni a. Mizo hnam ziarang chi hrang hrang te lam leh zai hmangin an phochhuak thin a, Tourism Department nen pawh thawkhovin India ram hmun hrang hrangah Cultural Troupe an tirchhuak thin a ni.

Vawiin Cultural Day ah hian MCO club hrang hrang te leh Cultural Troupe ten hnam lam chi hrang hrang entirin, zaithiam ten mizo hla chi hrang hrang an sa a ni. ~ AIR Aizawl
Read more »
Tweet Share Share Share Share Share

July 30, 2018
CHANCHINTHARChanchinthar ToMZ: Mizoram sawrkar chuan mipui tan harsatna a thlen loh nan Aizawl, Lunglei, Serchhip, Champhai leh Mamitahte IPC Section 144 puangin zanin atangin heng districtahte hian Magistrate leh Policete duty tura tirhchhuah nghal an ni ang.

Home Minister leh Acting Chief Minister ni bawk Pu R. Lalzirliana hovin a chenna inah Lump Sum Higher Secondary School 9-te thil nawr chungchang leh law and order lama a thil nghawng te ngaihtuahin School Education Department, Home Department leh Finance Department hotute an thukhawm a. Finance Minister Pu Lalsawta leha School Education Minister Pu H. Rohluna te an tel.





Thutkhawmah hian thil awm dan ngun taka ngaihtuah a nih hnu in heng private school pakua ten Ad-hoc Grant in Aid a hlankai an phut chu tun sawrkar sum dinhmun en in tihsak theih a niloh thu a sawi a. Sawrkar atanga puihna Lump Sum Grant dawng mekte tan an sum dawn zat hi tipung turin a hma atang tawh khan hma lo lak tawh niin, sawrkarah file a kal mek thu sawi a ni bawk.

Home Minister chuan nu leh pa ten kan fate tan a a tha thei ang ber kan duh ang chiah hian sawrkar pawhin mipui tan a tha thei ang ber a tlin chinah chuan tih a duh thin a ti a. Chutihrual chuan sum neihin a tlin tawk ang zela rualkhai taka hmalak a ngaih thin avangin private school ten Ad Hoc Grant in Aid a hlankai an dilna chu tihhlawhtlin sak duh hle mahse a theihloh a ni, a ti bawk.





Committee hian thil phut nawr a zirna tibuai zawnga zirna in hial khar a ni chu pawi an tih thu leh, zirna leh zirlaite hma ngai tan chuan hetiang zawnga chet te, mipui chetvelna tibuai zawnga inkalpawhna kawng dan te chu thalo a ti a. 
Hemi avang hian mipui tan harsatna a thlen loh nan Aizawl, Lunglei, Serchhip, Champhai leh Mamit ah te IPC Section 144 puan nghal niin, zanin atangin heng district ah te hian Magistrate leh Police te duty tura tirhchhuah nghal an ni ang.

~DDK
Read more »
Subscribe to: Posts (Atom)

Contact Form

Name

Email *

Message *

TOM © 2025. All Rights Reserved.
Published by Songate G

Ads Section

Powered by Blogger.