Dawrpui leh Zarkawt Branch MHIP GHQ atangin inhnukdawk - TIMES OF MIZORAM

18 Apr 2019

Dawrpui leh Zarkawt Branch MHIP GHQ atangin inhnukdawk

 MHIP GHQ atangin inhnukdawkMHIP GENERAL HQ IN FIR THEHLUT


18.04.2019: Mizo Hmeichhe Insuihkhawm Pawl (MHIP) chuan nimina an pawl Gen. Hqrs. Office Bearers an thlan theih loh chungchanga mawhphurtu chhui chhuaka a tul anga hma laksak turin Aizawl Police Station-ah FIR an thehut.

Thu dawn danin, nizan khan MHIP Gen. Hqrs. hruaitute chu an Office-ah thukhawmin thil awmdan an thlirho a. Inthlan chuh tuma hming pek luhte chu khawih chingpen ngei nia an hriat avangin Aizawl Police Station-ah FIR thehluh nise an ti a, nizan la la khan FIR hi an thehlut nghal a ni.



Hetihlai hian Aizawl Dawrpui leh Zarkawt Branch MHIP te chuan MHIP Gen. Hqrs. an zawmna vawiin khan an chhu chat.

Hemi thu hi vawiin khan thuchhuah siama sawiin, Dawrpui leh Zarkawt Branch MHIP chuan hun rei taka tan Mizo Hmeichhe Insuihkhawm Pawl tihbawrhbana a ni fo chu pawi an ti a, an ngaithiam theih lo, an ti a. Heng thil zahthlak tak te hi tun hnuah thleng tawh lo se an tih thu sawiin, vawiin atangin MHIP Gen. Hqrs. an zawmna an titawp tih an thuchhuahah chuan an tarlang a. An thuchhuahah hian veng pahnih MHIP Branch President leh Secretary ten hming an ziak a ni.

Source: Jon Suante

No comments:

Post a Comment

Post Bottom Ad