Showing posts with label Khawzawl District. Show all posts
Tweet Share Share Share Share Share

May 02, 2021

DISTRICT MAGISTRATE, KHAWZAWL DISTRICT-IN CURFEW PUANG

No.361/2021-2022
Khawzawl District Curfew


Dated Khawzawl, the 2nd May, 2021: Mizoram sawrkar thuchhuak No.B. 13021/101/2020-DMR/Vol-IV dated 01.05.2021 bawhzuina atan leh Khawzawl district mipuite Covid-19 hrileng laka an him theihna turin District Magistrate Pu Zothanmawia chuan Section 144 CrPC, 1973 (2 of 1974) in thuneihna a pek angin District Headquarters chhungah zan dar 7:00 atanga zing dar 4:00 inkar CURFEW a puang.

Curfew hun chhung hian a hnuaia tarlante chauh lo chu pawn chhuah phal a ni lo:

1) Dan leh thupek kengkawhtu Magistrate-te leh police-te
2) Covid-19 kaihhnawiha duty-te
3) Medical Emergency duty-te
4) Media/Chanchinbumi
5) Phai atanga bungraw phur motor in unload
6) Essential Services duty-te
7) District Magistrate leh Sub-Divisional Magistrate-in phalna a pekte

He thupek zawm lo chu IPC Section 188 hmanga hrem an ni ang.

He thupek hian May ni 3, 2021 atanga thu leh awm hma emaw, thla hnih (2) chhung emaw a rei lo zawk zawk a huam ang.

He order hian he office lehkha No. J.12017/1/2021-DC (KZL) dated 10.04.2021 kaltlanga District Headquarters-a zan curfew hunchhung leh dawr khar hun puan tawh chu a luahlan nghal a ni.
Read more »
Tweet Share Share Share Share Share

June 24, 2020
Khawzawl a Quarantine Centre pakhata awm mek nula, Delhi atanga lo haw chu a sample an hmuh zawh loh avangin a result a chhuak ve thei lo a, a thiante zawng zawng an chhuah hnuah Quarantine Centre dangah June 23, 2020 khan sawn a ni.



Congress Party thuchhuahin a tarlan danin anni hi June 1, 2020 zingkarah khan Khawzawl an thleng a, Khawzawl Vengthar Presbyterian Kohhran Hall-ah khunghran (quarantine) nghal niin an centre-ah hian hmeichhia 21 leh mipa 15 an awm nghe nghe. An lo thlen atanga ni 2 hnu velah sample laksak an ni a, COVID-19 positive pakhat a awm avangin June 16 khan an zavaiin sample lak that leh vek a ni. An sample test result hi June 22, 2020 (Thawhlehni) khan a chhuak a, midang zawngin an result an hriat laiin nula pakhat chu a result hriat a ni ve ta lo a. Champhai lama mawhphurtute an zawhin ZMC lamin a sample an hmuh zawh loh thuin an lo chhang a, June 23, 2020 chawhnu dar 2:00 vel khan a sample hi an la tha leh ta ringawt a ni.

Lunglei Ramthar BCM quarantine centre a awm mi 8 sample pawh test theih loh khawpa mix-up vak a lo ni tawh bawk a,an ni pawh hi a thara sample lak leh vek an ni. 
Puia Vanchiau 
Read more »
Tweet Share Share Share Share Share

June 14, 2020
Hripui Coronavirus (Covid-19) vanga Khawzawl District mipui nunphung nasa taka tihbuai a nih avang leh, Khawzawl District mi leh sa India ram hrang hrang a Tangkhang haw khawm te  Quarantine Centre ruahmansa ah an awm mek lain, tun hnaiah Khawzawl District-a Quarantine Centrec a awm lai COVID-19 Positive 2 (Pahnih) an awm tih hmuchhuah a ni a. Contact Tracing, RT-PCR Test leh screening te tangkhang rawn thleng tawh te leh rawn thleng tur te tih sak zel an ngaih avangin District Hospital, Khawzawl a staff te indaih lohna a nasa em em a. Hei vang hian Deputy Commissioner, Khawzawl District leh Medical Office, District Hospital, Khawzawl te hmalakna in District chhunga cheng Nursing lo zir chhuak tawhte chu Volunteer tur a sawm an ni a, a hnuaia tarlante hian he sawmna chhang hian Khawzawl District-a COVID-19 darh tur ven nan Volunteer/ tlawmngaiin an rawn pen chhuak a ni.

Hmeichhe huaisen

  1. Lalrinmuani Khawlhring D/o K. Lalzarliana, Khawzawl Vengthar - GNM
  2. Malsawmdawngliani D/o H. Lalnithanga, Khawzawl Vengthar - GNM
  3. Lalbiakhlui D/o Malsawmdawnga, Khawzawl Dinthar - GNM
  4. Christina Laldingngheti D/o JH Rodawla, Khawzawl Dinthar - B.Sc. Nursing
Read more »
Tweet Share Share Share Share Share

June 09, 2020
MIPUITE HNENAH NGENNA KHAWZAWL DISTRICT CHANCHINTHAR: Vawiin khan Khawzawl District Bawrhsap & Chairman, District Level Task Force on COVID-19 Pu H.Lianzela chuan Khawzawl District mipuite hnenah ngenna thuchhuah siamin, COVID-19 hrileng mek avanga nunphung a khaihlak phah thu leh tunhma thil tih thin bansana tih ngai loh thil tharte tih thin anih thu sawiin, Khawzawl District mi leh sa India State hrang hrang 26 a tangkhangten Sawrkar ruahmannain Khawzawl District an rawn thlen tawh thu leh Quarantine Centre ruahman lawka awm mek leh awm hmasa chhuak pawh an awm tawh thu a sawi.

Pu H. Lianzela chuan Ni 08.06.2020 thlengin Khawzawl District-ah tangkhang mi 244 an rawn kir tawh a, an zinga mi 203 te hi swab test tihsak tawh an nih thu tarlangin, Swab Test zinga 2 (pahnih) te hi COVID-19 positive tih hmuhchhuah a ni, a ti a. Bawrhsap thuchhuah chuan Positive 2 (pahnih) te chu Delhi a tangkhang, Special Train a rawn haw chhoa Ni 01.06.2020 a Aizawl rawn thleng, Screening (RAT) neih hnuah pakhat zawk chu RAT reactive anih avanga Isolation Centre, District Hospital, Khawzawla khunghran nghal a nih thu leh a dang pakhat chu Quarantine Centre Vengthar Kohhran Hall-a khunghran (RAT Non-reactive), Swab Test tih that leh hnua 07.06.2020 zanrei lama endiknaah Covid-19 a positive tih hmuhchhuah a nih thu a sawi a. Positive tih hriat a nih veleh Isolation Centre, District Hospital-ah khunghran nghal niin, Medical Team ten a tul angin positive te hi an enkawl zui a ni, a ti bawk.

Thuchhuah chuan Khawzawl District chhunga COVID-19 kaite chu natna la langchhuak Io (Asymptomatic) vek an nih thu leh an rawn hawna Special Train-a an chuanpuite leh Khawzawla Quarantine Centre-a an awmpuite pawh contact tracing tih nghala, Contact tracing-na a hming langte chu Swab Test tih that sak leh vek tur an nih thu leh Vengthar Kohhran Hall leh a chhehvel pawh Containment Area a puan anih thu a tarlang a. Bawrhsap Pu H.Lianzela chuan COVID-19 hripui darh zel tur ven nan District thuneitu ten hma an lak zel thu leh mipuite chu fimkhur tak chunga chiai lova Sawrkar thuchhuakte Io zawm hram hram turin a ngen a ni.

Natna inkaichhawn awlsam tak COVID-19 laka mipuite fimkhur sauh tur leh natna chu huaisar lemlo taksa chak tha tan chuan damdawi pawh ngai miah lova pal dam theih anih thu pawh sawiin, tangkhang Io hawte leh Io dawngsawngtu Sawrkar Official-te, tlawmngai pawlte leh mipuite, mahni mawhphurhna theuha theihtawp chhuah tlang thinte chu insawisel leh vuivaina huna hmang lova tanrual hun a ni tih hria midangte tanpui duhna thinlung pu chung zela, hotute zai ngai tak chunga hripui do kawnga thawk chhunzawm zel turin a ngen a. Veng/Khaw bila inkharkhip dan Io siam chu thil nihphung tur anih chiah loh avangin tih loh theih nise tiin, Veng/ Khua a mawhphurhna neitute chu Sawrkar leh DLTF thuchhuak Io ngaichang hram hram thin turin a ngen nghal bawk a ni.

No.1816/2020-2021 DIPR Mizoram
Read more »
Tweet Share Share Share Share Share

February 26, 2020
Mizoram KhawzawlKhawzawl Joint Village Council hruaitute chuan tun sawrkar kum kal meka PWD-in Khawzawl khawpui chhung kawngpui siam that hna an thawh zawh tawh te a hmuna kalin an en a, hnathawh dan chu lungawithlak an tih thu an sawi.

Sawrkar kum kal mekah hian SEDP leh Maintenance Action Plan atanga sum hmuh, Cheng Nuai 54 leh Sing 5 Sang 9 hmangin PWD hian Khawzawl khawpui chhung inkalpawhna kawngpui hi Km. 54 leh Metre 380-a thui an siam tha a. Kawngpui endiknaah hian Khawzawl Joint VC hruaitute hi an Chairman Pu H. Zoremsanga’n a ho a ni.


Khawzawl khawpui chhungah hian PWD-in kawng siam that hna an thawh bakah hian veng thenkhatah chuan veng mipuite sum thawh khawm hmangin VC ten an veng chhung kawng zauh hna an thawk bawk a. 

Hetihlai hian Khawzawl khawpui chhung kawngpui chep lutuk tiziaawm tura Road Protection Squad-in kawngpui hnaih lutuka Tuizem dah lo tur leh in sakna bungrua dah lo tura mipui an ngenna chuan zawm a hlawh lutuk rih lo a ni. ~AIR Aizawl
Read more »
Tweet Share Share Share Share Share

February 21, 2020
Mizoram State Day 2020: Vawiin khan Khawzawl Electric Veng YMA hall-ah Khawzawl Addl. DC Pu  Paul L Khuma hovin Mizoram State Day urhsun taka hman a ni.

Vawiin State Day lawmna inkhawm hi Khawzawl BDO, Dr Saithangpuia'n a kaihruai a. Khuallian Pu Paul L Khuma chuan thu sawiin, vawiina Mizoram State Day lawmna neih hi Khawzawl District tan chuan a tum khatna a nih angin hun lo la kal zel turah pawh a nung reng dawn a ni, a ti a. Pu Paul L Khuma chuan, US President hlui John F Kennedy khan "I ramin enge a tihsak theih che tih ngaihtuah lovin, ka ram tan enge ka tih theih tih ngaihtuah zawk rawh" a tih ang khan kan ram tan tih theih kan nei em tih te kan ngaihtuah a tul a; nu leh pa ten fate tha taka kan enkawl hian khua leh tui kan nih anga kan tih theih thil tha tak kan ti a ni, a ti a. Kan fate kan duat lutuk avang hian khua leh tui thaah kan chhuah lo mai ang tihte a hlauh awm hle a ni a ti bawk.

Khuallian chuan, Sorkar hnathawkte pawhin ram tan leh khawtlang tan tih tur tam tak kan nei a, Sorkarin ti tura ruahman a siamte tha taka zawm mai hi kan tih tur a ni a. Pisa kai hunbi a kai te, ban hunbi dik taka bante hi sorkar hnathawk te tih tur a ni a, khua leh tui kan nih anga kan mawhphurhna a ni, a ti a. Sorkar hnathawkte eirukna laka kan fihlim hian khua leh tui tha kan ni mai, a tih bakah, Sorkar hnatawkte hi mipuite tana thawk kan nih angin mipui thatna tura rim taka thawh hi kan ram tana kan tih tur a ni, a ti bawk a, Zirlaite pawh mahni zirlai tha taka zir hi khua leh tui tha ni tura thil pawimawh tak a nih thu a sawi bawk.

He hunah hian Khawzawl District Village Council  Association President Pu Zoremsanga'n thu a sawi bakah Suprintendent of Police, Pu PC Lalchunglura'n lawmthu sawina neiin hun a khar a ni. He inkhawmah hian 2nd IR Batallion Pipe Band ten hnamhla an sak bakah, BSI Khawzawl branch Zaipawlte, mimal zaite ngaih thlak a ni bawk. State Day lawmna inkhawmah hian Khawzawl khawpui chhunga sorkar department hranng hranga thawktute an kal khawm a ni. ~DIPR

Read more »
Tweet Share Share Share Share Share

January 31, 2020
MISS MIZORAM 2020 ATAN KHAWZAWL IN DISTRICT AIAWH TUR PUANG

Khawzawl Dist. chuan Miss Mizoram 2020-a an district aiawh tur chu vawiin - January 30, 2020 khan an puang ve leh ta.

Miss Mizoram Khawzawl District 2020:

Miss Mizoram Khawzawl District 2020 atana Zirsangpuii thlan a ni a, vawiin - January 30, 2020 khan Khawzawl DC Pu H. Lianzela, MCS, chuan Miss atana thlan a nih thu hi a puang.

Miss Mizoram Khawzawl District 2020 puanna inkhawm hi Khawzawl DC Conference Hall, Darngawn Vengah vawiin chawhnu dar 2:00 khan neih a ni a. He inkhawm Pu Lalrotluanga Ralte, Chairman, Organizing Committee kaihhruaiah hian Pu K. Lalnunsanga Asst. Secretary, Organizing Committee-in report a pe a, hemi hnu hian Pu H. Lianzela, MCS, Khawzawl District Bawrhsap chuan Zirsangpuii d/o VL Beiseia, Khawzawl Vengthar chu Miss Mizoram Khawzawl District 2020 atana thlan tlin a nih thu hi a puang a ni.

Miss Mizoram Khawzawl District, 2020 Zirsangpuii hi Miss Chapchar Kut 2019 Khawzawl, Lawmsangzuali'n Crown a hlan a, pangpar hlanna leh thil pek hlan zui nghal a ni.

Khuallian, Pu H.Lianzela, DC Khawzawl bakah hian Pu Lalsanglura Hnamte, Vice Chairman, Organizing Committee chuan Miss Mizoram Khawzawl District 2020 Zirsangpuii changchin sawi bakah Lalhmingmawia Pachuau, Champhai Cable Network neitupa in District MJA aiawhin thu a sawi bawk.

Kum 23-na a hmang mek a, feet 5.5 a sang a ni. Khawzawl Higher Secondary-ah Class XII a zawh hnuin Govt. Aizawl Collage atangin BA Eduction a zir zo a, tunah hian zirna chhunzawm leh turin a inbuatsaih leh mek a ni.

Zirsangpuii Miss Mizoram 2020Zirsangpuii Miss Mizoram 2020

Source: TLalhmachhuana Hmachhuana‎
Read more »
Tweet Share Share Share Share Share

August 22, 2019

MIZORAM SCHOLARSHIP BOARD (MSB) IN KHAWZAWL DISTRICT TAN SEMINAR CUM WORKSHOP BUATSAIH

Vawiin khan Mizoram Scholarship Board buatsaihin Khawzawl District huamchhunga Primary School, Middle School, High School, Higher Secondary School leh College tana Workshop-cum-Seminar on Online Application of Scholarship Schemes and Awareness Campaign, Govt. Khawzawl College Multipurpose Hall-ah neih a ni.



Mizoram Scholarship Board Secretary Pu JH. Zoremthanga chuan  Scholarship chu naupang harsa zawkte tanpuina anih avangin a theih ang tawk a lo buaipui vek turin zirna In  hrang hrangte chu Mizoram Scholarship Board in a ngen thu a sawi a. Mizoram bikah hian Tribal leh Minority Scholarship hi zirlaite dil tam ber a ni a, tun dinhmunah Mizoram pumah zirlai nuai 2 deuh thawin heng Scholarship hi an dil tih sawiin, Scholarship hi a dil thei tak tak chauhin an dil tur a ni, a ti a. Tunah hian Mizoram District hrang hrangah Mizoram Scholarship Board chuan Workshop-cum-Seminar hi an nei mek tih sawiin tunah hian Tribal Scholarship dilna Portal, scholarship.mizoram.gov.in chu an khar thu leh District hrang hrangah Workshop-cum-Seminar an neih zawhah Portal hi hman theih turin an hawng leh dawn tih a sawi bawk.

Vawiina Seminar-cum-Workshop buatsaihah hian Khawzawl District hnuaia khaw hrang hrang atangin Primary, Middle, High School, Higher Secondary School leh College aiawh mi 83 an tel a, chawhma lamah Minority Scholarship dil dan inhrilhhriatna neiin chawhnu lamah Tribal Scholarship dil dan inhrilhhriatna an nei leh a, Pu Lalramthana, Data Entry Operator, Mizoram Scholarship Board in zirtirna a pe a ni. ~DIPR
Read more »
Tweet Share Share Share Share Share

August 13, 2019
KHAWZAWL DISTRICT: Vawiin khan I&PR Minister Pu Lalruatkima chuan Khawzawl Darngawn Vengah Deputy Commissioner Office thar chu a hawnga. He hunah hian Khawzawl District  DC Pu H.Lianzela leh Khawzawl District SP Pu PC Lalchunglura te leh District mipui thahnem tak an tel a ni.  

Khawzawl DC Office a hawn  hnu hian Khawzawl Zaingen YMA Hall-ah Deputy Commissioner leh Superintendent of Police puala inhmelhriattir a leh in lawmna inkhawm, Joint Villa Khuallian niin a hmanpui bawk a ni. 
Vawina Khawzawl District puala hun pawimawh a hman naah hian I&PR Minister Pu Lalruatkima chuan Deputy Chief Minister Pu Tawnluia, bialtu MLA ni bawk, ngenna anga lo kal a ni tih a sawi hmasa a.   Hun rei tak chhung, nghakhlel taka Khawzawl leh a chhehvel mipui ten an lo beiseiin a tak ram a lo chang ta chu a lawmawm takzet tih a sawi a. "He district hi kum 2008 khan a piang tawh a, kum 10 a function theihloh hnuah tunah a paitu ngeiin a hring ta hi a lawmawm zual bik a ni", a ti. Thinlung takin Khawzawl District mipuite, he hlawhtlinnah hian a lawmpui tih a sawi a. "Sawrkar chuan ngun taka ngaihtuahna sengin District thara Office dah hmasak ngai, DC Office leh SP Office atangin bul kan tan ta a ni a.  Chief Minister chak tak, kaihruaina hnuaiah theihtawp kan chhuah zel anga; Revenue Department, RD, I&PR leh Department suanluh hmasak ngai te pawh dah chhoh zel kan tum a ni", a ti. 

I&PR Minister Pu Lalruatkima chuan district mipuite chu sawrkar hmalakna hrang hrangah phur taka sawrkar tawiawmtu, DC leh SP hmalakna te tha taka thlawptu ni turin a chah a. Bawrhsap Office thar chu dikna leh rinawmna tlangnelna hmun. Thleih bik nei lova rorelna, mipuiten an thil mamawhte inthlahrung miah lova an then theihna hmun ni se tih kan beisei a ni a ti. District tharin beiseina thar, a bial mipuite tan a siamsak a. Chutih rualin a District Capital chhunga mipuite mawhphurhna a sang sawta; Bawrhsap Office leh District Office dangte lo dawrtu, mikhualte chungah that chhuah nachang hre reng turin a chah a. Rilru zau taka district mipuite leh pawnlammite tan inhawng turin Khawzawl khaw mipuite chu District Capital-a cheng an nih angin ngen leh beisei an ni a ti. 

India rama cheng kan nih hre reng chunga khual tha khual chhia kan dawn sawn kawngah leh ram pawnlam mikhual kan dawn danah thleng pawh kan inhawn thiam a ngai a.  Kawng tinrengah District thar a nih angin tan a lak nasat zual bik a ngai dawn tih a sawi a. Khawpui thang zel tur te mithla thiamin kawngpui hnaih lutuk lova insak kan thiam te pawh a ngai dawn a ni a ti.Kawng tam takah hmasawn a pawimawh rualin Faina leh Hriselna kawngah bikah hmasawn a pawimawh zual tih a sawi a ni. Faina kawng bikah phei chuan Mizorama khaw fai ber awmna District a nih avangin District Fai ber ni turin theihna sang tak a nei nghal a ni a ti a. Khawzawl District mipuite chu District pek phu nih ti lang turin hmasawnna kawnga sawrkar hmalakna thlawp tlata, rahbi thar duhawm tak kai zel turin duhsakna a hlan nghal bawk a ni.  

Khawzawl District Bawrhsap Pu H. Lianzela chuan atirah, a mawhphurhna thar chu huphurhawm hle in lang  mahse Khawzawl mipuite phurna nasa tak te leh tumruhna hmel te a hmuh avangin  a rilru pawh a thlak tawk a. Beiseina thar leh District tana hmathlirna thui tak nen vawiinah a hna a rawn zawm a ni tih a sawi a. District pian theihna atana theihtawp lo chhuah tute zahna chibai a buk tih a sawi a. District in enge min tihsak tih zawnga ngaihtuahna siam lova district tan enge kan tih theih tih ngaihtuahna nena hmalak puiah mipuite chu a sawm a ni. Khawzawl District chhunga mipuite bakah Head of Office te chu thawhpuia sawmin District changtlung zawk nih theihna atana an ruahmanna te(Road Map) a rang lama buatsaih turin a chah bawk a ni. 

Khawzawl SP Pu PC Lalchunglura pawhin Police leh mipuite thawhhona tha a awm theih nan mipuite phungbawmna a ngen a. Khawzawng District chhunga mipuite chu dan leh hrai  kaihnawih thil an kutah chinfel tum lova thuneitute hnena hlanchhawn ngai pawimawh tlat turin a ngen a. Hmun thenkhatah ngaihtheihlohna rilru Anti-Police a awm thin tih sawiin Law & Order kenkawhna kawngah thil fello tak a nih theih avang leh a tawpa tuartu mipui an nih leh thin a vangin Khawzawl Mipuite chu Police thian, Pro-Police ni turin a chah bawk a ni. 

Minister, DC leh SP te hmuahna hi Khawzawl District leh Saitual District inrina, Tuivawl Lei kamah a in tana. He hmunah hian Khawzawl District Implementation Demand Committee(KDIDC) puipate, Kawlkulh leh Dulte Village Council member ten Minuster leh a thuihruaite hi an lo dawngsawng a. Kawlkulh Joint VC, Joint YMA keh Khawtlang puipa ten Kawlkulh Highway Restaurant-ah tukthuan an lo buatsaih a. Khawzawl khaw tawntirh, Chalthei Kawnah Khawzawl District Official te leh Joint YMA ten Minister, DC leh SP te ropui takin an lo hmu bawk a ni.
Khawzawl DC
Khawzawl DC Office thar hawnna Programme hi Pi ST Lalvensangi, SDO(S), Khawzawl chuan a kaihruaia. Zaingen YMA Hall chhunga vantlang inkhum chu joint VC te leh KDIDC ten an kaihruai thung a ni. Khawzawl District lawmna inkhawm hi Kum 2008 a Khawzawl, District a puan champha September 12 hian neih a ni dawn a ni. Tun dinhmunah, Khawzawl diatrict-ah  hian khaw 28 a awm mek a. Khawzawlah bik hian In 3000 chuang a awm mek anga chal niin a chhunga cheng mipui pawh 14,000 bawr vela chhut a ni. ~DIPR
Read more »
Tweet Share Share Share Share Share

August 12, 2019

COUNCIL OF MINISTER THUKHAWM IN DISTRICT THAR 3 HUAM TUR KHUA TE PAWM FEL

Vawiin August 9, 2019 khan CM Cabinet Meeting Hall a Council of Minister thukhawm chuan district thar pathum - Saitual, Hnahthial leh Khawzawl District huam tur khuate a pawm fel. He meeting ah hian Chief Minister Pu Zoramthanga, Deputy Chief Minister Pu Tawnluia leh Minister dangte an tel kim vek a ni.    

Khawzawl District:

(1) Aiduzawl
(2) Rabung
(3) Pamchung
(4) Khualen
(5) Tualpui
(6) Ngaizawl
(7) Neihdawn
(8) Kawlkulh
(9) Vankal
(10) Puilo
(11) Chhawrtui
(12) Vanchengpui
(13) Dulte
(14) Riangtlei
(15) Vangtlang
(16) Tlangmawi
(17) Tlangpui
(18) Biate
(19) Sialhawk
(20) Khawhai
(21) Lungtan
(22) Chalrang
(23) New Chalrang
(24) Chawngtlai
(25) Tualte
(26) Khawzawl
(27) Arro
(28) Hmuncheng
Read more »
Tweet Share Share Share Share Share

July 09, 2019

DISTRICT PATHUM SIAM NAN CHENG NUAI 150 THEUH BUDGET-AH DAH


20th March, 2019: District thar pathum siam turin Mizoram sorkarin Budget-ah sum a dah.

Nimin Assembly session-a Finance Department changtu, Chief Minister Pu Zoramthanga’n sorkar kum thar – April ni 1 atanga July ni 31 thlenga sorkar sum hman tur ruahmanna Budget, Vote on Account-a a pharhah Khawzawl, Hnahthial leh Saitual District te siam turin District pakhat tan Cheng Nuai 150 theuh dah a ni.


District thar pathum Hnahthial, Khawzawl leh Saitual te tana DC Office siam/hawn phalna Sorkar chuan a tichhuak



SAWRKARIN DISTRICT THAR PATHUMAH DC OFFICE STAFF SIAM


5th July, 2019 : Mizoram Sawrkar, General Administration Department chuan District thar pathum - Saitual, Khawzawl leh Hnahthial-ah te Deputy Commissioner Office-a thawk tur post 48 theuh a inangin a siam thar a, hei bakah hian SDO (Civil), Saitual Civil Sub-Division chu SDO (Sadar), Saitual District (Senior grade of MCS in level 11 of the pay matrix) post-ah siam rem nghal a ni bawk. He hriattirna hi July ni 4 khan tihchhuah a ni.

GAD Notification-a a lan danin Saitual DC Office staff tur 48 zingah hian thawktu awmsa 33 rin zui tur a ni dawn a, post thar 15 siam a ni. Saitual District code tur chu 09 a ni ang a, Khawzawl - 10, Hnahthial - 11 a ni ang.

Saitual DC Office-a post awm turte chu - Deputy Commissioner - 1, Addl. Deputy Commissioner - 1, Election Officer - 1, Sub-Deputy Commissioner - 2, Superintendent - 1, Assistant - 3, Steno-II - 1, UDC - 5, LDC - 7, Driver - 5, Despatch rider - 1, Group ‘D’ - 20.

Read more »
Subscribe to: Posts (Atom)

Contact Form

Name

Email *

Message *

TOM © 2025. All Rights Reserved.
Published by Songate G

Ads Section

Powered by Blogger.