MPL Season 6 Kick-Off 2017 ( Mizo Soccer Model Part III )
HOME MINISTER HOVIN AIZAWL – CHAMPHAI KAWNG CHHE ZUAL LAI SIAM DAN TUR SAWIHO
 |
| Representational |
Vawiin khan Home Minister Pu R. Lalzirliana hovin a pisa ah CYMA General Conference, October ni 17-19, 2017 chhunga Champhai Zotlang a neih tur thlir lawkin NH-6, Seling leh Champhai inkar kawng chhe bik zual lai chu siamthat vat a nih theih nan hmalak dan tur ngaihtuahho a ni.
Meeting-ah hian kawng chhelai siamtha tura lung mamawh zat a tam dawn em avangin Keifang Quarry (BRO Quarry hlui) chu hman tawh loh ni mahse mamawhna a san em avangin Aizawl DC, Geology and Mining Department leh PWD-te enpuina hnuaiah he quarry atang hian lung hi lak mai ni se ti a rel a ni a; Keifang quarry bakah hian private quarry pali atangin lung mamawhte lak a tul dawn bawk a ni.
Kawng siamthat hna chak zawka thawh a nih theih nan lirthei, a bik takin motor lian ke ruk aia tam nei chin te Seling-Champhai inkarah One-Way traffic a hnuaia tarlan ang hin inkarthlak a tlan tir ni se tia rel a ni bawk:
Monday – Aizawl – Champhai
Tuesday – Champhai – Aizawl
Wednesday – Aizawl – Champhai
Thursday – Champhai – Aizawl
Friday – Aizawl – Champhai
Saturday – Champhai – Aizawl
Sunday – Aizawl – Champhai
Seling-Champhai inkar NH-6 kawng dinhmun hi a that loh em avangin leh chhiatna lian zawk a thlen loh nan passenger leh chakkhai phur tih loh lirthei lian chi (ke ruk aia tam nei) te chu tlan khap rih ni se tiin meeting hian a rel bawk a ni.
Meeting-ah hian Police, PWD, Deputy Commissioner, Geology & Mining, GAD atangin department hotute leh CYMA aiawhte an tel a ni.
WRITTEN BY EMILY LALRINPUII, MIS, IPRO
MAMIT DEPUTY COMMISSIONER HRIATTIRNA LEH NGENNA
Deputy Commissioner Office, Mamit District atanga lehkha kan dawn angin, vawiin Ni 20 September, 2017 hian Mamit District-in kawng chhia avanga Buhfai leh nitin mamawh lakna kawngah harsatna a tawh avangin District Administration, NGO leh V/C te'n Bairabi Tlawng Bridge bul kawng chhia an tlawh a. September thla chhung ngei hian he kawng chhe siam hna hi thapui thawha beih nise tih a ni a, chuvangin, Bairabi Bridge leh a approach road-ah Ni 21-24 September, 2017 chhung hian Motor eng chi mah kaltlang phal a ni lo tih mipuite an hriattirin an ngen a ni.WRITTEN BY PAUL ROKIMA, MIS, DIPRO, MAMIT
CHAMPHAI DISTRICT MAGISTRATE THUCHHUAH
Kumina ruahtui a tlak tam avangin Champhai District huam chunga kawngpuite chu hmun tam takah a chhiain, lirthei chitin tan kal harsa khawpin a awm a. PWD (Highway) Government of Mizoram, chuan kawng siamthat hna an thawk dawn a, kawng siam hna chak zawka a kal theih nan leh Home Department, Government of Mizoram hnen atanga thu dawn angin Champhai District Magistrate Pu Vanlalngaihsaka chuan Sec.144 CrPc in thuneihna a pek angin a khapna thupek a chhuah.Champhai District kawngpui pawimawh NH-6 (Seling to Champhai) chu Medium Vehicle (407) tiam lovin a chunglam zawng zawng tan ONE WAY a puan a ni a, a hnuai a mi ang hian tlan hun siam a ni.
Champhai atanga Aizawl kal Ni : Kar tin Thawhlehni, Ningani leh inrinni.
Aizawl atanga Champhai kal Ni : Kar tin Thawhtanni, Nilaini, Zirtawpni leh Chawlni.
He thupek bawhchhia chu IPC SEC.188 hmanga hrem an ni ang.
He khapna thupek hian Ni 20th September, 2017 atanga thlahnih chhung a huam ang.
WRITTEN BY COLLIN HLYCHHO, MIS, DIPRO CHAMPHAI
Subscribe to:
Posts (Atom)