TIMES OF MIZORAM

Tweet Share Share Share Share Share

CHHAN LET LOH HMANGAIHNA - CFL Hmingthanga

ToMZ September 22, 2017

CHHAN LET LOH HMANGAIHNA

Zaiin ka chawi nang che sakhmel tha lengtin khumi,

I hmangaihna chan duh zaleng val rual zawng zingah;

Kei zawng i tan tling thei hian ka mawi ve si lo maw,

Chhan let loh hmangaihna tuar reng ka thiam thei lo’ng e.

Chhan let ve loh hmangaihna hlan zawng a sawt si lo maw ka tan,

Suihlung chhirin awmzia reng a nei si lo tahkhua a sei maithlawn e,

Phu loh di maw lo ni che.

Cho loh val rual zawng nen in run chhung kan lo lawi a,

I chhingmit mengmawi leh sakhmel ka en ning thei lo;

Tu ber hian nge i hmangaihna par mawi chu thliak a?

Then loh thu tiam ang che tiin ka dawn vel thin a.

Rairah riang mahila ka then thei chuang si lo che,

Hmangaihna chuan hmangaih tawh lem a nei si lo maw;

Lenna khua hmun mahse kan kar a hla nangnen hian,

Sakhmel tha chan si loh fam mai ka nuam nang vangin.

Mizo Hla

Tweet Share Share Share Share Share

CHHUM LEI VAK - CFl Hmingthanga Hla

ToMZ September 22, 2017

CHHUM LEI VAK

1. Engvang nge maw i sakhmel mawi ka lo tawn le?

Hlimni tawi te min chenpuitu tur nunrawng hmeltha,

Ka suihlungmawl suangtuahna mai lo nise;

Chuailo par iang chul mai lo se kan hlimlai.

Ka tuaran maw vanduaina sar a zam e,

Engtin tuar maw lungngaihna chhum lei vak?

2. Kan tuarzo lo rauthla lamtluang chhingmitthlaan,

A lo cham e phu loh di zun ngaih vang hian maw;

Min lo hlan maw lem ang der nan biahthu der,

A pawi em mai aw, hlimni her chhuak ve tak ang maw.

Ti khan i liam mai dawn em ni ka di,

I lungher chhan pawh min hlan dawn lo maw?

3. Ka tuaran maw vanduaina sar a zam e,

Engtin tuar maw lungngaihna chhum leivak?

Engvang nge maw i sakhmel mawi ka lo tawn le;

Hlimni tawi te min chenpuitu tur nunrawng hmeltha,

Ka suihlungmawl suangtuahna mai lo nise;

Chuailo par iang chul mai lo se kan hlimlai.

Chul mai lo se aw kan hlimlai,

Hlimni her chhuak ve tak ang maw.

Mizo Hla

Tweet Share Share Share Share Share

Mizo Hlaziak "DAWN LEM KA NEI LO" CFl Hmingthanga

ToMZ September 22, 2017

DAWN LEM KA NEI LO

Hmangaihna mittui a lo luang e,

Ka suangtuahna hlimthla vâng mai pawh hian;

Tawn che a rem si lo i chûn leh zua vângin,

Vawikhat tal chuan tawn leh che ka nuam mang e.

Hmangaihnaah ka uai zo ta dâwn lêm ka nei thei lo,

Nang ngaih luat vâng hian in rûn ka lo lâwi a;

Sam ang kan inthenna tûr rêng ka dâwn thiam lo,

Suihlung ka mâwl lua a ni min ngaidam rawh.

Aw, theih chang se nang tawng lehtûr hian,

Ka sakruang hian engpawh tuar dâwn mahse;

Ka hlân ui dâwn si lo ka kiangah i awm chuan,

Hmangaihna dâwiin nangin min dam dâwn si.

Min la hmangaih ve i nih chuan e,

I chûn leh zua ai chuan min thlang mai la;

Rûn hmun kan lêndun chuan an hrâng rei chuang law'ng e,

An dâwnkir ngei ang lânu vâl an chan lai".

Mizo Hla

Tweet Share Share Share Share Share

DUHAISAM A KIM NGEI ANG -CFL Hmingthanga

ToMZ September 22, 2017

DUHAISAM A KIM NGEI ANG

1. Mahriaka awm khawhar changin

Kan nunhlui ka dawnkir thin a,

Thinlai damtea tuar zawng a har ngei mai;

Aw ka hmangaih leh duh ber mai,

Suihlung hera zamual liamin;

Leng dang tawnah zamual chu liam lul suh.

Ka hmangaih ber leh ka enchim loh nui mawite,
I hmangaih biahthu min lo hlan ve la;
Awm khawhar suihlunglen hi a nem ve mahna,

Ka thinlai-ruk duhaisam a kim ngei ang.

2. Ka thinlai-ruk duhaisam chuan,

Nang nena run hmuna len hi

A lo thlang thin a engdang dawn lo reng hian.

Awm khawhar a zual nang lo chuan,

Hlimzai reng hi ka rel thei lo,

Min hnem turin nang chauh ka tan a tawk.

Mizo Hla

Tweet Share Share Share Share Share

KA HMANGAIH BER I NI - CFL Hmingthanga Hla

ToMZ September 22, 2017

KA HMANGAIH BER I NI

Ka hmangaih ber ‘D’ te, sakhmel kan intawn ni khan,

Biahthudi kim ten min hlan a;

I sakhmelmawi tawn loh kar suihlunglen ka tuar a,

Aw min dawn ve rawh ka ‘D’ nuimawii,

Khuamunah hlimten lengdunin;

Sakhmel tawnni her thuai se.

Aw I tangnemah beiin senlai nau iang min chawi la,

“KA HMANGAIH BER I NI A” tiin biahthu min hlan la a riang lunglawm ve nan;

Run hmunah lendun min tiam la, ka thinlaina dam ve nan.

Awmkhawhar zual chang hian kan nunhlui ka dawnkir a

Nangnena suihlung kan ruallai,

Aw I mawi chuang e ka ‘D’ ka thlir ning thei lo che;

Thaleng dang tawnah zamual liam lo la,

Run hmunah nangnen kumtluangin lendun zai rel zawk ang aw.

Dawtthu leng mai vang hian maw then nan biahthu min hlan le,

Hmelma thaikawi thu mai vanga suihlung her zawng tum lo la tawn thar ‘D’ lenghermawi;

Sakhmel intawn leh ni aw her thuai se,

I tangnemah bei hle hlein hlan leh nang che hmangaihna.

Mizo Hla

Tweet Share Share Share Share Share

DAWN TISEI - CFL Hmingthanga Hla

ToMZ September 22, 2017

DAWN TISEI

1. Enga’n nge maw kha chen suihlung ka lo rualpui che,

Kawplai ‘D’ val dang nei reng hian ka ring phal lo che;

Tunah erawh dan rual loh hian zamual min liamsan,

Dawnin thinlai a na lunglai a hnîm riai riai.

Engan nge maw nang kher ka lo tawn che dawn tisei thlawn mai turan;
Nang ngaihlai reng bang hian ka mawi lo hringnun ka chan chhung hian.

2. Kawplai ‘D’ val dang nei reng hian ka ring phal lo che,

Nang chawi liantu chun leh zua hian an ring phal lo’ngnge;

Hringnun vullai-ni zawng sikni iang liam leh mai tur,

Hringnun sakhmel vullai-ni zawng a rei si lo.

3. Thinlai a dam thei lo nunhlui ka dawn kir changin,

Hei mai hi maw lo ni nangnen kan tawpna tur chu;

Khuanu leng min lo hlan hmangaihna sang ber pawh hian,

I thinlung chhungah hmun reng a chang zo ve si lo.

Mizo Hla

Tweet Share Share Share Share Share

DUHAISAM A KIM NGEI ANG - CFL Hmingthanga

ToMZ September 22, 2017

DUHAISAM A KIM NGEI ANG

1. Mahriaka awm khawhar changin

Kan nunhlui ka dawnkir thin a,

Thinlai damtea tuar zawng a har ngei mai;

Aw ka hmangaih leh duh ber mai,

Suihlung hera zamual liamin;

Leng dang tawnah zamual chu liam lul suh.

Ka hmangaih ber leh ka enchim loh nui mawite,
I hmangaih biahthu min lo hlan ve la;
Awm khawhar suihlunglen hi a nem ve mahna,

Ka thinlai-ruk duhaisam a kim ngei ang.

2. Ka thinlai-ruk duhaisam chuan,

Nang nena run hmuna len hi

A lo thlang thin a engdang dawn lo reng hian.

Awm khawhar a zual nang lo chuan,

Hlimzai reng hi ka rel thei lo,

Min hnem turin nang chauh ka tan a tawk.

Mizo Hla

Job News