TIMES OF MIZORAM

ICFAI UNIVERSITY MIZORAM-AH INTERNATIONAL CONFERENCE BUATSAIH

ToMZ October 26, 2017

Khuallian Lt. Gen. Nirbhay Sharma chuan hmarchhak bial tih hmasawn chu thil phurawm tak a nih rualin chona lian tak a nih thu a sawi a. Tun hmain hmarchak bial chu ram venhimna zawn atang chauha thlirin, a hmasawnna kan ngaihthah thin a ti a. Ram ralmuang zawk kan lo nih takah chuan hmasawnna ruhrel pawh chak zawkin kan siam thei dawn a ni, a ti. Hnam hrang hrang leh nunphung inanglo tak tak, India khawmualpui atanga danglamna bikna riau nei a ni a, hnam inchimral hlauhna avangte in harsatna a awm a. An harsatna kan hriatthiam hmasak phawt loh chuan, sum tam tak sen ni mahse, hmasawnna lian tham a thlen theih a rin loh thu a sawi a ni.

Governor chuan internet hmanga inthlunzawmna chu senso hautak lo zawk leh ngaih pawimawh hmasak bera neih chi a ni, a ti a. Thlawhna, kawngpui, rel leh lui hmanga inkalpawhna te pawh tih changtlun tul a tih thu a sawi a ni. Heng hmarchhak ramte ramri 98% chu ramdangte nena inrina a nih nghal avangin, venhim hna nasa lehzuala kan thawh a ngai a ni, a ti bawk.

ICFAI University Vice Chancellor Lt. Gen. (Retd.) Dr. A.K. Misra AVSM chuan ICFAI University chu India rama private university group lian berte zing ami a nih thu sawiin, State 16-ah te in zar pharh in, university 11 leh business school 9 te, technical school 7 leh law school 5 te a awm thu a tarlang a ni. Kum 10 kalta chauha din ni mahse hma an sawn chak hle a ti a, sawrkar puihbawmna zawng zawngah lawmthu a sawi bawk a ni.

He Conference-a Convener, Dr. K. Angela Lalhmingsangi chuan Conference hawnna thuchah a sawi a. Ambassador Gautam Mukhopadhyaya;, Air Marshall (Retd) P.K. Roy PVSM, AVSM, VSM, VM; Ministry of External Affairs Joint Secretary Partha Satpathy, IFS leh MZU VC Prof. Lianzela te pawhin thu an sawi a ni.

Chanchinthar

Tweet Share Share Share Share Share

ToMZ October 26, 2017

ICFAI University Mizoram din champha vawi 10-na lawmna kal zelah North Eastern Council (NEC) nen tangkawpa ni hnih awh tur International Conference an buatsaih, ‘Development of North-east India through linkages with South and South East Asia’ chu vawiin chawhma khan ICFAI University Auditorium-ah hawnna neih a ni a. Mizoram Governor Lt. Gen (Retd) Nirbhay Sharma PVSM, UYSM, AVSM, VSM, chu Khuallian niin a hmanpui.
Khuallian Lt. Gen. Nirbhay Sharma chuan hmarchhak bial tih hmasawn chu thil phurawm tak a nih rualin chona lian tak a nih thu a sawi a. Tun hmain hmarchak bial chu ram venhimna zawn atang chauha thlirin, a hmasawnna kan ngaihthah thin a ti a. Ram ralmuang zawk kan lo nih takah chuan hmasawnna ruhrel pawh chak zawkin kan siam thei dawn a ni, a ti. Hnam hrang hrang leh nunphung inanglo tak tak, India khawmualpui atanga danglamna bikna riau nei a ni a, hnam inchimral hlauhna avangte in harsatna a awm a. An harsatna kan hriatthiam hmasak phawt loh chuan, sum tam tak sen ni mahse, hmasawnna lian tham a thlen theih a rin loh thu a sawi a ni.
Governor chuan internet hmanga inthlunzawmna chu senso hautak lo zawk leh ngaih pawimawh hmasak bera neih chi a ni, a ti a. Thlawhna, kawngpui, rel leh lui hmanga inkalpawhna te pawh tih changtlun tul a tih thu a sawi a ni. Heng hmarchhak ramte ramri 98% chu ramdangte nena inrina a nih nghal avangin, venhim hna nasa lehzuala kan thawh a ngai a ni, a ti bawk.
ICFAI University Vice Chancellor Lt. Gen. (Retd.) Dr. A.K. Misra AVSM chuan ICFAI University chu India rama private university group lian berte zing ami a nih thu sawiin, State 16-ah te in zar pharh in, university 11 leh business school 9 te, technical school 7 leh law school 5 te a awm thu a tarlang a ni. Kum 10 kalta chauha din ni mahse hma an sawn chak hle a ti a, sawrkar puihbawmna zawng zawngah lawmthu a sawi bawk a ni.
He Conference-a Convener, Dr. K. Angela Lalhmingsangi chuan Conference hawnna thuchah a sawi a. Ambassador Gautam Mukhopadhyaya;, Air Marshall (Retd) P.K. Roy PVSM, AVSM, VSM, VM; Ministry of External Affairs Joint Secretary Partha Satpathy, IFS leh MZU VC Prof. Lianzela te pawhin thu an sawi a ni.

Tweet Share Share Share Share Share

BJP-ah MDF an inchhûng lut

ToMZ October 26, 2017

Siaha district-a political party, Mara Democratic Front (MDF) chu nimin khan BJP-ah an inchhûng lut. Inchhûn luh pual hian nimin khan Siahaa MTP Hall-ah inkhawm buatsaih a ni a, MDF party ṭhiahna resolution pass a ni.

Inkhawm hun hmasa chu MDF vice president K Chiama, (MADC MDC)-in a kaihruai a, MDF president M Laikaw leh consultant SVadyu ten thu an sawi.

Inkhawm thawh hnihna chu BJP, Mizoram Pradesh president Dr JV Hluna'n kaihruaiin, BJP-a inchhûng lut ta MDF member-te lawmna hun a hmang. JV Hluna chuan, Mizoram sorkarin kal ngaihna a hre tawh lo a, an theih ang ang sum ṭham chu an hnapui ber a ni tawh niin a sawi a, "Mizoram sorkar leiba hi a tam hle a, nausen piang hlim pawhin Rs. 60,000 zel bá ang kan ni," a ti.

MDF consultant leh MDF MLA hnuhnung ber PP Thawlla pawhin thu sawiin, "Mizoram hmasawnna tur chu BJP-ah chauh hian a awm tih kan hria. Chuvangin, MDF hian lawm takin, beiseina sang tak nen BJP-ah hian kan rawn inchhung lut a ni,” a ti.

Mizoram BJP thuchhuah tarlan danin, MDF-ah hian member 10,000 vel an awm a; BJP-a an inchhûn luh lawm nan hian ruai an ṭheh a ni.

Chanchinthar

Tweet Share Share Share Share Share

CM-in J Thankima College campus a hawng

ToMZ October 26, 2017

Chief minister Lal Thanhawla chuan nimin khan Bawngkawn Brigade Vengah J Thankima College central campus a hawng a, J Thankima College silver jubilee lawmna a hmanpui nghal.

CM Lal Thanhawla chuan, J Thankima College-in kum 25 a tling ta chu a lawmpui thu sawiin, "Mihring kum nena tehkhin pawhin puitlin hun a nih tawh angin, puitlinzia a tilang tawh a, hlawhtlinna tam tak a nei tawh a ni a," ti a; hmunhma ṭha tak an neih chu cheibâwl thiam tur leh campus chhungah ngaw hmun nuam tak siam turin a chah.

Lal Thanhawla chuan, ṭhangthar lehkhathiam chhuak zelte'n Mizoram dinhmun pawimawhna an hriat a, Asia chhimchhak lam ramte leh India insumdawn tawnna kawngpui la ni mai tur chungchangte pawh chiang taka an hriat a ngaih thu a sawi a, "An thiamnate lo tât hriam a, inpuahchah lâwk tur leh chhawr ṭangkai thei tura rilru puthmang leh sûtthlekte an her rem a ngai," a ti.

Sorkar hna chu innghahna tlak a ni dawn lo thuai dawn tih sawiin CM Hawla chuan, "Ṭhalai mithiam rualte'n mahni eizawnna insiam chawp, self-employment lam an hawi a ngai tawh a, sorkar pawhin self-employment huanga hma late chu NEDP hnuaia Entrepreneurship Development Scheme kaltlangin a thawhpui zel dawn," a ti a; ram hmasawn zel nan leh economy tihṭhat nan entrepreneur-te chu sorkar innghahna tur an nih thu a sawi.

Chief Minister chuan, sap ṭawng zah leh vai ṭawng hmuhsit chu Mizote ṭhanmawhbâwk a nih thu sawiin, "Ṭhangthar rual, Mizoram innghahnate chuan India rama pawimawh Hindi leh khawi hmun pawha pawimawh sap ṭawng thiam an tum a ngai. Sorkar hnathawk lian zingah a ziak thiam fu si, ram tana ṭawng a ngaih huna sap ṭawng emaw, vai ṭawng pawha insawifiah hlei thei lo an awm fo hi thil mawi lo a ni. Ziak leh chhiar thiam mai a tâwk lo a, chhawr tlak thiamna nei chunga degree neih a ngai tawh," a ti.

J Thankima College hi kum 1992-ah din a ni a, tunah hian zirtirtu 29 leh zirlai 593 an awm mek. Bawngkawn Brigade ram chhungah campus thar, square metre 8,519-a zau an nei a, NLCPR aṭanga hmuh cheng nuai 85.77 hmangin building eng emaw zat an sa tawh a ni.

Source: Vanglaini

Aizawl District

Tweet Share Share Share Share Share

MAMIT KHAWPUI TAN CHHIATRUPNA THLEN THULHA CHET LAK DAN TUR INHRILHHRIATNA NEIH A NI

ToMZ October 26, 2017

Vawiin khan DC Conference Hall, Mamit-ah Mizoram Remote Sensing Application Centre(MIRSAC) buatsaihin Workshop on Hazard Risk & Vulnerability Assessment(HRVA) chu Pu H. Lianzela Addl.DC Mamit kaihruaina hnuaiah neih a ni.

He hunah hian chhiatrupna hrang hrang Lirnghing, Leimin leh adangte kan hma lawka thleng mai thei laka lo inven dan tur leh chhiatrupna lo thlen thulha lo hmachhawn dan tur inzirtirna te chipchiar taka neih a ni.

Kalkhawm te hi Pu ZD Laltanpuia, Sr. Scientist, MIRSAC chuan a lem nen zirtirna neiin Mamit khawpui chhung veng hrang hrang dinhmun leh invenna kalpui theih dan tur te a tarlang bawk.

He hunah hian Khawpui chhung Sawrkar Department hrang hrang, khawtlang hruaitu leh tlawmngai pawl aiawhte an tel a sawihona hun hman zui a ni bawk.

Tweet Share Share Share Share Share

MIPUI HRIATTIRNA Superintendent of Police, Traffic, Aizawl City chuan nimin ni 25.10.2017 khan a hnuaia mi ang hian Mipui Hriattirna a chhuah :

ToMZ October 26, 2017

1. Aizawl Road South Division, PWD ten ni 26.10.2017 (Ningani) atanga 28.10.2017 (Inrinni) inkar chhung hian Governor South Gate atanga PCCF Office, Tuikhuahtlang leh Ni 30.10.2017 (Thawhtanni) leh 31.10.2017 (Thawhlehni) hian PCCF Office atanga Sikulpuikawn inkar kawng siam that hna (resurfacing) an thawh dawn avangin helai kawngpuiah hian hnathawh anih laiin lirthei eng chi mah tlan phal a ni lo.

Hnathawh hun hi Zan dar 8:00 atanga a tuk Zing dar 2:00 inkar zel a ni ang.

Hei hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang.

2. Aizawl Road South Division, PWD ten ni 3.11.2017 (Zirtawpni) Zing dar 9:00 atanga 6.11.2017 (Thawhtanni) inkar chhung hian Kulikawn West area, Kulikawn Hospital penthlakna bul kawngpui chhuat rawt hniam hna an thawh dawn avangin Model Veng lam atanga Kulikawn Hospital lam leh CP Road lam atanga Kulikawn Hospital lam panin lirthei eng chi mah a tlan theih dawn lo a ni.

Hriattirna/Press Release

Tweet Share Share Share Share Share

JAWAHAR NAVODAYA VIDYALAYA THENZAWLA ZIR DUH TAN ONLINE REGISTRATION TIH THEIH A NI

ToMZ October 23, 2017

Kum 2018 a Jawahar Navodaya Vidyalaya, Thenzawl a Class VI zir duhte tan online registration tih theih a ni.

Jawahar Navodaya Vidyalaya Selection Test (JNVST) Class VI hi Serchhip District ah hian online registration a admission dil hi a vawi khatna a ni a, Common Service Centre (CSC) ah kalin Rs. 35+10=Rs. 45 pe in registration hi a tih theih a ni. Class VI zir zawm turte hi sawrkar school emaw sawrkar hriatpui school atanga Pawl III leh IV zirtluan pangngai, 2017-2018 a sawrkar school emaw sawrkar hriatpui school atanga Pawl V zirchhuak a ni tur a ni a, ni 1.5.2005 leh 30.4.2009 inkara piang, Serchhip District huam chhunga chengte tan dil theih a ni ang. Seat za zela 75 hi thingtlang mite tan hauh sak an ni a, seat hmun thuma then hmun khat hi hmeichhe tan hauh sak ni bawkin za zela 3 hi pianphunga rualbanlo te tan hauh sak a ni bawk.

Hrechiang duh tan www.nvshq.org ah emaw Principal JNV Serchhip (Ph. 8764017481) ah leh Common Service Centre Thenzawl leh Serchhipah te zawhfiah theih a ni.

Mizoram Hnaruak (Career)