Lalbiakmuana hi kum 2011 Mizo Idol-ah telin pahnihna a ni . Chhiahtlang khua a ni a, Tuikual South-ah a nupui fanaute nena khawsa an ni.
Lalbiakmuana (31) chu 31.10.2015 khan Tuirial Airfield-ah bike-in a chesual a, rang taka Aizawl panpui nghal a ni a; Greenwood Hospital-ah doctor-te'n a nun chhan tumin theihtawp chhuah mah se, a nunna chhan hman a ni ta lo. A ruang hi Aizawl-ah phum a ni ang.
Biakmuana hi MIMSA Bike Racing intihsiakna ena kal a ni a; bike intihsiakna a zawh tawh hnuah, an țhian pakhatin race-puiah a sawm a. Biakmuana hi chesualin bike ding lai a su a, helmet a khum loh avangin a lu leh ka ațangin thi a chhuak nasa hle niin a hmuna kalte'n an sawi.
Mizo Idol 2007 star pahnih R. Lalhmangaiha leh Isaac Lalmalsawma te pawh bike accident bawkin an lo boral tawh a. R. Lalhmangaiha hi July ni 21, 2008 khan Bawngkawn leh Durtlang inkar kawngah chesualin, Isaac Lalmalsawma hi November ni 28, 2009 khan Canteen kual-ah chesualin a lo boral tawh a ni. Mak tak maiin, an chetsualna bike hi Karizma vek a ni.
(Mizo Idol star ni lo zawk, Rider Lalbiakmuana a ni tih te, LPK truck chil hlum zawk a ni, tih te kha thuthang dik lo a ni e).
Post a Comment