Kum 2018 FIFA World Cup chief Alexey Sorokin chuan rinhlelhna kara leng mek Russia player-te chungchangah buaina tur a awm loh thu a sawi chhuak.World Anti-Doping Agency (WADA) hnuaia zirchianna neitu McLaren-a report-in a tarlan dan chuan Russian infiammi zingah 1,000 chuang zet chuan kum 2011-2015 inkar khan sorkar hriatpuinain dan an bawhchhia tih a ni a, an zingah hian football player 33 hming a lang tel.
Football thuneitu sang FIFA chuan Russian player-te hian dan an bawhchhia em tih zirchianna neih leh mek a nih thu an sawi a, kum 2014 World Cup squad player-te kha endik nawn an ni.
Nakkuma neih tur World Cup organiser hotupa Sorokin chuan, "Kan ngaihdan chuan buaina lian tham a awm lo turah kan ngai, inkhelh zawh apiangin endik vek zel an ni a, dan bawhchhia an awm lo. Thudik sawiho tur a awm a nih chuan kan sawiho mai tur a ni a, chutiang ni loa thu belhchian dawl lo buaipui nana hun khawhral ai chuan football sawi zawk ang u," tiin endik nawn an ni chu a hrethiam lo hle.
Source : Vanglaini
Post a Comment