Khawvela Setana kohhran lian ber pawl, US-Texas-a Greater Church of Lucifer dintu leh mi tam tak setana kohhran member atana lo hruai lut tawhtu Jacob McKelvy te nupa chuan Isua an Lal leh chhandamtu ah pawmin, Baptisma an chang a, Spring First Church, Houston a mipui hmaah Setan'n a thununna leh a chunga setana hnathawhnate chu Isua Krista thisenin a tihchhiat vek thu an puang.
* Jacob-a hi Kristian chhungkua atanga a seilian a ni a, Pathian a ring em em thin. Mahse a unau nu rul in a chuk hlum tumin a rilru a nâ hle a, Pathianin a nau chu a laksakah ngaiin Pathian lakah phuba lak a tum a, Setana a be ta a ni. Setana betu (Luciferians) te chuan Jacob-a chu pathian a nih theih dawn thu leh, pathian a nih chuan a thil duh zawng zawng a ti thei vek dawn a ni tih ten an thlem reng thin a. Tichuan, hun a liam zela, beidawnna leh manganna hrang hrang ten a nun a tihbuai chho mek zel avangin beiseina dang zawngin October 30, 2015 khan khawvela setanic kohhran lian ber ni tur Greater Church of Lucifer chu alo dinchhuak ta nghe nghe ni.
*Setana kohhran hi a motor dahna (garrage) atanga tanin a tirah mi tlemte a khawm a, heta tang hian thang lian zelin hmun hrang hrangah an inzarpharh a, ramhuai biak leh dawi lam chi hrang hrang te an ti nasa hle thin.
*Jacoba chuan sawi zelin Setana kohhrana a kalpui chhung hian Kristian kohhran tam tak te chuan duh lohna lantirin an lo dodal thin a, mahse Spring First Church Pastor Robert Hogan chuan duhlohna lantir ai chuan thingthi chungin i tawngtai pui zawk ang u tiin a kohhran member te chu pulpit atangin a fuih thin niin a sawi. Dinhmun chhe ber atang pawhin beiseina duhawm tak ala rawn chhuak thei a ni tih leh Setanic kohhran atangin harhna ropui tak ala thleng thei reng a ni tih kha Pastor Hogan chuan ring in, a tawngtaipui thin a ni.
*Kohhran hote tawngtaina chhanin a awm a, Jacob McKelvy chuan August, 2016 khan an kohhrana harhna thlen theih nana tawngtai sak thin tu Pastor Robert Hogan chu Spring First Church ah hmuin darkar 4 zet an titi dun hnuah Jacob McKelvy chu Pathian hnenah inhlanna thar a nei nghal a, Isua chu Lal leh chhandamtuah a pawm tak tak tih hriattheih nan Spring First Church ah inpuang tura a hrilh chu hlim leh lawm takin a pawm thei ta a, mipui tam tak hmaah Jacob McKelvy chuan hnehna a puang ta a ni.
*Jacob Mc Kelvy hian Greater Church of Lucifer hi a chhuahsan nghal a, Jacob-a chuan, “Pathian lak atangin engang pawhin lo tal hla tawh mah ila, kan la let leh thei reng a ni. A kohhran tichhe turin kohhran ka din a, chuti chung chuan min la pawm a ni. Vawiina thlamuanna ka chan ang reng reng hi tunhmain ka la chang ngai lo,” tiin a sawi.
-Makedonia Weekly
Source: Tahan Fb Grorp by , Esther R Fanai.
Post a Comment