Institute of Music & Fine Arts (IMFA) hi School Education Department hnuaia Tribal Research Institute enkawlna in kum 1979-ah Mizoram-ah hian din a ni. Dance Wing, Drama Wing leh Music Wing-ah te hian Instructor te awm hrang thliahin, Senior Instructor 1-in a khaikhawm (enkawl ho) a ni. Kum 1989 atangin Directorate of Art & Culture Department hnuaiah a lo awm ta a. Kum 2009 kum atangin zirlai te hi thlatin stipend Rs. 500/- (Cheng zanga) pek a ni. Tun dinhmunah hian kum 1-ah tum 1, thla 3 - Certificate Course zir tur (training) member 25 vel, interview kaltlanga lak thin a ni.IMFA-ah hian Training Batch 57 awm tawhin kum 2011 thleng khan Dance Wing - 1138, Music Wing - 855, an vaiin 1993 ten tha takin an pass chhuak tawh.
DANCE WING : IMFA Dance Wing ah hian Mizo lam chi hrang hrang leh Mizo hnam zai hrang hrang te zirtir thin a ni a. Subject pali (4) ah then a ni a, chungte chu :
1) Lam practical : Mizo hnahthlak lam leh zai chi hrang hrang 25 aia tlemlo zirtir a ni.
2) Theory : Mizo hnam lam leh zai te lo chhuah dan leh hman thin dan, tun hun thlengin zirtir a ni.
3) Folk Song : Mizo hnam zai (Folk Song) chi 20 aia tlemlo zirtir a ni.
4) Folk Music. : Mizo Folk Music chi hrang hrang zirtir a ni.
Mizo Inneih dan leh a kaihhnawih, Mizo hunbi chhiar dan, etc. chungchang zirtir thin a ni.
Kan Mizo culture hi Kristianna nena kalkawp thei chin te uluk taka zirtir a ni.
MUSIC WING : Institute of Music & Fine Arts-a Music Wing-ah hian Modern Music zirtir thin a ni.
Modern Music zirna hi subject 5-ah then a ni a, chu chu Music I, II, III, IV & V ti-a time table-a dahin thla thum chhung zirtir thin an ni.
Music - I : Hetah hian zirlai te tana hriat tur tul zawng zawng leh Music Awareness te hmanga class pek a ni.
Music - II : Hetah hian theory-ah Staff Notation zirtir a ni a, practical-ah Guitar Chord zirtir a ni.
Music - III : Hetah hian theory-ah Staff Notation zirtir a ni a, practical-ah Guitar Fingering zirtir a ni.
Music - IV : He class-ah hian Sound System/Mixer enkawl dan leh Musician te tana ri chhin chhiah na Mizo ten Number Solfa kan tih mai (cipher notation) te zirtir thin a ni.
Music - V : Hetah hi chuan zai dan, aw pek dan te leh voice exercise te zirtir a ni.
Thla thum chhung music class neih anih hnu hian a remchan dana in siam remin practical class full instrument nen pek thin a ni.
DRAMA WING : Art & Culture Department pian hma hian Drama lama hmasawn nan Drama Competition Buatsaih thin a ni a, chu bakah Mizoram khaw hrang hrang leh Aizawl khawpui chhung hmun hrang hrang 139-ah training kan pe tawh. Kum 1980 atanga 1998 thleng khan Competition thupui hrang hrang hmangin buatsaih a ni.
Kum 1999 atanga kum 2011 thleng khan National School of Drama, New Delhi nena tangkawpin workshop/training thlakhat awh buatsaih thin a ni. Music Wing leh Dance Wing angin mumal taka class neih thin nilo mahse National School of Drama te remchan hun apiangah class kan nei mai thin a ni.
Heng bakah hian Doordarshan Kendra, Aizawl Station leh All India Radio-ah te play kan record thin bakah Drama lama hmasawnna tur leh tangkaina leh nihphung sawina hunte pawh kan nei thin. A kar lakah Drama Script writing competition leh one day, 2 days workshop te pawh buatsaih thin a ni. National School of Drama te nena class kan neih thin hian students 30 zel select an ni a, tunah hian Department hmalakna a training chhuak tawh hi mi 300 vel an awm a, chhawrzui theih chu tlemte an ni; a tam zawk chu nupui pasal inneih leh eizawnna avangin an chhawrzui theih tawh loh a ni.
National School of Performing Arts (NIPA) Delhi te nen pawh thawh ho a ni.
ACTIVITIES :
1. Mizoram chhungah VVIP, VIP, Sorkar programme hrang hrang leh NGO programme hrang hrang atan Nodal Department niin kum khat chhungin tum 30 aia tlemlo hnam lam te entir thin a ni. Heng programme atan te hian recognised Clubs/Pawlhote sawm thin an ni.
2. Mizoram pawn, India ram State hrang hrangah kumtin vawi 10-25 vel National Cultural Exchange Programme-in zin chhuah thin a ni.
3. India ram pawn i.e. Japan, Korea, Malaysia, Scotland, USA-ah te programme neiin Mizoram, sorkar aiawhin kal a ni tawh.
4. NGO emaw, Sorkar Institution, etc.-ah te sawmna a awmin, Mizo hnam lam leh zai te zirtirna pek thin a ni.
5. Kum 2010-ah Cheraw hmangin Guinness World Record siam a ni.
6. North East Zone Cultural Centre, Dimapur hnuaiah Cultural programme tam zawk chu kalpui a ni.
ADMISSION :
1. Zir hun (Session) hi kum tin May ni 15, a tan thin a, thlathum chhunga zo tura ruahman a ni.
2. Zir duh tan April Ni 30 thleng Director, Art & Culture Deptt. hnenah Prospectus leh dilna form lei chhuakin May, ni 1 hma a thehluh tur a ni.
3. Admission fee a awm lo a, Security Deposit Rs. 100/- pek a ngai. Exam chhuakte chauh hnenah Security Deposit hi pek kir leh thin a ni.
4. Hun hman (working hours) dan :
10:30 a.m. - 3:00 p.m.
Inrinni, Pathiani leh sorkar pisa chawlh hman ve a ni ang.
SUGGESTED READINGS (Lehkhabu rawn tur te) :
Dance :
1. Mizo Lam Thenkhat te - published by T.R.I., Art & Culture
2. Mizo Hla Hlui Pawimawh Lawrkhawm - published by IMFA, Art & Culture, Culture Wing.
Music :
3. Music Dictionary - Prof. Darchhawna
4. Rimawi kamkeuna kailawn - Laltlanthanga Pachuau
5. Alfred’s Basic Adult Piano Course - Willard A. Palmer
6. Porta Sound Instruction - Yamaha Corporation Hamamatsu, Japan.
Official Address :
Directorate of Art & Culture
Mcdonald Hill, Zarkawt
Aizawl, Mizoram
Ph. No. : 0389 - 2341038
Telefax : 0389 - 2341038
Email : dacmiz@yahoo.com
Post a Comment