L T Chhungi Hmar

Thupuan 13:16-18 ah khan chiang takin kan hmu.
Mi zawng2 a lian a tein, a hausa a retheiin, bawih leh bawih lo pawh, an kut dinglamah emaw an chalah emaw chhinchhiahna a neihtir hlawm a, chhinchhiahna sakawlh hming emaw a hming number neite chauh lo chuan engmah an leia an hralh theih loh nan. Hetah hian fin a tulzia a lang. Chhut thiam chuan sakawlh number chuchhut rawh se; mihring number ani si a; a zat chu zaruk leh sawmruk leh paruk a ni.

Image result for adhar cardHetah hian LEH a hmang lova EMAW a hmang a, emaw a hmang anih chuan a pakhat zawk2ah chhinchhiahna kan nei dawn niawm tak ani a, kutzungtang 10 thlalak leh kutzungpui 2 kutze thlalak leh mitnaute 2 thlalak ani a, bible tan chhan siin hrechiang si lovin kutah leh chalah tia hriatsual vang ani mai2 niin a lang. EMAW a tih mawlh2 hi maw le, number pakhat inang vek hmanga chhinchhiah kan ni dawn tih pawh chiang takin a sawi vek hi, adhaar number hi chu number inang pakhat mah a awm si lo. Tin, hemi i tih avang hian thiam loh changa awmin vanram/ramthar luh loh i hlau em ni, Thupuan 13:8 ah khan chiang takin sakawlh chibai buktu turte chu a sawi leh, Tichuan, leia awm zawng zawng leilung pian tirha talh tawh Beramno Nunna Bua hming ziak loh apiang chuan chibai an buk ang tiin. Lal Isua Krista ringtute leh a duh zawng titute chu Nunna buah Lalpan kan hming min ziahsak vek tawh ani, Lal Isua thihna khan Pa lung a tiawi a, Lal Isua hi kan tan a tawk em em a ni. India ramah thil dik lo taka tih a tam em2 a, eirukna umbona tura security tha tak ani zawk, entirnan heng ration card a mahni chhungkaw member aia tam ziak/in ziak dobble te, scholarship la tur naupang enrollment aia tam inziak a eiruknate, grant hrang2 lokal lak tam duh avanga enrollment aia tam inziak lut thinte, heng zawng2 hi umbo anih theihnan leh thil dik taka tih anih theih tawh dawn avangin sikul naupang zawng2in bank account neih vek tur, adhar card nena link vek anih tawh avangin thil fel lo leh dik lo a awm theih dawn tawh loh avangin eiruk a theih tawh dawn loh a ni. 

Eiru thinho tan chuan a ngeiawm zawk ngawt ang. Enge hlauh tur ka hrilh ang che u adhaar card/UID ai chuan taksa tihluma Gehena hremhmun thlenga thuneitu Lal Isua hi i hlauvin i tih ber zawk ang u. Hemi hmang hian setana hian ringtute kawng dik niawm taka lang a tawpa thihna kawng nisiah hian mi hruaibo a tum mek a ni tih i hria ang u.

Post a Comment

Powered by Blogger.