Vawiin, September 12, 2017, Chawhma dar 10:00 khan BCM, Kohhran Upa Exam Board chuan Kohhran Upa Exam Result-2017 chu a tar chhuak ta a. Result hi Sap Upa leh Pu Buanga Hall, Serkawn-ah Rev. F Ramdinmawia, General Secretary leh Kohhran Upa Exam Board Chairman ni bawk chuan a puang a, Rev. V. Vanlalchhunga, Coodinator, Pastoral Ministry-in Result buatsaih dan leh Upa Exam dan report tlangpui a sawi bawk.
Kuminah hian Kohhran Upa atana Tualchhung Kohhran-in an thlan, Upa Exam tura in report zawng zawng hi mi 132 an ni a, mi 3-in exam an ti thei lo va, exam beitu mi 127 te hi an vaiin an passed vek a ni. Heng Upa exam Pass te hi October 29, 2017 khian an awmna Area ABC theuhah ordain an ni ang.
Mizoram Baptist Kohhran Inchhiarna(Statistics) 2016-2017 -in a tarlan danin, BCM hi Area Baptist Council (ABC) 14 ah then a ni a, Pastor Bial 83 awmin, Tualchhung Kohhran (Local Church) 677 an awm a. Kohhran Upa 3082 an awm mek a, ABC Inkhawmpui October 2017 zawh hian tuna Upa Result a Passed mi 127 te hian an belh leh dawn a ni.
Result khaikhawmna:
| Total Candidates (reports) | – | 132 |
| Appeared | – | 127 |
| Expired | – | 2 |
| Absents | – | 3 |
| No. of Grade O (85% & above) | – | 52 |
| No. of Grade A (70 – 84%) | – | 61 |
| No. of Grade B(55-70%) | – | 13 |
| No. of Grade C(33-55%) | – | 1 |
| Compartmental (below 33) |
Post a Comment