*Aizawl, 18/09/2017:* Zodintluanga S/o Rothangpuia, Tuikual, Aizawl chuan vawiin khan MNF party chanchinbu Hruaitu Arsi Editor Lalthanzuala Hnamte, Khatla South leh Publisher M.C. Lalrinthanga, Khatla South-te chungah Hruaitu Arsi chanchinbu dt. 01.09.2017 chhuaka "Lalthanhawla'n CBI a hlau" tih thupui hmanga amah puh hmingchhiatna an chhuah avangin vawiin khan T. Lalhmachhuana, Magistrate First Class, Aizawl District, Aizawl hnenah 'Criminal Complaint' a thehlut.
Zodintluanga hian R. Laltanpuia Advocate chu a aiawha ding turin a ruai a, Criminal Complaint a file-naah hian Complainant hian Court chu amah tihmingchhetute hi 499 IPC leh 500 IPC anga enfiah saka hremna pe turin a phut a ni. Criminal Complaint thehluh hi vawiin khan pawm nghal niin Crl. Complt. No 154 of 2017 tia ziahluh a ni.
Thubuai thehluttu ziak dan chuan MNF Party Official Organ chanchinbu Hruaitu Arsi chuan dt. 01.09.2017 khan "Lalthanhawla'n CBI a hlau" tih thupui hmangin phek 4-naah tihchhuah a ni a. An thuziak chu, "Pu Lalthanhawla'n Lottery-a mipui sum cheng vaibelchhe sing chuang a chhep relh leh Pu Zodintluanga'n Mizo Carbon-a diklo taka a nupui laizawn hminga cheng tam tak a lak thin chu CAG report atang leh CYMA hmalakna atangin Mizoram mipuiin kan lo hre ta kha a ni a." tih a ni.
He thuziak atanga a lan dan chuan Zodintluanga hian dik lo takin Mizo Carbon atangin a nupui laizawn hmingin pawisa a la thin tih a ni a, he inpuhna hi dawt, thudiklo leh phuahchawp a ni a. Zodintluanga hian a damchhungin Mizo Carbon atangin pawisa pakhatmah a la dawng ngai lo a ni. Hetianga dawta puhtute hian thudik lo hmangin Zodintluanga hi an phiarru a, amah hi vangtlang hriat a nih avangin dawt hmanga puha a nunphung leh eizawnna tihbuai an tum a ni. Dawta puhtute hian Zodintluanga hi Minister a nihna ang pawhin rinawm lo leh dan bawhchhia ang hialin a puh a, mipui mithmuhah a hming a chhiat phah a ni, tia Criminal Defamation Case thehluh chhan hi ziakin hengte avang hian Zodintluanga hian Section 499 IPC bawhchhiatna a ni tiin Criminal Defamation Case a file a, Section 500 IPC hnuaia hremna awm anga hrem theih an ni.
In today's world of innovation, it has never been much easier to do a rap sheet search on someone. There are lots of reasons that individuals orange county mugshots would require to do this kind of search through the Web; such as suspicion of a next-door neighbor, partner, or brand-new associate.
ReplyDelete