Mizoram Assembly speaker Hiphei chuan Central YMA hnenah lehkha thawnin, kumin YMA General Conference-a a genda pakhat, Chakma Autonomous District Council á¹hiah a nih theih nana hmalak rawtna chu pass lo turin a ngen.
Hiphei chuan, YMA agenda chu pass a nih chuan, Mizorama hnam leh hnam, chi leh chi inlungrual lohna thlentu a nih a hlauhthawn vang a nih thu a sawi.
Hiphei hian CYMA President address-in lehkha a thawn a; kumin YMA General Conference agenda-a 'Dan lo anga din CADC hi dan anga á¹hiah a nih theih nan CYMA-in hma la rawh se' tih chungchangah, Mizorama hnam tenau Mara, Lai leh Chakma aá¹anga elected legislator zinga upa ber a nih angin, agenda chu pass lo turin a ngen a ni.
Hiphei-a'n ngenna a thawn chhan a ziahte
1.Parliament in pahnih - Lok Sabha leh Rajya Sabha-in an pass hnua Sixth Schedule-a khung luh a nih tawh avangin dan loa din tih hi dik theiin ka hre lo a, á¹hiah leh phei chu thil awlai niin ka hre lo.
2.Mi thil neih tawh sa á¹hiahsak hi a neitu tan a na em em dawn a, sentimental khawih thei a nih avang leh Kristian kan nihna angin mi dangte rilru tihnat lutuk a á¹hain ka hre lo.
3.Hemi chungchanga hmalakna hian Mizoram chhunga cheng hnam hrang hrang karah chi leh chi zawnga inhmuh thiam lohna (disharmony) a thlen palh a hlauhawm.
4.Mizoram mipuite inlungrualna (integrity) a tihchhiat palh a hlauhawm.
5.Hun lo kal zel turah district council dang pahnih - Lai leh Mara ADC-te dinhmun a tiderthâwng theia a lan avangin Lai leh Mara unaute a tithlabár ang tih ka hlau a ni.
Assembly Speaker-in Central YMA-a ngenna a thlen chungchangah hian Hiphei chuan zawhna chhangin, agenda chu pass lo turin a ngen mai a ni tih a sawi a, "CYMA-in pass mah se, á¹hiah a nih phah ring lo mah ila, hnam leh hnam, chi leh chi lungrual lohna a thlen ka hlauh vang a ni," a ti.
LADC leh MADC a pian ruala CADC a pian ve chungchanga zawhna chhangin Hiphei chuan, "Pawih Lakher Regional Council hun lai khan Chakma an lang lo a, CADC pian dan hi MADC leh LADC pian dan nen chuan a inang chiah lo mai thei," a ti.
Hiphei sawi danin, tuna CADC huam chin chu Mizoram union territory a nih hmain Pawih Lakher Regional Council chhunga a awm á¹hin. PL Regional Council-ah hian Pawih leh Lakher ten elected member pali ve ve an nei a, Chakma-te'n elected member pahnih an nei ve bawk á¹hin. PL Regional Council chu á¹hen a, LADC leh MADC a pian dawnah, Chakma-te pawh Regional Council-ah dah zuai a ni a, chumi hnuah Lai leh Mara rualin district council pek ve nghal a ni.
Hiphei chuan, kum 1984-ah Mizoram UT sorkarah minister of state a ni tih sawiin, "Khatih lai khan Chakma refugee an tam a, CM Pu Lal Thanhawla'n Chakma foreigner-te chu va hnawt chhuak rawh min ti a, ka va kal. Bangladesh aá¹anga rawn kal Chakma foreigner an tam em em a, khatih laia Pu Hawla sorkar khan a zualpui chu a hnawt chhuak leh vek a ni. Bangladesh-ah Chittagong state siam a nih hnuah rawn pêm lut an tam ta lutuk lo niin ka hria," a ti.
Hiphei chuan, MNF leh India sorkarin inremna an ziah hmain MNF hotu Laldenga'n Mizorama autonomous district council (ADC)-te chu á¹hiah vek a rawt tawh tih a sawi a, "PC sorkar laia chief minister Pu Ṭhena pawh khan a ngaimawh á¹hin," a ti. Laldenga chief minister a nih laiin House-ah CADC á¹hiah rawtna private resolution a lut tawh a, mahse, a tlang ta lo niin a sawi bawk.
Post a Comment