Rural Development department chuan nimin aá¹­ang khan Kolasib-a Parish Hall-ah Regional SARAS Fair 2017 an buatsaih a, Cooperation minister Vanlalawmpuii Chawngthu-in a hawng.

Vanlalawmpuii Chawngthu chuan, sorkar hmalakna hrang hrangte hlawhtlinna chu mipui kutah thui tak a innghah thu sawiin, sorkarin kawng a kawh­hmuhah rinawmna leh taimak taka bawhzuia thawkte chu an hlawhtlin á¹­hin thu a sawi a, "Mi­zo­ram chu ringtu tamna, inkhawm tam hnam leh Pathian thu hre hnam kan ni a, rinawmna hi kan nunpui tur a ni," a ti.

Ṭanpui tlaka taima leh rinawm a pawimawh thu sawiin Awmpuii chuan, "Dil chhuah leh sawi chhuah ringawt ni loin, a thawh chhuah hi kan uar tur a ni," a ti.

Kolasib DRDA project director Lalnunhlua'n a sawi danin, Kolasib-a SARAS Fair hi a vawi thumna a ni a, Kolasib hi Aizawl tih lohah chuan district headquarters zinga SARAS Fair buatsaih hmasakna ber a ni. Fair-ah hian stall 50 a awm a, Mizorama RD Block hrang hrang aá¹­angin self help group-te'n an thil siam leh thar chhuahte an pho chhuak a ni.

Post a Comment

Powered by Blogger.