Vawiin khan Traffic Co-ordination Committee a working Group Committee Chairman, Pu Lalbiakzama, Addl.Secy., Home hovin a thawhpuite chuan Traffic Police hotute leh Transport Department Enforcement lam hotute nen Garage neilo hremna leh endikna chungchang an sawiho.
Mizoram Sawrkar thuchhuahin kum 1 leh thla 2 chhung motor neitute Garage neih vek tur thupek a chhuah chu tun November ni 30, 2017 hian a lo tawp dawn tak avangin Garage neilote chu MV Act 179 hmangin Rs. 500 /- an chawi zel dawn a, an neih hma chu nitin Rs. 500 /- an chawi dawn a ni.
Hremna dan na zawk hi siam turin Law Department-ah tunah a awm mek a, chumi lo chhuah hunah phei chuan Garage nei lova motor neih chu thil buaithlak tak anih tur thu meeting-ah hian sawi a ni.
Zan lama kawngpui sir a motor dah chingte chu vai thin an ni dawn a, Traffic Police leh Transport Department Enforcement Team hrang hranga siam a, endik tura tih an ni ang.
Garage neilova motor dahte hi hnuh sawn an ni ang a, a hnuh man leh an dahna hmun man chawitir an ni dawn a, ni 1.12.2017 zanah Garrage neilo vaina Team hrang hrangte Kick Off na hi Vanapa Hall kawtah neih tum a ni dawn a ni. -DIPR Mizoram
Post a Comment