Rinkima
Kan Pathian, kan puipa chuan a hmangaih leh a thuawih em em Joba rinna chu fiah a duh a, a thil hlu neih zawng zawng chhuhsakin, Setana kutah a dah a. Mahse, Setana hnanah chuan Joba nunna chu zuahturin a tih avangin Thimlalpa pawh chuan a zah a, Joba nunna chu zuahin a duh ang tawkin a sawisa ta a, a biak Pathian chu sawi chhiat tir tum mahse Chhiahhlawh fel Joba chuan Thimlalpa duhthusam chu a thlen tir hauh lo tih Bible-ah kan hmu. Hetiang han ngaihtuah chang hi chuan kan hringnunah harsatna leh buaina a lo thlen changa 'nga tinge le Pathian hian hetiang hi ka chungah a thlen tir aw?' kan ti cham chi chu a nih hi.
Nu leh pa-ah insiamin inneih thuthlung sakhaw Puithiam hmaah kan chham a, chu thuthlung chu zawm a, vawng a, nunpui tlat turin leh fanau malsawmna pawh dawng turin sakhaw Puithiam chuan nupa tuakthar chu min chah \hin. Kan fanaute pawh an lo duhawm \an chho ve zel a, Krista rinna kawnga kawng dik a zawh theih nan kan sakhaw Puithiam bawk chuan Pa leh Fa pa leh Thlarau Thianghlim hmingin min Bap-tist sak leh a.
Chu mai duhtawk loin keini Presbyterian Kohhran phei chuan Pathian thu zirna (Sunday School) lama an naupan lainun an hman theih ngei nan min 'hual' sak leh \hin a nih hi. Mahse, kan fate an lo leikang chho ve zel a, 'a ni lo lamah an peng ta dial a' tih angin kan fanaute pawh chuan khawvel nun chu kan duhloh zawngin an hmang leh daih thung si. Hetah tak mai hian tunge dem tur ni ta ang le?
Ka thil tawn pakhat hian ka rilru hi a luah reng mai a, ka han thailang lawk tehang :- Kum 5 (nga) vel kaltaah khan tlai khat chu kan In bulah mipa tleirawl High School bangte chu an chawl hahdam a, tukverh a\ang chuan khawtlang duhloh zawng an ti tlata hriatna ka nei a. Uluk taka ka thlir reng hnuah Dendrite an hnim tih chiangtakin ka hmu a, an bulah chuan ka zuk kal a, hawihawm takin, 'uniform ha chunga meizial zuk leh nundan mawiloa awm hi a inhmeh lo e' ka ti a. Chu mai niloa Dendritean hnim te hlei hlei chu a mawi loh mai bakah a \hat loh zia thu ka hrilh a, an hnimlai pawh chu ka chhuhsak a. An zinga pakhat hnenah chuan khawi venga awm nge an nih leh a thil \ha lo chin chu engtik a\angin nge a tih tawh ka zawt a. Ani chuan\awng bah nak nak hian Chanmari 'w' veng an nih thu leh an In awmna mih hrilh a.
Tin, a thil chin \ha lo chu ni hnih thum kalta maiaa \hianten ti ve mai mai rawh an tih avanga ti ve mai a nih thuin min chhang leh a. Akut dinglam chu hnung lama a la thuhruk \ut \ut avang chuan, 'I thil ken lai kha min han pe teh, tih pahin, ' I thilsual tih hi I nuleh pa ten an hre tawh em?' tiin ka zaw tleh a, an la hriat loh thuin min chhang a. 'Anih chuan, in In thleng ka hruai ang che, in In awmna I sawi hi dawt a nih chuan a\ha lo viau ang' ka ti leh a. A Dendrite hnimna puanthem chu ka laksak chu kengin an In-ah ka hruai haw ta a. A nu chauh a lo awm a, ka thil hmuh chu hrilhin an fapa chuan a thil chin \halo chu a sim vat theihnan duhsak takin an hnen ka hruai thleng a ni tih ka hrilh a, a lawm em em a; a fapa pawnthem kenlai pawh chu a thil \halo tih chian nan chuan ka pe a, thinrim zet chuan an fapa chu hau hlawih hlawih pahin zahthlak a tih thu min hrilh bawrh bawrh a. Lawmthute min han hrilh luam hnu chuan ka hawsan ta a.
Ni reilote hnuah chuan kan chhungte hnenah an fapa chunga ka thiltih chu lawmthu sawi der pahin an fapa chuan Dendrite chu a lo hnim ve hauh lo a, a\hiante chauhin an hnim a, a ni chu a fihlim chiang hle tih leh thil chianglo taka an fapa ka lo ti mualpho chu an lawm loh thu ka dawng ta daih mai a, ka thinlung hi ngunhnama vih tlang hrawk ang hian a nazawk nia..!! Nu leh pate hian kan fate kan hmangaih danah hian an sual kan zep pui tlat \hin tih hi darthlalang aia fiah hian min hmuh chian tir hle. Kan fate sualna kan zep pui a, kan \an tlat hian khawtlangah mi hnawksak tur kan chher chhuak tihna a lo ni a, chu khawtlang tana mi hnawksak chuan ram hmel a ti bal a, hnam angina mualphona tlangah min chuan chhuah tir \hin tih hi chhungkaw tin hian hre nawn leh mawlh teh ang u. Kohhranin KRISTIAN CHHUNGKAWCAMPAIGN a tihte hi a \ha em em a, Nuleh pa te hian a hmasa berin kan thinlung chhungah kristian chhungkua hi din hmasa ila, tichuan kristian chhungkaw dik chuchhung tin hian kan din ang. Khawtlang kan hlim ang a, ram a hlim ang a, hnam chhuanawm kan ni ang a, hnam dang entawn tlak Kristian ram kan ni bawk ang.
Chuti chuan kan rualhlui kal tate duhthusam 'ramnuam I siam ang u' tihte kha hlaa sa mai loin a takin kan lo chang tawh ang. Chu Kristian ramnuam a\anga Missionary kalchhuakte tan pawh hmalak a nuam ang a, kan State hlimthla a\ang chuan an hnathawhna tur hmun hnawk awlsam taka thenfaina a lo ni ang. Chutiang kan lo nih chuan Kristian state nuam leh hlim nih chak hian Missionary tir turin State hrang hrang hian min au chuah chuah mai dawn a ni tiin kei lungmawl hian ka dawn ve \hin???
Post a Comment