cow slaughterPrime Minister Narendra Modi-a kaihhruai NDA sorkar chuan talh tura bawng hralh khapna thupek a siam chu a siamṭha dawn nia sawi a ni. 

Ministry of Environment an Forests official chuan sawisel hlawh zui tak, he thupek hi sut a, ennawn leh turin Law Ministry-ah file an thehlut tawh niin a sawi. 

May 23 khan sorkar laipui chuan talh tura bawng hralh leh zawrh khapna thupek hi a tichhuak a, hei hi sakhaw thil vanga siam nia sawiin, eptu party leh sa zuartute pawhin lungawi lohna an lo lantir fo tawh a ni.  Sorkar thupek tihchhuahah hian state border aṭanga km 25 leh international border aṭanga km 50 bial chhunga ran zawrhnaa baeng zawrhna siam pawh khap a ni bawk. 

India Sorkarin bawng hralh khapna thupek siamṭha dawn


July thla khan Supreme Court chuan sorkar thupek hi thla thum chhung atan a lo dan sak a ni. 

Bawng talh khapna thupek sawiseltu zingah hian West Bengal Chief Minister Mamata Banerjee pawh a tel a, Trinamool Congress hotu hian he thupek hi democracy kalphung lo leh, ram danpui kalh niin a sawi a ni. Tamil Nadu, Kerala leh Karnataka state-ahte pawh bawng talh khapna thupek hi nasa taka dodal a ni bawk. He khapna hian loneituten an bawng vulh an hralhna kawng thlengah nghawng a neih avangin ramchhunga loneitute pawhin an dodal nasa hle a ni. 

Environment minister Harsh Vardhan chuan khapna thupek hi ennawn a nih tur thu a sawi a, he khapna siam a nih chhan chu ransa laka rawng taka chetna thleng ṭhin venna tura tih a nih thu a sawi. Midangte ei tur leh sumdawnna lam nghawng tura tih a ni lo niin a lo sawi tawh a ni. -Vanglaini

Post a Comment

Powered by Blogger.