LAWNGTLAI CHANCHINTHAR: LAWNGTLAIAH NLUP SPECIAL CAMPAIGN CHUNGCHANG SAWI HO - TIMES OF MIZORAM

Post Top Ad

30 Nov 2017

LAWNGTLAI CHANCHINTHAR: LAWNGTLAIAH NLUP SPECIAL CAMPAIGN CHUNGCHANG SAWI HO

LAWNGTLAI CHANCHINTHARVawiin khan Lawngtlai Bawrhsap Dr Arun T., IAS hovin a room-ah NLUP line department te’n Lawngtlai District chhunga NLUP hma lakna leh hlawhtlinna puanzar dan tur chungchang an sawi ho.

Lawngtlai Bawrhsap chuan NLUP Implementing Board (NIB) atanga lehkha an hmuh chungchang sawiin, NLUP hnuaia hma lakna hrang hrang leh a hlawhtlinnate puanzar nan special campaign neih tur a nih thu a sawi a. Hemi atan hian state, district leh block level committee din tur niin, vawiin meeting-ah hian Lawngtlai District leh block level committee chu din nghal a ni.

Lawngtlai District Level Committee-ah hian AH & Vety Minister Pu C. Ngunlianchunga, Lawngtlai West bialtu MLA chu Chairman a ni ang a. Lawngtlai DC chu Member Secretary niin, Tuichawng Bialtu MLA Dr BD Chakma, Lawngtlai East Bialtu MLA Pu H. Zothangliana, line department hrang hrang hotute, DIPRO leh tlawmngai pawl ai awhte chu member an ni ang. Block level-ah chuan Bialtu MLA Chairman-na hnuaiah, BDO chu Member Secretary niin, line department leh block tina tlawmngai pawl ai awhte chu member an ni ang.

He meeting-ah hian special campaign kalpui dan tur sawi ho nghal niin, kum 2018 Republic Day laiin NLUP Fair-cum-Exhibition buatsaih ni se, tih a ni a. Hetah hian NLUP line department hrang hrangte’n NLUP hnuaia an thar chhuahte leh an hlawhtlinnate an pho chhuak dawn a ni. Hei bakah hian NLUP hma lakna tar lan nan Beautiful Lawngtlai Project nena kai kawpin khawpui chhunga kawng ko bang remchang laiah NLUP kaihhnawih lemziak leh thuziak buatsaih ni se, tih a ni bawk.
-DIPR Mizoram

No comments:

Post a Comment

Post Bottom Ad