Vawiin khan Lawngtlai District chhunga sentut hri danna pek beihpui thlak tur bul tan nan Don Bosco School Hall-ah Measles Rubella Vaccination Campaign buatsaih a ni.
He hunah hian Lawngtlai District Immunization Officer (DIO) Dr S. Thaizi chuan sentut natna awmzia leh sentut natna laka inven dan turte a lem nena entirin a sawi fiah a. Lawngtlai District bika mawhphur tura ruat WHO hnuaia Surveilance Medical Officer (SMO) Dr Amitabha Sarkar chuan he sentut natna laka invenna chungchanga hma an lak dan tur a sawi fiah bawk.
Dr Amitabha Sarkar hian Lawngtlai District hi thla thum chhung a awm chilh dawn a. Hemi chhung hian naupang thla 9 atanga kum 15 inkar a tam thei ang ber hnenah sentut venna vaccine an pe dawn a. Lawngtlai District khaw hrang hrangah he programme hi an kalpui dawn a ni.-Dipr Mizoram
Post a Comment