 |
| Representative Image |
Hawla Auditorium ah November ni 24 zan, dar 7:00 khian Mizo Film Award 2017 chu Department of Information and Public Relations leh Mizoram Film Promotional Society huaihawtin semchhuah a ni dawn ta. He hunah hian Mizo film ngaihlutu zawng zawng te chu he hun hmanpui tur hian sawm an ni a. Award sem zan hian entertainment program tam tak a tel ang.
Kum 1996 khan AFADCO ltd te huahawtin Mizo Film puala Award hmasa ber chu semchhuah a lo a ni awh a.A hnuah MFPA in tum thum lai an lo sem ve tawh bawk a ni.
Kum 2012 a Mizoram Sawrkar in Information and Public Relations Department chh Visual Arts Nodal Department atana a ruat hnuah nasa taka film lama hmasawnna a awm theihna turin hmalak a ni a. Film Production, Acting training te buatsaihin Film insiamsiakte pawh neih thin a ni a. Department hmalakna hian rah tha chhuah zelin tunah hian hmasawnna tam tak hmuh tur a lo awm ta a ni. Hetia hmasawnna alo awm chhoh tak zelah chuan Film Award hi sem leh nise tiin, Mizoram Film Promotional Society te nen thawkho in Mizo Film Award 2017 hi sem a lo ni dawn ta a ni.
He Award atan hian Feature film 20, Documentary Film 13 leh Short film 3 a lut a. Jury mi pariat ruatin an ni hian endik hna an thawk a ni.
He Award semchhuah zanah hian luh man a awm dawn lo a. Mi zawng zawng tel turin Award buatsaihtute chuan an sawm a ni. -DIPR Mizoram
Post a Comment