Vawiin khan Mizoram Adhoc-Aided Middle School Teachers Association General (MAASTA) Conference vawi 5-na chu Chanmari YMA Hall-ah hman a ni a, Pu Joseph Lalhimpuia, MLA-in khuallian niin a hmanpui.
Pu Joseph Lalhimpuia chuan zirtirtute chu khua leh tui tha, kohhran leh khawtlang tana mi tangkai, dinhmun pawimawh tak luahtute in ni a, in sukthlek leh in hmalakna hian zirna mai bakah khawtlangah pawh danglamna leh hmasawnna a siam nasa thei hle a ni a ti a. Mihringte hian kan thawhrahah zel hlimna leh lawmman kan hmu thin a, chutiang hlimna leh lawmman chu hmu turin zirtirtute ngaisangtu zirlaite tan zirtlak ni tur leh zirna tha siam tura theihtawp chhuah turin zirtirtu kalkhawmte chu a chah a ni.
Mizoram Adhoc-Aided Middle School Teachers Association-ah hian member 350 vel an awm a, chawhnu lamah rorel inkhawm leh hruaitu thar thlanna an nei nghal a ni.
Post a Comment