Vawiin chawhma khan Agriculture Minister Pu K.S.Thanga chuan ITC Hnahthial tlawh in Pu.C.Laldingliana, Principal, ITC Hnahthial leh a thawhpui ten an lo dawngsawng a ni.
Pu KS.Thanga chuan thu sawi in zirlai te chu ram tana mi tangkai tak ni turin a chah a, ITC hi sawrkar in Diploma zir theih natur in hmalak mek a ni a ti. Certificate chauh ni lovin thiamna tak tak nen a zirchhuak thei tur khawp a taihmakna leh thawhrimna nen a zir turin zirlai te a chah a ni.
ITC a tlawh zawh hian Krishi Vigyan Kendra (KVK) tlawh leh in Dr.Lalmuanzovi, Sr.Scientist & Head leh a thawhpui ten lo dawngsawng in Pu.K.S.Thanga chuan kuthnathawktu te tan a mi pawimawh scientist ho hian ram tan a inpek a hmasawnna lam hawi zawng a kal turin a duh a, kuthnathawktute harsatna sukiangtu an ni in tangkai tak a thawk turin a chah bawk a ni. Agriculture department ah hian technology thar te a lo chhuah belh zel in chumi mil a zir a kuthnathawktute chhawr tlak khawp leh hmasawn zawng a kalpui turin a chah a ni. Pu K.S.Thanga hian KVK farm a hmalakna te a hmun ah kal in a en bawk a ni.
Hemi zawh hian Hnahthial Bazar Hall ah MSU, Hqrs Hnahthial buatsaih in "Zirlai Ti Tha Te Chawimawina" hun ah khuallian ni in a hmanpui. Zirlai ti tha chawimawina hun hi Lalbiakhlua, President, MSU Hqrs Hnahthial in kaihruai in Khuallian chuan thu sawi in Mizo te hi lehkha zir hman kan ni a, vai ram ah chuan chi inthliarna avangin zirna ah an buai thin a, Mizo te chu kan Kristian na avangin inthliarna a awm ve lo a ni. Zirna lam ah harsatna awm lovin kan zir thei a khawpui pa in a tih theih chu thingtlang pa pawhin a ti thei a ni a ti. Zirlaite hian D3 formula (dedication,determination,Dicipline) kan hman chuan kan tum ram kan thleng thei a ni. Tum ram hria apiang an hlawh tling thin a ni a ti. Tum ram, inpekna leh inthununna neih loh chuan mi tha ah a chhuah theih loh. Zirlai chawimawi tak te hi an kalkawng a thui hle a tunlai khawvel changkang chho zel ah certicate leh degree neih ringawt hi a tawk lova, inelna khawvel a nih tawh avangin in el pha turin taihmakna leh tawrhchhelna nen a kal turin a fuih bawk a ni. Kan ram humhim tur chuan zirna leh thiamna a ngai a, thawhrimna nen a kan zir chuan Khawvel ah kan par chhuak thei a ni a ti. Goal a kan chian chuan zirna hmangin kan ram hi ram changkang ah kan siam thei a ni a ti. Zirna bahlah zawng a social media hmang lo turin zirlai te a chah a ni.
Khual zahawm Pu Lalkhawngaihzuala, Fin, Secy MSU Hqrs, Aizawl leh Uaptu Pi Lalhruaitluangi, SDO (C) Hnahthial tepawhin thu an sawi bawk a ni. Vawiin a zirlai ti tha chawimawi tak te hi 32 ni in HSLC, HSSLC, BA, MA leh BE te an ni. -DIPR Mizoram
Post a Comment