Mizoram People Forum (MPF) chuan, nimin khan kum 2018 Assembly inthlan lo awm tura political party-te nena thawhhona thuthlung an siam chu Zoram Peoples' Move­ment (ZPM) leh PRISM hnenah an hlan.
ZPM pisa thawhhona thuthlung inhlanaah MPF vice chairman Rev. B Sangthanga chuan, "MPF leh political party-te thawhhona hi thil thar a ni lo. Kum 2006 bye-election aá¹­anga hman á¹­an a ni a, political party-in an zawm á¹­hat avangin state dangte pawhin an awt hle. Kuminah kum dang aia thawhhona duan hma a nih chhan chu, thawhhona tihhlawhtling tura political party-te an inpuahchah theih nan a ni," a ti.
In tina luta campaign (house to house campaign) neih phal loh á¹­hin chu political party-te duh danin, kum 2018 inthlanpuiah chuan phal a ni dawn tih sawiin Rev. B Sangthanga chuan, "Hei hi sum thianghlim lo chetna leh candidate-te insensona ber a nih á¹­hin avangin political party-te'n MPF ruahmanna an zawm a ngai dawn hle a, inremna thuthlung bawhchhe turte pawh uluk taka ven a ngai dawn a ni," a ti a; party tinte chu picnic leh ruaiá¹­heh buatsaih lo tura beisei an nih thu a sawi. 
ZPM general secretary K Sapdanga pawhin thu sawiin, "MPF leh political party-te thawhhonaah mi dangte entawn tlak khawpa hmalak kan tum. Tun hma lam chuan MPF leh political party-in thawhhona thuthlung a duan hi political party-te'n bawhchhiat an tum ngar ngar a, MPF lamin a ven hna an thawk thung. ZMP chu he thuthlung bawhchhetu ni loin, a venpuitu a ni zawk dawn a ni," a ti.
K Sapdanga chuan, Election Commission of India-in candidate-te sum sen theih zat cheng nuai 20 a bituk chu party dang tan tlem viau angin lang mah se, ZPM tan chuan tam tham tak a nih thu sawiin, "Cheng nuai 5-ah reh bun theih kan duh zawk a ni," a ti a; thawhhona thuthlung hi party dangin bawhchhiat tum mah se, an party chu a tawp thlengin MPF lamah a á¹­ang dawn tih a sawi. 
PRISM pisaa thuthlung inhlannaah PRISM president Vanlalruata chuan, political party-te nen thawhhona thuthlung an duanah hming ziak ve tura MPF-in a sáwm chu an lawm hle tih a sawi a, "Thawhhona thuthlung hi uluk takin kan zir chiang a, 100% tihhlawhtlin kan tum. Rorelna dik leh sorkar ṭha siam hi kan tum ber a ni," a ti.
Tuna Mizoramin a mamawh nia a hriat sawiin Vanlalruata chuan, "Ram leh hnam humhalh ngam, á¹­halai leh á¹­hangthar zelte chhawr tham sorkar ruhrel leh inawpna siam-
á¹­ha ngam, dan zawma dik taka lekkawh ngam, langtlang, eiruk hmangte hrem ngam, mipui nawlpui hamá¹­hatna pe thei, ram hausakna leh hmasawnna ruhrel dinsa hmang tangkai thiam, hmasawnna ruhrel din thei leh sumdawnna awmze neia kalpui thei sorkar din a ni," a ti a; chu'ngte chu sorkar á¹­hain a tih tur nia a hriat thu a sawi. -Vanglaini

Post a Comment

Powered by Blogger.