Mizoram Football Association leh 8one Foundation ṭangkawpin an buatsaih Young Legends League chu vawiin hian Champhai, Chhangphut khelmualah khelh ṭan a ni dawn ta, a hawnna hun hi zing dar 9:30-ah neih ṭan a ni ang.


Kum 12 hnuailam tana buatsaih league-ah hian team 36 telin under 12, 10 leh 8-ah ṭhen an ni. Inelna hi 5 vs 5 (Five a side) a kalpui tur a ni a, age group khatah team 12 zel awmin team khatah player pasarih zel an awm dawn. 
Thla sarih chhung neih tur inelnaah hian team tin hi match thum ṭheuh an inkhel kual dawn a, match 594 khelh a ni ang - team tinin match 33 zel an nei dawn tihna a ni. 
Kartin Inrinniah zel khelh tur niin match tinah man of the match thlan an ni ang. Age group tina champion hian Rs. 10,000 leh runners up-in Rs. 5,000 ṭheuh an dawng dawn a ni. 
Inelnaa tel tur team-te hian jersey an dawng vek a, hei hi 8One Foundation lamin an tum sak vek a ni bawk.

Post a Comment

Powered by Blogger.