Vawiin khan IAS 2016 batch, AGMUT leh India Hmarchhak State Cadre officer 21 ten NLUP Implementing Board (NIB) Conference Hall ah NLUP kalphung leh hnathawh dan te an zirchiang.
NLUP chungchang zirhona hi NIB Secretary Pu James Lalrinchhana, MCS-in a kaihruai a, NIB Vice Chairman Pu PL Thanga, (IAS Rtd) chuan NLUP kalphung leh nihphung te sawifiahin powerpoint presentation a pe a ni. Pu PL Thanga chuan NLUP thil tum leh he ruahmanna in mirethei te dinhmun chawikan a tum dan leh ram leilung tichhe lova hmasawnna kalpui a tum dan te leh ram leilung humhalh a tum dan te a sawifiah a. NLUP avanga UNO leh University of Minnessota, USA te nena thawhdunna kalmek te pawh a sawi lang bawk. IAS Probationer officer te nen hian NLUP chungchang sawihona hun hman nghal a ni bawk.
Vawiina IAS 2016 batch, AGMUT leh India Hmarchhak State hrang hrang cadre officer te hi nimin khan Aizawl rawn thlengin Mizoram sawrkar kalphung te an zirchian hnuah naktuk hian Mizoram an chhuahsan lehnghal dawn a ni.
Post a Comment