Vawiin chawhnu dar 1:00PM khan Siaha Circuit House-ah Siaha District a NLUP Fair-Cum-Exhibition hman dan tur relin, District Level Organising Committee member te an thukhawm. He meeting hi Pu Hiphei, Speaker, Mizoram Legislative Assembly leh District Level Organising Committee Chairman ni bawk chuan a kaihruaia, Dr.K.Beichhua, MLA leh District Level Organising Committee member ni bawk pawhin meeting hi a telpui.
Vawiina Siaha District NLUP Fair-Cum-Exhibition Organising Committee thukhawm chuan huangzau tak leh inpawh takin NLUP Line Department hrang hrang te remchan rual dan tur  te, an thil phochhuah tur awm remchan dan te thlir chungin NLUP Fair-Cum-Exhibition hi thla thar December ni 15 ah District Playground Siaha Vaihpi-ah neih ni se, ti a rel.  He NLUP Fair-Cum-Exhibition-ah hian NLUP beneficiaries ten an thil tharchhuah hrang hrang te zawrhna leh phochhuahna hun an hman bakah NLUP Photo Exhibition te pawh neih nghal tur a ni.  NLUP Fair-Cum-Exhibition hlawhtling taka Siaha District a hman a ni theih nan kan  inpuahchah dan thlir hona Review meeting  hi  December ni 5 neih leh turin meeting chuan a rel bawk.
Siaha District NLUP Nodal Officer leh SDO(S) ni bawk  Pi Lalnunmawii chuan NLUP Fair-Cum- Exhibition buatsaih nan Siaha District chu  cheng nuai Rs.10/-  NIB( NLUP Implementing Board)  atang pek kan ni thu sawiin, Pawisa erawh a la dawn rih lo thu meetingah a thlen bawk. -DIPR Mizoram

Post a Comment

Powered by Blogger.