![AIZAWL ART FESTIVAL: MIZORAM FESTIVAL AIZAWL ART FESTIVAL: MIZORAM FESTIVAL](https://blogger.googleusercontent.com/img/b/R29vZ2xl/AVvXsEgMOaWEbm0i9PdfSpbqwAe6CMx-emsIZnqzqEw_XkzSXq-p4T3k_t20gSyYo4whNC6h0Zoiq_EPhuvhbQ_mwAn6q9jh7ZidaIEn0bQfelwsKz7K2ro0LdAOPYRa9rG-YDSEBl4feD0qINw/s320/Aizawl+art+festival+%25281%2529.jpg)
Aizawl Art Festival hi Art & Craft Exhibition-cum-Seminar a ni a. December 16, 2017 thleng awh tur a ni. Hawnna thu sawiin Pi Lalnithangi chuan, Art hi mihring nuna bet tlat, mitin tena kan kawl a ni a. Pathianin thiam thil hreng hrang mitin hnena a dah zingah Paintings leh Crafts te hi thil pawimawh tak a ni, a ti. Thalaite tana nunkawng kaihhruaina petu Painting leh Art te hi sum hmuhna tha tak a ni thei a, artistes ni tur chuan ‘thluak, mit leh kut’ te thiam taka a chet a ngaih avangin a ngaihlutawm hle a ni, a ti. Pi Amawiin huaisen tak leh thahnemngai taka Art Festival a buatsaih chu lawmawm a tih thu Pi Lalnithangi chuan a sawi a. A ma Art Gallery Art Novelty a artiste naupang te te an thiamthil tih hmasawnna tur a buatsaih thin chu fakawm hlea a hriat thu a sawi a ni.
AIZAWL ART FESTIVAL: MIZORAM FESTIVAL
![AIZAWL ART FESTIVAL: MIZORAM FESTIVAL AIZAWL ART FESTIVAL: MIZORAM FESTIVAL](https://blogger.googleusercontent.com/img/b/R29vZ2xl/AVvXsEguc96Ft-i98BIX8017ZSn2Zemg0i3cesjLHO94SAFUHP51a3imekWjR0-aR9T1YgHdx5fhYXH6ymHwJkgNe-yxJfXUgB2On0TlMLM9D6sWpFB0JV9qH5_Xuac7leK4QhtK-pxHKT0LAP4/s320/Aizawl+art+festival+%25282%2529.jpg)
Pi Lalhmingmawii (Amawii) Art Novelty neitu in thu a sawi bawk a. Paintings a luhchilhna kawngah a chhung ten nasa taka an phurpui leh a sira an din tlat avanga tun hun thleng thei a nih thu a sawi.
Aizawl Art Festival hian 16 December, 2017 thleng a awh dawn a. A duh apiang tan man awm lovin a en theih a, mithiam kutchhuakte hi lei theih a ni bawk a ni. 15 december, 2017 hian Art Seminar neih a ni dawn bawk a. Hetah hian mithiamten zirtirna an pek bakah sawihona neih a ni ang.
Artiste 45 ten an kutchhuak 71 he Festival ah hian an pho chhuak a. State pawn atangin 12 tarlan a ni bawk a. Naupang 6 ten an kutchhuak an dah bawk a ni. Silchar University atangin Prof. Dr. Rajkumar Majumdar pawh he hunah hian a rawn tel a ni.-DIPR
Post a Comment