DARLAWN KHUA MIZORAM-AH TUALCHHUNG THAR NLUP VAWKNOTE SEM A NIVawiin chawhma khan State Veterinary Dispensary, Darlawnah A.H & Vety Department buatsaihin NLUP 3rd & 4th Phase hnuaia beneficiaries mi 33 te hnenah Darlawn khuaa thar chhuah, khawtual Vawknote 82 sem chhuah a ni. Heng Vawknotete hi State Veterinary Dispensary, Darlawna Veterinary Officer (VO) Dr.K.Zothanpuiin a dawngtu turte hnenah a sem chhuak a ni. 

Vawknote sem chhuah turte hi Veterinary Officer leh Staff ten sem hma hian endik vekin, chhe lutuk leh him damlo ang chi reng rengte chu sem chhuah a ni lo a ni. Tin, beneficiaries-te hi Vawknote hlan chhawn an nih hma hian uluk taka an enkawl zui dan turte hrilhhriat an ni bawk a ni. VLNC (Village Level NLUP Committee) te pawhin vawiina NLUP semna hi an tawiawm a ni.

Darlawn khua hian hun engemawchen atang tawh khan Vawknote an intodelh tawh a; hmun dang atangin Vawknote an lalut / chawlut tawh ngailo a ni. NLUP hnuaia Vawk vulh thlangtute hnena sem chhuah tur Vawknote pawh hi First Phase atang tawh khan anmahni thar chhuah ngei sem a lo ni tawh thin a ni.

DARLAWN KHUA MIZORAM-AH TUALCHHUNG THAR NLUP VAWKNOTE SEM A NI

Post a Comment

Powered by Blogger.