![MAMIT CHANCHINTHAR TUALCHHUNG CHANCHIN MIZORAM](https://blogger.googleusercontent.com/img/b/R29vZ2xl/AVvXsEgj-PgRB83SoR5J9ebQirUBaTTE-78YlUWGfTD-2FKKUaSi7RcO9Ln7ZnwH-64p1war8XcqS1ypfttUNwzyfvj9vVjhfPiDNnQLND_abcuZkClYrSX6CdQRsSXtpH94LL7Gh3WLIvIrkRg/s320/New+Microsoft+Office+Publisher+Document.jpg)
Pu H.Lianzela, Addl.DC chuan Sawrkar laipuiin hriselna kawnga hma a lakna Sentut (Measles) leh Rubella (Nau piansualna thlentu) laka fihlim tura beihpui a thlakna kawngah Health Department a thawktute mai ni lovin Education Department a thawktute nena hmalak a ngaih dawn thu a sawi a. Kan hriselna kan vawn uluk loh avangin natna tam tak hi chu kan tawrh phah a awm fo thin a ni a ti. He beihpuithlak chhunga tih takzet leh uluk taka thawk turin thawktute a sawm a ni.
Dr.Ayanava Basu, Visiting Surveillance Medical Officer, World Health Organisation chuan a lem nen zirtirna a pe a ni.
Sawrkar laipuiin Sentut (Measles) leh Rubella (Nau piansualna thlentu) laka kan fihlim theih nana hma a lak hi ruahman lawk ang chuan Kumthar January Ni 18 atanga tan tur a ni a. He hmalakna hnuaiah hian naupang thla 9 atang kum 15 la pum lo zawng he hridanna hian a huam dawn a ni.
Workshop hi Dr.Zothankhuma, CMO Mamit chuan kaihruaiin Mamit District chhunga Medical Officer, Health Worker-te leh SSA Mission a thawktute an tel a. Medical Officer-te hian anmahni Block theuhah Training an pe leh ang.-DIPR
Post a Comment