Beisei Bo
Hun kha leh chen hlim leh lungrual ten,
hlim lai ni par tlanin kan leng;
I sakhmel ka chhing mitthlaah a cham,
I sakruang ka tawnmanga a cham ṭhin.
Hlim lai ni te par ang vul zel se,
Lawm lai nite chawi mai lo se;
Tia duhthu ai ang ka sam zawng kha,
A thlawn mai ang an chang zo ta.
Duhthu ai ang ka sam ṭhin a,
Lungrualtea kan len lai ni zawng te;
Beisei bo aw... beisei bo ka beisei ṭhin.
Lenrual zawngte'n hlim zai an vawrin,
Tlaikhua lo ngui run an bel;
Kei zawng hlim zai reng ka rel thei lo,
Sianglawina run hai ang a cham reng ṭhin.
Post a Comment