PI LALNITHANGI, I&PR DIRECTOR Information & Public Relations Department Director Pi Lalnithangi, MIS chu nimin khan a department staff ten I&PR Auditorium-ah superannuation pension-a a chhuah dawn tak avangin an thlah a, he hunah hian I&PR Secretary Pu Biaktluanga, IAS leh Secretariat Staff te, MJA hotute leh District I&PR Officer te an tel bawk a ni.
Pi Lalnithangi chuan kum 36 lai sawrkar hna a thawh chhunga hun hlimawm leh boruak chi hrang hrang a tawn te, Pathianin tluang taka a hruai avangin lawmthu a sawi a. I&PR-a a thawh chhung zawnga sawrkar kutke ni thei tura a thawhna zawng zawngah a thawhpuite tawiawmna te, MJA te nena thawhhona tha tak an neihte chu a ngaihlu hle tih a sawi a ni.

Pu David L.Thangliana, Joint Director in Director thlahna hun hi a kaihruai a, department aiawhin Pi Lallianpuii, Joint Director in thlahna thu a sawi a ni.

Pu Vanlalrema Vantawl,MJA President pawhin thu sawiin Pi Nii chu amah leh a thawhpuite chuan an ui dawn hle tih a sawi a. A hun laia Journalist te hmathatna ngaihtuah thintu a nih avangin an hre reng dawn a ni, a ti.
Department Staff Welfare te, Mizoram Information Service Association te, Mizoram Journalist Association leh I&PR Secretary and Staff ten uina thuziak leh thlahna pangpar te Pi Lalnithangi hi an hlan a, zanriah an kilho nghal a ni.

PI LALNITHANGI, I&PR DIRECTOR













Post a comment

Powered by Blogger.