Robinhood Chhakchhuak

" Chutichuan a hun a thleng dawn ta, tunah pawh a thleng tawh mek, chu mi hunah chuan Pathian chibai buktu taktakten thlarau leh thutakin Pa chibai an buk ang. Pain chutiang mi chu a chibai buktu turin a zawng a ni. Pathian chu Thlarau a ni a; a chibai buktuten thlarau leh Thutakin chibai an buk tur a ni," a ti a.(Joh;4:23-24). But the hour cometh, and now is, when the true worshippers shall worship the Father in spirit and in truth; for yhe Father seeketh such to worship him. God is Spirit; and they that worship him must worship him in spirit and in truth.

Worship tih hi, Pathian biakna, chibai bukna, rawngbawlna tiin a hrilh fish theih awm e. Pathian chibai bukna dik chu, Pathian thu awih tur leh a thu thua awm tura Pathian bawih ni tura a hnena inpumpekna hi a ni.( Tu hnenah pawh an thu awih tura bawiha in luh chuan, thihna khawpa sual bawih emaw, felna khawpa thu awih bawih emaw, a thu in awiha bawih chu in ni tih in hre lo em ni?.Rom;6:16.)
Pathian chibai buktu dik ni tur chuan, Pathian thu leh a dan siamte kan hriata kan zawm a ngai a, chu mi hre tur chuan tawngtaina nen Bible a Pathian zirtirna te kan chhiar thin a ngai ngei ang. Miin Thutak a hriat loh chuan engtinnge Thutak hmangin Pa chibai a buk theih ang?


THUTAK CHU ENGNGE NI?

Tin, Pilatan a hnenah," Chu, lal i ni elo? a ti a. Isuan," Ni e, lal ka ni asin, Thutak hriattir hi ka pian chhan leh khawvela ka rawn kal chhan a ni. Tupawh thutaka mi apiangin ka thu an pawm thin," a ti a.
Pilatan a hnenah," Thutak engnge ni?" a ti a. Pilata anga Thutak chu engnge ni tih hre lo tan chu, Thutak hmanga Pa chibai buktu nih chu a har viau awm e.
Sam;119:151;- Aw LALPA, nang chu i hnai a; I thupek zawng zawng chu Thutak a ni.
Sam;119:160;- I thu infinkhawm chu Thutak a ni a; I rorelna fel tinreng pawh hi kumkhuain a awm reng ang.
11Samuela;7:28;- Aw LALPA, PATHIAN, nang chu Pathian i ni a; I thu chu Thutak a ni a, tin, he thil tha hi i chhiahhlawh hnenah i tiam tawh a.
Joh;17:17;- Anni chu thutakin tithianghlim rawh, i thu chu Thutak a ni.
Joh;14:6;- Isuan a hnenah," Keimah hi kawng leh thutak, leh nunna ka ni keimaha kal lo chu tumah Pa hnenah an thleng ngai lo, a ti a.
1Joh;5:7;- Hriatpuitu chu Thlarau hi a ni; Thlarau chu Thutak a nih avangin.
Heng Bible thu kan han tarlan atangte hian, Pathian leh a ka atanga thu chhuak zawng zawngte leh a dan siamte hi THUTAK chu a ni tih kan hre thei awm a, Thutak chu boral ve lo tur, chatuana awm tur a ni. Lei leh van a ral ang a, ka thu erawh chu a ral lo vang.( Matth;24:35, Marka;13:31, Luk;21:33.)
Chi chhe thei lakah ni lovin, Pathian thu nung reng leh awm rengah chuan chi chhe thei lo laka piang nawn in ni zawk si a.
Mi zawng zawng hlobet ang an ni a;
An ropuina zawng zawng pawh,
Hlobet par ang a ni,
Hlobet chu a vuai a, a par chu a tla a, LALPA thu erawh chu, chatuanin a awm reng a ni," tih a ni si a. Chu chu a ni Chanchin Tha thu an hrilh che u kha.( 1Pet;1:23-25, Is;40:6-8 )


THUTAK CHU ENGTI HRIAT FIAH THEIH NGE?

Setana thil tum chu thlarau leh Thutak hmanga Pa chibai mi buktir loh hi a ni, Pathian thu mi hriat dik loh tir leh hman sual tir hi a tum ber a ni a; Isua pawh kha thlalera ni sawmli chhunga a thlem khan, Pathian thu hman sual tir tumin, tih ziak a ni, tih hmangin, Pathian thu hmang vekin a thlem a nih kha, Chuvangin, Pathian thu dik hriatna leh a thu zawmna atang chauhvin, Pathian chibai buktu dik, thlarau leh thutak hmanga Pa chibai buktu kan ni thei ang.
Pathian thu chu Thlarau Thianghlim puihna in kan hre fiah thei. " Keini erawh chu chung chu Pathianin Thlarauvin min hriattir ta a; Thlarau chuan engkim a chhui chhuak si thin; a ni, Pathian thu ril pawh. 1Korth;2:10.

' Remruat leh hriatna dik hi ka ta a ni a; Hriatthiamna ka ni a, chak tak ka ni. ,Thuf;8:14.
Thlarau Thianghlim nei lotu tan chuan Pathian thute hi hriat dik theih a ni lo, thuruk a nih avangin; LALPA thuruk chu amah tihtute hnenah a awm a, A thuthlun chu anmahni a hriattir ang.(Sam;25:14). Chuvangin Pathian thu hrethiam tur chuan Thlarau Thianghlim neitu leh, Thlarau Thianghlim tilungngaia, tivui lotu leh timit lotu kan nih a ngai a ni.


Pathian dan siam leh zirtirna kan hriatte kan pawm leh kan zawm hian, Thutak hmanga Pa chibai buktu kan lo ni dawn a ni.
Pathian thu zawm chuang lo leh pawisa silova, kohhran programe siama tel ve ringawt a, Zaipawl ah te, hnatlang leh inpawlhonaah te, etc, tel ve ringawtna hi, ' thlarau leh Thutak hmanga Pa chibai bukna' a ni lo a ni tih kan hriat a tha.

Tin, Samuela chuan, " LALPA chuan LALPA thu zawm chu a lawm angin halral thilhlante leh inthawinate hi a lawm em ni? Ngai teh, inthawina aiin thuawih chu a tha zawk a, berampa thau aiin a thu paem chu a tha zawk a ni. Helna hi aienthiamna sual te nen a inang a, luhlulna hi milem biak leh Pathian lem biak tluk a ni. LALPA thu i duh loh avangin ani pawhin lal atan a duh ta bik lo che a ni," a ti a.(1 Samuela;15:22-23). Inthawina duh lovin khawngaihna ka duh si a; Halral thilhlan aite chuan Pathian hriatna ka duh zawk a ni.(Hosea;6:6).
Pathian leh a thute kan hriat a, kan zawm a, kohhran tana kan nun hi, Thlarau leh Thutaka Pa chibai buk dan dik chu a lo ni e.

Post a Comment

Powered by Blogger.