Sports Stadium ropui tak hawn a ni ta hi lawmawm kan ti
Thalaite khawvel thar min dinsaktu Pu Lal Thanhawla leh Pu Zodintluanga te kan chhuang takzet a ni. - MPYCC
Mizo mipuite, a bikin thalai tena kan lo awh leh nghahhlelh em em, Sports Stadium changtlung leh ropui tak tunhnaia kan Chief Minister zahawm takin Champhai Zotlang hmuna a hawng ta hi MPYCC te chuan ropui kan tiin; lawmawm kan ti hle a. He Sports stadium a lo puitlin theih nana thawktu zawng zawngte chungah thinlung takin MPYCC chuan lawmthu kan sawi a ni.
Thalaite khawvel thar dintu, mahni thutiama dinnghet tlat, hruaitu ropui Pu Lal Thanhawla, Chief Minister Zofaten kan nei hi a lawmawmin a thlamuanthlak kan ti tak zet a. A kaihhruaina hnuaiah hian thalaite’n kan la hmuh leh tawn ngai loh tam tak kan chang chho mek a, hengte hi ropui kan tiin, lawmawm kan ti hle a. Thalaite hmangaihtu Pu Lal Thanhawla hi kan chhuang takzet a ni.
Mizo thalaite Infiamna lama kan tuihalziate hria a, infiamna hmun leh hma changtlung tak tak hun reilote chhunga Mizo thalaite min chhawp chhuahsaktu, a ngaihna hria Sports Minister chak tak Pu Zodintluanga kan nei hi Mizo thalaite kan vanneihna hlu tak a ni a. A taimakna leh thalai infiammite a hmangaihna avanga a inpekna te, a thahnemngaihna leh rim taka hna a thawh thinnate hi MPYCC chuan ropui kan tiin chawimawi phu kan ti hle a. Ram tana rotling din a nih ngei theihna tura taima taka hnathawh lai a vil thin leh hmun hrang hranga hmalakna a en fo thinte hi fakawm kan ti em em a. India ram state hrang hrang Sports Minister te zingah pawh hnathawk tha leh chak ber niin MPYCC chuan kan hria a, kan chhuangin kan ngaisang hle a ni.
Mizo Thalai infiammite, hmanni lawka vaivut leh chirhdiak kara inkhel thin, “Khelmual tha, khelmual tha” duha au thinte khan Sport Stadium tha tak, artificial grass phah chungah ngei kan lo inkhel ve ta a. FIFA World Cup player TV-ah chauh kan hmuh thinte kha kan khawtualah ngei an rawn tlan thelh ve ta sung sung mai te hi MPYCC chuan lawmawm kan ti takzet a. Heng hmasawnnate hi kan Chief Minister Pu Lal Thanhawla leh Sport Minister chak tak Pu Zodintluanga te vang a ni a, an chungah thinlung takin lawmthu kan sawiin chawimawina kan hlan a ni.
Post a Comment