NEDP hnuaia Tourism Department hmalakna Rural Homestay Scheme Champhai District a siam mekah nithum awh tur Homestay neitute training chu vawiin khan Convention Centre, Berawtlang Tourist Complex-ah tan a ni a. Homestay neitu mi 35 Champhai Distict chhunga khaw hrang hrang Vangchhia, Dungtlang, Hnahlan, Zokhawthar, Chawngtlai leh Vaphai atanga kal khawmin training hun hi hman a ni.
He hun hi Pu Biakthanmawia Pautu, Director, Tourism Department in a hmanpui a, Homestay neitute fuihna thu sawiin taima taka tih tak takna nena tan kan lak chuan tourism hi eizawnna tlak a ni a ti. Pi R. Lalrinchhani, Nodal Officer chuan he programme hmangtute inhmelhriatna hun a hmang.
Nithum awh tur training-ah hian mithiam ten topic hrang hrang hmangin homestay neitute an homestay hlawk zawka enkawl dan tur an zirtir dawn a ni.
Post a Comment