Vawiin chawhnu dar 1:00 khan D.C Conference Hall, Mamit-ah Pi Lalbiaksangi, District Bawrhsap hovin District Level Core Committee on Reang (Bru) Rapatriation thutkhawm a ni.
Vawiin thutkhawm-ah hian Pi Lalbiaksangi, District Bawrhsap chuan Ministry Home Affairs ruahmanna leh duhdan angin nakum March 2018 atang hian Mizoram mi leh sa Trupura Transit Camp paruka Reang(Bru) awmte hruaikir hna thawk tura tih an nih anga hruaikir hna thawhdan bakah inbuatsaihna kalpui dan tur ngaihtuah tura thutkhawm a nih thu a sawi a.
Ruahman lawk ang hian Tripura Transit camp a Reang bru awmte chu boruak ralmuang tak hnuaia hruai haw an nih theihna tura venhimna kalpui dan tur, an hriselna dinhmun, chen lailawkna, staging area, facilitation centre, zirna kawng, tranportation chungchang leh tuldang hrang hrangte sawi ho a ni .
Nakum 2018 March atanga hruaikir hna thawhna turah hian Mizoram mi leh sa dik tak te hruai haw an nih theihnan endik hna hi nikum 2016 November thla khan an awmna hmuna kalchilhin neih a lo ni tawh a ni.
Reang( Bru) hruaikir turte hi an rawn letna tur khua theuha khawtlang hruaitute leh an mahni lo buaipuitu Administrative Officer buaipuina in an rawn haw huna in an sakna tur in hmun lo ruahman sak vek an ni bawk.
Tripura Transit Camp paruka mizoram mi leh sa diktak te hruaikir hna thawhna turah hian Nikum 2016 November thla-a endikna hna lo thawh tawhna anga kalpui a ni ang.
Meetingah District Level Core Committee on Reang(Bru) Repatriation memberte bakah invitees te an tel a ni.-DIPR
Post a Comment